« March 2024 »
MoTuWeThFrSaSu
 123
45678910
11121314151617
18192021222324
25262728293031
Sunday 04th October 2009 12:52:30 PM
BBQ[ 0 messages] 
General

好耐冇update個blog lar!工作時間轉左,真係好唔慣。

十月終於有假放,真係好lar!

十月一日去左睇戲 ─ 海雲台

十月三日去BBQ

跟住就要返工繼續努力了!

Monday 20th July 2009 11:51:07 PM
百試百靈[ 0 messages] 
General

陪亞爸去瑪嘉烈,居然唔記得帶口罩,噢!去7仔買lar!

問七仔喺邊,個保安叔叔叫我去急症室拎,我入到去,冇晒喎!跟住d職員示意我問姑娘拎,等左一陣,個頭已勁痛。嘩!好多菌呀!唔得,要走人lar!呢d錢真係唔慳得。即刻去7仔買。下次陪倆老去睇醫生,記得帶多幾個口罩先得。

跟住搞左一朝早。下午很累,工都冇返,在家訓覺!

Saturday 18th July 2009 10:47:48 PM
好恐怖[ 0 messages] 
General

今日係我第一日開始放暑假,刻意不校鬧鐘,讓自己安樂醒。點知一早起身就開始我既惡夢!

冇錯係一起身就好恐怖。點解呀?咪就係因為個莫拉菲囉!

人地話動物有求生本能,呢個風打正香港,咁今日一早起身去厠所時,發現個廳屍橫遍野,有好多蟻屍!(佢地入屋避難,俾屋企人發現噴殺蟲水同用腳踩死掛!) 嘩!嚇到我成個人醒晒!跟住就開始我既清潔大行動,一面執野、一面吸塵(蟻屍)、一面掉垃圾、一面殺蟻......

嘩!真係好多蟻呀!我好驚屋企有蟻窩,好驚呀!於是係咁清潔,將成個廳整乾淨。足足搞左4個鐘。(又冇揾到蟻窩喎!)

當我停落黎,發覺自己仍然起雞皮,因為未驚完。但已經好累好累lar!而家望住d野,都好似有蟻經過咁!好得人驚呀!究竟d蟻從那堥茠漫O?點解要入我屋呀?點解?

Wednesday 15th July 2009 12:51:10 PM
這個我要學[ 0 messages] 
General

88 Ways to Praise Kids

1. a+ work 優等的成果
2. awesome
令人敬佩
3. amazing (
好到)令人驚訝
4. amazing effort (
你的)努力令人驚訝
5. beautiful
漂亮的
6. breathtaking
驚人的
7. bravo
好極了
8. cool
酷喔!
9. dynamite
頂呱呱
10. excellent
太傑出了;優等
11. fantastic work
了不起的成果

12. good 好的
13. good work
做的好!
14. great
好棒
15. great answer
好棒的答案;很棒的回答
16. great discovery
好棒的發現
17. keep up the good work
做的很好,繼續保持喔!
18. marvelous
非凡的
19. it's better
這樣好多了!
20. outstanding performance
表現傑出
21. perfect
真完美!
22. remarkable
卓越的

23. superb 一流的
24. terrific
了不起的
25. thumbs up
(豎起大姆指)
26. try again
再試一次

27. unbelievable work
令人難以置信的成果
28. very brave
非常勇敢
29. very good
非常好
30. very impressive
令人印象非常深刻的
31. wonderful
極好的
32. well done
很好
33. wow

34. you're #1 你是最厲害的!
35. you're awesome
你真令人敬佩!
36. you're amazing
你好到令人驚訝!
37. you're a big help
你真是一位好助手!
38. you're a good learner
你的學習態度真好!(你是一位好的學習者)
39. you're a good student
你真是一個好學生!

40. you're a shining star
你是一顆閃亮的星星!
41. you're a winner
你是贏家!
42. you're beautiful
你真漂亮!
43. you're a champ
你是冠軍、優勝者!
44. you're excellent
你真傑出!

45. you're getting better 你愈來愈好了!
46. you're growing up
你在成長了!
47. you're handsome
你真帥!
48. you're fun
你真有趣!
49. you're important
你是重要的!
50. you're neat
你看來很整潔喔!
51. you're on target
你勝卷在握!
52. you're perfect
你真完美!
53. you've really grown up
你真的長大了!
54. you're sharp
你真時髦!
55. you're smart
你真聰明!

56. you're so kind 你人真好!
57. you're special
你真特別!
58. you're super
你超級好的!
59. you're tops
你是頂尖的!
60. you're the greatest
你是最棒的!
61. you're unique
你是獨一無二的!
62. you're very talented
你很有耐心喔!
63. you're wonderful
你很棒喔!

64. you've earned my respect 你讓我感到敬佩!
65. you've got it! 
你達到了!
66. you've made progress
你進步了!

67. you made it happen 你實現它了!
68. you made the difference
 你表現出眾!
69. you tried hard
 你非常努力!
70. you should be proud of yourself
 你應該要為自己感到驕傲!
71. you've outdone yourself
 你超越你自己了!
72. you deserve a hug
 你值得一個擁抱!

73. I agree with you 我同意你(的說法、做法、想法等…)
74. I am proud of you
 我以你為榮

75. I like you
我喜歡你
76. I love you
我愛你
77. I promise you
我答應你
78. I respect you
我尊重你
79. I trust you
我相信你

80. what a genius 真是一位天才!(你有天賦!)
81. what a great idea
多麼棒的主意!

82. what a great listener
多麼棒的傾聽者!

83. thanks for being honest 感謝如此誠意
84. thanks for caring
感謝關心
85. thanks for helping
感謝幫忙
86. thanks for trying
感謝協助

87. That's Incredible 那真令人難以置信!
88. it's everything i hoped for
這正是我所希望的結果!

http://hk.myblog.yahoo.com/greentea-good/article?mid=9046&suc=1

Wednesday 24th June 2009 08:58:14 AM
兩件好事[ 0 messages] 
General

條頸有粒野越生越大,好擔心,驚唔知係乜。驚到搭車都分晒心,失晒魂,冇拉背包拉鍊就行落車。

泓銦媽見到我,即刻落車話我知,多謝你呀!你太好人lar!

跟住又撞到康明媽,真係同佢地有緣。冇得返學,見唔到亞女,都見到亞媽。

康明媽話我條頸粒野去港安$1000就搞掂,唔駛驚。

我就係咁諗係咁諗......於是走左去我由細睇到大既醫生到睇,一入去我就話俾黃醫生知我好驚粒野越黎越大,佢就笑住講:你驚乜,驚佢係cancer?

BINGO!我就同醫生講:我梗係驚lar!你知我屋企架!

醫生話我果粒一定唔係,醫生話果粒係"息肉",只要用條繩紮起佢,等冇血過,佢就會冇左,噢!好神奇!

跟手佢就用條縫衫既線幫我紮實粒息肉,佢果然係醫生,紮到差d連線頭都見唔到!跟住舉起一隻手fing fing下話收我咁多錢,五百?我俾!佢再fing多兩次,笑笑口咁望住我,我就問佢係咪而家俾。

跟住佢又fing多兩次手,見我唔明佢講乜,就話唔收我錢,叫我走。多謝你呀!黃醫生你去除我的疑慮,仲要唔收我錢,多謝晒呀!

以上兩件事同日發生,家陣我個銀包仲喺度,粒息肉一蚊都唔駛就冇左。

點解呢個世界有咁好既人架?這兩件事讓我心情好起來,人間有情呀!

當然我要感謝主給我遇到這麼好的人lar!

Sunday 07th June 2009 04:48:46 PM
佢ok既!感謝主![ 0 messages] 
General

媽咪前幾日去運動,覺得自己唔舒服,就唔同班朋友飲茶,諗住自己返屋企先。點知行行見下暈,坐低,仲斷片,跟住整傷左塊面,流左d血。幸運是d老街坊即時執返起佢,送佢返屋企,而佢只係表面傷痕。我朝早見到咁,梗係唔敢出門口,幫佢洗傷口同觀察佢既情況,到十一點先敢返工。

第二日家姐帶亞媽去驗下有冇事,發覺佢呢次跌就冇大礙,只係發現左原來佢個腦曾經出現兩次輕微中風,不過損傷部份係記憶區同情緒區,所以這是不幸中之大幸,手腳冇事,只係會脾氣壞d咁啫!

而醫生話可能佢之前做膝頭關節手術時唔可以食阿士匹靈兩個星期,佢個心臟一向有事,可能係果時中招。

這次的事真係要感謝主,因為媽咪今次只係小事,而且就係因為佢一跌,我地帶佢驗身,醫生本來都話唔駛掃瞄,但家姐堅持話要,咁我地先知佢中過風,咁以後就可以更小心照顧佢lar。

各位朋友,我地都要保重身體,因為人會越黎越老,身體自然會越黎越差,健康真係好緊要架!

Sunday 17th May 2009 12:02:52 AM
好友共聚,食乜都咁開心![ 0 messages] 
General

星期二晚我地去左間好抵食好有茶餐廳FEEL既食店!成餐都係$222,真係抵到呢!

但我食得好開心喎!因為同朋友仔一齊食,有講有笑ma!如果成日都可以咁就好lu!

http://www.fotop.net/zevia/130509D?page=1

Monday 11th May 2009 11:40:26 PM
新焗爐[ 0 messages] 
General

自從個焗爐壞左,一直都冇買返一個。想焗野都係用微波焗爐個焗爐功能頂住先。

一直到上網揾食譜,發現個光波爐,好想好想買(因為講到功能好神)於是走左去睇!

嘩!好大舊,我屋企個廚房根本冇位(除非掉左個微波爐!impossible!)

咁就冷靜左一陣,有一日我終於忍唔住走左去豐澤,買左個爐,不過唔係光波爐,而係焗爐(呢個size細d,夠位放在廚房門外的矮櫃上喎!)而且價錢都只係三百幾,嘩!平成千蚊,整爛幾次再買過都得呀!haha~~~ 啋!

新爐落地係咁焗,焗完雞翼焗豬扒,跟住仲焗羊扒,我的喉嚨快要失火,我要理性一點,停停手先!

Sunday 10th May 2009 11:30:54 PM
黎多次又何妨[ 0 messages] 
General

母親節快樂呀!

哈哈!家姐今日居然趕得切返黎喎!

咁就慶祝多一次母親節lor!

今晚整醉雞,第一次整,味道ok lar!

最衰仔係要亞媽斬雞,呢家野我真係唔懂架!你話我唔孝順都係咁話lar!亞媽唔好意思啊!

^ v ^

Saturday 09th May 2009 11:19:52 PM
母親節快樂、生日快樂![ 0 messages] 
General

又到禮拜六lar!哈哈哈~~

今晚整左幾個小菜預祝媽媽節,皆因家姐母親節要返工博殺。所以今晚預祝左先lor!

家姐買埋蛋糕返黎。又食蛋糕?係呀!今個月勁呀!食蛋糕、食蛋糕、食蛋糕!

母親節、亞妹生日、家姐生日......

http://www.fotop.net/zevia/09MayCook

Tuesday 05th May 2009 11:59:36 PM
IL Meglio [ 0 messages] 
General

放下繁重工作,暫時唔理屋企,與好友相聚找間餐廳食下好野,在諾士佛臺是但走入一間餐廳,共進晚餐。

其實食乜野都冇問題,最重要係睇你同乜野人食!嗯!今晚食得好開心呀!

http://www.fotop.net/zevia/050509d

Monday 04th May 2009 12:33:07 AM
簡易路線 ─ 青衣自然徑[ 0 messages] 
General

爸爸媽媽身體唔好,搞左一大輪,終於好似漸入佳境(我覺得係),thx GOD!

咁我就可以出街玩下!我呢種人,唔俾我玩,根本就係一種折磨。所以有理冇理,就算行短短既路程,跟住再去買餸,我都覺得好開心!

哈哈!希望下次可以行遠D!

Sunday 03rd May 2009 12:26:23 AM
五月又黎lar![ 0 messages] 
General

五月到左lar!

家姐亞妹生日同母親節,好"金"呀!

車!年年都係咁架lar!冷靜d~~~~

家姐生日第一擊!黑森林蛋糕。hehe~~~

Saturday 02nd May 2009 12:20:24 AM
石硤尾JCCAC[ 0 messages] 
General

唔好俾佢停,5月1日影埋呢度,嘩!成身散晒!但好好玩!

今日睇左好多野,食左好多野呀!

http://www.fotop.net/zevia/010509JCCAC

http://www.fotop.net/zevia/010509t

http://www.fotop.net/zevia/010509D

http://www.fotop.net/zevia/010509n

Friday 01st May 2009 10:27:40 PM
牛頭角下邨[ 0 messages] 
General

就拆lar!去影下相留念。

可惜面皮薄,又門口狗,俾人話幾句就驚,但好刺激呀!

今日影相好好玩呀!

http://www.fotop.net/zevia/010509n

Friday 01st May 2009 10:24:01 PM
大榮華圍村菜[ 0 messages] 
General

食左好多好多野,好味道!

http://www.fotop.net/zevia/010509b

Tuesday 28th April 2009 10:19:05 AM
又打針lar![ 0 messages] 
General

爸爸琴日又打完針lar!每次打完呢枝針,佢都成個人頹晒!冇晒胃口,所以琴晚都估到佢唔想食飯,買腸粉返黎蒸俾佢食。

今日我就整左蝦米冬瓜粒湯飯同炒米粉俾佢食,希望佢有返d胃口lar!

Saturday 25th April 2009 01:06:14 PM
豆腐雜菜沙律[ 0 messages] 
General

某日行過沙田,入左citysuper行一圈,見到d雜菜,於是買左一包,諗諗下買埋包火箭菜,返屋企,兩包菜洗淨加埋一舊絹豆腐,再加一個番茄同半個椰菜(切絲),再在上面加芝麻醬,味道一流又健康。

全家好快就食晒大大兜既沙律lu!

Wednesday 15th April 2009 12:37:06 PM
返黎lar![ 0 messages] 
General

玩左咁多日,終於要返香港lar!早上行書局,十分欣賞日本人的書店的整齊分類、書類及儲存量多。他們的書都印刷精美。我只是看圖也覺得十分好看。

我唔識日本,睇乜?

haha~~ 我睇烹飪書同攝影書都夠lar!

這幾天,我在他們的圖書館及書店都看了很多很多烹飪書,終於明白人家為甚麼這麼瘦,他們肉的份量真的很少,這個我真要好好學習。不過講d餸吸引、好食,hehe~~我地中國菜真係無得頂!

呀!行左成個朝早都唔捨得走,食lunch都要喺書店附設既餐廳食埋,方便臨走前再去睇雜誌。

真係要走,搭JR,去到CHECK IN,架機居然話要早30分鐘起飛,咁都得?第一次聽。唉!冇得喺機場血拼tim!北海道既機場好正架!佢所有手信都有得買!唉!I MISS THE CHANCE!>_<

噢!原來今日好大氣流,所以機師決定早D起飛。嘩!返到香港已經DELAY左一個鐘,咁即係飛多左個半鐘!真係勁呀!

Monday 13th April 2009 11:26:17 PM
工作、休息再工作[ 0 messages] 
General

今日旭川返札幌

聽日札幌返香港

http://www.fotop.net/zevia/09Hokkaido

Sunday 12th April 2009 10:58:03 PM
旭川閒遊[ 0 messages] 
General

早上去常盤公園,入埋人地個圖書館,超正、超大!

下午想去大雪地啤酒館食下lunch,點知 Drink Only,失望!

跟住就去左!EXC 地下嗰間Coffee Shop食午餐,原因係之前行過見個妹妹食呢杯士多啤梨芭菲好靚,跟手叫埋個肉醬意粉,開心!

跟住再去雪之美術館,原來雪有咁多款式既結晶,真係大開眼界!

最後去埋山頭火食拉麵,味道好好,值得推介。

http://www.fotop.net/zevia/09Hokkaido

Saturday 11th April 2009 10:47:33 PM
Flowerland大好人[ 0 messages] 
General

又係果句,由於唔係旺季,到富良野係冇乜野睇,所以觀光巴士都冇埋!

咁我地唯有靠對腳lar!(其實上次旺季我地都係靠對腳行架!)

今次我地先去上富良野既Flowerland,行下行下,行錯路喎!

搞左一大輪,終於去到,行完、影完、買左,Flowerland既店員問我地點上黎,我地話俾佢地知係由JR STATION 行上去,佢地即刻拍手,跟住就主動話車我地返station,多謝晒呀!

p.s.下次我會再上Flowerland,因為佢個景好靚,而且有咁nice既店員,認真冇得頂!

http://www.fotop.net/zevia/09Hokkaido

Friday 10th April 2009 10:36:58 PM
上不成大雪山[ 0 messages] 
General

本來諗住層雲峽上大雪山玩雪,點知因為太大風冇得上雪山,咁就行下其他景點lar!(其實呢個季節係冇野行架!)

最後我地去左浸温泉。嘩!由於唔係旺季,所以我地好似包場咁!600円就玩晒成個温泉!加埋之後用左200円黎玩按摩機,真係全日既高潮呀!

搞到放喺觀光案內所既行李過左時都冇去唔記得去攞,好彩去到姐姐等同班車,(一齊等車)所以觀光案內所未關門,唔係第二日要車返去攞返件行李都幾好笑!

http://www.fotop.net/zevia/09Hokkaido

Thursday 09th April 2009 10:26:32 PM
美瑛好靚呀![ 0 messages] 
General

靚到冇野好講!

如果夏天有更多顏色,感覺又會好唔同!上次去時十號風球冇野睇,下次夏天要再去一次呀!

http://www.fotop.net/zevia/09Hokkaido

Wednesday 08th April 2009 10:19:49 PM
強中自有強中手[ 0 messages] 
General

之前在youtube上見過點破解夾公仔的秘技,今次去日本,俾我見到改良版夾公仔機,就係改做夾紙!

真係唔知有幾多個人夾左幾多次之後先會夾到張紙上黎lor!

果然真係你有張良計、我有過牆梯呀下!佩服、佩服!

http://www.fotop.net/zevia/09Hokkaido

Tuesday 07th April 2009 10:14:35 PM
終於有得去旅行lar![ 0 messages] 
General

太開心lar!終於可以去旅行lar!可以出去休息一下!

今次去我地最鍾意既北海道。4月去其實係冇乜野好睇,但係實在太想出去玩下、鬆下咁。

第一日主要都係用喺交通上,到左札幌就已經夠鐘食飯,跟住行下街咁。俾我地喺商場見到間教人煮野食既studio。嘩!全玻璃喎,堶掠腆A俾人睇晒!咁煮法,會唔會有壓力呢?日本人真奇怪,唔通佢地好享受俾人睇住佢地學煮野食?

http://www.fotop.net/zevia/09Hokkaido

Sunday 05th April 2009 01:34:06 PM
LX3[ 0 messages] 
General

就快去旅行,家姐部相機又......

於是決定買一部俾佢,等佢可以影靚相。開心!

買左部LX3俾佢,佢似乎好滿意,不過我就......

部機佢用既,佢滿意就得lar!

Thursday 02nd April 2009 11:18:55 PM
好認真喎![ 0 messages] 
General

行過美心買麵包俾爸爸、媽媽食,見到有芒果脆脆蛋糕喎!咁梗係買一個返屋企俾大家食lar!

點知亞妹一見個蛋糕就問:係咪同亞爸慶祝生日呀?係我就要迴避!我老爺......未過一百日............

噢!你都返得黎屋企食飯lar!如果真係慶祝,唔通你即刻走人咩?果然真係好認真啊!

