« September 2018 »
MoTuWeThFrSaSu
 12
3456789
10111213141516
17181920212223
24252627282930
Saturday 10th November 2007 11:43:11 PM
轉地方[ 0 messages] 
General

各位, 從今開始, 我將會轉去用yahoo blog,

下面係我條link,

http://hk.myblog.yahoo.com/cassandrachan/

請多多光臨啦~~~~

See you there!!!

Friday 26th October 2007 09:59:42 PM
Eason concert[ 0 messages] 
General

今晚去左睇Eason演唱會,

好好睇呀!

佢著和服, 好搞笑,

我覺得佢d服裝好得呀!

另外原來佢都幾跳得架喎, 真係睇佢唔出~

佢既唱功真係冇得頂, 一粒音都冇走呀!

Friday 19th October 2007 09:50:59 PM
廸廸尼一遊[ 0 messages] 
General

今日入廸廸尼玩, 有Halloween睇, 好開心,

佢地夜晚個巡遊好好睇好靚,

我地兩場都有睇呀!

仲見到2款Pluto添~ yeah~

Friday 28th September 2007 01:07:13 AM
對自己的獎勵[ 0 messages] 
General

今日約左朋友們食飯,

食完飯興起話去按腳,

好呀, 我其實想去好耐架喇,

不過一直都冇去到,

結果我按左一個鐘腳, 再加半個鐘肩頸,

嘩, 我條頸初時實到呢...痛死我,

後尾按鬆左, 舒服晒~~~~~~~~~~~

返工咁辛苦, 當獎勵下自己, 正~

Thursday 27th September 2007 01:20:03 AM
勁疲累[ 0 messages] 
General

尋晚已經唔夠瞓,

今日返到黎香港仲要趕返屋企再返學,

超級無敵累!!!!

Wednesday 26th September 2007 01:18:14 AM
難忘的台北一夜[ 0 messages] 
General

今日同Jeannie做3 sector去台北,

佢一大早就話唔舒服架喇,

做完第一班機返黎香港叫佢去機場睇醫生又唔去,

結果第二班機時惡化,

最後我地一到酒店, 就即刻去左醫院睇急診,

都算快, 搞左個幾鐘, 12點幾走得,

但我地仲未食晚飯......

食埋飯, 返酒店, 攞返keep左係人地房的行李,

report埋比老總知個情況,

終於返房, 累死左。

我地share room, 本身都可能會share既,

但佢唔舒服就一定更加share啦,

萬一三更半夜有咩事都照應到嘛,

outport病好慘架, 難得有classmate。

讓埋佢沖涼先, 等佢可以快d上床瞓下伸下,

結果3點幾先有得瞓, 第朝7點就要起身返工。

超眼瞓, 有十萬個累.......

Friday 21st September 2007 12:19:41 AM
空中事件簿--明星篇[ 0 messages] 
General

自從"味分高下"播出以來,

我是超級粉絲, 每一集我都一定要追看,

如果要上班或者是上課的話,

我也一定會錄下來看。

亦因此, 喜歡了哈林大哥--庾澄慶,

今天做台北turnaround, transit阿姐執到幾本雜誌,

其中一本封面是他, 我已經立即霸佔了,

怎知, 回程時, 哈林大哥竟然onboard!!!!!!!!!

可惜我今天不是做business class,

可惜我今天身兼兩職, 實在太忙,

其後也無法抽空上去多望他兩眼,

只看到他頭戴cap 帽,

不過看上去, 他真人比上鏡胖一點, 臉圓一點。

他令我今天的心情都高漲了, yeah~~~

Sunday 16th September 2007 02:46:23 PM
空中事件簿 -- 搏懵[ 0 messages] 
General

今日飛名古屋, 班機出名應該好做既。

但今日真係唔知咩事, d日本人可以搞到你好鬼抆架喎。

平時佢地都ok有耐性架嘛, 但今日果d冇囉,

問你攞野係要你"即刻"比佢, 等多陣都唔得。

你岩岩派完餐準備去coffee tea, 佢地就係咁隊d 食完既tray比你叫你收,

呢d都算喇!!!!!!!

今日最最最離譜, 係比個客搏我懵囉!!!!!!!!!!!!!!

個客飲到醉醉地, 問我廁所係邊,

我指住前面用日文同佢講"係果度",

佢已經捉住我隻手拉我,

我阿姐見到都講左句"嘩, 咁狼既?!"

不過以為佢一次半次啦, 冇理佢。

之後我係aisle度幫個客整緊個電視,

你都知條aisle幾窄架啦,

果個醉客死都要過, 係咁迫過黎,

咁我咪閃身讓佢囉, 點知佢都係踩到我,

我咪"哎呀"囉, 佢就學我"哎呀", 同時係咁掃我pat同大脾,

我咪推開佢囉, 激死我呀!

跟住仲成日走入黎galley度呢樣果樣,

到走果時仲特登走黎同我握手喎,

.........(滴汗呀真係!)

Sunday 09th September 2007 02:06:53 PM
車厘茄大佬開花[ 0 messages] 
General

各位, 車厘茄大佬終於開花喇~

仲要係3朵黃色既小花!

希望會結果啦, 好期待呢~

不過佢呢排身體唔係咁好,

有d黃黃地, 希望佢冇事啦~

Saturday 08th September 2007 03:37:59 PM
好sweet的分享[ 0 messages] 
General

今日上堂, 我地個lecturer不嬲都好鐘意用日常生活做example,

亦唔介意用佢同佢"partner" or "female friend"做例子。

今日, 佢又同我地分享左幾多佢同佢partner既事,

1. 識佢既都知佢係好怕麻煩同唔鐘意行街既人,

但佢話今個暑假陪左佢partner去迫Food Expo,

而往年係佢會開車去接佢。

佢話佢既目標, "is to keep the shortest distance between him and his partner",

可見佢係真係純粹陪行的。

2. 佢話過去個summer, 佢日日都車佢partner返工,

以支持佢渡過而家mid-30s既事業上既frustration,

而佢自己回想返, 當年佢自己mid-30s要面對事業上既frustration時,

佢都得到過佢partner既full support,

所以, 而家佢retire喇, 佢就support返佢partner轉頭。

3. 佢話" My partner is pretty. She knows it and I know it. I think she is prettier than many of you. I think she is prettier than all of you.

She is the prettiest woman in the world."

好sweet呀!!!!!

Saturday 08th September 2007 03:20:04 PM
BB & 口水[ 0 messages] 
General

今天晚上出席飯局, 有BB玩,

BB出牙仔, 所以成日流口水同搵野咬,

雖然我地已經買左一個玩具比佢,

但佢好似都係鐘意咬真人多d,

佢在BB車時已經捉住我隻手想咬,

到我抱佢時, 佢連我d 頭髮同衫都唔放過, 又滴口水落我條褲度,

結果, 當佢媽咪抱返佢既時候,

我發現, 我d 頭髮, 同件衫既心口位, 都係濕既...哈哈...

不過算啦, 見佢幾玩得就算啦~

Friday 07th September 2007 03:14:30 PM
補習+飯局[ 0 messages] 
General

今日幫小朋友補習, 二年班lu~

抽問佢一年班時學過的英文,

竟然......錯左一半!!

唉...結果, 話左佢一輪, 我唔會再縱佢架喇。

然後夜晚約左d中學同學食飯,

有人有新工作, 但好多人都對自己現在的工作不太滿意,

我嘛...我只能說, 我在畢業之前都不會離開這份工作的。

Thursday 06th September 2007 03:09:04 PM
開學失敗[ 0 messages] 
General

原本今天應該是今個學期第一日返學, 算是開學日,

但因為要返工, 調唔走, 所以返唔到。

唯有寄望星期六啦~

Tuesday 04th September 2007 03:05:58 PM
5天團[ 0 messages] 
General

今日又做Denpasar,

返黎果程boarding, 有個台灣客經過我身邊望住我,

之後同佢個領隊講左d野,

佢個領隊問我 :"你五日前係咪做過呢班機呀?"

我諗一諗, 問佢係咪指31號,

佢話係, 我話係呀,

佢就話佢個團友認得我,

我話: "吓?係呀?"

佢話: "係呀, 印象深刻"

然後, 我冇再追問點解咁印象深刻lu~

再之後, 到我認得另外一個香港團既領隊, 亦係31號去的,

我咪同佢打聲招呼, "你返黎喇?"咁囉,

到做service時, 佢其中一個團友問我: "乜你識果個領隊既咩?"

我話: "你地5日前黎架嘛"

佢話: "係呀, 不過唔見你既? 你咁靚冇理由唔認得架喎"

我既反應係: 滴汗...

Friday 31st August 2007 02:19:53 PM
Goodbye my buddy[ 0 messages] 
General

今日last-day有buddy-flying,

好唔捨得呢,

有buddy真係好多好處,

即使比人蝦(經常發生),

你總會知道呢班機at least有一個人會撐你,

亦可以"鼠"去訴下苦, 成個人亦都淡定好多。

多謝我既buddy放棄左CDG黎陪我high-den,

Thank you for the high-den life in August!

Monday 27th August 2007 02:13:37 PM
Haagen Daaz vs Crew Control[ 0 messages] 
General

今日去Haagen Daaz食雪糕,

我有張coupon只可以7點前用,

我地到果時差唔多7點, 唔知佢計入座定埋單,

咪入去前問個waitress用唔用得囉,

我個friend問: "小姐, 呢張coupon而家用唔用得?"

waitress: "7點前用得"

friend: "咁而家即係用唔用得?

waitress: "總之7點前用就得"

我地即刻滴晒汗...咁我點知你鋪頭計果個鐘有冇快左呀...

點解唔可以講我地知用得定唔用得呢?!

佢既態度似十足我地公司crew control,

平時standby, call 我地返工, 問佢地有冇的士claim: "咁有冇的士呀?"

佢地: "departure前3個鐘有囉"

我地: "咁即係有冇的士呀?"

佢地: "departure前3個鐘有囉, 你自己計啦"

又係滴晒汗...佢2個有得fight!!

當我同個friend入到去雪糕店坐低後,

我講左呢個聯想比佢知,

我地都笑死左, 哈哈哈~~~~

Saturday 25th August 2007 02:05:00 PM
事隔一年[ 0 messages] 
General

今日和Pantasy一齊做907(Manila turn),

回想起來, 上一次和Pantasy一齊飛,

是2005年12月23日的事了,

足足有一年半多沒一齊飛, 真懷念~

今次same galley, 不過唔同aisle, 做唔到2-men cart,

不過, good enough 啦~

有friend一齊飛真係好開心, 期待9月下半月~~

Friday 24th August 2007 01:24:24 AM
艷遇?![ 0 messages] 
General

今日本來做班Taipei overnight, 聽日3-sectors,

點知唔知班機cancelled定pull out左我, 今日變左R16 standby,

5點半起身刷完牙洗完面之後上床瞓住等,

7點先call我, 做班廈門turnaround,

開電腦再check先知:

1. 原來係我一個classmate port左sick所以我被call去頂佢;

2. 我只係做BD (即係只係負責賣duty-free, 唔洗做service)

班機勁趕, 都多人買野架喎, 都賣左萬多蚊, 都ok啦~

好喇, 入返正題, 究竟咩艷遇呢?

話說當我地到左廈門, d客走晒之後,

有個crew比左張紙仔我,

話係頭先有個客點名叫佢比我的,

仲叫佢同我講, 佢聽日就會返到香港, 叫我call佢,

我打開張紙睇下, 有佢個名同電話,

只係覺得"得啖笑"囉~

我都唔洗做service, 都冇乜接觸過d客,

真搞笑!

由於咁近, 返到香港都只係中午,

仲有大半日, 仲可以同做Taipei turn個friend相約去機場飲茶, 真happy~~~

結果傾下講下, 飲到4點幾先走, 抵晒啦, 哈哈~

Thursday 23rd August 2007 09:17:18 PM
AEQ[ 0 messages] 
General

返公司一年一度, 每次三日的safety refresh training,

朝朝返8點半, 超眼瞓,

只係三日都咁難頂,

好難想像自己轉返出黎做office會點......

Sunday 19th August 2007 09:01:28 PM
不能說的秘密[ 0 messages] 
General

好睇!!

愛上葉湘倫~~~

Friday 17th August 2007 03:25:42 PM
等待[ 1 messages] 
General

終於等到喇, 感動~~~~~

Thursday 16th August 2007 03:23:52 PM
8月[ 0 messages] 
General

呢個8月, 究竟咩事?

返左4日工, 冇一次順順利利架喎!

一係比同事激親, 一係比客激親。

今日, 同著個星姐(大家記得既話都會知我命格係夾唔到呢個國籍既人),

再加上一個成日扮阿姐既同事,

真係做到我黑晒面!

我係一個怪人, 我一嬲一激氣我就冇晒胃口, 食唔落野,

今日真係激到我返工前食左一個通心粉之後全日都冇食到野!

一肚氣, 咩都飽啦!!

Wednesday 15th August 2007 05:58:57 PM
打敗仗[ 0 messages] 
General

經過了近一個星期與喉嚨痛的搏鬥,

終於還是撐不下去了,

今天去了看醫生......

心情-wise, 煩, 唉~~

Saturday 11th August 2007 03:29:55 PM
時下的小朋友[ 1 messages] 
General

今日病左, 喉嚨腫痛, 但照返工,

做星加坡turnaround,

回程時有吳鎮宇, 還是電視上的他較型。

可能是暑假的關係, 超多小朋友,

結果, 兩程landing的時候都給差點氣死了。

第一程, landing的時候, 有兩個小妹妹不斷起身坐低,

好似同我玩捉迷藏咁,

我不斷叫佢地坐低, 佢地唔理,

期間仲要不斷有人衝去toilet....救命!

到臨land果下, 離晒譜, d小朋友起晒身睇landing!!

冇計, 因為成堆都係大佬同胞。

我即係make 左個PA"Would all the children be seated for the landing, thank you!"

land左之後, 我即刻走埋去分別丙果2個妹妹, 果一刻國語勁流利, 哈哈!

我: "小朋友, 你剛才是不是沒有扣安全帶降落?"

妹妹: (點頭)

我:"你知不知道這樣很危險? 你為什麼一直在跳? 我們叫你很多次啦, 叫你坐下來, 你為什麼不聽?"

其中一個妹妹: "我不知道這個安全帶要扣那裡" (扮明係藉口)

我: "你不知道的話, 下一次就要問我們! 下次不可以這樣啦, 知不知道?"

妹妹: (點頭)

回程時, 一大團遊學團小朋友,

簡直係經典既香港小朋友,

有讀喇叭小學二年班因為無得食第二杯雪糕而"妖"我地;

到降落時, 有位妹妹不斷企起身唔坐低,

同後面個小弟弟玩,

我地不停叫佢坐低, 佢完全唔理,

後面個弟弟仲離譜到跳上個椅背度,

我make左個PA"請坐於經濟客艙後半部份坐於K位穿著白色衫既小朋友立即坐低,

扣好安全帶, 多謝合作!"

全世界望住佢, 佢依然唔理,

land左之後, 我當然走埋去丙佢地啦!

我: "頭先係邊個冇扣安全帶降落呀? 你同埋你, 係咪呀?"

佢地望住我。

我: "你知唔知道咁樣係好危險架?"

女仔: "有幾危險呀? 撞機呀而家?"

我: "你知唔知道你咁樣做, 唔止係危害到你自己既安全,

如果萬一有咩事既時候, 你無扣安全帶,

成個人飛左起身, 撞左落其他乘客度, 你就會影响埋其他人既安全呀?"

女仔:"咁我而家撞到人咩? 撞到人咩?"

我: "我地叫你扣安全帶, 係根據航空條例既,

你知唔知道你唔扣安全帶,

我地係有權利可以叫警察架? 你係咪想我咁做丫?"

講到呢句, 佢先肯收聲停止駁咀, 但依然啤住我。

嘩, 而家啲小朋友受既係咩教育呀?

咁既態度都有既?! 真係第一次咁扯火,

我鬧完佢之後覺得成個人都好暈, 好頭痛,

唔知其他媽媽係咪都會咁既呢?!

本身已經喉嚨痛既我,

鬧完之後差d失聲咁滯,

激死我~~~~~~~~唉....

Tuesday 07th August 2007 01:19:05 PM
復工之日[ 0 messages] 
General

今日復工做班東京turnaround,

香港去東京果程, 李燦森 onboard,

全程瞓覺。

一復工, 即做 business class,

前所未有的辛苦,

因為遇著日本藉 famous的 SP & FP,

後來才知道, 連他們的自己人也怕了他們。

唉......

成班機完全無 teamwork,

SP個 trolley一 ready, 佢就會出去,

完全唔比時間我做collection,

出到去就喪叮我, 係non-stop果隻!!!

出tray, 當我同我partner每人出左一個之後,

SP就開始出trolley.....FP一個都冇幫手,

我一個人....點出四十幾個....癲左.....

至於FP, 一句講完, 個galley亂到暈,

執極都執唔完, 冇人知點解, 唉......

有件事好搞笑, 話說briefing時我已同SP講定我隻手剛好返,

我唔會一手攞一個tray,

佢同我講"Yes, of course! I never take two trays at a time!"

後來, 我先明白呢句說話咩意思,

佢咁講, 係因為佢從來都唔會攞tray,

我幫佢rephrase佢句話, 應該係" I never take trays!"

