第一日到韓國，家姐要同韓國公司既同事食飯，我地去左食韓國菜，d餸樣樣都有泡菜，味道都ok既！但我食到覺得個胃發熱，我咁食得辣都頂唔住，你都咪講笑！
食完飯，家姐要跟同事上去公司，於是我死都話要喺條街自己行下！叫我跟上去做乜？我寧願亂行好過！
就係咁我行左幾條街，亂咁影，都不知幾開心！跟住我走左去一個皇宮，我見到棵孤單既櫻花，可能因為佢得一棵，冇人同佢爭營養，又或者佢只能孤芳自賞，所以生得特別靚！
見到棵咁靚既櫻花，再加上冇人同我爭位影相，所以我忍唔住影左好多相。呵呵呵！真係好開心呀！