Tuesday 31st March 2009 09:44:03 PM
麵屋一平安[ 0 messages] 
General

呢個真係唔錯!舊豬肉同蛋都一流!

Tuesday 31st March 2009 09:29:36 AM
媽媽生日快樂![ 0 messages] 
General

開開心心食餐飯!

^ v ^

生日快樂呀!BB健康快樂!yeah!

Sunday 29th March 2009 12:09:51 PM
大霧山真係好大霧[ 0 messages] 
General

大霧山真係好大霧,大霧到行行下成面同成頭都濕晒!好正!

諗諗下,如果住喺到我就實死得!一定風濕死!

Monday 16th March 2009 10:18:05 AM
超大煲[ 0 messages] 
General

今日學人整西餐,出街好鍾意食既肉醬意粉,望落好似好簡單咁,但其實一d都唔簡單!

用左五個蕃茄、$30肉碎、2個洋蔥、1個紅蘿蔔同好多好多茄汁仲有少少香草,煮呀煮、搞呀搞!搞左好鬼耐先整到大大煲,好足料!

最有趣係煲野放耐左味道仲好食,可能佢係要d時間黎出味掛!好似人咁呀!有時都要俾d時間佢,佢會變得更好架ma!

Sunday 15th March 2009 11:15:15 PM
日式火鍋?[ 0 messages] 
General

日式火鍋?非也!是日晚上至小肥羊打邊爐,望落真係幾似日式火鍋喎!人影我又影!haha~~~

Sunday 08th March 2009 11:35:32 AM
菠蘿炒飯[ 0 messages] 
General

上星期二出左油麻地開會,完左行返去旺角買餸,買左個十蚊雞菠蘿,本來諗住整菠蘿炒雞柳,後來抽起條筋整左呢個菠蘿炒飯,除左普通調味之外,我落左d咖喱粉,好似之前出去食飯時,覺得人地d菠蘿炒飯有落呢樣野架喎!出黎效果真係唔錯!好味道!^ v ^

http://www.fotop.net/zevia/09MarchCook

Monday 23rd February 2009 10:40:43 PM
幾好咁喎![ 0 messages] 
General

嘉浩仔畫的

又幾靚喎!

Sunday 01st February 2009 11:15:52 PM
[ 0 messages] 
General

是裝置藝術?是行為藝術?還是甚麼?

就地取材,利用大自然的東西,創作出來的藝術,真的很特別啊!

你有這樣的耐性和心思嗎?

Thursday 29th January 2009 01:00:54 AM
三日兩夜之旅[ 0 messages] 
General

感謝主,終於完成,大家平安歸來。

全家人都好鬼累。

這次旅程讓我體會到,我以為是金湯的東西,可能對人家來說是毒藥來的。

以後做事前應多角度去想。免得老人家辛苦。

Sunday 25th January 2009 12:29:23 AM
另一選擇[ 0 messages] 
General

天色唔好,又想去玩,入迪士尼都係一個好選擇。

新年氣氛做到足,除左一向的巡遊外,再加多左場舞龍show,實質係米奇、米妮地出黎同大家拜年,幾搞笑!

Saturday 24th January 2009 12:15:42 AM
同以前一樣喎![ 0 messages] 
General

話咁快又兩個星期lar!LEO又就快返美國lu!咁一班人梗要同佢食餐飯lar!

哈哈~~~好似返到以前一樣咁喎!好熱鬧呀!

Friday 23rd January 2009 11:12:16 PM
你真夠朋友[ 0 messages] 
General

幾型!

Wednesday 21st January 2009 11:57:22 PM
終於可以見面lar![ 0 messages] 
General

好耐冇見lar!掛住你呀!不過平日真係做到甩轆,自己都搞唔掂呢!

見到你退休後生活美滿,實在太高興lar!

Aunt你要繼續健康快樂呀!haha~~~~

Monday 19th January 2009 11:53:35 PM
新年氣氛[ 0 messages] 
General

濃濃濃

放假去港島區逛逛,由石板街行到去嚒囉街,再搭叮叮去灣仔行街巿。

四週充滿節日氣氛,好熱鬧呀!

Sunday 18th January 2009 11:48:31 PM
旅旅旅行呀~~~[ 0 messages] 
General

西貢旅行喎!

百幾人一齊去,燒下野食、睇下植物,好開心!

最精彩係去到蕉坑的蝴蝶谷,俾我見到勁多蝴蝶,之前去都冇既!所以心埵n興奮lor!雖然影得唔靚,但見到已好開心!

Saturday 17th January 2009 11:10:16 PM
咁都係休息?[ 0 messages] 
General

今日本來好想出街玩,但後來都冇。

咁做左d乜?一早起身煮早餐俾爸爸食。跟住就重裝部電腦。然後再陪亞爸、亞媽睇醫生。跟住返屋企煮飯。

而家好眼訓呀!

Thursday 15th January 2009 11:07:05 PM
忙堸蓿[ 0 messages] 
General

又係人都顛既一日,朝早返學開會,跟住就趕住上堂幫小朋友默書,然後就飛出去灣仔參加工作坊。

嘩!教d野好深喎!

完左就去睇中醫,搭車返屋企時,見到香港站又轉左裝飾,今次係KITTY呀!唔知紀紀會唔會好開心呢?hehe~~~

Monday 12th January 2009 11:00:51 PM
謝謝小慧^v^[ 0 messages] 
General

Hey!我返屋企諗左一輪,除左得個吉之外,仲可以新春大吉、大吉大利、吉星拱照、如意吉祥......

仲有冇呀?^ v ^

Monday 12th January 2009 08:02:10 PM
新機試用[ 0 messages] 
General

又忍唔住敗家!細機有咁既質素,確實一流!

Sunday 11th January 2009 11:54:56 PM
RELAX~~[ 0 messages] 
General

一返工就甩轆,人都瘋了!放完假到而家,都停唔到!有時真係驚個心跳得快得滯,頂唔住。要停低抖抖氣先得!

Saturday 10th January 2009 11:35:45 PM
享受人生[ 0 messages] 
General

這是其中一種方法!

Friday 09th January 2009 11:56:46 PM
Welcome Back[ 0 messages] 
General

一齊去玩lor~~~

Sunday 04th January 2009 11:23:58 PM
珍惜機會[ 0 messages] 
General

感謝

Thursday 01st January 2009 11:41:31 PM
寧靜境界[ 0 messages] 
General

確是一個好地方!

Wednesday 31st December 2008 11:15:44 PM
高雅脫俗[ 0 messages] 
General

花中君子也!

Tuesday 30th December 2008 11:26:45 PM
賣相唔錯[ 1 messages] 
General

我的救命食物之一!

Monday 29th December 2008 11:24:44 PM
一睇再睇[ 0 messages] 
General

幾過癮!

Sunday 28th December 2008 11:42:09 PM
香港有冇得買既呢[ 0 messages] 
General

走lu!

去到機場,仲有好多時間,周圍行。見到d好搞鬼既野,係個"口急"黎架!型到呢!

http://www.fotop.net/zevia/281208

Saturday 27th December 2008 11:38:28 PM
最後衝刺[ 0 messages] 
General

聽日就返香港lar!得返今日,玩埋未玩既野先lar!

於是我地就去埋花石樓、公主樓、行埋海邊、迎賓府、天主堂、棧橋咁。

一向hea到爆,今次都係呀!搞到去唔到嶗山,咁唯有下次再去lar!

http://www.fotop.net/zevia/271208

Friday 26th December 2008 11:28:24 PM
青島啤酒廠[ 0 messages] 
General

唔知係咪青島太凍既關係,隻手凍到好痺。朝早喺酒店休息,下午先出發去玩。

一上的士,個司機就問我地係咪好鐘意飲啤酒,我地即刻呆左一呆,我又真係唔係好飲啤酒既,但都會飲架。做乜咁問喎?青島啤酒廠好唔值得去架咩?

哦!原來佢想我地坐佢車去嶗山。NO lar!人地 plan左今日去啤酒廠ma!

最後我地冇理佢,照去啤酒廠。入場費要五十蚊架!咁係咪應該更好玩呢?hehe~~

入到去都係睇下d歷史野,冇乜特別。而最值回票價既係杯原漿啤酒。

喂!係同平時飲既啤酒唔同味架!平時青島啤都叫好飲呀!但呢杯原漿青島啤酒既味係鮮甜架喎!飲左一杯真係想飲多杯。

再行多陣就行完,再送多一杯清啤,雖然冇之前杯咁好飲,但都唔錯,咁我又覺得可以試到一杯咁正既原漿啤酒又真係好好既體驗喎!好味!hahaha~~~~~

http://www.fotop.net/zevia/261208

Thursday 25th December 2008 11:07:13 PM
超神奇[ 0 messages] 
General

今日可以正式去玩lar!好野!

第一個旅遊點係基督教堂。佢既外型係幾歐式既,但最特別既係我地在堶惆ㄗ鴞陷X個女仔正在練舞,應該係預備晚上聖誕崇拜之類既表演。用肢體動作歌頌神,幾好呀!好認真架!我地見佢地練完又練就知道。

跟住我地就去左訊號山公園。基督教堂就收七蚊入場費,訊號山要收十四蚊,係國家3A級的旅遊點。究竟有乜好玩?

我地一面行上山,一面影風景。單就睇到青島全景就已經抵晒lar!而最過癮既係佢有個冬菇亭,係一間內媄拲衕酮J屋仔,平時d識旋轉既、睇風景既都係搞得好grand,一係就好科技、一係就扮得好靚既高級餐廳,而佢就一d都唔扮野,一上去就只見幾張圓櫈,真係好正。

跟住我地坐低就可以好好享受四周既景色。好得!

http://www.fotop.net/zevia/251208

Wednesday 24th December 2008 11:50:59 PM
青島之旅開始[ 0 messages] 
General

等左好耐,終於放假lar!

今次去旅行既目的地係青島。

第一日既節目當然係搭車又搭機,氹氹轉lar!

到左酒店已經三點幾,搞搞下,日落都黎!乜都冇得睇。

咁就去食飯,嘩!唔知係人未病好,定青島真係好凍。行出街一陣,真係凍到想死。可能近海既關係,佢地d風真係好勁,吹埋黎真係好想叫救命。

行左大半個鐘去揾食,成條街都冇食店。(應該係我地唔識揾)最後終於揾到一間叫大清花水餃既。一入去就叫餃子。十蚊一碟十八隻,抵!仲要送碟豆腐。跟住我地又叫左個湯、粉皮、蝦。

嘩!太多lar!食唔晒!浪費!

特別係碟蝦,三十蚊一蝶,我地數下佢,應該有成一百隻蝦咁上下,駛唔駛咁多呀?

結果打包收場。

然後我地去行家樂福。wow~~ 海蔘奶,好新奇呀!

http://www.fotop.net/zevia/241208

Saturday 20th December 2008 11:13:42 PM
另一收獲[ 0 messages] 
General

本來去元朗攞衫,但係實在病得太重,所以最後決定要去睇中醫!

家陣d菌真係好勁,今次病得好甘!睇左兩次丁醫生,d痰都係綠色,唯有睇下中醫清清佢lar!

睇完大夫,搭港鐵見到呢舊野!呵呵呵~~~好得意!


Monday 15th December 2008 11:44:39 PM
生病了[ 0 messages] 
General

要食多d有益既野呀!

Sunday 14th December 2008 11:39:01 PM
APPLE PIE[ 0 messages] 
General

YUMMY!

Wednesday 10th December 2008 11:34:34 PM
探病必備[ 0 messages] 
General

休息多d lar!

pray for U!

Tuesday 09th December 2008 11:31:55 PM
好燦爛[ 0 messages] 
General

校園前的勒杜娟

Sunday 07th December 2008 11:28:07 PM
四圍去[ 0 messages] 
General

柏麗灣一遊

Saturday 06th December 2008 11:27:19 PM
甜蜜蜜[ 0 messages] 
General

甜蜜蜜 你呀 甜蜜蜜
但我想 下嫁的
共你不 相似
你不是 從來 也不是
但我想 愉快的
錯一次

其實我只求相處
貪你的甜言蜜語
講起戒指 卻非那回事
若你這刻 能有趣地 為我寫一句詩
誰又介意 誰人沒夾萬鎖匙

不太易 男朋友 hey 我想話你知
這種精緻 來年成熟了 也安定了
無權來亂試 凝視你 怎制止
忘記Mr. Right 愛Mr. Wrong一次

甜蜜蜜(你講歪理時) 你呀 甜蜜蜜(特別覺得趣緻)
但我想(你的) 下嫁的(無賴) 共你不相似(仍然很得意)
你不是 從來 也不是
但我想 愉快的 錯一次

誰是對的還不知 新襯衣仍然亂試
即使錯的 也想要留住
就算有天 尋到對象 讓我安心靠依
誰又似你 曾甜極美極一時

不太易 男朋友 hey
我想話你知
這種精緻 來年成熟了 也安定了
無權來亂試 甜蜜那麼自私
忘記Mr. Right 愛Mr. Wrong一次

不太易(即管去玩) 男朋友 hey(花)
我想話你知(落了就太遲)
這種精緻(我只知) 來年成熟了(總可以)
也安定了 無權來亂試(為你留住「我的甜蜜蜜」)
原諒我不顧矜持
忘記Mr. Right 愛Mr. Wrong一次

Saturday 06th December 2008 11:24:01 PM
La Bons Cafe[ 0 messages] 
General

睇完Last Smile First Tear 後,肥仔帶我地到呢個地方食野。

個心太軟好味道!但Apple crumble則做得不夠好!

下次再試其他!

^ v ^

Thursday 04th December 2008 11:17:42 PM
黑椒牛仔骨[ 0 messages] 
General

在Taste買了牛仔骨回家,煮俾大家食。

個賣都ok!味道都幾好,只不過骨就多左d,肉就少左d,唔係幾扺食!

下次買第二樣黎整先得!

Saturday 29th November 2008 11:28:38 PM
BB好得意[ 0 messages] 
General

連隻腳都可愛過人!

Sunday 23rd November 2008 11:42:05 PM
週日流血事件[ 0 messages] 
General

本來一家人開開心心咁食飯,當我煮好晒d野時,突然收到個衰鬼電話,嚇到我心都離晒!

用個夾夾住自己d肉都唔知,仲搞到成屋都係血。係亞妹地見到d血問,我先知自己整親!

唉!點解唔可以俾人地安安樂樂咁食餐飯呢?平時又唔見你地打電話黎問候下?要錢就打黎,哼!

Sunday 23rd November 2008 12:51:24 PM
大個仔[ 0 messages] 
General

haha~~~又是我的光榮!

努力讀書呀!

好好享受你既大學生活lar!

Saturday 22nd November 2008 11:18:47 PM
又黎迪士尼[ 0 messages] 
General

Cheap & Cheap!

haha~~~

p.s. 今日好高興,第三個亞軍,你地好叻呀!

Thursday 20th November 2008 12:28:01 AM
奧米加[ 0 messages] 
General

好味道!又guilty free。

 

我都要得閒煮下先!
Wednesday 19th November 2008 11:23:10 PM
極為驚喜[ 0 messages] 
General

上星期,三條KING返黎探我,我已經好開心。

今日仲要咁多人喎!前後腳夾埋總共八個呢!實在太興奮。好耐冇見!傾返以前上課既趣事,至發覺原來你地都幾多頑皮野架喎!haha~~

聽你地分享,都已經好開心!多謝你地返黎探我呀!下次再見lar!

Sunday 16th November 2008 10:16:46 AM
好有耐性咁喎!奇奇奇~~[ 0 messages] 
General

終於去燒野食lar !充滿幻想呀!諗住可以燒扇貝,雞翼......好好味!

點知今日買唔到扇貝,有d失望。由於肥仔之前要求我嚴格控制份量,所以買唔到扇貝,好驚會唔夠食,好快要走人,無癮。

點知肥仔實在太叻,買左d好好味,又新奇既野食去燒,加埋hei的扒,再加埋我買既野食,wow~~好豐富呀!

平時我地燒野食,燒一陣就走人,今次我地燒足全場,慢慢燒,天氣涼涼地,真係好呀!

Saturday 15th November 2008 11:31:34 PM
好耐冇見[ 0 messages] 
General

簡家~~好開心見到你呀!

Saturday 15th November 2008 11:08:33 PM
蜜糖豬仔脾[ 0 messages] 
General

為左聽日既燒野食,今日特登去街巿買野,因為好想食自己醃既食物,唔想食燒烤包呀!

去到凍肉店,嘩!原來而家d凍肉店真係有好多款式既肉食,全部都已經醃架lar!賣相都ok!冇我想像咁差。

但強迫症發作,點都係自己醃好味d!所以都係買雞翼返屋企醃。扇貝要新鮮,聽日先買!

喺凍肉店我買左好多野,腸、丸、雞翼、生根、肥牛、豬仔脾......

係咪好奇怪呢?燒野食買d 咁既野?haha~~我係買返屋企同家人分享架!一返屋企,即刻用焗爐焗d豬仔脾!貪新鮮,幾好玩!全家人一人一隻,拎住黎食,不知幾開心!

Wednesday 12th November 2008 11:53:16 PM
孫中山萬歲~~~[ 0 messages] 
General

12號放假,孫中山壽辰。

繼續我既尋找松鼠之旅。記得以前去動植物公園,有好多松鼠架!於是我咪走去睇下lor!

結果當然係冇lar!好失望呀!

不過我都有影蝶架!又去左香港公園影lor!呢期虎斑真係好新鮮、好多呀!

跟住我下午就去左大埔影蝶。實行香港一日遊,好有旅行feel呀!hahaha~~~

Sunday 09th November 2008 11:58:10 PM
找錯對象[ 0 messages] 
General

星期日想影松鼠,跟住走左上山頂行去香港大學。

未去之前,路經香港公園,見到青鳳飲緊水,隔離仲有好多虎斑蝶。

我當然唔會放過呢個機會,一於狂按快門,影個痛快。至於松鼠,行畢整個行程,死老鼠就見到一隻,松鼠欠奉!@_@

Monday 03rd November 2008 12:22:13 AM
要停lar![ 0 messages] 
General

今年真係唔聽話,食左咁多次大閘蟹。

係時候要停lar!

Friday 31st October 2008 10:15:55 AM
主角又是"他"[ 0 messages] 
General

好朋友食食飯!開心!

今次的主角膏更肥美甘香。回味中!^ v ^

Tuesday 28th October 2008 10:10:24 AM
唉![ 0 messages] 
General

點解可以講成咁架!DR?

NO!

唯有食 → 心理補償吧!

Sunday 26th October 2008 11:24:47 PM
西貢魅力不凡[ 0 messages] 
General

忍唔住又再去一次!

Saturday 25th October 2008 11:42:38 PM
打燈小籠包[ 0 messages] 
General

個小籠包皮十分薄,但我影唔出佢既透明感。

肥仔突然為小籠包打燈,HAHA~~~

真搞鬼!

雖然 個小籠包突然變得好萬聖節feel!但真的很欣賞你既行動力及創意!hahaha~~~

Wednesday 22nd October 2008 11:37:25 PM
每逢十月就瘋癲[ 0 messages] 
General

OH! NO!

Saturday 18th October 2008 11:48:13 PM
好偉大呀![ 0 messages] 
General

同Joanna去東霸,諗住天色唔好,所以只帶輕便鏡去玩下,冇帶靚鏡去,但去到天色突然變靚,欣賞到好靚好靚既景。

心媟穔M有d後悔自己決定錯誤。但對眼、個腦同個口都係咁喺到「嘩!」

上帝既創造真奇妙!好靚呀!好勁呀!d石好型呀!