Saturday 04th August 2007 01:25:48 PM
怕羞草[ 0 messages] 
General

小時候到公園玩耍,

常常都會見到怕羞草,

最喜歡看到它們一被碰到便合起來的樣子,

十分可愛。

今天, 我終於擁有一盆怕羞草了。

是在逛花墟時買的~

Tuesday 31st July 2007 04:55:30 PM
爬爬大佬開花[ 0 messages] 
General

你地睇!!!!!!!

爬爬大佬開花呀!!!!!!!

諗到無諗過佢會有花呀!!!

不過可惜佢啲花只係會在早上開,

到晚上就會枯萎, 好似咁:

所以我都未有機會見過佢真正開花呢~

Monday 30th July 2007 04:46:52 PM
我的車厘茄大佬[ 0 messages] 
General

登登登櫈!!!

車厘茄大佬出場喇!!!!!

佢好叻仔呀!!

而家高過支木筷子喇!!

Sunday 29th July 2007 03:13:52 PM
我的爬爬大佬[ 0 messages] 
General

它是我的其中一盆植物,

它是大佬, 還有一個細佬,

但細佬身子比較虛弱, 不便出鏡,

而它們兩個都是爬爬類植物。

另外, 我還有另一個大佬,

它是車厘茄大佬,

下次再介紹它給大家識。

Wednesday 25th July 2007 07:45:25 PM
可愛的米奇美妮[ 0 messages] 
General

Tuesday 24th July 2007 01:51:27 PM
Lunch K[ 0 messages] 
General

都記不起多少年沒唱過Lunch K了,

今天和幾個同事去(只有我們才那麼閒呀),

還成功地request到有Wii的房間呢!

一開始, 已被告誡不可以玩(因為右手受傷了),

最後忍不住玩了一會兒,

結果......右手手臂......痛.......

Monday 23rd July 2007 01:28:30 PM
工傷休假[ 0 messages] 
General

今日再返去覆診, 照左X-RAY,

醫生放到我星期五, 爽~

星期五再返去覆診睇報告。

Sunday 22nd July 2007 01:31:21 PM
難得的星期日[ 0 messages] 
General

很久很久沒放過星期日,

今日亦只因受傷才有這難得的星期日休假,

本想去看電影,

但沒什麼電影有興趣,

最後去了書展,

如往常一樣, 大量收穫!!!!!!!

Saturday 21st July 2007 12:01:22 PM
搭訕[ 0 messages] 
General

尋日整親隻手包住左, 不過今日照去行街,

但係, 一路行, 不斷有boutique既sales問候我隻手,

e.g. "吓, 你整到隻手呀?", "點樣整到架?" 等等等等......

連我睇中醫定西醫都有人關心,

不過最搞笑都係有人問我"咁咪好熱囉?" (因為包住左嘛),

我個反應係".................."

然後即刻減低晒我行街既意欲,

好想即刻返屋企收埋自己隻手......

Friday 20th July 2007 11:55:36 AM
受傷[ 0 messages] 
General

今日做Manila turnaround, 做business class,

回程時扭親手, 初時有少少痛,

都勉強可以完成成班機,

點知落機時越來越痛,

一返到黎就即刻去機場睇醫生,

叫我星期一去照X-ray,

之後成晚都越來越痛, 超痛呀...

Tuesday 17th July 2007 12:12:09 PM
七公主[ 0 messages] 
General

今日做星加坡turn,

嘩, 我個阿姐勁臭寸,

briefing叫我地做野唔好咁"拿西",

我都未做你又知我地會"拿西"?

仲要結果做野"拿西"果個係佢自己!!!!!!!!

佢勁唔respect我地, 煩死人, 全程黑面,

後來先知原來佢係傳聞中"七公主"既其中一個, 唔怪得啦!

佢野又唔做, 淨係識得走去擦鞋!

起初我真係幾唔開心, d客又衰, 老總又係麻煩友,

有d想喊既感覺, 但當然我inflight忍得住啦,

transit唔理三七二十一, 一定要出去透一透氣,

結果返黎果時諗通左, 唔需要為呢d人影響左自己既心情,

反正我同我partner之前飛過識既,

我地野照做足, 計照傾, 都不知幾開心,

只不過我地唔預阿姐之嘛,

到最後呢, 我地話, 冇呀, 我地做得幾開心,

全班機最唔開心係邊個? 咪佢囉!

不過, 呢d全都係疚由自取, 唔關人事!

呢d人, 注定左一輩子都唔開心!

Thursday 12th July 2007 01:15:34 PM
惡夢機[ 0 messages] 
General

今日班機, 簡直係一個惡夢!

都唔知個老總係唔係路,

佢完全唔知自己要做咩架喎,

自己既野唔做, 淨係掛住打包,

仲有, 佢簡直係幫倒忙,

而且係完全處理唔到危急事件架喎。

真架, 我真係覺得公司呢個升職制度好有問題,

總之輪住黎升, 只要你冇乜做錯大事就升,

有d人根本係冇咁既能力, 就好似今日個老總咁。

話說今日做首爾 turn, 我做business class,

第一個sector唔full, 於是我同我個partner就被release左落economy class幫手,

我在MSC, 佢落ASC,

好喇, 派餐喇, 我地前面派完一架cart,

要去ASC換cart, 點知佢地先至岩岩開始! 有冇搞錯?!

原來因為老總落左去, 都未做service就release左Y3去全職賣dutyfree!!

梗係唔得啦! 邊有咁多manpower呀? BD呀? 痴線架!

結果Y3個位就由我partner同老總頂,

但係老總係黑晒面囉, 嘩, 咩事呀而家?

你唔想做既, 咪唔好release Y3囉, 全部都係你自己攞黎既!

好喇, 終於都派完tray喇, 我地已經鏟到落去AFT zone既一半喇, 都算喇,

咁咪返去, 去咖啡茶囉,

點知一望出去後面,

老總竟然一手攞住盒橙汁, 一手攞住壺水出去行!!

你做緊咩呀? 你知唔知要做咩架?

真係嘔晒血呀! 唉~

我地個個都話, 我地唔介意你坐埋一邊唔幫手囉,

但可唔可以唔好走黎搞搞震呀?

好喇, 都算喇。

到返黎果程, 有個中年女人唔舒服,

見到佢成身震晒,

suppose老總係最應該處理果個,

但結果呢? 佢係最panic果個!!!!!!

CSR應該係佢寫, 結果係SP寫,

個個都頂佢唔順, 佢仲要掛住打包,

door check唔做叫FP做,

仲有, 佢完全唔聽電話架喎,

佢坐係電話隔離, 明知係打黎report cabin check,

佢真係好似聽唔到咁架喎, 完全唔郁!

嘩, 咩人黎架, 做老總? 唔係嘛?!

Wednesday 11th July 2007 12:34:18 AM
復原[ 0 messages] 
General

我知道, 我可以選擇逃避,

把那根剌留在心上,

我們便早已和好如初。

只是, 我從來都不是一個喜歡逃避的人,

結果, 我選擇面對,

硬生生把那根剌給拔了出來,

痛是當然的, 淌血也是當然的,

復原, 當然也需要時間的......

Tuesday 10th July 2007 12:28:51 AM
NDS[ 0 messages] 
General

真的好想自己可以開心起來,

情緒低落得太久, 連身體也開始出現毛病了,

只想逗自己開心一下,

真的好想買NDS......

Monday 09th July 2007 10:16:44 PM
喉嚨痛[ 0 messages] 
General

尋日返工, 好耐冇試過遇到d crew一齊做野咁開心,

係咁講笑係咁玩, 笑到顛左,

到返黎果程派餐已經覺得喉嚨有d痛,

把聲有d沙。

今朝瞓醒, 真係喉嚨痛,

笑到喉嚨痛, 還是頭一次。

Sunday 08th July 2007 10:02:19 PM
機上奇遇[ 0 messages] 
General

今日做班印尼turnaround,

返黎果程有個勁得意既BB,

land左之後, 我走過去抱佢,

一伸手佢就肯跟我,

叫佢byebye爸爸媽媽佢都真係照做,

之後我兩個同事又過黎要抱,

但係BB一係就擰轉頭挨落我膊頭唔理佢地,

一係就諗左一陣, 又望下我, 結果都係唔跟佢地,

搞到佢地好傷心。

*************************************

有個crew, 返工時已經見佢一齊搭船,

之後briefing時見到, 原來同一班機,

放工坐巴士時又撞到, 一齊坐,

傾開計先知原來佢同我同年,

亦都識我幾個小學同學, 好搞笑。 

仲有, 之前係機上面見呢個crew係咁唔停手咁做野,

我地會做basic野, 佢就係咁做d extra野,

搞到我地好唔好意思, 但其實全部都係冇乜需要架囉。

之後講開, 先知原來佢唔係好識同人溝通,

所以先自己一個人係咁搵野做。

原來, 有時一個人真係唔可以睇表面,

佢做某d野, 背後係有苦衷的。

Friday 06th July 2007 01:46:42 PM
賣廣告[ 0 messages] 
General

在此, 幫一位朋友賣一賣廣告,

以下的LV銀包, 直接由Paris送抵本港,

專門店賣$4600, 現售$4000,

有興趣者請告知, 謝謝!

Thursday 05th July 2007 02:59:46 PM
先甜後苦後遺症[ 0 messages] 
General

尋晚返到屋企累死左,

今朝起身亦唔好得去邊,

我好似覺得對腳唔見左咁,

超痺, 超痛......

好似尋日一整日都做完劇烈運動咁 (都算係既)。

*******************************************

今晚放學, 如常坐巴士回家,

我坐於上層, 過了幾個站,

看到一個男孩對著巴士下層(我猜是女朋友吧)不斷做著body language,

他該是剛收到女孩送的禮物,

在搖著手上那個紙袋。

巴士要開走時, 他還很甜蜜地揮手說再見。

他們眼中都只有自己心愛的人,

好sweet好sweet......

*******************************************

坐巴士途中, 不知怎的睡著了,

一醒來, 發現自己不知到了那裡,

因為我本應在第一個站下車,

所以我從未到過眼前這些地方。

心都慌了, 怎麼辦呢?

都這麼晚了, 四處都黑漆漆的,

下了車也不知要怎麼轉車回家。

正好廣播說下一站是釋慧文中學,

我記得以前會考時到過這學校應考,

印象中學校附近好像有輕鐵站,

於是便下車。

下車那一刻, 我便後悔了,

因為附近並沒有輕鐵站,

而且街燈也少, 四處很黑。

遠處有輕鐵站的影子,

但需要走一段小路, 周圍長滿長長的野草,

幸好還有其他人在這個站下車,

我便快步跟著他們走,

終於到了輕鐵站, 卻還是一個人也沒有,

幸好最後也順利回到家了。

很久沒有在巴士上睡過頭了......

Wednesday 04th July 2007 02:51:04 PM
先甜後苦[ 0 messages] 
General

今個月既3 sectors係先甜後苦,

即係尋晚做 Taipei overnight,

今日返香港, 再去Taipei, 再返香港, 咁先放工。

由於2班機都係做business class, 仲要full,

超趕, 超辛苦。

最後夜晚9點幾放工時, 累到只想即刻瞓覺,

晚飯都冇食。

Tuesday 03rd July 2007 02:56:44 PM
地瓜球[ 0 messages] 
General

今日去 Taipei overnight,

明知聽日做3 sectors,

諗住去到就即刻瞓,

點知完全冇時間食野,

結果都要出去買野食,

咁啱今日星期二, 夜市有開,

就去果度買野食,

見到有檔賣地瓜球, 即係南瓜球啦,

雖然係炸既, 但都忍唔住買左一袋食,

嘩, 好好味架! 細細粒, 啱啱好一啖一粒,

外脆內軟, 最好係唔會覺得好油。

而且只係30蚊台幣, 就有一大包,

我結果都食唔晒。

推介!!

Monday 02nd July 2007 03:14:34 PM
新鈴聲[ 0 messages] 
General

換了一首好好聽的鈴聲,

可惜, 我再也不會聽到,

因為, 它不會再響。

My love will get you home - Christine Glass

If you wander off too far
My love will get you home
If you follow the wrong star
My love will get you home
If you ever find yourself
Lost and all alone
Get back on your feet and think of me
My love will get you home Boy
My love will get you home
If the bright lights blinds your eyes
My love will get you home
If your troubles break your stride
My love will get you home
If you ever find yourself
Lost and all alone
Get back on your feet and think of me
My love will get you home Boy
My love will get you home
If you ever feel ashame
My love will get you home
If its only you to blame
My love will get you home
If you ever find yourself
Lost and all alone
Get back on your feet and think of me
My love will get you home Boy
My love will get you home
If you ever find yourself
Lost and all alone
Get back on your feet and think of me
My love will get you home Boy
My love will get you home Boy
My love will get you home

Thursday 28th June 2007 01:33:13 PM
箭靶[ 0 messages] 
General

今日做班東京turnaround,

未出發已預知今日唔會有好結果。

因為:

1. 呢班機係一日內咁多班東京機之中, d 客最衰既。

2. 呢班機個老總叫Yoko Lim, 唔好以為佢係日本人,

其實佢係星人一個,

而我既命格係一向同星人唔夾的。

再特別之處係呢位係排行Top 1至衰既老總。

今次, 仲唔死?!

先由briefing講起, 一見佢個樣就知佢唔係好人一個,

所謂相由心生, 佢個樣真係......同佢個心一樣。

不斷講廢話, 仲要係同我地班機完全冇關的事,

不過都算, 反正冇乜特別事發生。

到上機做ground preparation,

我做business class, 要做welcome drink,

我阿姐幫我攞左2個tray在bar枱度,

我要放玻璃杯上去,

點知老總一條友霸晒成張枱做佢d paper work,

而我地就因為佢頭先講得太多廢話而好趕時間,

咁我就好有禮貌地問佢,

"唔好意思呀Yoko, 我可唔可以......"

話都未講完, 佢已經機關槍鬧我, 超大聲, 超:

"Can you let me finish first? It just takes one min. Can you let me finish first? It takes less than one min............"

我又無話唔比你做, 咁我攞返個tray又夠 less than 1 sec. 啦,

之後我話知你做幾耐丫!

仲有, 個問題係我好好禮貌問你,

你唔想比我攞, 你就咁講咪得囉,

洗唔洗扯行晒黎鬧我?

你地唔明, 佢鬧我果野係鬧到我隻耳都覺得痛呀!

 咁都算喇, 之後我都盡量避開佢,

唔好再比任何藉口比佢發顛。

到返到黎香港喇,

land 左之後有個客話佢有個coat hanger掛起左,

老總就發顛, 求其見個客企係11G問佢就話個客係business class,

話我地唔還返個袋比個客,

又開始開機關槍喇......

我同阿姐都奇怪, 冇見過呢個客喎,

後尾發現個客係economy class既, 即係完全唔關我地事。

最後個袋在business class同economy class之間個cloakroom搵返,

阿姐問我, 我話我冇掛過,

阿姐話佢冇掛過,

咁可能係做economy class既同事掛左唔記得還,

之後個客走左, 老總就起勢咁話係Cassandra掛左冇還,

我阿姐同佢解釋唔係我, 話個客唔係business class既,

佢隻耳好似封閉左咁, 完全唔聽,

一味話係我, 話另一個purser,

"我頭先都叫左你check, 叫左你叫Cassandra還......"

我地好無奈, 個個同事都知唔係我做,

但老總開口埋口係咁鬧Cassandra,

一路行去搭無人駕駛一路鬧,

大大聲, 係人都聽到。

有d阿姐就係後面安慰我,

我話, "放心啦, 我無事喎, 佢要鬧咪由得佢囉,

反正個個都知唔關我事, 佢係要搵一個人黎比佢鬧者,

而佢要鬧果一刻, 佢能夠記得到既名就只有Cassandra,

佢咪鬧Cassandra囉, 算啦, 冇所謂喎。"

Tuesday 26th June 2007 01:24:38 PM
Terminal 2 潮樓[ 0 messages] 
General

今日收早, 約左爸媽到機場Terminal 2潮樓飲茶。

之前都去食過晚飯, 只覺一般,

而且服務太慢。

點知今日竟然有驚喜!

原來12點前埋單走, 或2點後先入座都係半價!

而且佢既點心好好味!

應滑既滑(腸粉, 虾蛟皮), 應爽既爽(金錢肚),

埋單好抵食, 正!

Monday 25th June 2007 01:18:12 AM
[ 0 messages] 
General

近來, 聽到太多拍拖多年分手的情侶,

感覺上有點灰...

周慧敏&倪震

陶大宇&老婆

滕麗名&魏駿傑

仲有其他唔記得左,

真係覺得好可惜,

都咁多年喇。

如果係有問題既, 做咩要嘥大家咁多年時間?

點解都咁多年既情侶都可以分手?

點解咁都唔可以白頭到老?

點先可以相信一個人係可以同你執子之手, 與子偕老?

Saturday 23rd June 2007 12:52:24 AM
戲王之王[ 0 messages] 
General

今日睇戲王之王,

詹瑞文話, 最難演既角色, 其實係自己。

都係架, 成個人生,

又冇導演, 又冇劇本,

全部野都係自己一個人搞掂。

不過, 我知道, 我會盡力做好呢個角色!