Friday 17th October 2008 11:22:20 PM
意想不到[ 0 messages] 
General

每年都會食呢餐生日飯,今年都不例外。

不過最初佢地話去食大閘蟹,去到居然唔止大閘蟹,仲有鮑魚tim!D餸仲要樣樣都煮得好味道,真係有好大驚喜喎!

呢餐飯食得好開心,有講有笑,實在太高興lar!

http://www.fotop.net/zevia/171008F

Wednesday 15th October 2008 11:14:36 PM
補補腦[ 0 messages] 
General

返工要帶腦

遇到怪事

到放工都未解決

放工返屋企SEARCH下究竟有乜方法解決

買個黑森林蛋糕補補佢,感覺良好!

Tuesday 14th October 2008 11:56:55 PM
心理補償[ 0 messages] 
General

累得很,心理補償!

Monday 13th October 2008 11:13:04 PM
鴨胸鵝肝[ 0 messages] 
General

一早返工就做做做。

到放工就好想食餐好既!好想食d甜品。

去左Olive,居然有驚喜!個頭盤真係好正!將d鴨胸卷住d鵝肝,煎一煎,好好味!這是整餐最好味的!

反而個甜品就真係有點嚇人,可以講話唔好食,做得唔夠好!

下次想食甜品都唔會去呢間食,但食餐都可以考慮下。

http://www.fotop.net/zevia/131008d

Sunday 12th October 2008 11:26:52 PM
SO GOOD![ 0 messages] 
General

又係充滿感恩既一日。

一早返完崇拜,即刻返屋企同亞爸食lunch,跟住至話俾佢聽下午有人黎探我。(其實係想探佢)

二點幾,團友仔黎到,最初亞爸好抗拒,將自己收埋喺房,於是我地禱告,最後佢都走出黎坐喺廳。真係好!thx GOD!

這是一個很大的進步。希望下次會更好!

夜晚,媽咪去街玩,爸爸點菜話要食烏冬、食肉腸炒蛋,見佢開到口,聽下佢話,照佢點既菜煮俾佢食!佢食得好開心喎!呵呵~~~ ^ v ^

Saturday 11th October 2008 11:19:08 PM
好搞笑![ 0 messages] 
General

星期六朝早,亞爸叫醒我,我第一句問佢今日星期幾呀?意思即係點解要咁早醒呢?

跟住亞爸好無奈咁答我:星期六。仲話俾我知已經七點幾,我要起身返工。

噢!涼涼地,真係特別好訓。

我一起身,即刻沖涼洗頭返工。haha~~搞左一陣就出門口,真係好似中學時期一樣,快呀!

我真係為我有一個咁好既爸爸感謝主,唔係佢,我可能訓到九點,呵呵呵~~咁就樣衰死lor!這個經歷又真係咁耐都未試過喎!乜真係咁攰咩?

下午我就一個人去左松仔園,蝶就影唔到,但行下山確係一流,秋意真係好濃呀!

Thursday 09th October 2008 11:10:55 PM
多謝[ 0 messages] 
General

放假放假,放完假總係勁多野做!

星期四仲要俾人睇堂,驚驚!

唔知點解咁驚?但又真係咁驚喎!傻左!

總之成個禮拜都勁亂。亂到連要編寫星期六課程都唔記得!

神奇既事亦喺呢個時候發生:我唔知點解會拎張表出黎睇,又俾我見到自己呢個星期要出野,而我又拎左所出既教材返學.......放學即出

咁都記得,真係要感謝主呀!

Tuesday 07th October 2008 10:25:44 PM
得晒![ 0 messages] 
General

開心

祝福

^v^

Monday 06th October 2008 10:09:30 PM
天使蛋糕[ 0 messages] 
General

一直都很想食One Bar既Caramel Crunch Cake。但唔知點解硬係冇食。可能心想蛋糕梗係人地買俾我架lar!冇理由自己買俾自己同自己祝生日掛?@_@

今次美心出左個天使蛋糕,學晒One Bar個Caramel Crunch Cake,咁啱又行過美心餅店,咪訂返個試下lor!(認真奇怪,行入美心買呢個餅又覺得好似買麵包咁方便,可能近掛!) 用滙豐卡重有折,一百零三個幾就可以滿足我既好奇心。

家人都話個蛋糕好食。我都覺得幾好味!不過食完替身,就更想食真身,搵機會真係要試下One Bar個Caramel Crunch Cake,睇下係咪真係咁正先得!

Sunday 05th October 2008 11:38:16 PM
這次ok lar![ 0 messages] 
General

去荃灣食乜好?我冇意見。肥仔話去綠楊嗰間南翔饅頭店喎!

上次我去銅鑼灣嗰間,唔好食既!但佢話佢食就冇問題!ok咁就俾多次機會佢lar!

結果係好過上次既!但有得選擇,我都係會去其他地方食!hehe~~~

Saturday 04th October 2008 11:14:32 PM
服務真係一流呀![ 0 messages] 
General

同亞爸、亞媽睇完醫生,約埋亞妹地食晚飯。

印象中只同過佢地打過一次邊爐,仲要係我中學時既事!

今次帶佢地去高流灣打邊爐,上次同家姐去完佢都話正。所以今次成家一齊黎。

間舖頭d人好有禮貌。對老人家又好!我地入去話要坐大枱,佢地又即刻換俾我地。張大枱本來係俾十幾個人坐放兩個爐既,佢地又幫我地將張枱搞到可以放一個爐在枱面,方便我地打邊爐。見到老人家咳,又自動幫我地斟茶,真係服務分都贏晒lar!再加上佢既食物有好好味!真係可以食多幾次呀!

http://www.fotop.net/zevia/180908F

Friday 03rd October 2008 09:27:36 AM
行下lar!身體好呀![ 0 messages] 
General

國慶日到西貢行下,好耐冇行,再加上家姐同行,所以選了極之易行既海下至灣仔路段。

秋天到lar!好快可以勁行山,好開心呀!

p.s.在西貢都撞到輝哥,世界真細小!

Wednesday 01st October 2008 08:10:46 PM
Wow So Great![ 0 messages] 
General

Thanks God!

祝你身體健康!^ v ^

Sunday 28th September 2008 11:14:30 PM
快樂到死[ 0 messages] 
General

D80 我為你默哀~~~~

Saturday 27th September 2008 11:12:59 PM
我為你自豪[ 0 messages] 
General

看到你不斷進步,我實在為你自豪!^ v ^

Friday 26th September 2008 11:34:27 PM
大阪王將[ 0 messages] 
General

去荃新天地食野,入到間舖頭坐低,見冇乜野擇,於是叫左個餐兩個人食。諗住穩穩陣陣叫餃子同冷麵冇死錯人。

個餐六十蚊,得黎既結果係一碗難食既冷麵、一杯汽水、六隻好味餃子。唉!都唔明點解冷麵都可以整得難食!得d餃子好味!真係可惜可惜!或者下次淨食餃子就算。

Sunday 21st September 2008 11:29:38 PM
Seven Thirty[ 0 messages] 
General

私房菜興左咁耐,我都係第一次去食咋!我都算OUT lar!

味道ok嗎?可以lar!都好食既,但驚喜就冇lar!不過侍應既招呼就非常好,這就是真的。

http://www.fotop.net/zevia/Seven_Thirty

Saturday 20th September 2008 11:48:55 PM
傳統粵菜[ 0 messages] 
General

友人生日,到新蒲崗得龍大飯店吃傳統的粵菜,叫左九樣既,連埋甜品成十樣,但都未晒佢既招牌菜,d野樣樣都整得幾好味,當然都好肥膩lar!hehe~~

我諗我地要再去幫襯呢間店試埋其他既菜式先得!^v^

http://www.fotop.net/zevia/200908F

Saturday 20th September 2008 11:22:01 PM
刻不容緩[ 0 messages] 
General

歌手:李克勤 容祖兒 作曲:伍樂城 填詞:黃偉文 編曲:伍樂城 

H:  從來並無自信 人云亦云 
    庸庸碌碌半生
    連自己的戀愛運 
    也欠一點決心

J:  為何望來望去 仍無下文 
    明明彼此有同感
    難道等一天變做熟人 
    發現原來相襯

H : 可否冷靜看一陣
J : 都有幾個人靠近
HJ: 現在還未說
    纏綿情節 會逐漸降溫

*H: 遲來一秒鐘 遲疑一秒鐘 
    從迎接你變做目送

J:  遲來一秒鐘 沿途經過和結局 
    其實太不同

H:  遲遲未預備 第一句愛你 
    已經足夠醞釀暗湧

J:  盼望猶豫未決的情人回信
    猶如行刑懸在半空

H:  拖一拖 
J:  等一等 
HJ: 怕得到 得來 已是無用
H:  拖一拖 J:等一等 
H
J: 這刻的感動 變做裂縫

H:  良辰就如白費 明明動情
    怎會不敢作聲

J:  提示很充足 但你的態度
    永遠不得要領


H:  相戀要是有天命 

J:  都要等你來確認

J:  現在還未說
    纏綿情節 會逐漸結冰

REPEAT


HJ: 連提及亦會心痛

H:  相戀要是有天命 J:都會等你來確認

J:  現在還未說  (H:還未認) 
              纏綿情節 會逐漸結冰

H:  遲來一秒鐘 遲遲一秒鐘 
    良緣永遠這樣斷送

J:  遲來一秒鐘 仍然等你來告白
    何事你都未動容

H:  明明在附近 又不告訴你 
    太多戀愛這樣告終

J:  怕在離場後接到遲來情信
    其時和旁人在抱擁

HJ: 拖一拖 等一等 
    怕這點 激情 最後和緩
    拖一拖 等一等 
    終於知 表白 刻不容緩 

 

Friday 19th September 2008 11:41:43 PM
幾誇張都有[ 0 messages] 
General

又係散心既時候。

去高流灣咁遠?係呀!不過呢間係打邊爐架!而且喺佐敦。

之前小慧話過呢間野好好味架!一直都冇試,今日終於可以一試。真係幾好味喎!尤其係個本地手切牛脊 ,極有牛肉味,超回味呀!

由於眼闊肚窄既關係,我地兩個人就叫到成枱都係,根本就食唔晒!但又唔好浪費食物喎!咁點算好呢?

諗諗下,記得自己有個飯盒喎!今日食完午飯個飯盒呀!

於是我就拎佢上枱,係咁將食唔晒既餸放入去,裝得滿滿的,回去足足食左兩餐,勁!

藍藍,你下次打邊爐都應該帶埋餐盒去喎!haha~~~

http://www.fotop.net/zevia/180908F


Thursday 18th September 2008 09:34:46 AM
其實佢叫乜名呀?[ 0 messages] 
General

不過佢確實夠晒騎呢,好適合我呀!我好LIKE呢!

多謝小小!YEAH!

Monday 15th September 2008 11:57:42 AM
芒果凍錦鯉[ 0 messages] 
General

前兩天心情不好,行街時買了一個魚仔模,返屋企整布甸食。

這個方法果然不錯,掛住整條魚,自然分散左注意力lar!

雪條錦鯉落雪櫃等食時,就好似同時將自己都放埋入雪櫃度過一過冷河咁,搞掂晒!

芒果凍錦鯉成功,整得好靚仔,好味道,好開心!

http://www.fotop.net/zevia/150908f

Sunday 14th September 2008 01:35:16 PM
好o訓和紙[ 0 messages] 
General

很累、很氣,睡不著,多可憐! 祈禱,希望神教我放低唔開心既事。

神讓我想起幾年前買落的"好o訓和紙"。

幾年前去日本買了兩張,由於一向好o訓,唔覺得佢效用咁大。今次o訓唔著,拎出黎舖落床,真係好快
o訓得著。好舒服!

多謝天父!

不過今朝起身已十一點,好o訓過龍,返唔到崇拜tim!

Saturday 13th September 2008 10:02:40 PM
搞乜呀?[ 0 messages] 
General

好朋友令我唔開心,所以真係好唔開心!

你點可以咁做野架?

Friday 12th September 2008 11:54:00 PM
你太愛我地lar![ 0 messages] 
General

做左成日野,人都殘晒!好攰呀!

返到教會坐定定,就有新剌激!嘩!榴槤月餅呀!救命!

朋友仔實在太愛我地lar!見有人鍾意食,就買返黎大家試,只係我......我係唔食架!

就係咁,當大家要睇文章既時候,我居然因為那股強烈既味道而唔能夠專心。要走出房先我可以睇晒幾篇文章。

嗯!相信鍾意食榴槤既人一定會覺得盒野好得!

IP謝謝你咁有我地心啊!

Monday 08th September 2008 12:41:23 AM
California Pizza Kitchen [ 0 messages] 
General

樣樣都幾好味咁,整體黎講確係唔錯!http://www.fotop.net/zevia/070908d

Sunday 10th August 2008 11:29:33 PM
行行重行行[ 0 messages] 
General

放假留在香港,對我來說,簡直是不可思議。(唉!不過睇黎可能要習慣一下!)

天生犯賤,待在家中自然會周身唔舒服,行出街又會自自然然冇事,簡直係怪人一個。

於是出外走走,先去沙田行公園,行完再行左陣商場,跟手搭火車去旺角,喺新世紀廣場見到LEGO奧運展,幾得意喎,不過好多人排隊,所以只是影了外圍一個奧運馬術就冇影,繼續行程,再去旺電行多個圈先返屋企!

行呀行,行左四個幾鐘,腳有d攰,但成身舒服晒!正!

Saturday 09th August 2008 11:59:30 PM
^ v ^[ 0 messages] 
General

夏天一係熱到死、一係落雨,去得邊?琴晚打定電話問肥仔,今日食飯前去邊玩好!因為悶得太耐,頂唔到!佢話天氣唔好,可能會落雨,影相就差d!於是決定去睇戲。

今日下午出銅鑼灣,同肥仔去睇戲,睇左特務S嘜,套戲有好多笑位,夠晒低能。好啱我睇呀!謝謝你啊肥仔!好明顯你係就我level先陪我睇套咁無聊既戲lar!thx a lot! 

 ^ v ^

跟住我地就繼續行街、食TEA,因為要等亞Hei、Caleb同Louie出黎食晚飯。

今日食烤肉,間野叫盛八,亞hei話好近SOGO,我同肥仔又唔知間野喺邊,搵左一輪,幸好我地見到條街有廣告牌,行過去望真個地址,最後搵到。哎呀!原來就喺對面街,唔通又係燈火欄柵處?呵呵呵~~~

間野既烤肉幾好味!我地燒呀燒,燒左好多好多肉,好似玩緊個烤肉GAME咁,haha~~手都攰埋!

跟住我地就去食雪糕同唱K!節目實在係太豐富lar!多謝各位啊!

P.S.今日仲係我生日既前後一個星期,所以去加州紅唱K,會免我的人頭費,真好!

Friday 08th August 2008 11:59:23 PM
令人感動的一刻[ 0 messages] 
General

北京奧運開幕式真的很精彩!

我地返完團契,就入左間茶餐廳一面食飯、一面睇奧運開幕式!

我地一直留在茶餐廳等,希望睇埋燃點聖火既一刻先走。

噢!終於等到喇!李寧吊威也,唔通就係咁吊上去搞掂?NO lar!李寧真係交足戲,表現實在令人感動!嘩!這種表現方法真係讓人感到萬分驚喜!

嗯!我地全個茶餐廳既人都拍手叫好!真係超讚!

Thursday 07th August 2008 11:58:52 PM
冇事冇事[ 0 messages] 
General

打風啊!天氣唔好呢!

亞媽一早又叫醒我同佢去醫院。

醫生要佢入院留醫,亞媽就話唔想入院,咁請問你唔想入院留醫,又要去急症室做乜呢?真係呀!

ok!醫生話要佢抽血,在觀察房觀察三個鐘,咁等lar!

結果係冇事出得院,可以返屋企休息。

亞媽,我好眼訓呀!

p.s.在醫院等緊既時候,見到架咁既機,賣口罩喎!又幾型喎!

Wednesday 06th August 2008 11:11:59 PM
LEO OOOO生日快樂! Wow~~~[ 0 messages] 
General

今日係LEO生日啊!生日快樂呀!GOD BLESS YOU!

今日八號風球呢!好彩你身在美國,唔駛遇到打風,冇得去玩咁慘。

諗起以前我生日時成日遇到打風落雨,又八號風球、又十號風球。每次係咁,我實向你大發脾氣,埋怨一大爛餐,haha~~~諗起都覺得自己煩呀!

多謝你呀!唔怕我煩,仲諗咁多好玩野同我慶祝生日,你今年生日要返工,又唔喺香港,冇我地班傻人陪你,你自己搵朋友仔同你玩lar!記得玩得開心D lar!呵呵呵~~~

祝福你呀!^ v ^

Tuesday 05th August 2008 11:09:58 PM
金不換[ 0 messages] 
General

同萍萍食飯,佢話要食辣野,哈哈!帶佢去食金不換,好味道!

我地今次好早黎,六點幾就開始食,可以傾好耐計。

後生真係好,食多多都得!最緊要係佢食極都唔肥!真令人羨慕!

同萍萍傾左好多計喎!好開心!多謝你的禮物啊!^ v ^

Monday 04th August 2008 11:57:15 PM
計劃有變[ 0 messages] 
General

本來打算起行返工之際,亞玉打電話黎叫我揀幾張相做封面喎!

一搵就個幾鐘,咁不如留喺屋企做野冇咁嬲lar!

但搵完相又冇心機做野,好!又影下野先得!

盒朱古力幾好味架!香檳味我最鍾意!多謝晒!^ v ^

Sunday 03rd August 2008 11:42:13 PM
真係富貴[ 0 messages] 
General

同亞爸、亞媽、家姐上山頂。

老人家諗住陪下你,而你又諗住帶下佢四圍去。嘩!其實真係好攰架!

特別是星期日上山頂,你知有幾多人去?要佢地排隊?真係辛苦晒!

上到去只係食左一餐飯、行左一個圈就走人。對我黎講就真係好鬼富貴而且又好鬼浪費,點解?我搭親上去都係去影相,一影就幾個鐘,家陣上去望一望就走人,wow~~好遊客呀!

不過老人家係咁架喎!我一定唔會要佢地陪我企喺度等影日落咁賤格lar!要影下次自己上黎影飽佢算數!

Saturday 02nd August 2008 11:08:42 PM
好遠呀![ 0 messages] 
General

生日要留喺香港,又怕中暑死,又要去d從未去過既地方玩,咁先乎合我人物性格架!

諗爆頭,終於決定去海怡工貿,遠到呢~ ~ ~ 搭車搭到傻呀!感覺真係好似去左外國旅行咁喎!

不過呢處真係好好hea!特別是頂樓間"tree",坐低飲杯野、食件餅、睇下書咁就一日,又真係幾正!

其實海怡工貿本身好多傢俬睇,不過我地主攻食甜品,所以甜到漏,晚飯都食唔落呀!

Saturday 02nd August 2008 10:28:53 AM
特備節目[ 0 messages] 
General

今日既特備節目係返完團契,同大家一齊食生日飯,跟住就一齊去唱k。

我地是但揀左教會附近既一間餐廳食飯,不過都好豐富。正!

食完我地就去唱k,咁既安排都幾好呀!話晒好耐都冇留喺香港過生日,咁樣就可以同多d 朋友仔一齊過,一次過滿足晒大家既願望。

其實我係好想喺郊外過生日架!但我一講,班死野就話家陣咁既天氣,d亞叔好易死。叫我咪搞佢地。

Okay!講到咁,我都唔難為你地lar!多謝你地替我慶祝生日呀!^ v ^

Friday 01st August 2008 11:36:05 PM
紅酒煮牛尾[ 0 messages] 
General

今日一起身,媽咪就即刻提我要煮牛尾,haha~~~乜咁好記性架!

煮就煮lar!其實我都未煮過架!不過跟住食譜煮就真係一d都唔難。再加上我有一個可愛既快鍋,原先煮一個小時的東西,如今只需十分鐘,你話幾咁方便呢?So Good~~~

就係咁,紅酒煮牛尾完成左,味道都幾好,濃濃的。但係我個人覺得呢味菜唔適合我屋企食,咁肥、咁油、咁heavy,煮一次好喇,唔係我就成為大罪人架lar!

Friday 01st August 2008 12:21:49 AM
來者不善,善者不來[ 0 messages] 
General

今日媽咪無端端笑笑口咁行埋黎叫我搵d牛尾既食譜。

我本能反應問佢,你想牛尾煮乜先?佢笑笑口話紅酒。呀!記得喇,上星期飲剩支紅酒雪左落雪櫃,話得閒煮左佢,媽咪居然記得,仲買埋牛尾返黎,ok!等一等搵俾你,而家要serve其他人先!

serve邊個,上午校的楊sir打電話來傾公事,好日唔打電話黎,當然係正經野lar!好!爽手d搞掂佢先。跟手打埋電話俾校長,問清楚點做,好,搞掂!

轉頭再搵食譜,print埋俾媽咪。佢望一望個食譜講:乜咁複雜架!唔識煮喎!

唔係呀!好簡單咋喎!擺明唔想煮lar!

媽咪果然係來者不善,善者不來。佢根本就係呃我煮俾佢食。要我煮野俾佢食,駛唔駛用呢d方法呀!(正不悅中)

但我諗諗下,最後都決定煮,因為我都唔想食難食既紅酒煮牛尾。嗯!好lar!望下仲有乜材料未買先?還欠茄膏,出街行下,順便買埋返黎lar!

去完街都晏lu!所以呢個紅酒牛尾,都係留返聽日先煮lu!媽咪,你等下lar!haha~~

Sunday 27th July 2008 11:50:17 PM
探叮噹[ 0 messages] 
General

有叮噹既地方,我又點會唔去呢?

之前藍藍同我講Mega Box有叮噹影,好似好吸引喎!

星期日約家姐返完教會去Mega Box探叮噹,去到德福發現勁多人等車。我諗大家都係去捧叮噹場,真好!

不過去到真係好多人,而叮噹公仔又真係太小,所以影得唔係好滿足。而眼見勁多小朋友,D媽咪要佢地企定望鏡頭,佢地啋你都傻,擺出一副:亞媽係你自己鍾意叮噹之ma,又唔係我,做乜要我同佢一齊影相呀!

跟住仲有d細路在人家影相時,走進鏡頭之內,扶住欄杆勁搖,望見我都好想笑。

當我想行埋一邊等影相時,差d踩到d細路倒瀉既試飲,好險呀!

嗯!場面真係好混亂。雖然我好鍾意細路,見到咁我都係一笑置之,但呢d地方真係唔係好啱我黎!人咁多,點取景呢?冇心機,唯有上五樓影另一些叮噹。

可惜五樓一樣人多,失望之際,再往上走,跟住去到大眾書局,成層樓喎,入去睇下書,書種多、擺書又擺得好,唔錯喎!估唔到呢層最啱我心水。

行完書局就食晚飯,是但入左一間食,叫魯一居,唔啱口味,食左四小碟,走人。

Saturday 26th July 2008 11:58:59 PM
新嚐試[ 0 messages] 
General

琴晚訓訓下覺,突然覺得有人搞我隻手,跟住就有d野放左入我隻手度。

喂!咁樣好難唔醒架喎!

跟住亞媽就話:唉呀!我以為你醒左tim!

我睇一睇,原來係生日利是。哦!多謝晒!

今日既特別節目係同亞媽、亞爸出街食晚飯。呢個係大project黎架!亞爸好憎出街食晚飯架!根據我既記憶,我咁大個人好似只有兩至三次,而今次係打著同我食生日飯既旗號出去食晚飯喎!責任重大呀!

我諗爆頭,俾左幾間唔太遠,食得落口,估啱佢地口味既地方俾佢地選擇。感覺就係亞爸生日多過我生日。(是但lar!)

最後我地揀左好近既嚼江南。餐飯一家人食得幾開心呀!不過食飽之後,亞爸話唔多舒服要即刻返屋企,好lar!下次再出街同你地玩過呀!

Friday 25th July 2008 11:58:02 PM
這個嘛...... [ 0 messages] 
General

Hei問我生日那天食飯睇戲好唔好?話叫一大班人出黎喎!

朋友對你好,你應該開心架!

但係..........我生日食飯睇戲?好似..............

呀!我在諗點解之前佢地同我慶祝生日,食餐飯我就話乜都好。

我知lar!因為唔係正日呀!呵呵呵!

今年焗住冇得走,留港渡過生日,所以悶氣跑了出來。

朋友對唔住呀!如果可以去郊外,我會更開心,不過我知咁樣會熱死大家,還是是但一日跟我去唱K算吧!

p.s.聽日係我農曆生日,家姐居然買個蛋糕返黎慶祝農曆生日,服了她啊!多謝!

Thursday 24th July 2008 12:14:38 PM
放我一日假[ 0 messages] 
General

放假第一日,打死都唔返工做野lar!

今日咁啱家姐唔駛返工,於是邀請佢同我,加埋我d朋友仔一齊出去玩,真是一個快樂旅程。

多謝你地呀!我今日玩得好開心呀!呵呵呵!

今日好熱呀!我還以為自己會中暑,幸好仲未死,haha~~~

Wednesday 23rd July 2008 11:58:16 PM
開心事黎架![ 0 messages] 
General

今日係最後一日返工lar!係Aunt退休前最後一日返工呀!

一返去佢就收到一束花,係邊個送既呢?我估藍藍同亞玉,點知估錯。

係亞徐呀!^ v ^

Aunt好唔捨得你呀!記得要好好享受你既退休生活呀!得閒就返黎我幫你揼骨lar!

掛住你呀!

Wednesday 23rd July 2008 12:08:45 AM
任務完成,仲有bonus[ 0 messages] 
General

星期二有非常任務,就係放左工入迪士尼買衫。因為我想買件團衣喎!

事情非常順利,成功!

一場黎到,企一陣,影埋個煙花先走。

影煙花真係要d skill,又要有耐性。

本身我遲入,冇罷位失左地利。再加上個人手腳慢,影出黎既相總係覺得差少少,唔夠人地既靚咁!下次一定要認真d影先得。

努力呀!

Monday 21st July 2008 11:22:00 PM
肥牛會[ 0 messages] 
General

朋友仔,好耐冇見lar!

趁就黎收爐,今日出黎打邊爐。

呀!唔知點解,近排識多左人鍾意打邊爐,食左好多餐飯都係邊邊下。搞乜呢?

可能係打邊邊可以一班人圍埋一齊傾下計,感覺親密d掛。是但lar!最緊要係能夠同自己既朋友聚聚舊就得了,食乜又有乜所謂呀!^ v ^

昀昀一向鍾意食牛,打邊邊又可以食肥牛,都幾好喎!美中不足係我今日要做埋d手尾遲走,同佢地傾唔夠,咁唯有等下次lar!@_@

Monday 21st July 2008 09:02:23 AM
又一個好地方[ 0 messages] 
General

星期日同亞爸、亞媽、家姐去機場客運大樓 2 觀光。 

呢度真係一個好地方,厠所極多,好適合老人家黎玩。 

而且呢度間板前壽司唔駛排隊,直入坐低有得食。呢度仲有一間好大既扭蛋舖頭,如果鍾意扭蛋,實會好開心啫!

其實最重要係天時暑熱,同老人家出街,搵個地方有冷氣既,舒舒服服同佢地行下,你話幾好呢!

P.S.真的很期待秋天既來臨,到時同佢地去多d郊外地方,我會更開心。

Sunday 20th July 2008 11:27:35 PM
KKK[ 0 messages] 
General

星期六晚同亞Hei、肥仔、LOUIE、CALEB地食飯唱K,最初我以為呢餐飯係同我預祝生日架,點知唔係喎!hehe~~

有人陪唱K,唔理lu!

呢晚係老歌之夜,有d舊到唔記得左既歌都搵左出黎唱,仲唱左好多好好聽既合唱歌,勁呀!

Wednesday 16th July 2008 10:28:05 PM
唔緊要lar!努力呀![ 0 messages] 
General

今日見到好多舊生呀!文文、萍萍、豪豪,歡迎歡迎!

嗯!其實無論讀乜科都唔緊要架!只要你肯努力咁就得架lar!因為我覺得你根本就得,只係懶左dd咁啫!

如果自己覺得真係想自己好d,就要俾心機lar!如果覺得乜都冇所謂,咁就可以HeaHea下又一年!最緊要唔好後悔。就係咁lar!

無論點你地返黎同我訴苦,我都會聽,隨便講lar!^v^但條人生路係你自己行架!知冇?

Monday 14th July 2008 11:08:58 PM
青春無敵十幾歲[ 0 messages] 
General

敏、盈、維,好多謝你地返黎搵我、探我呀!不經不覺你地就快升讀中五lar!真係唔認老都唔得lar!

呵呵呵~~~

今次同你地去打邊爐,真係覺得你地成熟左好多,有時甚至可提醒我不足之處,好安慰呀!

好欣賞你地既體貼、精打細算.......好鍾意你地呀!

p.s.你地要好好讀書呀!遲d再同你地出去食飯同影貼紙相呀!後生真好,同你地出街之後,覺得自己青春左好多呀!^^

Saturday 12th July 2008 11:30:58 PM
真相[ 0 messages] 
General

再食花滿樓,今次食午巿,皆因陪爸爸睇完醫生就腳是也。

今日d野食都ok!美中不足既只係我今日至知叉子燒餅原來真係齋燒餅。

以前食開咁多間食店都係寵壞了我,送埋榨菜肉絲!oh!齋食餅,味道幾好味都係"齋"~~~~ >_<"

最好笑係當碟齋燒餅上碟時,我地以為仲有野未上,死等爛等,但後來忍唔住問至知真相。覺得自己好白痴又無知!

下次我唔會喺呢間野食叉子燒餅架lar!

http://www.fotop.net/zevia/220408F

Wednesday 02nd July 2008 09:00:11 AM
YEAH![ 0 messages] 
General

勁呀!七月一日同亞爸、亞媽、家姐一齊去迪士尼!

嘩!天氣好好呀!個太陽曬到呢~~~~ 好熱呀!不過亞爸好叻呀!咁熱都同我地行。當然我地行左一陣就走,乜野機動遊戲都冇玩呀!

嗯!同老人家去迪士尼就梗係咁架lar!唔通要佢同你玩space mountain咩!

但點都好lar!我實在太開心lar!起碼而家佢肯出街玩。實在係太感謝神lar!^ v ^

Tuesday 01st July 2008 09:19:53 PM
Aunt 生日快樂[ 0 messages] 
General

又一年lar!今年aunt生日突別熱鬧,大家一齊食餐飯,開開心心,真好!

希望下年aunt生日,我地都會出黎同佢食飯lar!

p.s.稻香d冷氣真係好凍,搞到我凍親,好唔舒服!下次去食飯,記得要帶多件衫先得!

Saturday 28th June 2008 11:39:07 PM
意外收鑊[ 0 messages] 
General

星期六返學幫手影相。返完工,同藍藍去左食壽司,本來佢要帶camp,但落大雨冇得去。咁我地當然把握機會一齊去食野lor!

Wow~~  四點幾,冇乜人,唔駛排隊,d野食又好味道,好野!

Monday 23rd June 2008 11:58:18 PM
暫時改變[ 0 messages] 
General

有一日同maggie一齊放工,佢話呢排好少聽我講去影相喎!

跟住我就苦笑。我都想出去影相喎!希望好快就可以lar!

我而家暫時改變嗜好,而家我最鍾意就係煮飯仔呀!

嗯!咁樣諗,我會開心d架!

Sunday 22nd June 2008 11:58:22 PM
好DOWN喎[ 0 messages] 
General

一早返教會,見到家姐個樣好DOWN喎!重衰過爸爸!

唉!你唔好有事呀!我一個人點照顧三個人呀!咪玩lar!

於是我提議同佢去迪士尼。係我主動提議去喎!真係講你都唔信。

而最神奇既係佢居然話唔去!

咁佢真係有事lar!

於是我返完教會就同佢去食lunch!跟住就陪佢去買左一陣野!希望佢心情會好d lar!

Friday 20th June 2008 11:54:12 PM
晴天來了[ 0 messages] 
General

琴晚家姐放工返屋企,送左佢地俾我,今日起身返工,見到終於好天,即刻拎佢地出黎影下相。

晴天lar!晴天小姐出場lar!hehe~~~

Wednesday 18th June 2008 11:51:29 PM
三個願望[ 0 messages] 
General

星期三問藍藍得唔得閒陪我去銅鑼灣,因為我想買隻補充營養既飲品俾爸爸食、又想買支bb cream,順便同藍藍食飯。

果然係想同一時間完成三個願望,勁呀!

最後願望達成到兩個,就係買到野飲俾爸爸同食左餐開心飯,咁都算係幾好架lar!^ v ^

但支 bb cream就買唔到,睇黎要搵人幫我去韓國買先得lar!>_<

Wednesday 18th June 2008 10:20:02 AM
多謝小藍藍[ 0 messages] 
General

謝謝你啊!

你整呢隻小天使好好呀!

其實你真係我既小天使呢!

^ v ^

Thursday 12th June 2008 01:39:37 PM
TEA一TEA[ 0 messages] 
General

喺唔開心既時候,朋友既支持真係好緊要。

那怕只係坐埋一齊飲杯野,吹下水。已經可以令人心情輕鬆多了!

多謝你們啊!

Monday 02nd June 2008 10:16:44 AM
食蕉抗抑鬱[ 0 messages] 
General

又一隻蕉!

今次係蔡蔡請我食架!謝謝你呀!

可能我呢排真係好down,所以大家都想我開心d。我會架lar!

多謝你地既愛呀!我收到架!

Sunday 01st June 2008 12:32:42 PM
鬆一鬆[ 0 messages] 
General

多謝大家既關心!又陪我食飯又陪我散心。

最近顯得十分脆弱,別人一問我爸爸點,我就即刻喊起上黎。

紀紀好明白我,等我好返d,先問我近況。

藍藍就陪我去食飯。間泰國野幾好食呀!多謝晒!

還有我很多很多的朋友,謝謝你們!

我諗去玩既日子,最近將會越來越少架lar,希望爸爸快d冇事就好lar!

Sunday 01st June 2008 10:10:57 AM
温馨蕉[ 0 messages] 
General

藍藍,你首詩同隻蕉都一樣,令我感到很溫馨。多謝你既關心同愛護呀!我會努力架lar!

Saturday 31st May 2008 11:43:31 AM
很累呀![ 0 messages] 
General

近排真係好累,心情亦不太好。連blog都冇力寫。希望黑暗時光快些過去吧!

最近爸爸的情況很反覆,本以為自己早點起床陪他談天,晚上回去跟他再傾多d計就得,但前晚佢訓唔到大叫,十二點、一點、四點、七點,大家都好擔心,同時都訓唔到。

唉!琴晚同我既好同事好朋友食食下飯,收到短訊話佢要入院。為免掃大家興,所以我冇同大家講,即刻搭的士去急症室揾爸爸同亞媽。

今次醫生唔俾佢住醫院,話佢冇事,淨係俾左粒安眠藥佢食,就叫我地帶佢返屋企。咁都好,我地可以帶佢返屋企訓返覺好。

人既力量真係好小,我以為自己可以幫到佢,其實又唔多得!唯有靠上帝安排。

『萬軍之耶和華說、不是倚靠勢力、不是倚靠才能、乃是倚靠我的靈、方能成事。』(撒迦利亞書 4:6下)

Sunday 18th May 2008 12:55:58 PM
人真係好渺小[ 0 messages] 
General

五月本應係好開心既月份,又係嗰句啦 ─ 家姐細妹生日月ma! 

但係今年既五月又好似唔係咁喎! 四川地震,睇到新聞,個心好唔舒服,開始眼濕濕,立即逃避嗰D畫面。所以紀紀同我分享時,我話我地一係祈禱、一係捐錢。人真係好渺小架咋!>_< 

屋企個老人家又唔舒服,屈到病,唔知點樣先可以令佢開心d!今日陪佢落街行下,發覺佢其實行得好ok架喎!條氣都幾好咁架!我諗佢真係心理障礙大於一切。都係陪多D佢好D!

我只可以做到這些,其他的就只有交俾上帝啦!

Wednesday 14th May 2008 09:40:43 AM
安龍清醮[ 0 messages] 
General

經過一輪休息,今日又出動lar!

我地去影七年一次既安龍清醮!呢D真係人地既傳統習俗。好特別!

我睇得好開心!因為真係未見過!而且邨民都好熱情,特別是我地冇午餐食,咁行行下,肥仔見到平時識既邨民,佢地居然招呼我地入屋食齋。

嘩!又可以同D邨民一齊食飯,又食佢地D傳統野!好開心呀!嗯!好似去左外地旅遊一樣,體驗緊人地既風土人情!真係好有趣呀! ^ v ^

Wednesday 14th May 2008 09:31:25 AM
下次呀唔該![ 0 messages] 
General

星期日母親節,經過上年既教訓,本來今年應該由我煮返幾味唔該等出街食野。但係這個星期實在令我唔想再煮lu!留返下次lar!

咁點算呀?媽咪朝早話跟我返教會喎!呵呵呵~~~梗係好lar!家姐又話黎?歡迎喎!

於是我地三個就返左教會,然後既行程就係買野返屋企食晏慶祝一下!下午飯慶祝都幾開心!幾特別喎!

食飽就訓,豬一樣!hahaha~~~

其實都係訓左一陣咋!因為我地又走去宜家買櫃,再返屋企食飯!

最搞笑係亞妹同妹夫,兩個人話十點幾上黎睇波,ok!你地睇波,我訓覺lu!

Sunday 11th May 2008 07:44:42 PM
忙亂的一個星期[ 0 messages] 
General

這個星期忙著把未完的事完成。先是那隻鑊!多得我的好同事合作,終於把那隻鑊補了。真好!

而爸爸ma,這個星期就入了醫院少住幾天,也都出院了。感謝主他並無大礙,我想是天氣太差,使他覺得很不舒服吧!(每天放學去探他,都覺得他沒事,我想心理障礙大於身體障礙吧!)希望爸爸不要再胡思亂想便好了!

還有那些星期六課程啊!課程還未編好,教材要預備啊!

整個星期都忙呀忙!就是枱面要改的東西,動也沒有動過的!

星期五聽沙說星期六放工後要留在學校改簿,太好了!有人陪!我也要留下清清我的"簿山"。很多啊!

縱使我怎樣改 ─ 應該改了四個小時吧!枱面的東西還有很多尚未改完!我想星期二還是早些回去改吧!(如果可以的話!)

Tuesday 06th May 2008 12:23:43 AM
點解?點解?[ 0 messages] 
General

又爆鑊?點解呀?

今日何副叫我傳張野俾英英,我一望,又係果壇野,佢邊識做呀?玩佢咩?最後咪又係我做!再望下?就過期喎!乜都冇收過,又係無知婦孺一樣,點做呀?