Tuesday 19th June 2007 12:48:04 AM
抱抱[ 0 messages] 
General

今日做台北,

啲客啱啱開始上黎,

有個小朋友搖下搖下咁走過黎,

(原因係佢都未夠兩歲, 企唔穩)

一見到我就伸手示意要我抱,

我就一手抱起左佢, 抱到佢去個位度。

到落機時, 佢阿媽抱住佢經過我面前,

我向佢拍一下手, 攤開手,

佢就即刻想跟我, 過黎我度,

勁得意呀~

Friday 15th June 2007 01:45:31 PM
打爆機[ 0 messages] 
General

今晚同科妮、雲妮、煎皮一齊食飯,

終於試左pizza hut既新批,

但係略嫌批邊既cheese太漏。

然後, 我地去左Haagen daaz食雪糕,

嘩, 我第一次食9球雪糕咋, 好正呀! (如圖)

另外, 合我、科妮同煎皮之力,

我地終於打爆左Zoo keeper喇!

原來打爆機之後,

會有段故事解釋點解會有呢個game,

好溫馨好感人架!

同埋你真係估都做唔到zoo keeper個工人同個boss既真正關係!

嘩哈哈~~~

Wednesday 13th June 2007 01:33:05 PM
小學考試[ 0 messages] 
General

6月, 一個所有學校都開始考試的日子。

原本一早已經唔再關我事,

因為即使我讀大學, 都唔需要考試(因讀language的關係),

點知, 事隔多年,

因為一個小一小朋友,

因為要幫佢溫書,

搞到自己都好似考一份咁。

仲因為呢個考試,

我第一次話佢, 佢第二堂再見到我時都怕左我呢~

咁係呀嘛, 我自問真係好比心機同佢溫書,

亦花左好多精神心機落去,

我甚至返工通完一個頂,

第二日一返黎就即刻去佢度幫佢溫書,

點知佢一啲心機都冇,

既然係咁, 唔好嘥大家時間嘛,

我都好累架!

Tuesday 12th June 2007 07:02:07 PM
大細鮑[ 0 messages] 
General

有日行商場, 見到好多人圍住一齊唔知睇咩,

後來見到原來係大、細鮑,

原來細鮑真人好瘦架, 都唔係得得地, 都幾得架,

果然係model!

你地睇下~

Monday 11th June 2007 01:09:24 PM
新學期[ 0 messages] 
General

今天開始, 新學期又展開了。

這個學期, 我能預見我將會極度的忙碌。

返工, 返學, 補習, 將會佔據我大部份的時間......

Anyway, 路是自己選的, 一定要加油!!

Tuesday 05th June 2007 12:55:50 PM
體重升/跌?[ 0 messages] 
General

前一陣子, 體重下跌;

去完旅行回來, 體重回升;

不消一星期, 體重又重新下跌......

Monday 04th June 2007 12:58:31 PM
日記[ 0 messages] 
General

隔了很久沒有為自己的blog update,

回來後看到大家都寫了很多很多篇新的文章,

要趕著update你們的近況也花了我一點時間,

所以, 今天晚上, 一口氣補上幾篇才去睡覺。

Sunday 03rd June 2007 01:06:15 PM
一切都是為了...[ 0 messages] 
General

今個月開始, 過著隔天上班的日子,

不過每次都只會是turnaround,

聽起來好像蠻不錯,

實情是幹起來一點都不容易,

早上五點六點起床是家常便飯,

但也不是早早放工回家,

每每是做到晚上八、九、十點。

第二天, 說是放假, 其實卻要休息,

以彌補之前一日的早起,

晚上又要早點睡, 以應付第二天的工作。

所以, 其實是頗辛苦的啦,

又沒法enjoy作為一個crew的生活。

而這一切, 都只是為了要讀書......

我知道, 我一定要加油呀!!

Friday 01st June 2007 01:12:44 PM
相機[ 0 messages] 
General

這次到北海道旅行,

上了飛機想拍照的時候才發現相機壞了,

於是, 到埗後第一件事便是去買相機,

結果, 買了Sony 的 DSC-T100,

再買了張1GB的咭,

約為HKD2400。

回來後發現香港賣HKD3290 (不連咭),

超開心!

唯一不同是我的相機是日文版的,

不能轉中文或英文。

Thursday 31st May 2007 12:39:02 AM
回歸香港[ 0 messages] 
General

習慣了多日來日本人的禮貌,

今夜回到香港,

見到機場推車那個阿姐的嘴臉和態度,

真是覺得"WHAT A SHAME"!

爸媽對於日本的地方及人, 都尚算ok,

只是不習慣他們的食物,

所以覺得這幾天都沒一餐好的吃,

已經去吃中國料理了, 但當然不能與香港的比較,

所以還是沒有讓他們吃好啦。

而且, 去這麼多天的旅行,

對於老人家來說, 總是累的。

在最後一天, 還差點不見了他們一人呢!

真把我嚇死!

Thursday 24th May 2007 12:33:24 AM
旅行出發日[ 0 messages] 
General

期待多時的全家旅行終於展開,

yeah!!!

Wednesday 23rd May 2007 12:43:47 AM
壓力 + 惡夢[ 0 messages] 
General

明天便要一個人帶著兩個老人家到日本旅行,

還要去個八天遊。

雖然明天要早起, 但這天晚上我卻睡不著。

原因是我覺得很大壓力。

我很怕旅程上有什麼意外或出錯,

又或是把他們丟失了。

重新一次又一次的把行程仔細的想,

有什麼地方要注意嗎?

有什麼地方有問題嗎?

很擔心很擔心......

Wednesday 16th May 2007 02:22:46 PM
相遇[ 0 messages] 
General

每個人, 本來都是一條條獨立的平衡線,

因著各人的緣份, 每條平衡線有著各個不同的交錯點。

兩個人能夠遇上, 真的不是一件容易的事。

遇上的時間太早, 彼此還未有欣賞對方的能力;

遇上的時間太遲, 彼此身邊都已經有人了;

能夠在對的時間遇上對的人,

已經是一種幸福。

若你身邊有著這麼一個人,

請好好珍惜。

Friday 11th May 2007 02:11:38 PM
Frankfurt[ 0 messages] 
General

今夜出發到Frankfurt,

一年多沒去了,

很期待的一次返工。

本來只因酒店超靚,

亦可在萊茵河畔吃早餐, 極寫意。

多口的問你一句, 竟然真的可以一起旅Frankfurt,

真是意外收穫!

不過, 下次自己再去時,

我也沒信心再出市中心玩了,

因為德國的地下鐵太不tourist friendly了,

完全看不明白。

Thursday 10th May 2007 11:54:31 PM
累透一星期[ 0 messages] 
General

這個星期, 真的累透了。

每天都要上班,

放工後每天都還要趕功課,

每天都不夠時間睡覺,

感覺自己快要倒下來了,

感覺自己不斷在透支體力,

快將支持不了。

我是認真的喔,

人太累了, 晚上睡覺躺下來的時候,

我會感覺自己像在玩咖啡杯一樣,

整個人都好像在轉, 天旋地轉。

有時候坐著的時候也是如此,

那種感覺, 很暈。

我想, 真的是太累吧,

可是, 明天還要去德國...

Wednesday 09th May 2007 06:24:37 PM
神不守舍[ 0 messages] 
General

這幾天, 持續的神不守舍。

那天, 過馬路, 差點被車車到;

今天, 竟然連看到自己放工要搭返屋企的巴士也不懂上,

到它走後一兩分鐘才突然醒覺。

也許, 我真的太累了...

Wednesday 02nd May 2007 12:29:53 PM
粥粉麵飯[ 0 messages] 
General

今日做班機由三藩市返黎,

都幾多中國人喎。

到左第二餐, 我問個客"你好, 請問想食奄列定係粥呀?"

客人甲: "哦, 飯丫。"

我: "....無飯呀, 得奄列同粥。"

客人甲: "哦, 麵啦咁。"

我: "唔係呀, 無麵呀。今日得一個奄列, 即係好似炒蛋咁既, 另一個係粥。"

客人甲: "事旦啦。"

上述情形不止出現一次,

我派完餐之後真係有種嘔血的感覺...

Monday 23rd April 2007 03:11:22 PM
Bahrain之行[ 0 messages] 
General

剛從巴林(位於沙地阿拉伯)回來,

本來也打算破例和其他crew一起出去吃飯, 及到銀行兌錢,

怎知到埗後第二天,

一起床便覺得不舒服,

頭痛啦, 頭暈啦, 想吐啦,

於是把所有行程都取消,

乖乖留在房中休息。

結果, 吃了兩次藥才好一點。

真幸運, 否則, 在那些鬼地方要看醫生的話也真夠慘咧!

Tuesday 17th April 2007 01:48:32 PM
Divert[ 0 messages] 
General

今天原本做一班Manila turnaround,

晚上10時多便會回到香港。

怎知, 當回到香港上空時,

才發現太大雨, 不能降落,

要轉飛台北。

但又由於那兩位機師已經超過安全飛行時間,

他們不能再駕駛由台北回香港那一程,

因此我們需要要求轉換機組人員。

等另外兩位機師到達, 再加油後,

便開始回來香港。

結果, 到香港時, 已經是半夜2時多了,

雖然是可以claim的士,

但回到家都已經3時多,

真的累死了。

還是頭一次經歷轉飛呢!

Saturday 14th April 2007 01:47:16 PM
小姐[ 0 messages] 
General

尋日被call 了做班台北overnight,

今日返香港, 做business class。

起飛之前會有welcome drink,

所以我就拿著一tray 飲品出去,

逐一問乘客要不要。

到了一個女生那裡,

她看不到, 所以我就問她: "小姐, 請問要點飲料嗎?"

她回過頭, 有點愕然的望一望我,

後來, 我才知道原來她是劉若英,

立即讓我想起林海峰的"踎低噴飯",

他說他去看車, 但那位sales叫他做先生,

他很不開心, 很氣為什麼他做了這麼多年藝人,

別人還是不認得他。

那麼, 我也終於明白為什麼我叫劉若英做小姐的時候,

她那麼愕然了。

但是, 也不能怪我呀!

她戴了太陽眼鏡, 根本看不清楚她的樣子,

那她不正正就是不想讓人家認出來嗎!?

Thursday 12th April 2007 12:08:02 AM
很沒骨氣[ 0 messages] 
General

近日, 見了一份工三次了,

我覺得蠻有機會成功的。

可是, 坦白說, 這個工作並不是我想做的那些,

但是, offer算是ok啦,

自己喜歡的那些工作一定沒有這樣的offer。

想不到, 到了感覺到差不多要離開的時候,

才會有一點點對現在這份工作的不捨。

我忽然覺得自己很沒骨氣,

每次都嚷著要走, 可是每次都走不成。

唉, 怎麼啦, 怎麼會有人像我這麼沒骨氣?!

真的很氣你喔!

Tuesday 10th April 2007 12:41:33 AM
影響力[ 0 messages] 
General

今天, 有一件事, 讓我好感動。

晚上去上課, 同學說有些東西想跟我說,

她說, 她從小就喜歡咬手指甲,

但是早陣子, 她看見我的手指甲, 覺得好漂亮,

所以, 她就決定從那天起, 開始戒掉咬指甲的習慣,

然後, 她伸出她的指甲給我看,

高興的說, "你看, 已經留了一點點啦!"

那一刻, 我不知道要說什麼,

可是當我後來回想起來的時候,

我真的覺得好感動喔!

因為我真的沒想過自己可以有影響別人的能力。

雖然這是很小的一件事,

卻是很實在的讓我看得到,

謝謝妳把這件事告訴我。

Sunday 08th April 2007 12:50:41 AM
天國的嫁衣[ 0 messages] 
General

在New York閒來沒事做, 便看台劇,

今次帶去看的, 是"天國的嫁衣"。

這套劇, 超讚的!

上一次看完了"千金百分百"之後,

已經有一點點愛上了台劇,

然後這次看了"天國的嫁衣"之後,

我宣佈, 我是真的愛上了台劇了,

特別是這套, 真的不得不推介,

男主角帥, 女主角也可以,

主題歌好聽, 劇情扣人心弦......

總之值得一看!

但, 不要說我不提提大家喔,

看第十一集之前, 要準備好紙巾喔!

邊看, 還可以邊學國語,

這是一個多有教育意義的消閒節目嘛!

Friday 06th April 2007 12:30:27 AM
美國人與食物[ 0 messages] 
General

到了New York, 也抽了點時間出去走走,

值得一提的, 絕對是美國人跟他們的食物---兩者都一樣的差!

美國人, 自大, 目中無人, 沒禮貌。

美國的食物, 貴, 但質素極差。

也不難想像, 那些人, 每天都吃些品質差劣的東西,

難怪人品也這麼差。

Wednesday 04th April 2007 12:24:43 AM
去: New York[ 0 messages] 
General

今天因工作關係要去New York,

還是頭一次, 之前也有roster過我去,

可是實在是太遠了, 沒興趣去,

所以調走了。

今次, 因為是standby, 亦不想port sick,

而且, 想到以後不知還有沒有機會去,

還是在走之前去一趟吧。

只可惜, 臨去之前才知道星期六前要交assignment,

所以要在New York做, 可能沒辦法四處遊玩了。

Sunday 01st April 2007 01:31:35 AM
愚人節行程[ 0 messages] 
General

今日愚人節, 並無四處捉弄別人。

只是看了Rain有份主演的"再造人之戀",

唔...劇情呢, 我覺得其實一般,

不過幾好笑,

有Rain睇算補返數啦。

之後再睇左林海峰既"踎低噴飯"DVD,

呢個就真係超好笑喇!!!!

值得一睇, 正!

Saturday 31st March 2007 01:59:14 AM
補習第二天[ 0 messages] 
General

今日返學, 放學之後同同學傾左一陣present之後,

就趕返入黎再幫個妹妹補習,

唔知係咪因為全程英文既關係,

今日佢再冇咁多問題。

而且, 我考返佢上堂解過比佢聽既生字,

佢d天才波都ok(因為我肯定佢一定冇溫過)。

不過, 我已經聲明左,

以後每一堂都會有test,

所以佢一定要溫書。

佢聽到眼都突埋,

不過係冇用的, 我唔會心軟的。

因為我希望佢在下一次考試時會有明顯既進步,

咁我先有得交代架嘛。

而且, 其實都唔係好難者,

只係10多20個生字之嘛,

讀書就係咁架啦~

Friday 30th March 2007 01:39:57 AM
返工動力[ 0 messages] 
General

今日又要返工, Manila turnaround,

晨咁早5點就起身, 十萬個唔願意,

好彩有個friend一齊飛, 所以仲有動力令我想返工。

可惜唔係同一個galley工作,

不過算啦, 好過無啦!

放工後即刻換衫趕落天后,

仲因為著左對好耐冇著既高跟鞋搞到一對腳都損晒,

真係諗極都諗唔明,

以前我差唔多日日都著呢對鞋,

仲可以健步如飛, 著住跑,

唔通太耐冇著佢, 佢唔認得我對腳?!

之後再落銅鑼灣同科妮食飯,

見到餐廳內既每個員工都做得好開心,

佢地唔係假扮出黎果種,

你係feel到佢地真係大家一齊做得好開心,

唉, 願我地都搵到一份咁既工,

在一間咁既公司工作。

唔知, 我地既"預言"準唔準呢?!

Thursday 29th March 2007 01:52:40 AM
補習第一天[ 0 messages] 
General

今日開始幫人補習,

對方係一個中二妹妹, 只補英文,

其實我一向都唔覺得我可以幫人補習,

一係因為我自問冇耐性,

二係我知我係果種我識, 但我唔知點講比你知既人,

但搵office part time搵左好耐都冇,

咁都唯有馬死落地行啦。

第一次見到個妹妹,

點知佢話佢學校考試只係考閱讀理解,

糟啦, 閱讀理解點補呀?!

我原本預備左d練習比佢做,

順便試下佢個底,

點知可能我出得太淺,

佢好快就做晒。

結果我唯有用佢本教科書既文章同佢做住先啦,

點知呢個妹妹都幾多野問,

佢好多生字都唔識, 咁我咪解比佢知,

點知佢轉頭又會唔記得。

而且, 例如佢唔識dispose of, 我話即係掉, 掉垃圾個掉,

佢問, 咁點解唔用throw,

我話咁中文都會有幾個字係同一個解釋啦,

跟住到severe, 我話即係嚴重,

佢又問"咁點解唔用serious呀?"

........之前咪講左囉, 我話severe會formal d,

佢又唔明formal點解, 我又唔知點解比佢知喎,

跟住再到aching, 我話即係痛,

佢又話咁點解唔用pain,

真係一個問題少女......

到最後, 佢阿媽同我講,

叫我下次補習全程用英文講,

我心諗, 冇問題, 如果你個女聽得明的話。

今日真係有d挫敗感。

Wednesday 28th March 2007 03:56:36 PM
愛自己的一天[ 0 messages] 
General

今天對自己好好,

做了個磨沙, 做了個mask。

即時要推薦一個產品給大家,

Bio-essence Deep Exfoliating Gel,

係一款磨沙, 用法有d似 Regene以前個擦子膠,

但係佢用完之後, 真係勁滑!!!! 手感一流!!!

我知萬寧都有得賣, 不過無留意幾錢,

因為我今次都只係用sample,

有興趣的可以去睇下~

推介完畢, 唔知有冇commission收呢?! 嘻~

Tuesday 27th March 2007 04:36:53 PM
黑機續集[ 0 messages] 
General

突然想起, 早幾天的那班黑機還有另一段插曲。

話說星期日由台北返港,

由於安全示範的錄影帶壞掉,

我們要再一次做現場的示範,

當我們各人都各就各位,

剛開始一至兩段之後,

機尾有一位不知是來自台灣還是大陸, 總之是操國語的男乘客不斷舉手,

但由於我們不能離開崗位,

所以我們是不會理會他的。

後來, 完成了示範之後,

我們便趕著要check cabin for take off,

當我check到那位男乘客的座位時,

剛好同事在做歡迎各乘客的普通話廣播,

他便粗聲粗氣並很生氣地跟我說,

"為什麼現在才說普通話? 剛才(他指的是安全示範)卻只有廣東話和英文?"

我正想開口答他, 他卻繼續越說越生氣, 越說越大聲,

"那聽不懂英文的都要去死嗎? 都不用坐飛機嗎?"

他終於都停了下來, 我立即插口(因為時間很緊迫呀, 我真的沒有時間跟他糾纏這個問題),

"先生, 對於安全示範, 我們公司一向都是只有廣東話和英文的, 而即使有乘客兩種語言都聽不明白, 但我們亦有用動作作出示範, 所以都會明白的。"

他繼續配合他粗魯的動作大聲說(其實他大聲的程序已經令周圍幾行的乘客都在向我們行注目禮),

"那為什麼要說廣東話? 不說國語?"

我說: "因為我們是香港航空公司呀, 廣東話是香港的語言, 當然會說呀!"

這時他已經再無藉口再挑骨頭,

而且, 他這麼吵鬧完一輪之後,

大概發洩過了, 怒火也平息了點,

便不再出聲, 事件亦告一段落。

對於這件事, 當然那位乘客有他的道理,

但是, 有時候, 只要做人不要那麼暴躁,

細心看看人家怎麼樣示範給你看,

你自然會明白人家有什麼資訊要告訴你,

國語是越來越流行, 但也不是"大晒"的,

世界上有幾十種不同語言,

照這位乘客所說,

那我們的安全示範是不是要做齊幾十種語言? 那麼一個小時也不夠呀!

到時候你們還是會投訴的,

你們會問為什麼要將同一段說話說那麼多次,

阻延了你們的時間, 對不對?

做人, 還是看開點好。

Sunday 25th March 2007 03:41:14 PM
滿月BB[ 0 messages] 
General

今晚出席朋友仔仔的滿月酒,

很久沒見過這麼小的BB,

好可愛。

但BB勁乖, 整個晚上都沒有哭過,

醒來的時候也只是四處張望一下,

累了便再睡。

突然讓我想起自己滿月時的情形呢! (這個我當然是說看昔日的相片啦)

我一個月的時候已經懂猜"包剪揼"啦, 嘩哈哈~

Saturday 24th March 2007 04:10:48 PM
黑機[ 0 messages] 
General

今天, 又一班黑機。

原定今晚10點起飛到台北, 11點多到達, 約12點多到酒店,

第二天一早6點多便要集合出發到機場,

原本這個行程已經很趕, 休息時間很不足夠。

怎知這是一班黑機!

8點幾返到公司briefing,

聽個老總講野的口吻已經知道唔好惹,

她說話很mean,

不過心想, 算吧, 只是台北, 很快便過去了。

上到機, 發現這隻機真是爛得可以,

每個galley都有東西是壞的,

我的galley大概已是最好的一個,

只是個trash compactor壞了,

咖啡機每brew完一壺咖啡要休息一段時間才會再開工,

其中一個焗爐壞了。

聽起來像很糟嗎? 未算!

因為前面的galley, 全部咖啡機都壞掉,

水喉壞掉, 水槽壞掉, 廁所壞掉, 還有其他的, 我忘記了。

突然老總宣佈安全示範的錄影帶壞了,

我們要做現場的! 也都算了, 我只想快點到酒店睡覺。

卻又收到消息, 我們之後那班到台北的機取消了,

因此我們要delay, 接收埋那班機的客,

所以, 我們由原本半滿的狀態, 變成滿爆!

唉, 即是說, 我們的休息時間又少了一個鐘。

然後, 終於等到起飛, 然後到達台北,

然後...那個鬼婆副機長, 她...她...竟然在過台北入境處時才發現沒帶passport!!!!!

天啊!!我們部份人在巴士上等她,

結果擾攘了又一個小時,

才見到她上巴士, 而她呢, 臉上沒有一絲歉意,

咀裡說著: "I'm sorry, it's my fault."

然後便坐下來了。

唉, 就是這樣, 休息時間再縮短了一個鐘。

到酒店時已經半夜二時多了,

5點便再起身準備返工,

這班黑機...真的黑透了!

Thursday 22nd March 2007 11:56:48 PM
朋友的支持[ 0 messages] 
General

科妮, 多謝你。

多謝你聽我說話, 陪我想盡解決辦法。

明知明天還要返工, 都陪我傾到咁夜,

多謝!

Wednesday 21st March 2007 06:05:29 PM
去旅行[ 0 messages] 
General

由我做呢份工開始,

就一直都好想帶屋企人去旅行。

而家搞成咁,

我呢個想法都無變過。

5月尾, 無論如何我都要帶佢地去旅行架喇!

Tuesday 20th March 2007 06:22:25 PM
心淡[ 0 messages] 
General

連日來, 我都好少再提起公司件事,

最多都係講有關搵咩工既話題,

一係唔想在屋企人面前提,

唔想咁快比佢地知, 加添佢地既煩惱,

二係可能我對公司都一早死左心,

其實我都預左佢地會咁對我,

冇上次咁憤怒, 佢地唔值得我為佢地流咁多眼淚, 死咁多細胞。

(當然, 今次都係有嬲過, 有喊過啦)

三係我一早已經唔再鐘意我份工作,

一早想轉, 只係比讀書既事牽絆住,

而家, 正好比自己一個更好既理由,

提早實現自己想做既事-----轉工。

Saturday 17th March 2007 01:24:39 PM
BBQ + Party[ 0 messages] 
General

今天, 暫且放低煩惱的事,

跟Sixes來一次BBQ,

對我來說, 我已經覺得好齊人呢,

因為黃小姐一向都經常不出席,

所以今次她的absence都不是太出奇。

其他人都齊了, 仲多左3名男士添!

燒完之後去左Winnie屋企開P,

買左Haagen Dazs雪糕火煱食,

正!

之後玩左幾個集體遊戲,

打左場交 (全因Winne小姐唔肯著我地送既生日禮物),

玩到差唔多三點,

大家都敵不過睡魔,

咁就散左喇。

真係玩得好開心!!

Friday 16th March 2007 01:14:23 PM
我的公司[ 0 messages] 
General

本以為, 捱過了12月和1月的two months standby,

一切的壞事都過去了,

我便會順順利利做到2008年暑假,

即是我畢業的時候,

然後轉工。

為此, 我真的已經盡了很大的努力,

兩個月來,

我一日假都沒請過,

為了返學, 我再爛的機都做。

怎也想不到公司這樣都不放過我,

4月5月再給我two months standby,

那我可以怎麼辦呢?

除了另覓新工之外,

我著實想不到其他辦法。

你們有更好的提議嗎?

Wednesday 14th March 2007 11:15:35 PM
Money & Honey[ 0 messages] 
General

今晚睇"向世界出發",

柬埔寨有一個街童既一句" No money no honey",

好正, 好好笑,

由咁細一個小朋友口中講出黎,

都幾心酸。

Tuesday 13th March 2007 09:06:21 PM
放假[ 0 messages] 
General

今個月放20日假,

唔係大假, 只係普通假。

今個月只係返10日工,

仲有2日係standby但無call到我,

呵呵, 即係其實只係勞動左8日。

爽呀!!

Monday 12th March 2007 07:11:22 PM
辭crew[ 0 messages] 
General

近日, 很多同事都相繼辭職了,

我不是沒有這個想法, 這個衝動,

只不過, 時機未到, 還是要忍耐。

然後, 在公司內聯網上,

看到星期日又舉行招聘會。

突然想起之前提及那本書的兩句話:

"有人辭crew歸故里, 有人漏夜趕機場"

不正正就是這個意思嗎?

Thursday 08th March 2007 07:05:56 PM
放飛夢想[ 0 messages] 
General

那天, 沒事做, 閒逛書店,

一向知道有幾個前空姐出了書講空中的事,

這天, 見到一本新的,

名叫 "放飛夢想 野蠻空姐的空中情緣"

先看序, 其中有幾句是這麼說的:

"我慶幸自己這四年飛行生涯在一家講公平、講道理的航空公司中度過,

受氣當然是有, 但整體來說是飛得很開心。

你有沒有試過早上起來,

很期待上班、期待見同事的感覺?

我有! ......"

我沒有!! 真的沒有!

每次返工, 都是不情不願的。

看到這裡, 我即時拿起書到收銀處付款,

我要看看人家是怎麼工作的!

整書看完了, 沒話說,

不同公司就是不同公司,

人家公司對員工好,

我自己選擇了這家"本地航空公司",

路是自己選的, 真的沒話說。

只願快點有能力轉工...

Wednesday 28th February 2007 03:32:28 PM
又蚊?![ 0 messages] 
General

諗住前晚打死左隻蚊,

尋晚冇防範地瞓,

點知半夜又有蚊叫醒我,

又咬我塊面!!!!!!

好過分呀!!!!!!!!!!!!

人地今日仲要返工架嘛,

激死人喇!!

Tuesday 27th February 2007 03:29:59 PM
陰毒的蚊[ 0 messages] 
General

尋晚瞓到半夜,

比隻蚊叫醒左。

頭幾次佢叫我,

我太眼瞓都冇理佢。

點知佢叫得我幾次之後,

我開始覺得痕,

咪起身諗住噴蚊怕水,

點知發現佢咬左我塊面好多粒,

有一啖仲要係眼皮添!

好過分!! 我開燈搵佢,

比我發現佢食飽仲要踎係我床頭唔捨得走,

我即刻打死左佢,

之後好寧靜地瞓到天光。

好可惜, 一起身隻眼腫到好似隻雞蛋咁,

遮左半隻朣孔,

嘩, 好過份呀, 醜死人喇,

邊有咁陰毒既蚊架?!

Wednesday 21st February 2007 05:02:43 PM
黑色年初四[ 0 messages] 
General

年初四返工, 去日本北海道既札幌,

點知今日全日都好唔順利, 搞到好唔開心。

事件一

新年流流返工, 老總無派利是,

我地已經知佢唔方好野黎架喇,

果然不出所料。

事件二

第一個sector, 先有客個電視壞左,

本身係一件小事, 成日都有架啦,

而且唔full, 大把解決方法,

糟就糟在我地老總briefing時講過一次佢要我地解決電視壞既方法, 煩到嘔,

我講到連個客都嫌我煩, 真係頂唔住。

之後, 比野飲同一個客後, 約過左20-30秒,

聽到佢怪叫, 轉頭望佢見佢倒瀉左幾滴可樂在身上,

佢話係我比佢隻杯爛,

但我肯定一定唔係,

因為我地d 杯有時係會爛,

但多數係頭幾隻同尾幾隻,

佢係中間果d, 點會無端端爛?

而且, 我以前中過一次招比過爛杯個客,

自始我都好小心, 一定望過隻杯無爛先用,

再加上, 我倒可樂都需要時間丫,

如果隻杯真係爛左, 一早我倒緊時佢就漏啦。

所以我真係好肯定唔我事。

我即時比tissue個客,

我阿姐咁啱黎比野我, 見到,

佢返去攞濕毛巾返黎比個客,

然後問佢: 「係咪我地同事整到你架?」

嘩, 阿姐, 唔該晒喎, 你梗係怕我唔死得定啦! 仲要踩多腳?!

之後佢話左比老總知,

後來老總同我講返起呢件事時,

都仲係話係我隻杯爛,

我真係好唔開心,

點解你兩個可以咁? 你地咁唔support d crew, 我點做野呀?

我講左9萬次唔係我啦, 點解唔可以信我?

係我做既我怕咩認, 洗死咩? 但真係唔係丫嘛, 點解要屈我者?

事件三

前幾日, 換衫時條頸鍊無端端斷左,

好唔開心, 因為我好鐘意架嘛,

點知今日返工, 手鍊都斷埋,

唔洗一次過黑到咁嘛?!

事件四

返黎時, 做緊safety demo,

全部客都一定要睇的,

點知我出去point exit時,

隔離個客企起身,

我同佢講叫佢坐低睇safety demo先,

佢坐左, 但我point完一轉身,

佢即刻起身衝入toilet,

我梗係即刻追啦, 佢勁粗魯勁無禮貌咁好大力地關門,

我差d比佢夾親手呀!

嘩, 我真係想用盡力打扁佢!!!!!!!!

咩態度呀? 激死我!!

然後感到今日實在太諸事不順,

一時眼淺, 流左d眼淚。

係我第二次在飛機上面喊...

(第一次是開心的喊)

呢班機唯一覺得好既就係,

在札幌見到落好大雪呀,

係好大好大果隻呀,

好靚好浪漫呀!!!

Wednesday 14th February 2007 07:45:38 PM
Remote Control[ 0 messages] 
General

另一篇雜誌上的文章: 

問男生, 如果他們可以發明一個無所不能的遙控器, 他們想要什麼功能。

以下是男生們的答案, 女生看完後, 可以略略佑道平時男生最想要什麼。

對話Fast Forward: 可以skip左女友由朝早食什麼早餐到屋企隻貓曳曳等一大堆男生無興趣兼太詳盡的內容。

囉唆Mute: 將「幫我倒垃圾……記得吸塵……你又忘記左熄燈……」等說話全部靜音, 世界將會很平靜。

PMS Fast Forward: 這樣便不用個個月擔驚受怕, 驚無端端得罪左最唔得罪得既人----女人, 都唔知。

胸部Enhancer: 這點應該不用多作解釋了吧!

如果男生都不喜歡聽女生說話, 何不選擇一個啞巴女生,

或是平時聽MP3的時候大聲一點, 把自己的耳朵弄聾,

那麼, 世界便會真的很平靜了。到時候, 可不要要求我們學手語!

男生們, 你們可真是很奇怪的生物呢! 

追求我們和熱戀初期的時候, 是誰一天到晚打電話來,

問我們吃了飯沒有, 吃了什麼, 飽不飽的?

是誰查根問底地關心我們今天做了什麼, 見了什麼人, 將會做什麼的?

得手以後就嫌煩了, 嫌太詳盡了? 我們還以為這些是你們的樂趣呢!

男生們, 如果什麼都不用告訴你們,

火警用不用通知你們? 漏煤氣用不用通知你們?

還是應該把口合上, 讓你們繼續享受你們的平靜世界?

男生們, 你們沒有每月一煩惱, 便不要小看它帶來的「威力」!

你們看不見有多少女生因它帶來的痛而要進急症室, 要看醫生, 整晚徹夜難眠嗎?

你們試過這些痛嗎?

難道就連每個月抽幾天特別愛惜一下我們也不可以? 還說什麼愛我們?!

至於第四點, 給你們一個巨胸女生, 你們會很開心嗎?

總有一天, 所有的外在美麗都會消失,

想清楚你們想要的是什麼樣的女生吧,

世上沒有人是完美的。

Wednesday 14th February 2007 07:44:39 PM
How to stand behind him[ 0 messages] 
General

看雜誌看到以下一篇文章, 覺得有趣,

想跟大家分享一下:

常常聽到, 「做男人背後的女人唔易」。

當然唔易, 而且還相當辛苦!

試想想, 成日要站在別人背後, 亦步亦趨, 不能越界,

但當對方每次回頭看你時, 你一定要站得好好的, 不能走遠。

還有, 對方不一定以直線行走, 他有時停, 有時跳高, 有時踎低,

有時彎腰, 有時以S字形行走, 甚至趴下, 而且時快時慢, 問你點跟?

坦白講, 有點怕有人站在自己背後,

總覺得有點詭異, 越想越覺頸後發毛,

而且如果對方跟得太貼, 打噴嚏時,

我就頭髮遭殃……

其實大家平排而行, 不時可以看到對方, 有傾有講, 不是幾好嗎?

就是不明白, 點解男人鐘意有個女人企响自己後面?

有誰可以解答嗎?

Tuesday 13th February 2007 05:19:04 PM
London Trip[ 0 messages] 
General

一個臨時臨急決定的trip,

但真的是有幸運之神眷顧。

本來打算去埋Paris,

已經諗好晒邊日去, 邊班機去, 邊班coach去機場,

打算上網book時,

最後一秒決定唔去,

因為所有野黎得太趕。

點知, 去到London的第二日(即原本去Paris那天)竟然落雪!

機場因為落雪關閉,

全部航班都延誤, 火車都延誤。

真係好好彩, 如果book晒coach, 機票, 酒店,

點知搞成咁, 都唔知點算!

6日5夜的London,

景點都差不多去過了,

不過天公不造美,

好幾天都下雨, 有點不方便,

而且有些戶外的景點也因此沒去了。

特別值得推介, 亦感謝朋友們的推介,

我們花了一天坐火車到劍橋,

真的是一個美極了的地方!

旅遊書說它充滿書巻味,

這個嘛...我有點保留,

但, 的確是一個值得去的地方,

沒有高樓大廈, 整個地方的建築物卻各具特色!

河畔亦美不勝收!

讚!

Tuesday 06th February 2007 05:35:42 PM
地勤 & 空姐[ 0 messages] 
General

一向盛傳地勤與空姐都是不咬弦的, 我都不相信。

而且, 一向傳聞用staff ticket去旅行,

會遭到地勤人員的白眼, 我也不相信。

怎麼會呢? 大家都是同事, 大家都坐在同一條船上, 不是嗎?