走去問人,人地4月18收左喎!

oh!NO!又係咁!好唔開心呀!我咁大舊,唔該唔好當我唔存在呀!次次都唔SEND野俾我,但又要我做,到追野時又話我冇交,我明明準時交,又當呀邊個邊個交左,而我就冇交!@_@唉!我地真係咁冇地位?

今日終於忍唔住打電話去問,點解會咁?好唔開心呀!

P.S.好小為左做野唔開心,因為一向都唔怕做,但如果因為人地忽略我,而令我準備唔充足,做得唔好,我就會好唔開心,今日就係咁!希望以後冇D咁既事就好lu!

Sunday 04th May 2008 10:31:30 PM
燶丁月[ 0 messages] 
General

WOW~~又踏入五月lar!五月我最窮又最肥。因為亞妹生日、家姐生日仲有媽咪節。

星期五晚唔駛返教會,我同家姐去左大角咀奧海城食野。野食味道ok!而且份量好少,所以可以食多幾款。不過我居然唔記得影蝦餅就食左佢落肚,haha~~~可想而知佢係幾咁吸引呀!^ v ^

而相中的師傅負責整酥餅同拉茶,油酥餅我地有試,好味!而且佢表演好精彩,塊餅飛到好高都接得返,讚!

而星期六就乖乖留在家中出卷,最初諗住拎埋d野返工,放工落竇靜靜地出卷。但係返完工成身汗,好唔舒服!於是走返屋企沖涼。

早知會返屋企,就親手俾生日封利是亞妹lar!等我一早仲四圍揾利是封入錢俾佢tim!

Sunday 04th May 2008 10:04:32 PM
蔡B好得意![ 0 messages] 
General

5月1日放假呀!好興奮呀!因為今日我地去探蔡蔡呀!我終於可以親手影蔡B lar!

今次探佢,佢好眼訓呀!個樣好傻豬、好得意呀!我影左多好張相呀!我諗如果佢冇訓,我影得仲多呀!

但人地係BB黎架ma!梗係要訓多d架lar!

啱既啱既!你訓多d lar!遲d更加肥肥白白,等大契幫你影多d相下!呵呵呵~~~

p.s.雖然BB今次好眼訓,但佢個樣真係好CUTE,動作又搞笑。你睇相中的動作,像不像跟大家講:吹呀!哈哈!駛唔駛揾人幫佢駁長佢呀!^ v ^

Thursday 01st May 2008 07:55:28 PM
救命餐廳[ 0 messages] 
General

聽日公眾假期喎!家姐臨放工前打電話俾我,約我去尖沙咀,好野!可以去HARD ROCK CAFE買T-shirt。

買完衫就去揾食,間間都full晒,好肚餓呀!救命呀!點算好?諗諗下,突然記得CAFE ON THE PARK,之前喺到食過buffet,又食過扒,感覺幾好!所以諗住有位又有保證,一於上去揾食,點知剛巧撞正人地由dinner buffet轉做宵夜buffet,waiter好忙,雖然個蘑菇湯一樣咁正,但係我諗我塊扒喺廚房等左我好耐,所以上到枱都熟晒、乾晒!@_@

下次記得睇準時間先黎食野!記住記住!

Tuesday 29th April 2008 10:41:14 AM
小慧可愛小手工[ 0 messages] 
General

你睇你睇!

這是小慧做的小手工,還有其他的!都是送給我們的,好靚呀!

好鍾意呀!多謝晒!^ v ^

http://www.fotop.net/zevia/280408SW

Thursday 24th April 2008 11:58:09 PM
和牛喎![ 0 messages] 
General

有日睇雜誌,見到有和牛buffet食,幾過癮喎!

佢地成日都話要食和牛,不如試下個和牛buffet lar!

好唔好味?好呀!

d和牛真係好肥美,好有牛味!而且個buffet唔單止和牛好味,其他野食都整得幾好食。d長腳蟹仲好鮮甜tim!

平日去食,用埋匯豐卡找數有九折,400蚊落樓。價錢都唔平架!但係食和牛buffet喎!呢d野又唔會成日食,可接受lar!

Wednesday 23rd April 2008 10:03:09 AM
好新奇喎![ 0 messages] 
General

去親旺角行街,一講到食飯就會好頭痛,總覺得旺角冇乜好食!

今日剪完頭髮,諗住食埋飯先返屋企。去到旺角就開始揾食大行動!

呀!終於俾我地揾到一間食餃子既舖頭,叫花滿樓。

其實食物味道ok lar!但係喺旺角食野黎講,都真係幾好架lar!最搞鬼係佢有個餃子堶惘傢Z肝架!都幾好食架!

另外佢仲有拔絲香蕉,都整得唔錯。只係佢上枱時已整好晒,冇晒d絲,冇咁好玩啫!

這間食店都唔錯,下次行街諗唔到食乜,可以上去食多次。^ v ^

Monday 07th April 2008 10:38:29 PM
又食又拎?[ 0 messages] 
General

ISA渡蜜月返黎lar!打電話約我出黎食飯,話要請我食飯同俾手信我喎!太客氣了!我幫佢地影既相又唔係太靚,那天又病,狀態又唔好,唔駛諗住多謝我喎!

最後我當然有出黎食飯lar!我地去左荃灣間 Fat Angelo 食晚飯,佢地叫餸時,我特意提佢地留留手,因為我食得唔多,咪叫我打包返屋企食!

不過最後佢地都要打包碟意粉返屋企食!講真呢間野D份量咁大,我地舖返靚少少碟野,真係好似冇食過咁架!

好彩唔駛我拎返屋企啫!hehe~~~

Sunday 06th April 2008 10:28:27 PM
留返拜山先講hehe~~~[ 0 messages] 
General

天樂約出黎玩,約左鬼咁耐都 no show,唔好意思呀!我唔係有心架!一係病,一係忙、一係約左人先......你知lar!

今次終於出到黎,真係有乜留返拜山先講!hehe~~

朝早我同hei、國安、肥仔去左打bowling,跟住下午就開始行山,雖然係行山頂,但呢條路我未行過喎!

我地先行山頂條行山徑,跟住經過廢堡,再行落黎香港大學。條路好易行,好多野睇,好多野影,好開心喎!

跟住我地又去左森美餐廳食扒,這是一間老式餐廳,我地揀左全間最貴既扒黎食,都係二百蚊,跟手仲要多個羊膝,兩樣野都好好味!而且份量非常大,飽到呢!@_@

今次我地冇飲酒,因為我在餐牌中見到枝裝可樂,仲有樽裝 light coke 添,真係好過癮,所以我死都話要飲,haha~~~呢個配搭好搞笑呀!但係飲得我好開心lor!YEAH!

Friday 04th April 2008 10:45:04 PM
BBQ[ 0 messages] 
General

親子運動會後,我地去左BBQ,雖然真的很累,但好難得咁多人一齊去燒野食,真開心!

如果唔落雨,我本來想自己買野食上城門水塘燒架!咁起碼可以燒D特別D、好味D既野食ma!希望下次有機會lar!

Tuesday 01st April 2008 10:10:33 AM
兩后相遇,比過高低[ 0 messages] 
General

星期六節目好豐富。

朝早同藍藍姐姐入左西貢,搭車又搭船,去到只係行左一陣。但係見到既景就超靚。我地坐低野餐,跟住藍藍姐姐就開始寫作,我就睇聖經。wow~~~訓喺碼頭邊,好寫意呀!跟住傾下計,好開心!

今日話就話行山,但係行左好小路咋!於是同藍藍姐姐講對唔住,因為我計劃不周,但佢真係好好,佢話今日我地做左好多野呀!要行既又行左、要欣賞既又欣賞左、又寫作、又睇聖經、又傾計。節目好豐富喎!多謝你的體諒啊!下次我會plan好d架lar!

哈哈!我地由西貢既海下行去灣仔。跟住又返返中環那邊的灣仔喎!做乜?咪就係同邊爐皇后&QUEEN OF HOTPOT打邊爐lor!

平時最有食力既邊爐后係亞呂,今次碰上鍾意叫多個食既QUEEN OF HOTPOT藍藍姐姐,究竟誰勝誰負呢?

結果係三個人食左七百幾蚊野,我停晒手佢地仲話要再叫,你都咪話食得唔多!佢地真係勁!

藍藍第一次見你食咁多!你個胃好神奇呀!

Tuesday 25th March 2008 11:33:12 PM
有驚無險感謝主[ 0 messages] 
General

今日喺盛岡第三日,我地過著隱居既生活。(其實係唔識driving,所以邊到都唔駛去)特別係天氣報告話今日會落雨,所以我地決定到酒店附近個水世界玩下就算。

心諗:玩水玩得幾耐呀?訓晏d先! 於是我地又冇食早餐。(雖然早餐係包埋,但自問唔揀飲擇食既我都揾唔到野食咁滯!)

訓夠就落去游水。我地先玩滑水道。佢呢條勁過以前喺海洋公園玩的那條。我坐在水泡上向下衝。

嘩!d水好勁呀!我同個水泡都團團轉。我點控制唔到!跟住我鬼叫左好耐,我就跌左落水。跟住有個職員過黎執起我,我上返岸,覺得好刺激呀!

跟住我地又租左隻香蕉船玩,呢度有得沖浪。家姐顯得十分興奮。而我呢個因為怕影響巿容唔游水既人,落到水顯得有點手足無措。當我正忙住處理隻香蕉船既時候,家姐已經飄到老遠,叫都叫唔住。

當時我非常煩惱,因為我控制唔到隻香蕉船,咁我咪唔駛玩!我諗左一排,(因為我唔識日文,佢地又唔識英文,我唔知點講好)但最後我都走左去換個大水泡玩!

換左個水泡冇幾耐,家姐突然同我講:我撞親個頭呀!咦!撞親個頭喎!唔係講玩架!我行埋去扶佢返岸,睇下佢個頭,有流血喎!大鑊。跟住我唔俾佢玩,同佢去救傷站。點知按極鐘都冇人應。於是我就再睇下佢個頭,問下佢野,發覺佢止左血,而且答我野都好精靈,又冇想嘔,咁我都放心d。

我捉左去岸邊食野,等佢休息一下,再驗左佢幾次傷,決定佢冇事,我地先走。其實我係好想捉佢去救傷站,但諗下諗下,d人會幫佢做乜,小事的我已check 左,大事的佢都暈鬼左lar!如果是怕事救傷會幫佢貼塊鬼咁樣衰既紗布喺佢個頭上,又或者死都要剪左佢d頭髮幫佢處理傷口…….好恐怖咁喎!(可能我諗多左)於是我決定自己照顧佢。走人。

就係咁,我地就返房,家姐休息,我打會議紀錄。完成了這日的活動。haha~~~

Monday 24th March 2008 11:38:24 PM
又俾你大到tim! [ 0 messages] 
General

未食早餐,已經收到何小姐的電話,說今天下午會下雨,所以她會十時來接我們到小岩井農場去玩。由於天氣不好,天色灰灰的,我們只拍了數張照片,逛了一會便走了。我想天氣好時,這媕雩茷頇麗。可惜可惜!

我們十一時許到農場,十二時四十分便乘公車回盛岡車站,因為如果不搭這班車,要到三時四十分才有車,我們看看四週沒有甚麼好看,牛羊又沒有放出來,所以決定走人。

到了盛岡車站,天下著雨,只好在車站附近的商場逛街,可是根本沒甚麼可行。正悶著的時候,突然眼前一亮,我們看見了盛岡都心循環巴士,於是立即跑上車,就在這個時候,家姐突然問我:我的那袋手信在那堙H那時我的手實是空空的,我就想:死了!是不是剛才趕著出來,又怕天氣冷,放下東西穿衣服時遺在地下沒有拿,現在東西不見了,怎麼辦?為甚麼我會這麼大意?我可以到那塈鉿^我的東西?一連串的問題在我腦子媔]出來。這時姐姐問我袋子埵閉し礡H我在想:小岩井買的手信啊!有名信片、芝士蛋糕、T-shirt……

姐姐又說:算了吧!呀!姐姐太好人了!但買了的東西沒有了真可惜! 這時我腦堣ㄟ悸漲^帶,想著我在甚麼時候遺失了東西,再看著快要開車的都心循環線,心焦急極了!要繼續尋找遺失的手信?還是忘記它,繼續行程?就算我要找,我可以到那塈銎O?這埵釣S月失物認領處?前面的花店可有看到我遺失的東西,在這短短的一分鐘堙A我不停的想,我的腦子開花了!救命呀!

突然有一個念頭從我的腦袋中閃過,我立即向著都心循環線走去。因為我發覺我並沒有遺失袋子。只是我剛才拿的是我們的羽絨,現在已穿在我們的身上,那麼我手上當然沒有袋子了。而手信就在姐姐的手上拿著,一分鐘也沒有離開過她。天啊!我又俾佢大到lar!真係玩死我lar! 當她知道這件事情的時候,我們好想在車內大聲笑,但又怕嚇親d日本人。今次都算搞鬼!今晚要訓多d,保持清醒,好驚聽日又俾佢大到!哈哈哈!

Sunday 23rd March 2008 11:22:58 PM
何小姐謝謝你![ 0 messages] 
General

一大早提著行李由松島搭JR返仙台,再到盛岡的森之風。這堛漲騜楫琱p姐一早已為我們打點一切,真的要非常感謝她。

到了盛岡,我們還要乘40分鐘的酒店巴士才可以到達酒店,可想而知這堿O鄉下過鄉下的地方。也即是說四週沒有其他旅遊景點啊!到達酒店,何小姐先為我們介紹複雜的食飯及路線圖。由於這間酒店本身相連了一個水上樂園,也是一間温泉酒店,所以地方也不少。沒有人帶領及解釋,我想我們連走回房間也會覺得有點困難。

何小姐一面介紹酒店的設施,一面領路。終於走到我們的房間了。她又為我們講述這幾天的安排。她問我們今天會不會先去泡泡温泉?明天才到小岩井農場去。

是呀!雖然我們一早出發來盛岡,但由於路途遙遠,所以還是要下午二時四十分才到達酒店。如果再坐酒店車回盛岡車站,每程也要40分鐘。晚上七點又是最後一班車從盛岡車站回酒店,七除八扣,可以玩的時間並不多,所以還是乖乖的聽何小姐的建議,在這堛w泡温泉算了。

但是泡温泉本來就不需要太多的時間,所以泡完了,我們還是閒著沒事好做。心野的我,還是想到外面走走,想起剛才乘車來的時候,不是見到一個很漂亮的湖嗎?還有岩手山也很漂亮。於是我們便嘗試到附近走走,但這媢磞b太荒蕪了。我們走出酒店大門,行了十多分鐘才可以走出酒店範圍。一走出去,就發覺我的想法,真的有點難以實行。所以我們最後還是在KENJI WORLD附近逛逛,拍拍照便算。

在拍照的時候,我們看到一道牆,牆上有三棵樹,掛滿了銀色的樹葉,走上前細看,原來是一些在這媯盛B的人的名字,我想日本人很喜歡在酒店結婚,或許他們不會到婚註冊署結婚吧!

晚上我們吃日本料理,何小姐一面為我們解釋各項菜式,一面講述她的故事。因為她是台灣人,所以我們以普通話溝通。這回我又再次覺得學了普通話真好!

p.s.何小姐的經歷真的很慘。就像我們看的那些電視劇的橋段。啊!怎麼會有人這麼慘啊!真的要為她祈禱啊!

 

 

 

Saturday 22nd March 2008 11:53:25 PM
慢慢享受下先![ 0 messages] 
General

琴晚一食完飯就訓,今朝起身就去食早餐,再去大浴場。跟住我地就返房訓覺。訓覺?

冇錯。因為琴日我地已經差不多將松島既景點行晒,所以今日我地可以慢慢黎。搞到點幾兩點我地先至出去玩,我地搭車去到7仔附近的某某酒店落車,跟住買午餐,坐在海邊食。望住個好靚既海,仲有好多海鷗,真係好舒服呀!

跟住我地見到條路指住話可以行去五大堂同福浦島,我地見唔駛行馬路,就試下行!原來條路係繞上山,跟住經過海風土那邊,係沿海行架!條路幾舒服,幾好行,不過就大風左d。行到天都快黑我就住影日落。而最搞笑既係我見到人地有日落既松島,咁我又想影,但我見到個日落位又唔係那邊,諗諗下,我見到名信片既應該係日出,唔係日落,真低能!

Friday 21st March 2008 11:16:49 PM
超好玩呀![ 0 messages] 
General

由於琴日訓過籠,冇得食早餐,所以今日我地一早就起身食早餐,然後CHECK OUT到松島去也。十一時多到了松島的大觀莊,CHECK IN後,放低行李,見天氣咁好,我地就立即去坐遊覽船餵海鷗lar!

船程50分鐘,所需費用1400円,當我上到船後,發覺下層很難餵海鷗,所以再每人多花600円上上層的夾板去也。 一上到去,就開始我地既瘋狂旅程。

船一開,我就買左三包蝦條餵海鷗,每包100円。最初我都係掉D蝦條俾佢地食,發覺D海鷗真係好好眼,點掉都好似會接到咁!跟住我見人地拎住條蝦條俾佢地飛埋黎食,我又學人咁餵,哈哈哈!D海鷗真係好狼架!好多次都當左我隻手指係蝦條,雖然我D手指係短左D,但都唔係咁似蝦條咋?

玩到顛又拎D公仔出黎影,MELODY同KUROMI都冇事,但當我一拎到黃豆豆出黎,有一隻海鷗居然想從我手上咬走佢!那一刻我忍唔住大叫!因為我FEEL到佢好大力咬!跟住我就係咁傻笑,好彩佢冇咬走呀豆咋,唔係家姐要我即刻去東京買返俾佢都似!

玩左幾十分鐘,我地見到人地點餵,我地又點餵。有個伯伯將蝦條放在手心,D海鷗飛埋黎在佢手心食蝦條,我地又學,咁樣食都好好玩,船程50分鐘,其實係俾人欣賞松島D島嶼,但我地就掛住玩,仲鬼殺咁嘈,笑到甩轆咁!成程十分興奮。計落每人港紙一百,冇一分鐘冷場,超級HAPPY!

跟住我地遊埋其他名勝,夠鐘返酒店食晚飯,點知我地搭錯車,遊晒成個松島tim!咁聽日點算呀!OH! NO!

Friday 21st March 2008 01:07:40 AM
訓過龍tim![ 0 messages] 
General

今日正式遊仙台,可惜身體實在太累,搞到MISS左個早餐,成十二點幾先出門玩。

第一個去既地方係食餃子。我地入左一間食中華麵食既舖頭,諗住叫三十隻餃子食,點知原來三十隻那款只可外賣,失望!我地只好叫兩客餃子!加埋炸醬麵同担担麵。

餃子非常好食,但係D麵就麻麻地,而且好大碗,食到我叫救命!

跟住我地就搭循環旅遊巴士去瑞鳳殿同仙台城址,一日乘車券都只係600円,可以一日內無限次乘搭,抵架!玩下玩下,咁就天黑lu!

我地返酒店放低野就行去一番通行街。嘩!呢度好多藥房,我鍾意呀!而且 d 野既價錢越行越平,同一條街都可以唔同價錢,真係唔係好明點解可以咁既!有機會再黎一定要格下價先買野!@_@

行得累了,本來打算返酒店煮野食,家姐死都唔肯要是但揾野食,我地是但入左個mall既地下食店,野食好味又平過火車站,正!