不過, 今天起, 我相信了。

話說, 我準備搭今晚夜機到London,

想坐Business class, 但很滿, 最後只可以坐Economy class。

但我拿去check-in的是Business的飛,

他們做了個downgrade, 所以當我回來後我要拿著飛到公司做退款。

但這還是頭一趟我要這樣做, 有不懂的地方很奇嗎?

我們在公司出的staff ticket是粉紅色的,

拿去check-in後, 他們會給我一個boarding pass, 套著那張粉紅色ticket,

我以為是要拿粉紅色ticket回去refund,

到達boarding gate後, 那個地勤收了我的粉紅色ticket,

我便想問她, 我是要做refund的, 是不是要拿那張粉紅色ticket回去。

怎知道我只是"咿?我......."

她便很不客氣地跟我說:

「小姐(是很寸那種語調), 香港London果張飛我地要收架, 回程果張你應該自己有keep吖, refund你自己留返個boarding pass 啦!」

氣死我! 我真想 @&%$ 她!!!

什麼態度嘛? 大家都是同事, 用不著這樣子吧?

很過分!!!!!!!!!

Tuesday 06th February 2007 04:53:26 PM
What does your name means?[ 0 messages] 
General

見到個friend個blog有呢樣野玩, 咪走去試下囉, 結果如下:




What Cassandra Means


C is for Complicated



A is for Alert



S is for Shy



S is for Savvy



A is for Athletic



N is for Neat



D is for Dizzy



R is for Radical



A is for Adventurous

有興趣的人仕可以去下面條link試下。

http://www.blogthings.com/whatdoesyournamemeanquiz/


Monday 05th February 2007 02:12:00 AM
感謝各界友好[ 0 messages] 
General

臨時決定去一轉London,

在很短時間內為旅程準備。

感謝各界友好的幫忙,

現鳴謝如下:

感謝Jeannie和Wallis提供有關London的資料;

感謝Winnie借出相機及聯繫演唱會飛交收事宜;

感謝卓榮幫我頂了兩張演唱會飛;

感謝阿敬幫我print出資料;

還有其他很多很多, 如有遺漏, 實在抱歉,

人老了, 記性差了...

Friday 02nd February 2007 01:01:38 AM
致天下間的男人[ 0 messages] 
General

致: 天下間的男人

女朋友是要哄的。

平常沒事要哄,

你不小心說錯話要哄,

吵架後更要哄。

說什麼不懂,

這不是一個藉口!

人一生下來就什麼都懂嗎?

那你為什麼懂走路, 懂說話?

這不是學回來的嗎?

不懂的話,

本小姐願意開班授徒,

我不要再看見不懂哄女朋友的男人!

Thursday 01st February 2007 12:04:59 AM
感動人心的一篇文章[ 0 messages] 
General

在別人的blog上看到這篇文章, 真的很值得跟大家分享一下:

爸爸媽媽是會老的!

*****************************


在關心你男/女朋友....好朋友的同時....別忘了也花點時間多陪陪爸媽...多關心他們喔!!


如果你在一個平凡的家庭長大;如果你的父母還健在;

不管你有沒有和他們同住;


如果有一天,你發現媽媽的廚房不再像以前那麼乾淨;

如果有一天,你發現家中的碗筷好像沒洗乾淨;

如果有一天,你發現母親的鍋子不再雪亮;

如果有一天,你發現父親的花草樹木已漸荒廢;

如果有一天,你發現家中的地板櫥櫃經常沾滿灰塵;

如果有一天,你發現母親煮的菜太鹹太難吃;

如果有一天,你發現父母經常忘記關瓦斯;

如果有一天,你發現老父老母的一些習慣不再是習慣時;就像他們不再想要天天

洗澡時;

如果有一天,你發現父母不再愛吃青脆的蔬果;

如果有一天,你發現父母愛吃煮得爛爛的菜;

如果有一天,你發現父母喜歡吃稀飯;

如果有一天,你發現他們過馬路行動反應都慢了;

如果有一天,你發現在吃飯時間他們老是咳個不停,千萬別誤以為他們感冒或著涼,(吞嚥神經老化的現象);

如果有一天,你發覺他們不再愛出門,我要告訴你,你要警覺父母真的已經老

了,器官已經退化到需要別人照料了,如果你不能照料,請你替他們找人照料,並請你千萬千萬要常常探望他們,不要讓他們覺得被遺棄了。


每個人都會老,父母比我們先老,我們要用角色互換的心情去照料他們,才會有

耐心、才不會有怨言。當父母不能料理自己的時候,為人子女要警覺,他們可能會大小便失禁、可能會很多事都做不好,如果房間有異味,可能他們自己也聞不到,請不要嫌他髒或嫌他,為人子女的只能幫他清理,並請維持他們的『自尊心』。


當他們不再愛洗澡時,請抽空定期幫他們洗身體,因為縱使他們自己洗也可能洗不乾淨。


當我們在享受食物的時候,請替他們準備一份大小適當、容易咀嚼的一小碗,因為他們不愛吃可能是牙齒咬不動了。


從我們出生開始,餵奶換尿布、生病的不眠不休照料、教我們生活基本能力、供給讀書、吃喝玩樂和補習,關心和行動永遠都不停。


如果有一天,他們真的動不了,角色互換不也是應該的嗎?為人子女者要切記,看父母就是看自己的未來,孝順要及時。


如果有一天,你像他們一樣老時,你希望怎麼過?現在的你,是在當單身寄生蟲、還是已婚雙料或多料寄生蟲?你有留意過自己的父母嗎?請關心和留意他們正在逐漸老化的過程,也別忘了花多點時間陪陪爸媽...多關心他們喔!!!


不要經常對他們呼喝...

請立即打電話告訴他們「我愛你們」吧!

Wednesday 31st January 2007 03:28:36 PM
止住眼淚[ 2 messages] 
General

自從看過醫生之後,

幾乎每晚都是哭累了才睡著。

星期五再要見醫生,

心情很緊張。

Monday 22nd January 2007 02:55:34 PM
Port sick 的日子[ 0 messages] 
General

又port sick,

真係唔係幾想的。

真係掙扎左好耐,

即使佢比班overnight機比我,

明天返來會趕到一隻嘢咁去返學,

我都會做,

點知今朝起身,

見到佢比左班Singapore我,

但係係果種今晚夜晚去,

聽日下午先走, 返到黎夜晚10點幾11點果種。

真係無辦法, 唯有port左佢。

呢d 咪就係公司自己捉蟲囉,

無啦啦要比個2 months standby我,

搞到我調唔到機返學,

結果要port sick。

係你自己攞黎的。

Friday 19th January 2007 11:55:14 PM
空中工作[ 0 messages] 
General

一直以為, 是我的personality不適合當空姐這份工作,

卻從沒想過, 是我的身體狀況不容許。

從沒想過, 我與這份工作,

從一開始就是一個錯誤,

當天, 只要換了另一個骨科醫生,

我根本沒機會pass 那個職前body check。

Sunday 14th January 2007 03:52:19 PM
成績[ 0 messages] 
General

剛知道了上個學期的成績,

我總共讀三科,

一科A+, 一科A, 一科B,

最後得出GPA 3.83,

真係好開心!!

以前讀full time時, 都未試過GPA過3,

超開心!

Saturday 13th January 2007 01:42:09 PM
印度孟買[ 0 messages] 
General

4 day 孟買,

足以累死人的一個pattern。

只要一聽我在這4天的行程,

相信不難想像累人的程度,

第一天: 香港-->曼谷-->孟買

20小時後: 孟買-->杜拜-->孟買

20小時後: 孟買-->曼谷-->香港

除了第一天的行程, 其他全都是半夜起行的,

其實每班機做完後, 回到酒店後不一定睡得著。

結果, 情況就是在幾乎沒有休息的情況下返工,

這6個sector的客人可不是善男信女喔,

每人每次要3-4杯飲料是家常事,

你只是serve多2-3個客人,

他們那些飲品已經全倒進肚裡了,

他們就會把你叫回來, 再order過,

結果, 2分鐘都還是停留在一位客人處,

令每一個sector都趕到不得了。

而且, 印度人的文化, 不是那麼容易吃得消的,

以下是這4天內遇到的幾個case,

和大家分享一下:

1. 我問客人甲要吃魚飯還是印度素食, 他說要三文治。我已經在心裡嘀咕, 天啊, 你可不可以正常一點? 吃什麼三文治嘛?! 我問的是魚飯或素食, 我可沒說我有三文治這個選擇! 而在正常的情況下, 這些短途機是沒有三文治的, 只有長途機才有三文治作零食。但基於公司一個無聊至極的規矩, 無論客人問什麼, 都不能第一時間當面說沒有。我只好說幫他看看有沒有, 並問他有沒有興趣吃tray上面那些salad或小食, (tray上有一個面包), 因為很多時客人只是不餓, 想隨便吃些東西, 90%這樣問, 他們都會欣然接受。可是, 客人甲破口駡我, 說「你知道三文治和面包是有很大分別的嗎? 我要三文治!」那我只好再說幫他再找看看, 他說不急著要的, 我可以先做完我的事才找, 我已告訴他那麼大概要等三十分鐘。他說沒問題, 並叫我給他一杯diet coke。我當然給了, 而當我還沒serve他隔壁的客人時, 他已一口喝完那杯diet coke並叫我再給他一杯, 我當然亦給了。

當我派完餐, 問過阿姐, 確定我們沒有三文治後, 我即時回去找客人甲, 跟他說:「先生, 不好意思, 我們今天沒有三文治供應。」我話未說完, 他已經耍手叫我走, 說不想跟我說話。後來, 阿姐告訴我客人甲要跟機艙經理談。客人甲說他要三文治, 我卻硬塞面包給他迫他吃, 而且沒有為他提供飲料。天啊! 這是什麼民族! 這樣子把事實歪曲也做得出來!

2. 我在收餐盤, 客人乙跟我說他很熱。(那時候已經是即將要降落了, 我們因為這個民族的人太苛索, 已經有不能完成手上工作的危機了, 再況且, 我們並不覺得機艙內的溫度那麼熱。)我說我會幫他試試調較機艙溫度, 他說好。然後我繼續收同一行的其他客人的餐盤, 我和餐車從來都在原地, 沒有離開過。然後, 另一個機艙的男同事完成手上的工作後, 打算到機尾去, 但因為我的餐車在路中, 所以他只好站在我身後, 那時我正蹲下去放好另一位客人的tray。客人乙一見到那位男同事, 便又即時拉著他說很熱。(跟我說過後不夠20秒!)我即時火都來, 站起來跟客人乙說:「先生, 你剛剛才跟我說過, 我不是已經告訴你我會幫你調節溫度嗎? 你看, 我還站在這裡, 沒有離開過! 我記得你的要求, 但你可不可以給我一點時間呢? 你等一下可以嗎?」他才不好意思的「okok」性急, 就是他們的特性。

總之, 成班機都---激死人 + 累死人 + 做死人!!

Tuesday 09th January 2007 03:43:34 PM
天使的話[ 0 messages] 
General

有好多人進出你既生命;
但係只有真正愛你同鍚你既人先會響你個心裡面留底佢地既腳印,眼淚同心跳..

如果一個人背叛你一次,係佢既錯﹔

如果一個人背叛你兩次,咁就係你既錯...

失去金錢既人,失去好多﹔

失去朋友既人,失去更多﹔

失去信心既人,失去所有。

美麗既人係天然形成,

美麗既心先至係難能可貴。

Wednesday 03rd January 2007 11:44:46 PM
Auckland[ 0 messages] 
General

昨天被call了去Auckland,

差不多一年前到過這個地方,

印象: 差。

沒什麼可觀光的一個地方,

一句到尾: 悶。

酒店名稱是Hyatt, 但質素卻與一般Hyatt有很大分別,

房間破舊不堪, 地毯滿佈污積,

還有很多很多, 不能盡錄。

這次, 竟然讓我在雪櫃內發現上手住客留下的半盒雪糕!!!!!

實在太過分了!

而且, 旅程中思鄉症發作,

好想念香港, 好想家, 好想我愛的人, 愛我的人,

我在想, 為什麼我要淪落到如斯田地?

經常一個人在外流離,

到各個陌生的地方去?

我知道, 我並不適合當這份工作,

我亦不喜歡我的工作,

只是目前, 我沒有別的選擇,

我覺得很沮喪, 很不開心,

想著想著, 再一次, 在異鄉狠狠地哭了一場...

Thursday 21st December 2006 03:33:10 PM
書蟲[ 0 messages] 
General

昨晚, 捱更抵夜地看完一本書,

結局好慘, 很久沒有看完一本書後感動得哭了,

今早醒來時眼睛都腫了。

Tuesday 19th December 2006 03:45:43 PM
電腦有病[ 0 messages] 
General

電腦阿仔, 你究竟咩事呀?

3分鐘一到就自動restart,

我做左咩你覺得我對你唔住呀?

你乖d生性d啦唔該!

我咩file都冇backup到架,

咪玩啦!

Friday 08th December 2006 03:43:08 PM
天堂與地獄[ 0 messages] 
General

開始乖乖地standby,

上網check roster, 見佢有機比我, 咪acknowledge囉,

一睇, 竟然比班聽日既4 days Melbourne我,

嘩, 開心到爆, 即刻攞晒啲dvd , cd出黎揀,

(因為間酒店既音響系統勁正)

雖然今晚個standby仲係度,

但我估佢唔會call我, 因為我ackowledge時都2點, standby 4點開始,

我估佢唔會咁白痴調來調去搵自己笨,

點知...4點一到, 就收到電話,

叫我去Delhi!!!!!!!!!(係尾二最爛既機)

嘩, 感覺就好似由天堂跌左落地獄一樣...

即刻收返埋晒d碟, 改為帶杯面, 唉...

班機, 的而且確, 真係好爛,

6個鐘未停過手, 仲要困住聞毒氣,

落左機, d 空氣一樣咁差,

去到酒店, 諗住沖個靚涼洗走身上既味,

點知一開花灑...又聞到果陣味,

結果反而可能再吸多幾錢重...

唉, 我真係未試過咁討厭一個地方,

印度真係第一個, 你好野!

Thursday 07th December 2006 10:45:52 PM
討厭現狀[ 0 messages] 
General

我發現, 我越來越不喜歡我的工作,

我明白, 很多人都有不願上班的情況,

只是, 我這陣子不想上班的狀況簡直到了極點,

我只要一想起要穿上那套制服,

帶著重重的行李離家,

步上那架千瘡百孔的飛機,

對著一大群陌生人表演社交的技巧,

我就有種想哭的感覺。

對了, 就是這種感覺,

每次逼於無奈一定要返工的時候,

我就有種很委屈的感覺, 想哭...

但是, 為著某些原因,

我沒法在短期內離開這間公司,

想到這, 我便很討厭這麼的一個自己...

Thursday 07th December 2006 10:22:17 AM
新的領悟[ 0 messages] 
General

今早看肥田囍事大結局,

大四喜跟肥田說,

他才是最懂怎去愛她的人,

他說: 「愛一個人, 不是她說什麼都是對的。懂得為對方設想, 才是真正的愛。」

只懂遷就, 不是真正的愛,

一個無論你說什麼都說對的人,

並不代表他就是最愛你的人,

我明白了。

Wednesday 06th December 2006 05:42:43 AM
我的驕傲[ 0 messages] 
General

嘩, 從來未有過呢種感覺!

而家係清晨五點半, 我為左聽日要完成晒兩份功課同返學校交埋,

我通左一晚頂,

五分鐘之前岩岩做好!

我覺得自己好勤力, 好自豪呀!!

以前都試過通頂做功課,

但都係hea住做,

今次係好專心, 好用功咁做, 一啲眼瞓都無,

個感覺好唔同架!

講時講, 好奇怪,

今日全日都做緊呢份功課,

一直都唔識做,

點知頭先零晨唔知幾點,

突然間有一刻好似開左竅咁,

諗明晒成份野,

好多ideas好多points湧出黎,

一時之間太多, 搞到我好亂,

後來組織好之後, 就變成一份我好滿意既功課, 超開心呀!

我覺得值得攞到高分架!

好神奇呀! YEAH!!!

Tuesday 05th December 2006 01:37:50 AM
Time management[ 0 messages] 
General

由中學開始, 朋友仔都話我係一個good planner,

我會plan好晒要做d咩,

plan好自己個schedule等等。

今次真係比公司玩死,

無端端比個2 months standby我,

搞到我做功課既時間plan唔到,

交功課既時間plan唔到,

1月想去London plan唔到,

朋友想我去佢既畢業典禮plan唔到,

好痛苦, 你究竟想我點? 玩完我未?

你肯比個roster我, 我有得plan,

我都唔洗port成而家咁,

係你逼我架!

你不仁, 我不義!

Sunday 03rd December 2006 04:00:36 PM
功課[ 0 messages] 
General

好多功課做呀.....

做死人咩.......

救命呀.......

Friday 24th November 2006 02:32:15 PM
轉工行動[ 0 messages] 
General

我話既, 最遲一月我就要比大信封公司!

Wednesday 22nd November 2006 06:06:03 PM
[ 0 messages] 
General

對於我公司, 除左"賤", "無人性", "冷血", "無情" 之外,

我真係諗唔到其他形容詞。

呢幾日, 我都不斷為自己既2個月standby上訴,

到今日, 佢夠膽死覆我話(本人翻譯成中文):

"因為我六月時攞左3日advanced leave (原本10月放14日, 我攞左果度既3日黎放), 同埋我半年內請左9次假, 所以好多, 所以我有2 months standby"

我睇左, 當堂眼都突埋, 差d爆血管!

大佬, 你有冇睇過我點解6月要請假呀?

我老豆暈左入左3日醫院,

我先至要請果3日假者!

而家你話我知, 呢個係其中一個點解我入左2月standby既原因?!

有冇搞錯!? 咁既說話都講得出, 有冇人性架!?

我已經無晒心機再為呢間公司賣命喇,

我要轉工!!

Tuesday 21st November 2006 10:14:45 PM
Upset days[ 0 messages] 
General

自從得知2 months standby事件之後,

心情真係未好過。

為左呢件事, 尋晚瞓唔著,

諗下諗下, 自己躲在被窩入面喊,

唉...何苦呢?! 都係打份工者, 做咩搞到咁淒涼...

為左呢份工, 我究竟流過幾多眼淚?

啞子吃黃蓮, 我既苦真係冇辦法講,

同身邊任何一個人講, 大家都唔會明我既感受,

我唯有引一d同事在公司網講既說話:

1.  "已經過左兩日, 公會都未有任何feedback, 可能因為假日唔做野啦~
不過, 我o既心情真係好差, 屈到病... 講笑, 其實係去完好凍嗰度返黎患感冒~ 雖然病左當然係要請病假, 但係公司令我病都病得"唔自在"! 好怕公司又唔知拎咩籍口黎"罰"我, 原因係因為我成日病.........
我o既情緒已經到左新低點, 我唔明公司點解要咁對我, 因為我一直都好比心機做野, 從來都唔會係飛機度偷懶! 感覺好孤獨, 好似比人遺棄咁, 就算同朋友講, 佢地又唔會明, 亦無心機聽; 同啲菇講, 佢地又會抱住事不關己o既心態, 回應你一句 "丫~ 你真係慘喇~"! 我可以同邊個講我有幾唔開心? 有幾沮喪? 唯有對住部電腦講~ 雖然我好嬲, 但係我感覺更加沮喪!
到而家都未知, 有邊個可以幫我, 有邊個會企係我呢邊... 因為我身體唔好, 好多時病, 同埋做野時整親, 所以port 左三十幾日, 就要咁對我? 我開始明白殘疾人士比人歧視o既感受~"

2.  "好唔甘心, 覺得好唔公平~ 真係好想唔做, 但係唔做又只不過係益左公司, 又未搵到野做...."

3.  "我無返去interview, 亦從來無co flight, 都擺我2 mths standby。我有位classmate, 呢幾年都勁report sick, 一次閒閒哋都十日ハ日, 佢又唔使standby喎!吹得邊個脹??"

4. "講真嗰句, port 左咩機真係咁重要咩? 我睇未必囉~ 阿公今次呢件事根本就無透明度, 我之前個post 都講過, 阿公話淨係比啲highest ab rate o既crew, 但係事實係點?

同埋阿公咁講一套, 做一套, 對我地黎講好唔公平, 全世界都以為呢個program wrok, 少左人port sick, 係呀, 係少左, 就係少左嗰啲唔係病都攞假, 但係又無兩個月standby 嗰啲囉! 仲令到好多人對我地有誤解, 根本我地就唔係highest ab rate 嗰 jar, 但係就人人都以為我地呢啲有兩個月standby o既=port sick最多嗰啲~

其實針唔桔到肉又點會知痛丫~"

5. "老實講, yuchee係一間offer同benefit都算唔錯既大公司...無奈d management真係令人非常失望.....我都已經唔係哩間公司既一份子喇....所以各位被roster 2 months standby既朋友, 如果真係覺得好受委屈, 就唔好再逼自己留低....努力搵工呀~~~~"

Monday 20th November 2006 11:40:25 PM
我的公司[ 0 messages] 
General

人人都覺得入到大公司做係一件好事,

我不嬲都唔太認同,

尤其是當我入左呢間公司之後。

我公司, 人人都以為係一間好公司,

話係香港人既dream company頭三位喎,

我呸!

香港人, 清醒d啦!

到你入左去做你就知呢間公司點對員工,

有幾咁無情, 幾咁過份喇!

淨係睇下平時佢成日比員工告就知啦,

一間好公司點會咁?!

唉...如果我唔係睇在份雙糧份上,

我諗我已經遞左信喇。

而家, 既然要捱左個12月,

我唔爭在捱埋個1月, 一了百了,

費事打亂左我自己原本個plan。

總之呢, 我對呢間公司死晒心架喇,

心都淡呀, 唉...

Friday 17th November 2006 11:18:53 PM
[ 0 messages] 
General

好灰, 無端端roster左2個月standby,

平時一個星期都叫晒救命,

而家2個月, 真係唔知點死,

真係好認真諗過唔做,

但係下個月出雙糧,

無理由而家走蝕左比佢,

唉...但係, 真係唔知點捱...

Thursday 16th November 2006 11:44:11 PM
生日禮物[ 0 messages] 
General

今日生日,

原本應該開開心心的。

點知撞正星期四, 要返學,

我都知唔老黎架喇。

又撞正今日出roster,

本來都唔記得左,

下午心血來潮上去睇下,

一睇不得了, 跌左入2個月standby,

哈, 估唔到公司對我咁好,

比份咁既生日禮物我!

即時心情跌到落谷底...

Tuesday 14th November 2006 03:41:17 PM
腳踏實地的感覺真好![ 0 messages] 
General

終於等到放大假。

18天的假期, 不打算外遊,

但亦不是一個悠閒的長假,

功課排得密密麻麻的,

朋友相約吃飯的日子亦是一天接一天的,

雖然還是照樣忙碌,

但, 能夠有18天腳踏實地的感覺, 真好!

天空中那種不安全的感覺,

說到底, 還是很累人的。

(其實, 假期已經過了接近一半了...)

Saturday 11th November 2006 11:53:20 AM
生日慶祝行程展開[ 0 messages] 
General

今天, 開始了本年度的生日慶祝行程,

Pantasy還買了一個"蛋糕"給我呢!

想不到這麼早便吃了今年的第一個生日蛋糕!

好開心呢, 多謝Pantasy!

Monday 06th November 2006 12:57:10 AM
返工返工再返工[ 0 messages] 
General

人人都說, 我的工作有很多假期,

但是, 當你親身去做這份工時,

你就會明白, 每做完一班機有多麼的累,

這些假期, 我們是真的需要用來休息的...

連飛左4日, 有d散晒既感覺, 好累...

Monday 23rd October 2006 11:16:32 PM
恩愛老夫婦[ 0 messages] 
General

今天做台北turnaround, 見到一段感動的事:

回程時, 一位老先生登機,

我問他的座位是幾多號,

原來是機尾最後第二行,

我把他帶到他的座位, 告訴他"這個就是了",

只見他把行李通通放下, 跟我說: "我要去幫我太太拿行李。"

我朝他身後看看, 才見到一位老太太拉著行李從前面幾行走來,

老先生迎上去, 把老太太手上的大件行李接過, 再走回來,

開始把行李放上行李櫃,

老太太走到座位時, 看著老先生, 跟他情深的說了一聲"謝謝!",

我頓時呆了, 這是一個很簡單不過的情景,

可是卻是多麼真實而感人的一幕, 而且又有多少對夫婦能夠做到呢?

可見兩位老人家一定是感情要好, 而且恩愛得很, 相敬如賓,

我真的好希望這個情景也會出現在我的人生當中!

Sunday 22nd October 2006 10:21:30 PM
2010[ 0 messages] 
General

謝謝你, 我終於了解了,

我終於知道, 我也身於幸福當中,

是我想得到的幸福!

我知道, 我會期待2010年的降臨,

也期待提早的時刻...

Friday 13th October 2006 03:06:57 PM
幸福[ 0 messages] 
General

看見朋友得到真正的幸福,

心裡實在十萬個安慰,

期望朋友快點想通,

懂得珍惜這些不易得到的幸福。

你知道嗎? 不是每個人都可以得到這種幸福的呀!

一直以來, 我都以為自己處身於幸福之中,

我以為我已經得到了幸福,

但原來, 是我一直在騙自己,

我一直迫自己相信,

這就是我要的幸福...

但原來, 我要的不是這些呀...

我從未得到過我心中最想要的幸福,

一直沒有...

請你告訴我,

我能夠從你身上得到嗎?

Thursday 12th October 2006 12:29:57 PM
[ 0 messages] 
General

突然, 昨夜夢見你來電...

Wednesday 11th October 2006 12:28:06 PM
工作 vs 學業[ 0 messages] 
General

原來, 要兼顧工作與學業,

真的不是一件易事。

原本, 對我來說,

應該不是那麼難的,

要返學的日子, 請病假便是了。

怎料公司推出了兩個月stnadby block,

實在不敢隨便再report sick,

兩個月呢, 平時十多日的standby我也已經有受不了的感覺了...

但是, 我好想返學呢,

我不想走堂呢...

Tuesday 10th October 2006 06:21:53 PM
回歸校園的感覺[ 0 messages] 
General

出來社會工作久了,

便想重回校園,

但當重返校園後,

面對一大堆的功課,

一大堆不懂的問題,

真的有點沮喪...

Monday 09th October 2006 11:24:34 AM
浪費金錢[ 0 messages] 
General

成兩個月無去做瑜珈喇,

簡直覺得自己浪費金錢,

不過真係無辦法,

就黎瞓都無時間,

又邊有時間去做Yoga丫,

唉, 只怪自己一時衝動啦~

Saturday 09th September 2006 12:55:35 PM
心亂如麻 -- Janice[ 0 messages] 
General

因初吻著你想慶賀 你卻開始疏遠我
假使你是覺得怯懦 你會不會拒絕我

你有意欲去找我 你會通電再會過
如實在認真喜歡我 或是有心敷衍我
如今只有三歲都清楚

*是你不想我啦 甚至不找我啦
 無非幾天變化 就像刮我幾千巴
 難道你共我親吻抱擁之後竟有偏差
 不想和我好 請求直說真話*

很想你是愛得懶惰 至會多天不理我
心境正逐秒鐘跌墮 我哪一樣有做錯

過去你極愛惜我 快慰之後侮辱我
曾自問自私開心過 自問自卑擔心過
如今的我只要知清楚

REPEAT*

沒有膽色纏你 心亂如麻
回去吧 回去吧 來讓我傷口結疤

是你不想我嗎 是你不找我嗎
無非幾天變化 就像刮我幾千巴
難道你共我親吻抱擁之後竟有偏差
不想和我好 不如直說真話

Monday 28th August 2006 11:56:05 AM
痛到嘔[ 0 messages] 
General

呢排真係接住咁病,

之前啲咳都未好返晒,

尋晚唔知做咩,

勁頭痛&頭暈, 食左止痛丸都唔得,

仲痛到想嘔添!

之後諗住好似好返少少就出門口去返工,

點知一坐車就大件事,

啲痛返晒黎, 仲暈多啲添,

返到公司門口都返唔到工,

最後去左機場睇醫生,

食左止痛&止嘔丸,

點知都唔得,

返到屋企坐左唔夠2分鐘就即刻嘔,

好可憐呢...

仲有排standby添架...

Thursday 17th August 2006 03:31:20 PM
捱病左[ 0 messages] 
General

之前講到, 我今個月拼左命咁搵錢,

點知, 就係咁, 就捱病左喇,

今日swap左班Taipei BD返黎做,

點知都因為病而port左,

眼白白睇住d錢流走左...

Wednesday 09th August 2006 05:08:24 PM
$$$$$[ 0 messages] 
General

今個月, 我真係覺得自己顛左,

因為要讀書, 要交好貴既學費,

所以我決定要拼命賺錢,

我不斷放day off出去,

換d機返黎做,

又用d short flight換d 長機返黎,

成日都一連返幾日,

我都覺得自己好勁呀...

希望下個月出糧時會覺得值得啦~

Friday 21st July 2006 11:24:33 PM
容身之所[ 0 messages] 
General

好唔開心,

世界之大,

彷彿卻無我容身之所...

Thursday 20th July 2006 03:31:33 PM
感動的一幕[ 0 messages] 
General

從我有記憶以來, 都好像沒有見過爸爸媽媽手拖手的情景,

小時候, 總會頑皮地用兩隻小手分別拖著他們,

然後把他們的手牽在一起,

卻從未見過他們真正的拖手。

昨天是父親的生日,

晚上與父母及男朋友一起外出用膳,

不知是否被我和男朋友感染了,

用膳完畢, 在酒家去取車途中,

我第一次回頭跟他們說話,

發現媽媽摟著爸爸的手臂,

到第二次, 竟發現他們正十指緊扣地牽著手!

我當然甚麼也沒說, 免得破壞了這個浪漫的時刻,

但是, 那一絲感動, 卻慢慢在心頭漫延...

Thursday 29th June 2006 10:49:44 AM
朋友們[ 0 messages] 
General

自從轉了工之後,

工作時間經常不穩定,

所以要約朋友出來相聚都沒有以前那麼容易,

最近, 因為太多standby的關係,

總是去不到朋友們的聚會,

其實, 我是很想念你們的啦!

Monday 19th June 2006 12:47:07 AM
疼愛家人[ 0 messages] 
General

直到今天, 回想當天的畫面,

仍感到恐慌, 仍有想哭的衝動,

然後, 反省自己,

以往花在家中及家人身上的時間實在太少,

今後, 我要好好疼愛他們, 珍惜他們!

Sunday 18th June 2006 12:43:48 AM
失去的感覺[ 0 messages] 
General

今天, 來到失去親人的邊緣,

那一刻, 我只知是無限的恐慌,

只想到要盡一切辦法把他救回來,

在那一個邊緣, 我真的感到心慌了,

然後才發現身邊的人,

原來我一個都不能失去....

Tuesday 30th May 2006 05:24:51 PM
放大假的日子[ 0 messages] 
General

放大假都放左一個星期喇,

不過一d都唔悠閒,

去左一趟台北,

終於試下比人serve既滋味,

亦影到雲海既相, 好開心呢~

Friday 12th May 2006 11:24:47 PM
重返EY的日子[ 0 messages] 
General

今日本來做Taipei turnaround,

點知早兩日收到通知cancel左,

今日變左standby,

一夠鐘就打黎比班吉隆坡turnaround比我,

雖然有得坐的士返工,

但係, 今日有d crew真係奇奇怪怪...

今日終於都回歸EY喇(一次咁多啦, 因為有另一個junior過我既crew),

但係我阿姐就真係唔係好得囉,

2個sector, 一次replenish都無,

搞到我好似個孤兒仔咁, 乜都冇,

做完晒野又唔知佢走左去邊度蛇喎,

完全冇晒影, 又唔叫我地食野,

淨係攞盤生果出黎, 同我地講"crew meal黎架, 食蕉啦!"

我同另一個crew係當場呆左囉...

算佢好彩, 今個月唔係Tip Month,

如果唔係...佢死梗!

Monday 01st May 2006 11:02:39 AM
病魔纏身[ 0 messages] 
General

近日, 不知為何, 身體弱得不得了,

連續的病, 全都是不同的病,

而且都是未發生過的,

不是平常的傷風感冒,

一樣都未好返, 第二樣又黎,

好可憐...

尋日仲要急性藥物敏感,

已經返到公司仲有25分鐘briefing都飛唔到,

要即刻睇醫生, 比左3日病假我,

個個都話好, 好乜鬼丫,

病到咁都話好, 我寧願返工,

咁大個人, 食過咁多藥都冇話試過藥物敏感既,

今次真係黑到病魔先生黐住我唔肯走...

Saturday 01st April 2006 01:25:28 PM
身體健康[ 0 messages] 
General

原來, 一個人最大的財富, 就是健康,

希望我們都早日康復吧...

Friday 24th February 2006 01:20:26 AM
[ 0 messages] 
General

呢排飛得好密, 好累呢...

Monday 06th February 2006 12:01:44 AM
前路[ 0 messages] 
General

是我的心太野? 還是我尚未想清楚自己想走的路?

也許, 現在是時候想想我到底想做什麼...

Friday 27th January 2006 02:35:48 PM
黑仔[ 0 messages] 
General

呢排唔知做咩咁黑仔,

狂撞到果個超衰既阿姐,

仲要扮nice同佢傾計,

救命呀!

仲要大年初一去Taipei可能係同佢一齊飛,

唉, 發生咩事?!

Thursday 26th January 2006 02:39:06 PM
Danpaser Turnaround[ 0 messages] 
General

之前聽人講過, 話通常做turnaround d人都唔太差,

個flight都會幾開心,

今次又體會到喇,

全set crew, 由ISM到所有BC,

全部都ok, 幾好, 所以今次都幾開心,

yeah!

Wednesday 25th January 2006 06:45:28 PM
以貌取人[ 0 messages] 
General

做呢份工, 成日都要同唔同既人一齊做野,

成日都遇到不同既人,

從中, 令我明白到,

有時, 真係唔可以以貌取人,

有d人, 你一見到佢時, 以為佢會係寸寸地, 唔多nice,

點知做落野之後會發現原來都唔係想像中咁差既;

但又冇另一d人, 佢表面上會扮晒nice,

但係之後你就會發現,

呢d人係幾咁口不對心,

討厭!!!!!

Monday 23rd January 2006 11:09:16 AM
Last day QCB training[ 0 messages] 
General

話咁快就過左6日喇,

QCB已經train完,

聽日又要再飛喇,

仲要一連幾十次都係new aircraft,

所有野都唔同晒,

我唔鐘意呀...唔想返工,

唔想再由頭黎過,

又再好似一個白痴咁企係度,

d野擺邊完全唔知囉!