Thursday 20th March 2008 11:28:54 AM
在仙台的第一晚晚餐[ 0 messages] 
General

呵呵呵!這是昨天食的晚餐:炸豬扒!個樣係咪好好味呢?hehe~~~ 

嗯!味道方面當然ok!

但係由於我既冒險精神,所以我叫左一客不傳統豬扒,佢係由二十五層豬肉組成的炸豬肉!咁即係唔係豬扒lar!haha~~

食後感:我都係覺得傳統的較好味,較有口感!

Wednesday 19th March 2008 07:41:40 PM
仙台我黎左lar![ 0 messages] 
General

家姐真係好錫我,知我最近身體唔好,又冇得去玩,屈到病!今個復活節假就同我去仙台玩下,等我可以復活。

今次搭一點幾機,朝早仲出荃灣兌換日元。跟住先去機場。

家姐今日唔見左個水樽,初頭都有d唔開心。跟住去到仙台落機,有個工作人員拎住部i-pod,個HEADPHONE綠色好樣衰,於是我地就留意一下!呀!架i-pod家姐架!THX GOD!唔見水樽好過唔見i-pod呀!

p.s.我咁得閒上網,係因為家姐一到酒店就要CONFERENCE CALL!我話自己落去行,佢又好似唔係好想!咁我唯有上下網lar!相中是我從酒店房影出去既街景,一陣我就落去玩lu!呵呵呵~~~仙台我黎lar!

Wednesday 27th February 2008 09:30:40 PM
放假先黎病,唔通個天都唔鍾意我?[ 0 messages] 
General

一連返左七日工,星期一放假,就星期一病,咁I家姐都病,於是我地兩個就一齊走左去睇醫生。

睇完醫生就返屋企訓。就咁訓足一日,全日只係食左三個芝麻卷,都係怕食藥後會胃痛先至食。

唔知搞乜,今次個病好勁,星期二起身居然仲頭暈喎!於是拎個探熱針出黎量體h,wow~~~~發燒喎!但係我個心諗:今日好似六年級考試喎!唔返去點考呀?

於是食多粒退燒片就返工。返到去望下個時間表,果然係病到傻左,星期二係唔駛上電腦堂架!跟住仲俾人發現左我唔妥,量完體h就俾人趕走。

返去捍憟矷A醫生望住我話100度?

係呀醫生!

跟住佢就話我遇到隻新菌,食埋退燒片就ok!而今次睇醫生係唔收錢!多謝醫生!

我一返屋企就係咁訓係咁訓!第二日終於冇發燒,可以返工。好野!

其實我都未病好架!不過要返去幫學生考電腦喎!唔返去邊個幫我考喎!

p.s.如果我悄鴙茷H得過既代課,請假就梗係冇問題lar!

Monday 25th February 2008 12:36:15 PM
做乜唔信我呀?[ 0 messages] 
General

原來女人講野,男人真係唔多信架!尤其係電腦呢方面既事情。 

前陣子我部電腦仲病過我,於是我就搵人幫手。點知整到而家都仲係覺得水土不服。今日部電腦終於拎返黎。我個朋友話已經幫我重裝同scan左好多次病毒都冇事,應該冇問題,叫我放心用。 

點知我一開機,問題都係未解決。唉!仍然都係之前個病毒潛埋左,唔知點解佢見到我就咁開心,走出黎同我say hi!可能掛住我卦!啋!咁都得?

我個朋友見到仲唔信係毒,佢話出現呢個情況係好普通咋喎!但當我用另一殺毒軟件殺死隻毒時,部腦即刻順返晒,唔到佢唔信lar!其實我係最怕d毒唔知潛左J邊,先叫朋友幫我買左個500Ghard disk搬走我d drive既檔案,將成部機format,搞咁多動作,都係想佢乾乾淨淨F!求求你唔好再有事,真係好煩呀! 

當我開部腦checkd檔案既時候,又真係有d唔見左喎!我最近一次影既野食相,同一日得返呢張咋!其他唔見晒喎!可能俾病毒食左lu@_@

 

Saturday 23rd February 2008 12:22:27 AM
一念天堂、一念地獄[ 0 messages] 
General

今日俾人激親,俾人KO左!成個人謝晒!

OH! NO!

你臨尾同我講左呢個說話:一念天堂、一念地獄。叫我自己諗下。

嗯!我有諗呀!你要我注意乜呢?我踩左界?我好邪惡?我好心做壞事?

我好蠢呀!不如你話我知lar!

Saturday 23rd February 2008 12:07:19 AM
Wow~~~[ 0 messages] 
General

太耐冇考公開試lar!星期六去考普通話,我居然唔知要用鉛筆,好彩都有一枝咁大把。

最搞事就係我差d唔記得帶考試證。(本來係記得架!但唔知做乜又將佢放返喺床上面)跟住搭電梯既時候,突然諗起,即刻返屋企攞,唔係就樣衰到爆lar!今次真係要THX GOD 呀!

考完試時我就走左去食野慶祝一下,雖然冇乜用力,但係都要食餐好,開心一下ma!我地去左波鞋街一間上樓餐廳吃意粉,估唔到旺角有間咁靜既餐廳,食物平平但不失為一個好地方,可以再去!hehe~~

跟住我地去左旺電買手提電腦,今日既節目真係豐富。

Wednesday 13th February 2008 09:31:08 PM
駛唔駛得咁少呀![ 0 messages] 
General

返團契,李生拎盒瑞士糖出黎。Wow~~盒瑞士糖果真令人驚喜。個盒已經細細個,堶悼糬n有個兜,好似個碗咁盛住d糖,唔駛咁盡呀!去超級巿場買幾筒都有返咁多糖lar!救命!

從呢盒糖我感受到物價通漲既厲害。曾蔭權真係要正視一下!

Tuesday 12th February 2008 11:49:33 PM
疾走城門[ 0 messages] 
General

原本打算去馬屎洲,點知我衰細聲,又講得唔清唔楚,搞到沙沙以為我地唔去行山!

OH!So poor!幸好佢最後都同我地去行,於是我地改plan B,行城門水塘。

城門水塘靚呀!影相一流!去lar!你睇呢張相就係沙沙見到,運用佢既想像力諗到既樹人lar!樹人有心形嘴架!幾型呀!你話觀察力幾咁重要呢!

不過今次拍正兩位強人,佢地又瘦又fit,平時hea山影相既我,今次唔敢怠懶,我地兩點幾先開始上城門,三點幾仲HEA緊,影緊相,坐低食個梨,六點幾已行完城門水塘一圈落返荃灣,問你驚唔驚?

Monday 11th February 2008 11:05:59 PM
搗亂有理、搞事無罪[ 0 messages] 
General

星期一,我地一行九人,走上小慧屋企搗亂,(美其名係拜年) 實在係太開心lar!

為乜咁開心?

因為見到小慧個樣好得lor!hehe~~

希望你既狀態成日都可以咁好、咁生龍活虎就正lar!^ v ^

願主祝福你,賜你平安!

另外我亦feel到大家都真係好有heart,都係好得!

沙你真係好掂,今次又俾你贏晒!你影的相和製作的那本Album都好得好得好得.............超正,好有heart、好有quality、好attractive..........簡直係gorgeous!

Sunday 10th February 2008 11:35:29 PM
過肥年[ 0 messages] 
General

星期日返完教會去李生屋企拜年,拜年之前梗係要食飽先起行架lar!

我地去左金豐填肚,我叫左個咖哩,超好味!又香又滑,不過我知道佢咁好味既原因係佢落左好多好多椰奶,wow~~超肥!

所以去到李生屋企,我都唔敢亂食(應該話只係食左一粒仔南棗糕咁大把!)拉下補上!hehe~~~

p.s.今日行街時見到個招聘廣告,忍唔住一影,你睇下佢有乜地方唔多妥呀?

Sunday 10th February 2008 11:01:56 PM
wow~~好靚呀![ 0 messages] 
General

行山、行山,我真係好鍾意行山!

年初三去行山,行青龍頭至元朗,全程五小時。

今次行既路,以前都行過,記憶中有好靚好綠既樹。不過唔同季節行,景物當然會有d唔同。

唔知係咪因為最近天氣凍既關係,那些從前毫不起眼的楓葉(因為d葉通常未紅都已經枯死晒),如今卻紅得燦爛迷人。實在太吸引lar!當然如果你行過時又只會見佢地好獨立咁,一棵同另一棵隔得好開咁,並不像日本的滿山楓紅咁壯觀。但經過鏡頭既詮釋,感覺又完全唔同。

靚到絕呀!

Saturday 09th February 2008 10:10:05 PM
貴客到[ 0 messages] 
General

好耐冇新年留J屋企過年lar!年年唔係去左外國旅行,就係去左郊外露營。

年初二留在家中,朝早九點幾聽到媽咪同人講電話,話有人黎拜年,即刻嚇醒左。

原來係姨媽、姨丈同表姐地黎拜年。我細個M陣係姨媽湊架!佢地一家人都對我好好,好錫我架!表姐就更加照顧我lar!記得我細個係佢教我蒸魚同炒菜架!我家政條頸巾都係佢幫我織既!當時要交功課又懶,得返一日要交功課就搵人求救,表姐居然幾個鐘就織好一條頸巾,真係強勁!(當然本小姐係識織頸巾架!仲織過條兔仔花俾某某tim!哼!諗起條頸巾俾佢個friend戴住時,我當時真係好想打佢一鑊!不過而家諗返都覺得自己低能!我送得俾佢,就係佢架lar!話知佢掉左落垃圾筒F!)

咦?我講左去邊呀?亞婆係咁架lar!講估有排講!

家陣姨媽地由加拿大返黎探親,我又J屋企,咁冇理由唔見人F?見返佢地感覺真係好親切,諗起細個俾好多人錫,感覺好幸福!多謝你地既愛呀!冇你地既愛,相信就唔會有今日既我!THX!

Friday 08th February 2008 12:55:24 PM
平安大吉[ 0 messages] 
General

恭喜,恭喜!

美源髮彩恭祝大家發財!

哈哈哈!

每年一到農曆新年,都會見到曾江賣呢個廣告,見親我都會跟住佢講,真係超低能!hehe~~~

今年Melody學曾江同大家拜年。

祝大家平安大吉!

食過平安包,包你平安!

 YEAH!

Friday 08th February 2008 12:58:39 AM
開估lar![ 0 messages] 
General

究竟我買俾自己既係乜野黎既呢?

登登登凳~~~~

原來佢係一盒超脆既蝦餅,我咬落去既時候,真係覺得好脆好脆,好有蝦味!勁呀!

Thursday 07th February 2008 11:29:35 PM
鼠年旺相、鼠鼠生威...[ 0 messages] 
General

恭祝大家新年快樂、萬事勝意、心想事成、龍馬精神......

鼠年到lar!今個新年冇去旅行,所以我送左份賀年禮物俾自己喎!

呢盒係乜黎?

好野黎架!

聽日開估呀!

^ v ^

Wednesday 06th February 2008 11:56:43 PM
搵到lar![ 0 messages] 
General

自從上次紀紀請左我食呢隻杏仁朱古力之後,我真係對佢念念不忘,好想再三回味!一直都想睇下香港有冇得賣,但一直都見唔到喎!

J一次遇然既機會下,俾我搵返佢喎!實在係太高興lar!於是趁新年入左好多貨,嘩!慢慢食都得lu!

好開心呀!

Wednesday 06th February 2008 10:08:34 AM
咁好生意?[ 0 messages] 
General

今日去食元氣壽司,元氣壽司都影?

皆因今日佢真係好旺,旺到我隔離d人入離時,連杯都冇,侍應話因為d杯仲洗緊,未有得用咁話。食食下又見到佢地連木匙都用晒!你話幾咁旺呢!

所以我咪忍唔住拎機出黎,影返幾張相lor!要見証呢一刻ma!haha~~~

我地梗係唔只食左咁少野lar!只係當我想影既時候,已食到尾聲而已!

嗯!我諗今個新年,好多香港人留港消費,去邊都會逼爆,都係買定d糧,留J屋企唔出街為上。

Wednesday 06th February 2008 12:28:41 AM
野草燒不盡[ 0 messages] 
General

最近部電腦中毒,鏟左機之後都係唔多妥,開機不久就會出現以下文字:

那該記憶體不能為 "read" 請按確定終止程式該記憶體不能為 "read" 請按確定終止程式

之前病到瘟瘟下,冇心機理,家陣見精神D,就CHECK下部機。OH!原來部機D毒未清,係一隻叫kavo.exe既毒,佢會從手指、usb、記憶咭傳播。知道佢存在之後,當然係進行解毒lar!我諗都成功既!

thx GOD!多謝你賜我智慧呀!

p.s.因為我問人,人地話係我部腦d programme有些少問題,唔係病毒喎!我咁易信人,平時就信佢,唔理架lar!今次居然八卦自己搞,你話幾正呀!

Monday 04th February 2008 04:52:37 PM
悹堨~外都是毒[ 0 messages] 
General

就快過年lar!但係我呢個星期仍然係不如意事十常八九,病完一樣又一樣,真係好想快d好返,跟手狂做運動,保持身體健康。

除左身體病,學校電腦中毒,大家都用手指,呢頭幫佢地scan完冇事,佢地返屋企又感染返黎,咁樣無了期既交叉感染,搞到我頭都大埋。救命呀!

當然我都係受害人lar!屋企部機亦中埋毒,搞到要鏟機重裝,乜都冇晒!煩!

呢個星期鏟左兩次機,人都顛。真係要諗方法幫幫自己解決這個問題!

神呀!救你給我多點智慧吧!

Saturday 02nd February 2008 05:33:05 PM
真係會凍死人架![ 0 messages] 
General

星期六本來係親子運動會,但天氣預測會落雨,而且天氣咁凍,如果真係去既話,分分鐘新年前殺人一家幾口。(去到運動場又濕又凍,吹死D家長同小朋友,過年前個個重感冒)

所以經過慎重既考慮,學校終於決定延遲個運動會。這真是一個英明的決定啊!

星期六照常返學,但我已經好唔妥。咳到飛起。放工當埋值,六點返到屋企,決定唔去食團契餐團年飯lar!

鬼咩!係咁咳,好辛苦。而且傳俾人就唔好lar!好冇品架!而且我都唔想人地陪我病ma!

於是打俾IP話俾佢知,佢居然仲想叫我同其他人傾電話喎!唔係呀?咳死我lar!我似扮野咩?

跟住亞呂又打電話黎,我話我咳死,唔講,佢話我聽到佢把聲就咳,唉!我d朋友真係全部都傻架!

我俾佢兩個激一激,跟住咳得仲勵害。仲咳出血來。嘩!好紅呀!跟住我乜都唔理,食完藥訓覺。好驚好似粵語長片咁,吐血,死左!

我地身在香港都咁怕凍,仲凍病。人地J大陸受雪災影響的咪仲慘。我地一係為佢地多d祈禱、一係就捐錢俾佢地lar!知冇?

Saturday 02nd February 2008 04:57:39 PM
買到lar!開心![ 0 messages] 
General

星期五居然唔駛返教會,於是約左小藍食晚飯,去買下野咁lar!

我地去左荃灣食飯,傾左一陣計,然後就向葵芳進發。

今日行程好順利,我地買到想買既野!遲d就有用lar!開心!

Thursday 31st January 2008 04:32:58 PM
讀得好難聽呀![ 0 messages] 
General

星期二又係讀書日,今次又有新方法。同亞呂兩個搵左一個冇人經過既地方,一齊大聲讀普通話。

原來跟住錄音讀唔係咁易架!因為錄音好快,想跟都跟唔到!所以讀得好難聽。慘!

唔理好醜,讀左差唔多一個鐘就收工。跟住就同亞呂、MAGGIE、鍾仔去食晚飯。下次再讀。

Monday 28th January 2008 12:11:55 AM
C for Care TAKE CARE 呀![ 0 messages] 
General

這幾個星期,大家都先後不支倒地。我們都要放鬆 D 先得lar!我地都要好好保重呀!

TAKE CARE 呀!

Friday 25th January 2008 11:40:50 PM
似牛B酥既魚蛋?[ 0 messages] 
General

個人心野就真係心野,放工約左清虹俾份禮物佢,份野其實係聖誕節買俾佢架lar!不過到而家佢至得閒`,見自己行得走得,咁就同佢繼續出黎食飯傾計。

清虹帶左我食去一間d魚蛋個樣好似牛B酥既麵店,Md魚蛋個樣唔單止得意,而且都幾好食,就連個菜都好味!

^ v ^下次要去試埋其他野食先得!

Thursday 24th January 2008 09:36:54 AM
亞"蛇"乜係你呀?![ 0 messages] 
General

好多日冇寫blog,好忙?係呀!

忙乜呀?生蛇呀!

唔係呀!

就係lor!

上星期日在家反來覆去,以為骨痛好辛苦,個肚又脹脹的,感覺快要死似的。於是祈禱,求神話俾我知搞乜,有乜病要知道先至可以醫,跟住第二朝起身,照下鏡,先前在腰間以為係蚊"爛"的地方多左幾粒蚊"爛",腦內即時出現一個念頭:生蛇~~~

噢!即刻去睇醫生。醫生話你I。

上帝多謝晒!這次祈禱我聽得個答案好清楚呀!唔係我仲當佢係蚊"爛",係咁搽無比敵就大件事lar!

生蛇係免疫力系統出現問題加上心情差才會出現的,平日既我應該唔會有咁既問題。好明顯呢排生就II好,冇遲又冇早。

我知lar!明明自己頂唔到,就咪死頂,要將憂慮卸給神呀嘛!K!你睇,家陣咪就係咁,谷爆左lor!有大靠山都唔靠,真低能!

@_@"

P.S.生蛇真係好鬼痛架!

Thursday 17th January 2008 10:35:48 PM
肥牛呀肥牛!點解琴日冇胃口食你地架![ 0 messages] 
General

心情本來已經唔係幾好,仲要搞d咁既野,真係好老套!

昨晚冇心機,所以同亞呂、Maggie、Yammie、鍾仔食晚餐。

食乜?有邊爐皇后J度,當然係打邊爐lar!

Yammie提議荃灣廣場,話應該會少d人。去就去lar!有乜所謂。反正只係想冷靜一下F。

成晚傾左好多人生、信仰、價值觀既問題。太刺激lar!返屋企個腦不停咁loop,於是為著很多很多事禱告。

可能係我未能完全交托吧!(這個要多學習啊!)所以搞到朝早五點幾先訓到,至弊係七點幾要起身返工。很累呀!唔得!今晚要訓多d先!

Thursday 17th January 2008 12:56:18 AM
彈彈彈蛋糕[ 0 messages] 
General

今日心情唔多掂,放工走左去買野食。

甜品能滋潤人心。

先入美心買野食,見到個彈蛋糕。好耐之前想買一個黎試下,但都係放工時間去買,渣都冇。

今次居然俾我見到。好!就買返去試一試。

結果係個蛋糕同我一樣,好混亂。我指係我食佢既時候不知從何入手,最後搞到成E都係,好混亂。

最慘係個蛋糕唔係咁好食。諗住搵佢消下愁都唔得。>~<

Monday 14th January 2008 11:56:05 PM
有益有建設性既遊戲[ 0 messages] 
General

http://www.freerice.com/index.php

呢個網址係乜?好玩lor!估生字。只要你估中一個生字點解,佢就會捐出20粒米,d字好深架!但係玩下又何妨,一來可以識多d字,二來又可以幫下人,何樂而不為!

不過d字真係好深,搞到我要不停查字典,諗諗下,覺d搵餐晏仔真係咁難架!

各位應該唔似我咁渣仔,大家努力呀!搵多幾餐飯食呀!

Saturday 12th January 2008 10:30:55 PM
天氣好 心情好[ 0 messages] 
General

星期六天氣好,我搵家姐同我行山,佢有d驚。

梗係lar!次次同我行完都半死咁滯,又或者發燒收場。所以今次我俾佢擇行邊。一係行大嶼山M邊,一係行南ㄚ島,家姐話好耐未去過南ㄚ島,於是我地就決定行下南ㄚ島LAR!

天色好,心情自然好!當你望住個天既時候,見到久違既藍天白雲。而望向對面岸時,又見到一層霧氣喎!個景真係好靚呀!

而全日最好笑既就係我地到風采發電站時,我見個景咁正,但之前又影過喎!所以就話要跳起影返張相。點知我唔記得左家姐唔識數一、二、三架!佢既時間性真係好差。不論你數定佢數,都係數唔到!救命呀!(當然就算我跳得幾高,佢都影唔到我跳起lar!@_@" )

不過佢都好努力改進自己。嗯!我諗以後每去一個地方影相,都要跳起影返張相。話唔定遲d家姐識數一、二、三都唔定!

Thursday 10th January 2008 10:26:17 PM
小藍生日快樂![ 0 messages] 
General

小藍生日本來出尖沙咀食飯。但由於行動有變,我地去左觀塘食飯。

去邊食都一樣F。有好朋友一齊就得lar!點都咁開心既!係咪?

今次食飯唔止我、小小同小玉,仲有小藍既其他朋友仔!

嘩!小藍既朋友真係好有heart!見到佢地送俾小藍既禮物,令我感到年輕了很多,因為呢d野,J我後生時先會做既!而家老左,都係同班朋友食返餐算數。

小藍你有咁好既朋友,你要開心d呀!再一次祝你生日快樂呀!

Wednesday 09th January 2008 10:14:58 PM
冇力lar![ 0 messages] 
General

做工做到好悶,一個人走左去沙田行街街。先試J荃灣搭綠Van去沙田,又真係好快架喎!

行街買鞋後,仲想繼續行多陣。(畢竟沙田平日真係勁少入去)但係覺得冇力喎!梗係lar!九點都黎lar!飯都未食,梗係冇力lar!

於是入左間叫tutto既意大利餐廳。我叫左個海膽汁海鮮墨魚汁意大利粉。睇個名諗住係有海膽味F,點知上E時係有兩舊海膽架!我咁鍾意食海膽,當然都幾開心。

食落去都ok lar!因為冇乜祈望,所以都冇乜失望。醫飽肚走人。再行多左陣至返屋企,強!

Wednesday 09th January 2008 12:25:44 PM
好殘忍喎!呵呵呵~~~[ 0 messages] 
General

琴日睇新聞話某間美心西餅內有老鼠造反,開party,搞到要停業!

某日我放工食埋飯諗住返屋企既時候,行過間精品店,見到HELLO KITTY 俾隻獅子食左落肚。好殘忍呀!

hahaha~~~

原來就快新年,HELLO KITTY 要舞獅,真係好騎呢!唔知D好 Lady 既 HELLO KITTY fans會唔會買呢隻野返屋企既呢?(我覺得鍾意親HELLO KITTY 既都係好斯文既女仔黎架,所以我唔會鍾意HELLO KITTY Lor!)

hohoho~~~~~

Tuesday 08th January 2008 11:44:00 PM
邊爐皇后[ 0 messages] 
General

亞呂話要溫普通話,好!我地好耐冇一齊溫過書lu!所以我都覺得有咁既需要。

於是我地帶晒d書出黎準備溫習。點知都係敵唔過E面既考默。唉!自閉症又發作,點都要改晒先肯走。所以又係八點先同學校講再見。

亞呂話如果食埋飯先上我個竇就好夜,於是我地宣報失敗,食飯算數。

好lar!食就食lar!我地去左美心食火鍋。我先黎叫左個54蚊既餐,再加多26蚊牛肉再叫多碟菜,加埋兩杯野飲,應該夠飽。點知亞呂食食下話唔夠。咁我咪去再買lor!

當我叫飽既時候,佢居然罵我,話我唔食。大佬,我覺得夠架喎!係你話唔飽之ma!咁你當然要食多d lar!係咪?

食完呢餐,結果我第二日要到下午六點先有胃口食我既午餐。亞呂你好勁呀!

你果然係邊爐皇后呀!

Sunday 06th January 2008 11:34:05 PM
矢發初願[ 0 messages] 
General

朋友仔要做修女,今日矢發初願。

當佢出黎分享既時候,佢多謝各位曾經同佢相處過既人。因為在各人身上均有所學習。

跟住我就諗返以前一齊工作時候既情境。記得有一次我地一齊帶週會,班細路上台表演,本來預備搵人扮鐘聲 ,但係我地兩個居然唔記得。點知呢個時候學校個鐘聲就響起。我地兩個都笑左出黎,大讚上帝奇妙既安排。(雖然我地一個信基督教、一個信天主教)

我又諗起當我知佢唔教書要做修女既時候,我好唔捨得,仲不停咁喊。

跟住我d眼淚又好自然咁流左落黎。

喊乜呀喊?我同自己講。

但我眼前見到朋友仔接受其他修女既祝福時,佢既表情係好開心,好滿足。

咁我就更加唔應該喊。因為佢真係好開心。我今日見到既可以講係一場婚禮,係朋友仔嫁左俾天主。

Tuesday 01st January 2008 11:18:14 PM
國家地理雜誌[ 0 messages] 
General

一年新開始,一月一日我地去左行山,好野!可以行山lar!

今次擇左一個又係極易行既地點,東涌行至大澳。全程只係五個小時。極多平路,完全冇難度!haha~~~

我地呢班hea王,邊行邊影,沿途真係好多野俾我地影架!嘩!先黎就係勁多蝴蝶。雖然我為左減磅,唔敢俾自己條尾龍骨太多負擔,只係帶左兩支鏡去玩,一支28-200mm,同另一支新寵10.5mm,但當我見到蝴蝶既時候,我一於影呀影,真係好鬼開心。

跟住我地又見到好多不同既動植物,包括好靚既樹影、魚翅瓜、小貓貓,野外老鼠仔、海鷗同小白鷺等,真係好似睇緊國家地理雜誌咁!超正!好開心呀!

Saturday 29th December 2007 11:17:33 PM
搞掂[ 0 messages] 
General

一返香港第二日就要返工,朝早本來仲約左去睇醫生。但係貪睡,所以改左星期六先睇!

醫生話個case可以close lar!太好lar!唔駛日日撲出去睇醫生,然後又趕返工。真係好辛苦架!

尖沙咀byebye lar!希望以後唔駛返去覆診就好lar!

Friday 28th December 2007 11:44:12 PM
有點失望[ 0 messages] 
General

同家姐去葵芳,本來想食元氣壽司,但見到好多人排隊,應該要等好耐。為左快d有得食,我就繼續排隊,家姐就走去睇下有乜野好食。跟住我地就去左小城知味。

呢間野之前J尖沙咀食過,幾好味架!所以我地兩個就入去食晚飯lar!

點知結果真係有d失望。我地叫左酸辣湯、津白、豬扒菜飯、素餃同鍋貼。酸辣湯、豬扒菜飯同素餃的味道ok,冇乜特別。(即唔難食、亦唔好食)但d津白就酸既、菜飯送的那碟菜凍既、鍋貼就煎到穿晒、仲要唔熱既!@_@

點解同之前食的那一間小城知味差咁遠架?係咪同一間黎架?

無言。

Thursday 27th December 2007 11:48:09 PM
上海遊Day5[ 0 messages] 
General

今日返香港lar!朝早食完早餐,就去福州路M間上海書城逛逛。呢間分店總共有成七層樓高,由於時間無多,所以我只好集中火力,專攻某幾個書類。當然不會空手而回。

逛完書城,我地就返酒店check out,然後食午飯、搭的士走人。

搭的士既時候,司機話落雨,所以比較塞車。事實上原本不用一個小時既路程,真係要花上個多小時才可到達。

下雨天,在冰冰凍、搖搖下既車廂中,我地真係訓左幾覺,每次都係因為聽到大大聲既響安聲,先至被嚇醒,當我想唔訓既時候,睡魔又再出現,跟住我地又再度入睡。其實搭車訓覺都幾危險架,真係死左都唔知乜事。所以平時我搭車都唔係好訓。今次平安歸來,真的要thx GOD啊!

去到機場lar!個機場真係冇乜野買,所以我地好早就入左閘!入到去忍唔住要拎支魚眼出黎影,雖然支鏡我掌握得唔夠沙沙好。但係呢個機場係要用支魚眼黎影先出到個感覺!正!

http://www.fotop.net/zevia/271207S

Wednesday 26th December 2007 11:26:03 PM
上海遊Day4[ 0 messages] 
General

琴日落左成日雨,今朝起身見到個天有少少藍色。所以行程第一個地點係黃浦外灘。不過睇真d,個天色都唔係太靚。所以影左一陣就走人。

下午既節目係去左多倫路。而我覺得最開心既係可以見到、影到好多好local既野。

晚上既活動係影黃浦外灘同南京東路,用魚眼影夜景真係有佢攝人既力量,希望我日後可以更能掌握支魚眼鏡,咁影出黎既相就會更靚。

http://www.fotop.net/zevia/261207s

Tuesday 25th December 2007 11:37:59 AM
上海遊Day3[ 0 messages] 
General

今日係第三日行程lar!我地今日要去西塘。

上次睇麻雀變鳳凰時,佢地話上海人都一定去過西塘喎!咁我地咪諗住去睇一下lor!

我地今次參加local tour,一百三十蚊就包埋上海來回西塘旅遊車票、導遊費、各景點入場費同午餐,都幾抵。

當中有d景點係你自己去旅行一定都唔會亦唔識去既,so 我對參加呢個團冇乜意見。

不過天氣方面就真係唔多好lar!個天不停流眼淚,天色當然係灰灰的。

我既心情當然都會被天氣牽動lar!心諗影唔到靚相lu!

不過導遊都幾叻,佢話今日天下著雨,正好讓我地感受一下江南水鄉風情,甚麼是小橋、流水、人家........

心想:煙雨矇矇的感覺又真的有點浪漫啊!

俾佢一講,心堶惜S充滿期待。

食完飯、遊完周邊明勝,終於到左下午lar!呢個時候我地亦終於到左西塘。

西塘俾我既感覺幾好。好純樸、好寧靜。而景色嘛,就是一般水鄉的景色lor!你去過周庄、同里咪就係Md景色lor!幾靚架!

不過可能因為落大雨、又唔係假日既關係,好多店舖都冇開,那種小鎮繁盛的感覺,自然就沒有了。

落大雨去旅遊,真的有點麻煩。以我既人物性格,死都要影相,為了方便,死都唔肯拎遮,但又要保護相機唔俾佢濕,當時真係有點狼狽,為左顧住部機,我錯失了好多攝影角度,有機會要再拍好它啊!

導遊小姐叫我地下午三點五十分回到停車場上車返回上海。我也遊到三點十分左右就開始回程。三點四十分我地已回到停車場。未上車,導遊小姐已從車上探出頭來,迎接我們。好明顯,全車人都已返黎,等緊我地兩個,但我地冇遲到喎!你地落雨冇地方去早走咪話要等我地唔高興呀!

我地一上車,架車就即開,好明顯佢地等左我地好耐lar!

架車行左十五分鐘左右,導遊小姐大叫:是我錯!是我錯!然後架車要調頭!旅遊巴在公路調頭喎!幾驚呀!

原來有人未上車呀!心諗:幸好那個不是我和家姐,我在同里住過,天氣冷住那些客棧,好凍架!仲要冇準備就去住,死得!希望那兩個人冇事就好lar!佢地一定嚇鬼死。心堿動\地祈禱~~~~

架車再花左十幾分鐘返去接那兩個人,佢地上車就講,我地諗住影多張相,轉頭架車就走左,叫都叫唔切,咁米打電話lor!

OH!我好欣賞呢兩個人呀!佢地上車冇嘈冇鬧,而之前佢地又好冷靜咁打電話求救,俾著我就一定芳寸大亂,死得死得!

跟住我諗,導遊小姐今朝俾M個STICKER真係好有用架!因為你可以打佢上面個電話求救ma!我又學到野lar!

http://www.fotop.net/zevia/251207s

Monday 24th December 2007 12:03:07 AM
上海Day2[ 0 messages] 
General

今日一早我地去遊豫園,由酒店行過去都係一個鐘頭左右,仲可感受下當地人生活,不知幾好!

沿途所見,四處都是工程,真係成個上海都爛晒。可能同佢地2010年舉辦世博有關架!又或者同周正毅有關都唔定架hehe~~~

我地一面行,一面見到d小販,有一個賣衫既,我見佢寫住自己賣GIODANO,但係佢除左個膠袋係印住GIODANO之外,我覺d衫就一D都唔似GIODANO。認真搞鬼。

跟住行行下,又見到間舖頭,佢冇開門,但就有個牌寫住"請走後門"。正!笑死我!

到左豫園,我地見到d好開心既野喎!真係迪士尼都見唔到架!就係在同一時空中,出現兩對米奇老鼠。嘩!中國人真係可以創造一百萬種可能呀!勁呀!

行完豫園,我地就照住旅遊書介紹,去搵一間賣騎呢T既舖頭,可惜舖頭未搵到,俾兩個男人跟左幾條街,真係俾佢地嚇親。最後我地要入便利店避開佢地先甩到身!

跟住我地繼續搵間舖頭,去到發現已經變左賣其他野lar!俾人嚇餐死,仲要搵唔到舖頭買野,唔制呀!

俾人嚇親,唔敢再J條街四圍走,咁咪搭的士lor!點知居然開唔到車門,仲要俾司機罵!喂!係你架車既車門難開,唔關我地事架喎!做乜罵人喎!

以為事情總算告一段落,點知到左上海體育館買第日車飛去西塘後,諗住搭的士到圓苑食晚飯。我地居然截唔到的士呀!

d上海人真係好厲害架!佢地條街又多車又多人,佢地夠W死走到路中心截的士,你根本就唔會夠佢地爭。所以我地唯有到附近間滄浪亭食晚飯lar!

跟住仲有好多好多,睇埋咁多咁多,我有一個小結,就係D野真係錯晒,連我都搞到有d思想混亂呀!

http://www.fotop.net/zevia/241207S

Sunday 23rd December 2007 11:20:36 PM
上海遊Day1[ 0 messages] 
General

由於本人仍處於休養期,所以今次上海之旅,家姐搞晒所有既野,我完全理都冇理到,唔該晒!

但係家姐一向鬼婆,間酒店名同地址都係用英文寫,去到機場,我地用普通話問information centre,佢叫我地搭六號車。跟住去到六號車車站,俾張紙佢睇,佢話間酒店在江蘇路,叫我地搭五號車。咁我地咪走去五號車站lor!

搞左一大輪,終於上左車lu!架車好臭,一D都唔似機場巴士,而且每個人都好似返屋企多過似遊客。

最搞鬼就係d人居然可以將舊大大件既行李夾硬放在車頂上放行李的那一小格內,中國中真強,你真係估佢唔到,居然俾佢夾硬到喎!又冇意外發生tim!

架車開左,家姐拎張book酒店既紙出黎一睇,發覺係九江路唔係江蘇路喎!但架車都開左,佢就同賣飛俾我地個亞姐講,亞姐話俾我地聽邊個站最近我地酒店,叫我地落車搭的士去酒店。諗起都覺得搞笑。

http://www.fotop.net/zevia/231207s

Saturday 22nd December 2007 01:26:07 PM
我的美麗回憶[ 0 messages] 
General

聖誕聯歡會lar!好多舊生返黎探我地,好開心呀!多謝晒大家既"情"!

好耐冇見lar!大家都大個仔、大個女lar!見到你地咁生性,我都好安慰!

不過見到你地個個都咁大個既時候,我自然諗起都有d心寒!嘩!真係歲月如飛刀,刀刀催人老!wow~~~~

影張相留念先lar!我話影腳,亞芯話好in喎!hahaha~~~ 係咩?我成日影腳架喎!我影左好多年架lar喎!鍾意咪影lor!理鬼佢 In or Out?

Monday 17th December 2007 09:59:49 PM
實力測試[ 0 messages] 
General

星期日返完教會,對自己進行實力測試。

搞乜?就係拎部大機上城門水塘影蝴蝶!

我揀城門水塘,因為佢夠晒近,行既路又短,萬一頂唔順都係一陣就落得返荃灣。死都死唔晒ma!

當我行山既時候,我發現條尾龍骨就唔係好痛,反而就感覺到d腳筋同關節係咁響。梗係lar!咁耐都冇活動過,再唔郁就一定死得!

測試結果顯示:行d咁輕鬆既路程絕對冇問題、背負一機兩鏡行山都冇問題。總之在休養期間,我唔行d要跨大大步既山路就得lar!YEAH! 好野!就快復活lar!

http://www.fotop.net/zevia/161207B

Saturday 15th December 2007 11:59:10 PM
今日紅雙喜,認真恭喜恭喜~~~[ 0 messages] 
General

今日有兩件喜事喎!第一樣就係小慧生日lar!生日快樂呀!恭喜恭喜!祝你天天開心,身體健康! ^ v ^

另一件喜事就係嘉明同亞南結婚lar!嘩!呢兩個就真係由細睇到佢大,本來都怕得我一個去飲會悶,唔想去!但嘉明話編我同Boris仲有Eric一齊坐,希望我都會去飲,高興一下咁話!你地咁有誠意,只好去lar!

去到酒樓,因為新娘要換衫,所以同唔到佢地影相,我地幾隻野,雖然話係人地導師,但絕對低能,走左出去同人地張結婚相合照,最搞鬼係明明見到對新人J門口,我地都唔理,先同張相合照,然後先至行埋去同真人影相!擺明就係搞事!hehe~~

新娘子,你今日好靚呀!祝福你地在主堨羶楨笑盓祤盓r!

http://www.fotop.net/zevia/151207B

http://www.fotop.net/zevia/151207w

Saturday 15th December 2007 07:00:38 AM
訓覺能醫百病[ 0 messages] 
General

唔知係咪因為成日都要一早就出去做物理治療,然後又要飛返去上堂,跟住又要改改改......個人真係好累!呢排仲要俾人激親!聲都沙埋!

今日頂唔住,返左屋企,食完飯即訓!因為我驚自己唔訓,第二日返唔到早學,又或者聲都失埋,咁就大件事lu!

訓覺能醫百病,果然係名不虛傳呀!

Friday 14th December 2007 12:05:07 AM
高層次思維呀![ 0 messages] 
General

由於媽媽話d魚油丸就快食晒!而之前我又整親尾龍骨,所以冇出到去買俾佢!

於是琴日就同小慧講,佢話陪我出去買喎!好野!順便可以去食飯喎,幾開心呀!YEAH!去到銅鑼灣,小慧話我實會跑黎跑去,行得好快,實在太危險。唔俾我一個人自己走去買野!hehe~~~  俾你講中左,冇野講lar!唯有乖乖被監視。上到皇室堡26樓,嘩!今日勁多人,搞到小慧陪我等左好耐,真係超級唔好意思。SORRY呀!幸好藍藍醒目,買完野就先行到翡翠`位,唔係就餓死都似。

今日dD上得好快,可能佢地見到我地個樣好餓掛!haha~~不過d野食依然好味!而且仲望到個海景,真好!^v^

每次見到濕紙巾我都會拎晒返去俾Aunt,今日我地食完飯,我又拎埋佢地兩個張濕紙巾,拎之前我問小慧用唔用架?佢話唔用,因為翡翠隻濕紙巾d味唔好聞,所以唔用。

我同藍藍聽到,即刻笑佢騎呢!跟住小慧就話唔信聽日拎返去俾Aunt用時聞下就知!我話Aunt唔係用黎抹手,係用黎抹鐵閘,跟住藍藍問點解咁多人都會用呢d濕紙巾黎抹出去鐵閘呢?