討厭!!!!!!!!!!!!!!!

Friday 20th January 2006 01:11:57 PM
QCB Training[ 0 messages] 
General

返左去公司一個星期train埋boeing同jumbo,

腳踏實地既感覺實在太好,

見返d同學仔, 不錯不錯,

我寧願training...

Sunday 15th January 2006 01:05:47 PM
最大的後盾[ 0 messages] 
General

還是擺脫不了這個如果,

為了這件事哭了三次,

這次, 真的看開了,

什麼都不要緊了,

真的, 因為我可以在你臂彎內哭,

已經可以彌補很多令人不開心的事,

身邊有你, 再苦的事,

我知道, 我也會撐過去的。

Saturday 14th January 2006 10:12:19 AM
如果...[ 0 messages] 
General

想了很多如果, 如果, 如果,

再想, 其實世上沒有那麼多的如果,

有很多東西是沒法回頭的,

有更多東西是命中注定的,

Wallis說得好, 我擁有的已經比別人多,

人不應常常只想著自己失去的東西,

應對自己擁有的東西心存感激。

還有, 多謝媽媽的支持,

很少會感到她這麼強大的支持,

I'm much better now...yes, i think so...maybe...

Friday 13th January 2006 02:36:30 PM
找回你所喜歡的自己[ 0 messages] 
General

看到一篇e-mail, 覺得很有意思,

也覺得它說得很對,

亦慶幸自己找到了一個激發我好的因子的人,

實在應該感謝:

每一個人的本質中都潛藏了好的因子和壞的
因子,
當然其中的比例則因人而異,

但是這些因子潛藏在你體內,
卻不一定會時時顯現出來,

有些因子甚至可能潛藏一輩子,

都沒被人發現過。
究竟哪些因子會三不五時地浮出表面,

哪些因子又被深深埋住,
連自己都不知道它的存在,

我覺得這和一個人所遇到的人,事,物有關。
我曾經認識一個朋友,

可以說是一見鍾情,
所以一開始約會就十分頻繁,

但是沒多久我們就陷入了冷戰和爭吵的循環中,
當然也有甜蜜的時刻,
但仔細算一算,

冷戰和爭吵的時候似乎更多。
冷戰時,我們為了表示自己完全無視於對方的存在,

做了不少蠢事;

例如和言語乏味的人喝咖啡,

買一堆可能一次都不會穿的衣服;
爭吵時,我們搜索最冷酷的字眼加諸於對方,


用膝蓋想也知道,兩個人都說了很多傷人的
話。

我是一個幾乎不和人吵架的人,
有一天,我忍不住想,

為什麼我會陷入這樣的局面,

難道是我們的磁場不對?
還是∼∼她具有特異功能,

將潛在我體內的壞因子全激發出來了。

然而,在朋友口中,她也是一個溫柔的人,

善良有禮貌,懂得進退之間的分寸,
我不得不承認,這也是我當初欣賞他的原
因之一,
但是,在我們倆人相處時,她卻變得情緒化,

拿捏不住進與退之間的分寸。

難道,在她激發出我身上的壞因子的同時,

我也激發出她身上的壞因子了嗎?

我訝異於這段愛情在她身上和我身上造成的改變,
我想把原來的自己找回來,

我不願意變成一個易怒,沒有修養的人,
我想∼∼她也和我有同樣的希望

終於∼∼我們決定分手了

我們已經沒有太多的不捨,也沒有太多的
怨懟

分手後,我發現我又是過去的自己了,

偶爾想起她,我沒有懷念的情緒,
我想我們是真的不適合,

有些人在一起,可以激發彼此身上好的因子,

他們可以互相陪伴快樂成長;

有些人在一起,卻只會激發彼此的壞因子,

於是不知不覺中陷入品質低劣的感情中,
在爭吵和冷戰中消耗生命的能源。

還好,我們及時發現了這一點,並且分手;

有些人卻可能一輩子不肯鬆手,

始終過著不愉快的生活。

愛情不應該變成壓力,

即使愛情裡本來就多多少少會有嫉妒,猜疑這一類的負面情緒,
但是,遇到的人對,這些負面情緒也會轉化成另類甜蜜;
遇到的人不對,愛情的關心,可能變成質問,陪伴可能變成佔有。

當愛情不是心靈的寄託,而是壓力時,

讓自己有機會冷靜一下,
身旁這個人是不是非但沒有激發你的好因子,

反而激發了你的壞因子,
讓你不但沒有因愛情而感受到甜蜜,

甚至開始不喜歡自己。

不喜歡自己是一種很糟的感覺,

當一個人發現自己漸漸覺得不喜歡自己時,
不要放棄,找出原因,並且改變它,

只要肯改變,你就可以重新喜歡自己,


唯有這樣,你才值得別人欣賞,

你也才有能力欣賞別人。


每個人的心裡都住著一個樹的精靈,


每當你喜歡上一個人或想著一個人的時候,


這個樹的精靈就會在你的心中種一顆樹,


所以人們總是在愛情的森林裡迷失了方向!!

Wednesday 11th January 2006 02:24:00 PM
我的狗竇[ 0 messages] 
General

常聽人說"瞓極龍床都不及狗竇",

以前都唔多覺, 因為我成日都覺得自己好懶瞓,

邊度都瞓得著, 巴士都可以瞓到過晒龍,

點知做左呢份工之後,

先發現時差係我既死穴,

一到十幾個鐘時差既地方,

我就瞓得唔好, 成晚醒,

到第二晚都至少醒一次,

唉, 所以我唔鐘意飛long haul呀,

又要離開香港咁多日,

又要瞓唔到, so poor~

Saturday 07th January 2006 01:20:47 PM
通天[ 0 messages] 
General

成日都諗, d師奶係咪真係咁得閒?!

講人是非可以流傳得咁快既?!

係咪真係返到屋企冇野做既呢?!

希望我第日變左一個師奶既時候唔會咁啦~

Thursday 05th January 2006 02:38:59 PM
觀點與角度[ 0 messages] 
General

原來有時同一件事, 從唔同既角度睇,

真係可以帶黎唔同既感受。

Wednesday 04th January 2006 11:37:50 PM
工作順利?![ 0 messages] 
General

呢排唔知做咩, 做親d機都唔係太順利,

Sydney返黎delay2個鐘,

Taipei又cancel flight,

今日standby做Taipei turnaround,

又delay, 唔知點解架飛機竟然未到!

搞咩呀?!

Tuesday 03rd January 2006 12:58:29 AM
Cancelled flight[ 0 messages] 
General

今日原本飛去Taipei, briefing晒上埋機做晒ground preparation,

先話發現有engine problem, 要delay,

好在未上客, 又冇野做, 大家坐下講下野,

之後話再要半個鐘後先開始上客,

ISM就叫整熱左10幾個飯比我地食住先。

食食吓, 話架機真係唔飛得喇,

我地今日可以收工返屋企,

但係我唔想囉, 因為聽日變左standby呀...

最憎standby...同埋打亂晒我既計劃囉!!

本來諗住有得去Taipei買絲襪,

同埋聽日返黎返公司攞衫架嘛, 而家冇喇...

Sunday 01st January 2006 01:06:28 AM
Delayed flight[ 0 messages] 
General

2006年第一日, Sydney返黎香港,

點知就delay左2個鐘,

話因為條行李輸送帶壞左, 要用人手搬。

好在d客又好乖, 冇狂按call bell, 又冇嘈。

臨返到黎, 先至話有90件行李冇load到上機,

幾驚我地果d有份呀,

好在出到去之後搵到。

不過都趕唔切返黎同媽咪慶祝生日喇~

Tuesday 20th December 2005 12:40:38 PM
又打敗仗[ 0 messages] 
General

可能因為呢排都唔夠瞓,

搞到抵抗力差左,

終於病左喇~~

最搞笑係原來自己今朝發燒都唔知,

到晏晝瞓醒先發覺點解體溫同今朝唔同既? 涼咁多既?!

先知今朝原來係發燒~~

我要快d好返呀! 好多野等住我做呀!

星期四又要返工~!

Sunday 18th December 2005 12:34:24 PM
Serious Turbulence[ 0 messages] 
General

今日回程時, 我地serve緊meal, 毫無先兆地, 連seatbeat sign 都冇on 過,

突然遇到都幾嚴重既turbulence,

成架機拋起左, 好恐怖,

當時得我同ISM兩個在ASC,

我地即刻跪低, 盡量扶實,

果一刻真係好驚好驚...

穩定返d之後, 我同ISM都勁嗌好驚,

最大件事係ISM話佢都冇試過遇到咁勁既turbulence, (話晒ISM都應該做左起碼10幾20年)

一路講一路諗返起頭先既情形,

先開始識得驚, 我話我以為係decompression, 諗緊d oxygen mask究竟跌唔跌落黎,

真係超驚, 然後眼淚已經湧出黎喇, 嘩, 真係嚇死我!!

原來, ONE PIECE真係好緊要架!

Saturday 17th December 2005 12:20:10 PM
Paris - 危險地[ 0 messages] 
General

之前成日發夢在Paris出事, 點知聽crew講, Paris真係唔係一個好安全既地方,

試過有crew瞓瞓下, 醒左發現有個黑人企係床邊;

試過有個ISM同First officer瞓瞓下都比人撞門同剪左條鏈入左房;

佢地話自己既袋同行李, 要預左我地出左去時一定比人"chow";

搞到我好驚去呢個地方...

Wednesday 14th December 2005 01:09:32 PM
又係Paris...[ 0 messages] 
General

尋晚又發惡夢, 出事地點又係Paris,

又係比人打劫受傷, 今次係比人界到頸既大動脈, 好深, 入左醫院...

好恐怖...

Tuesday 13th December 2005 05:09:59 PM
如果.愛[ 0 messages] 
General

每個人 都想明白
誰是自己生命 不該錯過的真愛
特別在午夜醒來 更是 會感慨
心動埋怨還有不能釋懷
都是因為你觸碰了愛

如果這就是愛
在轉身就該勇敢留下來
就算受傷 就算流淚
都是生命裡溫柔灌溉

愛 在回憶裡總是那麼明白
困惑的心 流過的淚
還有數不盡黑夜等待
如果這就是愛

如果你 當時明白
後來的生命裡 是快樂還是悲哀
特別在夜深人靜時 想起未來
是否能平靜不會像現在
只是因為你擁有了愛

如果這就是愛

Sunday 11th December 2005 02:57:38 PM
忈夢[ 0 messages] 
General

呢排成日都發惡夢,

次次都夢見一d對自己生命有威脅既情景,

究竟做咩事呢?!

Friday 09th December 2005 09:51:11 AM
New Job[ 0 messages] 
General

唔知係咪真係工作壓力太大呢?

我開始覺得自己負荷唔到,

之前已經搞到荷爾蒙失調,

而家, 我成日都會發惡夢同頭痛,

咁樣落去...

究竟, 我適唔適合做呢份工呢?!

Thursday 08th December 2005 04:19:56 PM
工作日[ 0 messages] 
General

放左四日假, 聽日終於要返工lu~

好想再去日本, 好想再去倫敦~

Saturday 03rd December 2005 03:20:05 PM
動?靜?[ 0 messages] 
General

我諗好多人都會覺得我好多野講,

成日都吱吱喳喳, 好鬼嘈。

呢排多左時間自己坐低諗下野,

有時我諗, 我係咪真係一個咁既人呢?

答案係: 有時啦。但係其實骨子裡, 我係一個幾靜既人。

哈哈哈, 大家覺得係唔係, 就見仁見智啦, 如果你覺得唔係, 可能你未睇到骨子裡面既我呢?! 嘻~~

Thursday 24th November 2005 02:44:18 PM
New Life[ 0 messages] 
General

終於完成左training, 正式返左工個多星期,

當中已經有開心有唔開心,

遇過好好既crew, 亦遇到過唔好既crew,

對於呢份新工作, 仲有一d唔適應既地方,

聽日, 將會係另一個新挑戰,

我一定要努力的!

Friday 11th November 2005 09:57:13 PM
2nd last day[ 0 messages] 
General

今日尾二兩日,

加油加油!!!

今日schedule都唔係太密,

兩個test都pass左, yeah!

Thursday 10th November 2005 10:27:20 PM
Last week of training[ 0 messages] 
General

時間真係過得好快,

6個星期既training就快完成喇,

我地下星期就開始飛喇,

有d百感交集既感覺,

有d唔捨得, 有d驚, 有d緊張, 有d期待, 有d開心.....

Anyway, for the last week of training,

ENJOY!!

Friday 04th November 2005 11:34:59 PM
Birthday Cake[ 0 messages] 
General

今日又有得切蛋糕, 好野~

今日到屋企人同我慶祝~~Yeah!

Thursday 03rd November 2005 11:27:56 PM
農曆生日[ 0 messages] 
General

今日農曆生日, 有得切蛋糕,

仲同你一齊切添,

真係開心~~

Sunday 30th October 2005 11:10:20 PM
長大了[ 0 messages] 
General

今天Wallis跟我談感情問題, 問我的意見,

我才發現, 我的思想又長大了,

不像從前般小孩子,

學懂不要那麼執著, 學懂包容,

這一切都讓我更懂得去愛。

"我想念你!"

Saturday 29th October 2005 10:29:23 PM
Happy Birthday![ 0 messages] 
General

To: You

Happy Birthday! It's always so nice that having you by my side!

Love,

Cassandra

Thursday 27th October 2005 12:41:52 PM
FD Flight to Japan[ 0 messages] 
General

今日FD flight, 去日本大阪既關西機場,

朝早返到去crew lounge, 嘩, 勁多crew,

好鬼驚! 見到Iris, 一齊去sign in,

之後就等埋同我一齊飛既同學仔Rita,

去搵ISM, 之後等briefing,

briefing時勁驚呀, 好驚唔知ISM會問咩safety問題,

結果, 出乎意料, 佢竟然一條都冇問,

但係佢亦冇講我地坐邊度,

到section leader briefing,

我地追出去問ISM我地坐邊,

佢話一個坐Door 4, 一個Door3,

之後等埋cockpit crew之後就一齊過關上crew bus喇~

途中, ISM同Captain講完一輪野之後,

問我同Rita想唔想入cockpit坐,

我開心到傻左, 我話"真係可以?!"

ISM話"係呀, 可以呀!"

哈哈, 超開心呀!!

上到機之後, 見到大家即刻好快地忙呢樣忙果樣,

自己就好似好得閒咁,

於是放好行李之後, 就去左MSC問section leader有冇野幫手,

之後boarding, 好多客要blanket & pillow等等,

好忙, 我都有幫手應付, 發現好多都係日本客。

後來收到一個消息, 就係呢個sector冇得入cockpit坐...有少少失望, 不過因為忙,

都冇時間諗太多。

起飛之後, 開始派野飲派野食,

我都有跟住出去幫手, 都幾好玩。

我見佢地已經好忙, 但係佢地話已經唔算忙,

返黎果程先堅, 因為full load...

收埋d客既餐盤之後, 我地就開始食野(企住食),

再之後送埋客, 咁就完成一個sector喇。

中間transit既兩個鐘, 我地選擇落機去機場行下,

臨出去之前, ISM叫果3個男crew記得帶住我地,

驚我地迷路, 哈哈, 佢真係聰明喇~

嘩, 雖然只係行機場, 但係已經好正, 好多野買,

我買左勁多野食, e.g. 草餅, 蛋糕, 朱古力, 巨峄提子......

返去放好行李之後, 又要準備第二個sector喇,

嘩, 真係好full load, 一個空位都冇, 不特止,

連我同Rita既crew seat都賣埋比人,

所以, 我地take off 同 landing將會坐入cockpit, 今次冇得走喇, yeah~~~~

嘩, 日本既夜空好靚, 好多星星, 好閃,

captain好nice, 話比我地知點樣跟住d lights taxiing,

同埋見到架飛機攀升時係斜晒架, 好正!!

出返去, 佢地已經忙到爆,

終於知道咩叫忙, 我即刻盡我能力幫手,

做到全程機都唔得閒去toilet,

仲差d冇時間食野添,

都未食飽, 就要準備降落喇,

我地要入返去cockpit,

到landing時, 先發現原來香港個天空仲靚,

比日本天空更多星星, 好似入左太空咁,

Captain仲指比我地睇話左邊果度係galaxy添呀!!

臨landing時, machine會發出倒數, "1000, 500, 100, 40, reach",

landing果一刻好正, 唔知點講, 總之好正好正,

你睇住絛跑道, 衝落去, 之後係咁震係咁震,

原來cockpit係震過機艙入面架!

之後Captain好好人, 仲問我地有冇問題,

我地傾左一陣先出返去。

唔知係咪因為FD, 其他crew都好好,

教左我地好多野, 真係獲益良多。

Wednesday 26th October 2005 12:08:38 PM
Team Spirit[ 0 messages] 
General

今日因為上堂要做activity, 所以唔洗著制服,

下午時, 我地去左天台玩activity,

玩完之後大家都周身骨痛,

返到課室之後, 成班圍左一個圓圈互相按摩,

好warm好搞笑呢!!

Tuesday 25th October 2005 10:47:59 PM
What a touching Day![ 0 messages] 
General

今日上堂時, trainer放左一個tray在地下,

入面只有一d廢紙, 膠紙等等既材料(limited resources),

我地只有5分鐘既時間(limited time),

佢叫我地pair up, 我地要做一份gift送比我地既partner,

之後大家圍大圈, 大家將份禮物送比partner,

我同Judy一組, 佢整左條slideraft, 上面畫左一個公仔, 係我黎既,

之後寫左"You can do it!" & "We always support you!"

嘩, 實在太感動喇, 實在忍唔住喇, 我又喊喇~

呢份gift令我諗返起之前跳slide既情境,

呢個真係對我一個好大既考驗,

亦好記得各位同學, 朋友點樣鼓勵我,

所以, 成件事已經令我好感動!

另外, 今日係Flora生日,

放學之後成班同學留低同佢切蛋糕, 唱生日歌,

又一個好令人感動既場面....

Flora都感動到喊, 我又再次有眼淚湧上黎,

幾經辛苦先忍返住....

今日真係warm~~

Monday 24th October 2005 10:17:30 PM
ISD Training[ 0 messages] 
General

過左黎Inflight Service Department上堂,

雖然我覺得safety school果邊好玩d,

但係點知過到黎個人好似仲忙左咁,

日記都唔得閒寫~~

今日第一日著uniform返工,

比成條街d人望住囉,

連小朋友(below 3 years old)都望,

無法啦, 要習慣下喇~

Monday 17th October 2005 11:46:21 PM
Last day in Safety School[ 0 messages] 
General

今朝一早就比人玩, 呢幾日朝朝早都同一個instructor一班車, 平時見到同佢打招呼佢都好似好尷尬唔係好想應我咁既,

今朝照舊同佢講早晨啦, 佢問我, 今日最後一日喇喎, 我話係呀, 佢話, 今日好似要再跳slide喎,

我即刻碌大隻眼, 我話吓?!唔係掛, 點解呀?! 佢話係呀, 你要再跳呀, 我話點解呀?!!?!

佢話, 唔知呀, 你問Danny(另一個instructor)啦~

嚇鬼死我, 等我冇心機溫書, 今日wriiten test架嘛!

之後Danny入左黎一陣, 之後走埋黎同我講"Cassandra, forget about what Tim said!" 我先知佢玩我, 我驚叫, 話"He scared me!!" 佢話"I know..." Oh no.....

頭先講過啦, 今日written test, 好開心, 又攞一百分, yeah!!

到放學喇, last day in safety school, 真係有d唔捨得呀! 呢12日冇錯係過得好辛苦, 但係真係學左好多好多野呀!

在呢度, 我做左好多自己都唔相信自己可以做得到既野, 遇到左好多挫折&失落既時候, 但係就因為呢個course咁intensive, 冇時間比自己去驚去depressed咁耐, 所以乜都迫住自己要去克服佢, 諗返轉頭, 呢12日所付出既努力, 已經足以感動自己...

今日問朋友借左個ID & password, 睇到自己既roster, 突然間唔想飛住, 我想繼續training呀, training既時光真係好開心, 到一切變成reality既時候, 就一切都唔同晒架喇~~

Friday 14th October 2005 11:58:33 PM
Sliding passed[ 0 messages] 
General

今日返到黎諗住跳slide,

不過其實d勇氣已經流失左好多架喇,

都諗住跳啦,

點知.........lunch時又話唔夠時間,

可能聽日先跳喎,

唉, 又冇得跳, 又搞我就冇晒d信心架喇,

好啦, 諗住聽日先跳,

點知4點幾時, 又話叫我放學留低跳喎,

嘩, 咁突然, 搞到我有d驚添~~

上到去, sit & slide pass左,

冇叫, 冇閉眼,

到jump & slide, 我已經話比自己聽今次唔可以再hesitate架喇,

點知結果, 左右兩次跳既時候,

第一次我都係hesitate,

到第二次, 其實我都係想收腳,

不過個trainer在後面推左我落去......(因為佢趕住收工),

就係咁, pass左, 真係幾好彩!!

Thursday 13th October 2005 09:34:05 PM
Delay[ 0 messages] 
General

今日原本諗住sliding,

點知d堂over run, 唔夠時間,

trainer話聽日先跳喎,

唉, 又要拖多日, 快d完成就好啦~

今日去左機場, 上真既飛機度睇,

嘩, 入左機長室睇, 好壯觀呀!

又試坐晒頭等同商務位,

嘩, 超正呀!!!!!!!!!!!!!

Wednesday 12th October 2005 11:08:18 PM
Sliding + Swimming[ 0 messages] 
General

今朝早我地又要sliding,

全部由頭做過, 由sit & slide做起,

好搞笑, 我好艱苦先鼓起勇氣slide落去,

點知之後好驚, 叫左出黎, 到地之後就要上返去再slide過, 要唔淮叫既,

再slide, 咬實自己個咀唔好叫,

但係就驚到合左眼, 又要再黎過,

頭兩次落地都有喊, 之後team leader話:

"Calm down! We need brave FAs, we don't want the passengers to direct you back."

再黎, 死都咬住個咀唔好叫, 碌大隻眼唔好合埋, 忍住唔好喊,

到jump & slide喇, 我次次都唔可以一go就slide到落去, 我會hesitate,

到最後, team leader同我講:

"Well done Cassandra, you did it, but there's still some hesitation, you'll have to slide again tomorrow and this will be your last chance, otherwise, your training will end."

下午去swimming, 著左件life jacket好辛苦, 好似透唔到氣咁,

之後要由池邊跳落水, 成個人會先沉晒落去, 過左2-3秒左右先會浮返上黎,

都有d驚架, 不過把心一橫就跳啦,

之後要學著住life jacket點樣面向上同面向下咁游,

同埋呢用呢兩種方法再救一個人,

最後既assessment就係要先跳落水,

游埋去隻救生艇度, 靠自己爬上去。

我地班有d真係唔識游水既同學,

佢地真係好驚, trainer亦唔滿意佢地既表現,

我就同個其中一個同學講, "唔好喊, 佢地唔鐘意人喊, 要相信自己一定可以做到, 我地仲要一齊passing out一齊飛架嘛!"

諗落都真係搞笑, 今朝早都仲諗到梨花帶雨咁,

轉頭懶勁走去安慰人喎,

哈哈, 不過其實我得把口架咋,

我sliding都未pass, 搞笑~~

原本, 由一開始考FA,

我最驚既一part係swimming,

點都諗唔到, 原來swimming冇乜大問題,

反而sliding就真係我死穴,

聽日我要做一個good既jump & slide!

既然swimming都做到, 唔可以衰係sliding手上既!

我發現呢個training真係令我更了解自己,

亦更了解呢個人生,

每個人都有佢既強項同比較弱既一環,

呢個training就迫我地要去克服呢d既"死穴",

諗下都幾得意...

Tuesday 11th October 2005 11:17:43 PM
信心盡失[ 0 messages] 
General

尋日跳完slide之後, 成個人既信心簡直跌到最低點呀,

我冇信心自己聽日究竟可唔可以跳到落去,

真係有諗過不如算啦, 搵過份文職做咪算囉,

反正自己又唔係話做FA係由細到大既理想,

做乜搞到咁者, 自己睇到自己都覺得可憐呀,

尋日嚇餐死都不特止,

訓覺訓到半夜3點幾,

發夢見到條slideraft!!!!

係企到最後一步果個情景,

嚇醒左, 對眼係有眼淚架!!

我覺得自己好慘呀,

講比同學聽, 都話聽到都心酸呀,

何苦呢?!

另外, 今日教decompression,

講左好多case, 好恐怖, 我地只有一秒時間去救自己,

如果唔係就只有死路一條,

我問自己, 如果我遇到咁既情況,

我可唔可以handle到呢?!

我真係答唔到自己...

Monday 10th October 2005 09:54:21 PM
Harsh Day[ 0 messages] 
General

今日training要跳slide,

跳第一次之前都只係覺得有少少緊張,

點知跳左落去先知個離心力有幾大,

個衝力有幾大, 落地果下個衝力仲衝到我成個人跌左落地添,

停定左個人之後, d眼淚已經係咁湧出黎,

個心都未停定, 又話要跳第二次,

今次驚到忍唔住叫左出黎,

落地果時d眼淚好似開左水喉咁...

轉到又話要跳第三次,

今次仲要係jump & slide添,

試左幾次我都係踏出唔到最後果一步跳落去,

結果成班得我一個跳唔到, 要見manager,

佢話星期三會再跳, 如果我再跳唔到,

"the training will just end here"

好大壓力呀!!

跳完果兩次我真係驚左好耐,

d眼淚好耐都收唔到,

返到屋企之後仲勁喊左一大場,

喊到而家隻眼都仲腫緊~

Am I really suitable to be a FA?

Sunday 09th October 2005 09:37:09 PM
童夢奇緣[ 0 messages] 
General

今日睇左"童夢奇緣", 都幾好睇,

仲有d對白幾深印象添~

"一家人, 少左邊個都唔得"

"人生既壞處, 係佢唔可以由頭黎過; 而人生既好處, 就係佢唔需要由頭黎過"

"其實上天比每個人既時間都一樣, 就睇你點去用者"

Thursday 06th October 2005 10:24:29 PM
想通了[ 0 messages] 
General

本來, 一早起來仍是很不開心,

但是到lunch的時候, 不知怎的好像突然想通了,

生氣並不能解決問題,

我應該做的, 是想辦法改善現在的狀況,

所以, 我決定由我作主動,

當我available的時候就找你,

得出來的結果, 是超出想像的好,

Thanks God!!

另外, 今天有一個同學resign了,

雖然只是相處了幾天, 但也有點不捨呢~

Wednesday 05th October 2005 08:47:25 PM
時間不足[ 0 messages] 
General

一天只有二十四小時,

我真的覺得不夠用...

要溫書, 要休息,

還有, 好想好想跟你談談天, 說說今天的事,

神呀, 可否給我多一點時間?!

Tuesday 04th October 2005 09:14:43 PM
Safety Training[ 0 messages] 
General

今天學first aid, 學CPR, 真累...

Friday 30th September 2005 10:44:46 AM
Mandarin Enhancement[ 0 messages] 
General

今日簡直變左"煲冬瓜"日,

朝9晚6不停講普通話,

又要做翻譯, d機師d英文又難聽,

個腦勁轉, 自己又病喎,

好辛苦, 好累...

到夜晚都係頂唔住要去睇醫生,

希望快d好返啦, 下星期唔可以病架喇,

勁忙呀!

Thursday 29th September 2005 10:37:52 AM
Professional Image[ 0 messages] 
General

今日去Esprit salon同Beauty Tech學野,

返11點我都係遲到,

在銅鑼灣一個formal dressing既人係度狂奔,

超級核突, 對高跟鞋又响,

未跑到, 前面既人已經會向後望,

同埋可能真係身體差,

跑兩跑喘晒氣, 好辛苦~~

同埋今日病病地, 到夜晚好似仲嚴重左添....

Wednesday 28th September 2005 11:09:22 PM
Pre-training[ 0 messages] 
General

第一天已經感受到重重的壓力,

也感覺到這個training有多intensive,

不過, 我一定要支撐著的!

Tuesday 27th September 2005 10:33:02 AM
Disneyland 之旅[ 0 messages] 
General

今日去左disney玩, 好開心,

最開心係同pluto影相同埋同d卡通人物講野, 好搞鬼~~

最最重要既係, 睇下同邊個去啦, 哈哈~~

聽日要返工lu, 加油!!

Monday 26th September 2005 05:24:06 PM
天公不造美[ 0 messages] 
General

真可惜, 天公不造美,

最後一天也不讓我去游水,

還下這麼大的雨....

希望明天好天氣吧!

Monday 26th September 2005 01:09:11 PM
最後限期[ 0 messages] 
General

今日係我比自己既最後限期,

今日我一定要學埋果少少,

堂堂正正咁話比人知我識游水!!

Thursday 22nd September 2005 07:13:51 PM
放假的第一天[ 0 messages] 
General

6天假期的第一天,

在家執拾好所有東東,

準備迎接新工作~~

Tuesday 20th September 2005 04:57:15 PM
倒數最後兩日[ 0 messages] 
General

好開心, 好興奮,

就快可以離開呢個地獄!!

Saturday 03rd September 2005 12:43:36 PM
第一次?![ 0 messages] 
General

下午經歷完唔知係咪最後一次既影相之旅,

夜晚第一次一齊去唱K,

大家一齊玩一齊笑好開心,

哈哈哈~~~羅家良!!

Friday 02nd September 2005 12:39:05 PM
最後一次?![ 0 messages] 
General

今日Eddie佢地約我聽日影相,

本來仲以為training之前都冇機會再影相,

以為夏之婚約果輯應該係收手之作,

點知仲可以影多一次喎~

不過唔知呢次係咪最後一次呢?!

唔知第日仲有冇機會&時間影呢?!

Tuesday 30th August 2005 12:10:50 PM
重要的一天[ 0 messages] 
General

今天終於等到call喇!!

期待左好耐, 成功左既果一刻真係有d想喊,

因為真係花左好多心機&金錢,

越付出得多, 就越想做,

到而家真係做到, 自己都覺得好感動!

我一定要比心機, 唔可以衰比人睇,

再辛苦我都要捱住!!

Friday 26th August 2005 12:17:32 PM
Timing[ 0 messages] 
General

於千萬人之中,遇見你所遇見的人;

於千萬年之中,時間的無涯荒野堙A

沒有早一步,也沒有晚一步,剛巧趕上了。 

Thursday 25th August 2005 03:34:37 PM
Depression[ 0 messages] 
General

等call, 真係好苦,

成個人傻左咁, 又擔心,

情緒好低落, 乜野都冇乜心機...

下一期幾時call人呀?!

Wednesday 24th August 2005 04:09:56 PM
Call[ 0 messages] 
General

今日Lesley話我知,

佢今朝早岩岩收到call喇,

真係好戥佢開心呀!

今朝早我自己先至fax齊晒d資料去比佢地,

然後而家開始就係等call既日子,

只係等左半日咋,

但已經好難受喇,

你會每一秒都好驚miss左call,

又好驚其實問題係佢地唔會打黎,

另一方面又控制唔到自己唔好抱咁大期望喎,

真係好辛苦......

所以我完全理解收到call既心情有幾興奮幾開心,

雖然唔係自己收到call, 但聽到都開心喇已經!!

我都要比心機, 比d 耐性, 等佢地打黎!

Saturday 20th August 2005 11:59:12 PM
7A 聚會[ 0 messages] 
General

3年喇, 成班同學仔3年冇見過喇,

再見返, 好多同學仔都唔同左,

有人靚左, 有人肥左........等等等等........

大家成晚都好忙,

又掛住影相啦, 又掛住講近況啦,

得閒搞下呢d都好丫,

希望下次唔洗等3年啦~

Thursday 18th August 2005 02:22:13 PM
守得雲開見月明[ 0 messages] 
General

Wallis話喎, 佢話我"守得雲開見月明"喎, 我都唔知呀,

不過, 真係好多謝你尋晚果一句"唔會"囉, Thank you!

Wednesday 17th August 2005 02:30:06 PM
Support[ 0 messages] 
General

好多謝你贊成我做呢件事,

其實我都好擔心自己做唔黎,

亦唔想因為咁影響到我同你,

但係, 我真係唔可以再留係呢度喇,

我一定要離開呢個地獄,

而且, 有你今晚既說話,

我諗, 我唔需要再擔心~

Sunday 24th July 2005 11:41:12 PM
郊遊[ 0 messages] 
General

今天去了郊遊, 還看到白露呢~~

Saturday 16th July 2005 12:11:53 AM
日落[ 0 messages] 
General

夕陽無限好, 哈哈哈~~~

Sunday 10th July 2005 12:14:12 AM
大澳之旅[ 0 messages] 
General

比人呃左出海, 都睇唔到海豚既~

Monday 04th July 2005 10:15:12 PM
Relaxing[ 0 messages] 
General

工作了一整天, 看到這麼漂亮的天空,

心情也鬆弛下來~~

像糖一樣的雲~~

Sunday 03rd July 2005 10:06:27 PM
Boat Trip[ 0 messages] 
General

遊完一日船河, 變左舊炭~~

不過架船真係好靚, 又好玩, 算數啦~~

Saturday 28th May 2005 05:52:34 PM
神愛世人[ 0 messages] 
General

神, 因為愛世人,

所以差遣祂的獨生子--耶穌,

為世人而死於十字架上...

Thursday 26th May 2005 05:50:22 PM
告解[ 0 messages] 
General

聽了一個有關告解的笑話, 哈哈哈~~~

Tuesday 24th May 2005 09:56:35 PM
減壓[ 0 messages] 
General

請給我一片天空

Monday 23rd May 2005 10:26:56 PM
Macau Trip[ 0 messages] 
General

澳門的教堂真的好漂亮,

入內之後令人有一種很寧靜的感覺...

Sunday 22nd May 2005 10:28:35 PM
我們的第一次[ 0 messages] 
General

Sixes的第一次旅行,

期待著下一年喔!!

Tuesday 17th May 2005 11:02:08 PM
上海[ 0 messages] 
General

這次走的時候, 竟然有點不捨呢~

Saturday 14th May 2005 11:05:03 PM
Welcome to Shanghai[ 0 messages] 
General

Shanghai, I'm back!

1.11806201935
General(222)

放大假的日子動?靜?Team SpiritISD TrainingDisneyland 之旅7A 聚會郊遊日落大澳之旅RelaxingBoat Trip神愛世人告解減壓Macau Trip我們的第一次上海Welcome to Shanghai