呢個時候,小慧好認真咁拎起包野講:係呀!呢包野可以抹晒d手指模架!

我地兩個聽到,即刻大笑,做乜鐵閘要冇晒d手指模呢?難道要消滅乜野犯罪證據?

哈哈哈!資優生果然係資優生,諗野確係唔同,今日我終於見識得到lar!正呀!

Tuesday 11th December 2007 10:00:48 PM
成功晒lar![ 0 messages] 
General

返到學校,藍藍好鬼興奮咁走過黎問我拎左一百蚊,佢話要變魔術喎!

於是我俾左一百蚊佢,佢就放左落個袋堶情A想話變走佢。點知佢變變下,張一百蚊紙走左出黎,我即時笑到訓低。真係好搞笑!

我諗佢既魔術真係成功左,因為能夠帶俾觀眾無限歡樂!而且個魔術應該俾原本M個更勁,我諗冇人諗過張一百蚊紙會自己飛出黎咁得!哈哈哈!無論點我都要講多次:藍藍姐姐 ─ 你好搞笑呀!

Sunday 09th December 2007 10:57:18 PM
家韻BABY[ 0 messages] 
General

星期日好忙呀!朝早返完教會,下午改好一疊評估,跟住就去粉嶺探望家韻,然後再出中環。嘩!認真厲害呀!差d仲以為自己好返tim!hehe~~想死!

家韻真係好強勁,生左果日就即刻打電話俾我,把聲仲鬼咁精神,到我地探佢既時候,先知佢又深井搬左去粉嶺。仲要係臨生之前兩個月至搬。簡直係強呀!

其實我都未試過人地一生完就去探人,因為我通常都會考慮人家感受。例如生完會好累、個人又會好水腫,唔靚咁........真係冇試過有人一生完就叫我地去探佢,你話家韻幾勁呢!我真係好佩服佢呀!

而BB得一個星期大,就算我睇左佢個樣好耐,根本就睇唔出佢似爸爸定媽媽,希望佢大粒D時,容易D睇得出lar!

 

Saturday 08th December 2007 10:27:15 PM
真係痛到死得[ 0 messages] 
General

星期六,聽醫生話,試下唔食止痛藥同消炎藥。嘩!真係由尾龍骨痛到上頭,但根據我既人物性格,我一定會忍,睇下可以忍痛忍到幾時。

就係咁,我忍到下午三點幾,我終於頂唔順,拎d藥出黎食。

今次唔食藥,痛餐死既經驗都幾好。因為俾我知道,自己可能係訓覺時為左就住個痛位,姿勢出現問題,搞到周身骨痛都唔知,而家冇食止痛藥,d痛即刻現晒形,以後訓覺都會小心姿勢。而且我呢隻不死既蟑螂要知道自己未好返,要多d休息先得!

但我真係好想玩呀!醫生話我下個星期就應該唔駛再上去,下個月應該就會好返晒!希望係咁lar!唔係既話,我未好返之前,都應該會悶死左lu!

Friday 07th December 2007 11:07:20 PM
覆診lar![ 0 messages] 
General

成個星期都只係做物理治療,今日終於要見醫生lar!

可能d醫生朝早要去醫院巡房或者做手術,所以要成十點幾十一點先有得睇醫生。

上個星期我見醫生時,佢叫我十一點幾黎見佢,我即時反應話:我要返工lar!醫生即時俾我嚇窒,跟住話早少少,十點幾返黎睇我,但諗清楚之後,佢就好firm咁講,同你老闆講你要睇醫生,要遲d返!(可能佢心諗:我俾你返工仲咁多野講,想死呀!)我諗起當時既情境都想笑!

今日覆診,醫生話我進展幾好!可以唔駛食藥。不過佢叫我唔好咁開心!咪咁大動作!

不過一睇完醫生,我就急步走去買壽司,跟住趕返工。其實都行得真係好快!希望冇傷lar!

不過下次唔會lu!反正冇人欣賞!跣把lar!貴係有d貴,我知!不過我計算既唔係價錢ma!知冇?

Thursday 06th December 2007 09:06:40 PM
返工lu![ 0 messages] 
General

返工lar!返工lar!今日終於放完病假返工,好開心呀!

返到去果然有好多野等住我未做,再遲d返。死梗!

今次病假真係要好多謝沙沙,如果唔係佢幫我代課,一定有好多手尾跟。佢幫我做多冇少,實在係太感激佢!hehe~~~

而我返到去,除左要跟返晒d IT野之外,仲有之前查簿,要執返好D簿俾人查,都幾係架!所以你話如果唔係沙沙幫我代課,我都唔知顧得邊樣!謝謝你啊!

Tuesday 04th December 2007 07:52:30 PM
食咪食,怕咩呀![ 0 messages] 
General

搵Angela搞完條腰,當然都要食飯lar!Angela話去尖沙咀食,近我同家姐喎!請問有幾近呀?

家姐就驚我放緊病假,怕俾人見到J條街行,唔好喎!(而事實上我都係咁諗,呢幾日我一做完物理治療都返屋企,免得過都唔J條街行,費事人地以為我扮病) 但人點都要食飯架lar!唔通我真係可以吸風飲露咩?NO lar!去就去lar!又唔係行街睇戲,食飯之ma!怕咩呀!

就係咁,我地由中環搭船去尖沙咀。最搞笑係AngelaJ船上不停咁玩NDS,而且仲玩得好投入,突然覺得佢好似我d學生,超搞笑!

Monday 03rd December 2007 10:08:15 AM
成個彈起[ 0 messages] 
General

星期日冇得做物理治療,走左去搵Angela,佢真係好好,幫我搞搞條腰骨。架機好搞鬼,佢係好似針炙咁,用架機夾在你手的相關穴位,你邊個患處痛,你隻手邊個穴道就會好有反應。

結果我條尾底骨就當然好有反應,當架機觸及個M穴道時,我真係成個彈起!勁呀!

唔知係咪心理作用,做完真係好似好d咁!呵呵呵!

其實你話中國人幾叻,一早就發明左呢樣野醫病。呢架機都係按針炙原理整出黎架咋!

我返屋企拎本穴位書出黎跟住按,又真係幾得架喎!又學識多幾個穴位tim!

Friday 30th November 2007 11:59:48 PM
唔該晒![ 0 messages] 
General

謝謝你啊!

今日拎d野返屋企即刻好開心!

你問我點解搵你幫手,唔搵其他人?除左之前個答案之外,我諗到lar!

嗯!我想見見你ma!haha~~~

這個答案好嗎?問你驚唔驚?

 

Friday 30th November 2007 11:50:44 PM
水族館?[ 0 messages] 
General

做完物理治療,等緊睇醫生既時候,好無聊!見到缸魚好靚,於是就拎部相機出黎影下。點知發覺周圍既人都望住我,做乜望住我喎?影相之ma!我又冇開閃光燈!

呀!係咪覺得我病都病得騎呢過人呢?大家咪咁lar!睇睇下就慣架lar!乖下~~

Friday 30th November 2007 10:53:19 AM
食蕉[ 0 messages] 
General

ERIC同老婆去完日本旅行,買左好多手信俾我地呀!多謝晒!

而當中最勁爆既就係呢盒蕉lar!

這盒蛋糕是全店top1的,蕉味十足,咬開佢,堶惕e現全白色漿狀物體,超甜!

呢款蕉蕉蛋糕,全店top1喎!真係唔明日本人如果咁like佢,點解唔就咁食蕉算數,奇!

呀!咁日本人究竟鍾唔鍾意食蕉既呢下?

Thursday 29th November 2007 02:30:55 PM
苦中作樂[ 0 messages] 
General

真係一世都未搭過咁多地鐵,而家日日要出尖沙咀做物理治療,日日都要搭地鐵。

發覺原來地鐵有d廣告幾好笑,就好似呢個咁呀!我平時唔睇電視,又唔搭地鐵,真係見都未見過!乜野二手人參、向世界恤髮、熨衫風暴,食字食成咁,真係服左佢!

Wednesday 28th November 2007 12:28:40 AM
悶瘋了[ 0 messages] 
General

悶死我lar!整親真係好麻煩,麻煩在我行得快又唔得,坐又耐又唔得,咁唯有o訓。但我又o訓唔到咁多。

琴日瘋狂到買了木板回家,為自己製作左個可以訓J床上改作文既平台,但係遇到技術問題,就係枝紅筆敵唔過地心吸力,倒掉寫好快冇墨,最後我只好乖乖坐起來改文。改下又行下咁lor!

今日我試約左物理治療在朝早九點,試下可唔可以做完返工,答案係可以既。但個物理治療師見我咁早就問我搞乜?我話俾佢聽我想試下就時間,希望下個星期可以朝早做物理治療,下午返工。

點知佢一聽我講,佢就話:你估醫生俾咩?車!人地試下之ma!駛乜撥人冷水喎!最多我呢幾日乖d o係屋企休息下lor!

各位朋友仔,唔駛擔心我呀!我ok喎!為我祈禱lar!thx!俾你地睇下我而家個衰樣呀!冇化菗[!好耐冇見呢!haha~~~

Tuesday 27th November 2007 11:19:48 PM
醫療日[ 0 messages] 
General

今天我很乖,真的跑去看骨醫,那奡ㄗ悀F一條龍服務,看完骨醫,還立即可以做物理治療,香港人真的懂得賺錢啊!

醫生說我不算太嚴重,先要我休息一個星期,還要我每天都要做物理治療。

哼!真的有這個需要嗎?要不是怕有後遺症,我可不會那麼聽話啊!

希望下星期可以返工吧!真不想阻住別人原來的工作進度啊!但其他人嘛~~~我又不放心!唉!尾龍骨呀尾龍骨~~~~你要生生性性啊!

天父求你幫幫我啊!快d好就好lu!

Tuesday 27th November 2007 12:50:48 AM
大大鑊[ 1 messages] 
General

成晚訓覺都覺得好痛,今朝一返工就問亞戴,佢就幫我摸,發覺我唔單止M兩個傷口痛,而係d骨都痛,跟住佢就叫我去睇醫生,唔係就手尾長咁話!我都驚架!因為我真係覺得痛ma!

於是我就諗住放工去睇醫生,但何副一聽到,就罵我,叫我即刻走,佢話我傻,腰骨既野好緊要!我知我知!我即刻去睇。

藍藍真係好,見我去睇醫生,簿都唔改就陪我去,謝謝你啊!

醫生摸完我條骨,佢話應該係歪左,跟住寫紙俾我照x光,結果條尾龍骨真係歪左,醫生話用隻手伸入肛門整返直佢就得!我話ok!於是佢就幫我整返好條尾龍骨,我問跟住要點做,佢話休息三日,可以返工,叫我休息多d,坐得小心d,唔係又會歪返,okok!我會小心d架lar!

明天去睇個骨醫,睇下係咪真係冇事先得!其實今次都要thx GOD,起碼我仲行得郁得,又冇大傷,我見今朝新聞報告個亞婆跌落扶手梯,地下好大攤血架!希望個亞婆冇事,我都冇事lar!

Sunday 25th November 2007 11:54:03 PM
不自量力[ 0 messages] 
General

今日同朋友去天后食飯,食完就好開心咁搭地鐵去中環,諗住轉香港線,正當我地搭扶手電梯時,前面個人突然向後跌,其實佢唔係企我正前面,但一見有人跌,我好自然咁就想去扶佢,點知我實在太不自量力lar!

佢應該係一個有二百幾磅既外國人黎既。我一扶佢,就連自己都跌埋,跟住我後面都有好多人跌(我朋友話後來話俾我知) 那時我還怕那個人有事,都唔顧下自己,真係痴痴地!

幸好大家都好像沒事,但我爬返起身時,覺得個胸同個patpat都好痛,返屋企發覺個pat真係有兩條血痕,每條大約都有成兩三吋長,唔怪之得咁痛lar!

下次幫人時,我都要自量下先得!(講就咁講,自然反應黎架!)

p.s. 當我爬返起身,貼埋牆叫痛時,我D friend真係好搞笑,佢地話俾我知,那個人跌時,大家既反應。其中一個話:頭先你就睇到香港人好有承擔,個個都頂住,而唔係退縮架!真係服左佢!請問避到咩?hehe~~  不過大家都會幫手就真!咁香港人o係呢方面係幾有品既!

Sunday 25th November 2007 09:53:22 AM
......[ 0 messages] 
General

這個星期真的很快樂,我想還是因為你的威力吧!強呀!

想著想著也會發出會心微笑。勁呀!

我想問點解會咁架?我仲想問點解我得一........

嗯!都係要清醒d,清醒d,答案其實就擺J面前lar呵?

咁清醒左會唔會好唔開心架?係咪真係我咁諗架?

Tuesday 20th November 2007 09:15:02 AM
很是不爽[ 0 messages] 
General

當你有一個好朋友,佢對你既幸福仲膉葙L你亞媽既時候,原來唔係一件好事。

星期六返完工,去左Angela道,佢話夜晚有Live Band聽,已買埋我飛,又話係佢另外個friend既男朋友有份表演,要去支持下。咁我見Band Sound我like,又可以幫人撐場,去就去lar!

今次係d Underground既Band表演,都真係幾精彩,氣氛又好!彈結他的那個彈得真係出神入化!當我十分投入之際,想聽下一隊日本樂隊表演時,就俾人拉走,話要去食飯喎!

食飯?唔係呀ma?食乜飯呀?聽緊歌喎!OH!原來係個局!我只係聽得二十分鐘。然後就俾人介紹一個"朋友"我識。但我今次係去聽Live Band,而且只係聽得二十分鐘,我係會頂癮架!

所以我很不爽,人地乜野樣,有幾勁.......我完全收唔到,只係口黑面黑咁食飯,又唔望人,跟手仲`個電話出黎玩msn,呢招幾得,盡顯我既冇家教,同冇禮貌同不滿........

食完飯之後,仲話有下場,傻架!我一轉身就走人,話返屋企訓覺!BYEBYE~~~~

多謝晒呀朋友!你對我果然係好,我知道!但我有強迫症架!我要完成一樣野先識停,你下次千祈唔好迫我走,唔俾我聽落去lar!唔係我下次一定會咬人!(今次都好似真係咬左你一啖喎!) 仲有呀!唔該你介紹"朋友"俾我識,都要話聲我知呀!俾我擇去定唔去,勉強冇幸福呀!

Tuesday 20th November 2007 12:22:47 AM
超級霹靂勁開心[ 0 messages] 
General

星期五雖然行左得M一陣,但真係笑到甩轆!超HAPPY!

一齊行山、一齊影相,一齊玩,好享受這種感覺,好舒服,好開心!多謝你啊!

當然藍藍姐姐講笑話都真係非常有一手,十個得!我差D以為要笑到入醫院。

  

Monday 19th November 2007 10:37:39 AM
復活lar![ 0 messages] 
General

星期六電腦上唔到網,乜相都upload唔到,星期日就搞搞部腦,但點搞都係唔得。約左星期一,一早黎整個modem,冇得上網對我黎講都真係幾慘!等等等~~~點知星期一起身開機,又上到網喎!

奇奇奇~~~~

今晚放工快d返屋企upload返d開心相先!

Monday 19th November 2007 10:34:08 AM
荃灣新開既品味人生[ 0 messages] 
General

星期三同嘉麗、WONGMEI去食飯,WONGMEI話綠楊坊開左間品味人生,去lor!我食乜都得架!荃灣呢間,野食都好好味!不過今次我影d相怪怪地。皆因WONGMEI真係有過份活躍症,佢話張張相都要有佢隻手指喎!為左避開佢破壞我既相片,真係不知幾咁辛苦,影出黎既相就真係唔夠靚!@_@

Wednesday 14th November 2007 09:49:44 AM
交響情人夢[ 0 messages] 
General

一早起身打會議記錄,我實在係太低估呢份會議記錄lar!好難打呀!要用腦打會議記錄都真係好罕有,諗死人!快d打好就好lar!

下午去左伊館聽香港管弦樂團表演交響情人夢,佢地擇樂曲擇得好好,所以好易聽,聽得我好開心!這些推廣古典音樂既活動,認真唔錯!

不過場地如果唔係伊館會好d,佢地d音響真係麻麻地。影響晒整體感覺!浪費浪費!

Thursday 08th November 2007 12:43:01 PM
食得清d[ 0 messages] 
General

又病喎!今次既病係感冒,不過就病得奇怪左d,係d神經線痛。有一晚,訓J度覺得好唔掂,於是去睇醫生,點知去到見到個個d樣都病過我,差d有衝動走人。當然最後都有睇到病lar!

按照慣例,只要我俾左錢醫生駛,我就算唔駛食d藥都會好返!(騎呢怪)

唉呀!最不憤的是俾你笑,一見到我就問我係咪睇完醫生。我仲以為我個樣病到咁勁,俾你一睇就知!關心下我咁話!(等我仲鬼咁開心)

車!笑我就笑lar!走時仲幫我答人,話我冇病!

係呀係呀!見到你,所以先咁精神咋!明未呀?^ v ^

點都好呀!話晒都係病,所以都要食碗粥扮下病呀ma!粟米粥真係幾好食!唔病都應該得閒食下至得!hehe~~~~

Wednesday 07th November 2007 12:49:02 AM
Wow~~[ 0 messages] 
General

你問我,我梗係想成日都見到你lar!

但想還想,點都好,梗係你自己做決定lar。你還有很多考慮吧!

不知悔改的我:嗯!對不起!

本年度關注事項:唔好多事!收口!

知道、知道!我會記住!我會學乖架lar!謝謝你的教導!

p.s.保重身體呀!

Wednesday 07th November 2007 12:40:37 AM
今次超正呀![ 0 messages] 
General

又睇EASON演唱會?係呀!係呀!

經過多場既改善,今場超好睇!EASON幾時都唱得咁好,又能帶動氣氛,今場仲唱到十一點五十分,好抵呀!好開心呀!好滿足呀!

等佢出DVD,一定要買回家回味呢!

Sunday 04th November 2007 09:32:08 AM
搞搞震[ 0 messages] 
General

訓足十幾個鐘,再加上成晚只食左個包同三片梳打餅,今朝起身望下自己,果然冇水腫。雖然仲有d痛,但精神百倍返工去也。

晚上約埋家姐去JUDY那堥褲,今次帶埋亞KUROMI & MELODY入去搞搞震。同JUDY識左差不多十年,由幫襯佢買衫到變成朋友,佢都知我傻傻地,所以由我`隻公仔係咁影!真開心!

跟住同家姐就係元朗搵食,最後去左一間米線舖食飯,兩個人食到飽一飽,幾十蚊有交易,仲要係幾好食喎!開心!我仲笑家姐,嘩!同你食咁多餐晚餐,最平呢餐!佢話我口衰,這個當然lar!有遺傳架ma!大家咁話lar!hahaha~~~

今日家姐買左四個袋,其實之前我地兩個都買左唔少袋架lar!買咁多,冇位放,所以返屋企即刻執櫃。好野,有位放新袋lu!

Saturday 03rd November 2007 10:36:39 PM
自我預言[ 0 messages] 
General

連續一個星期早醒,不是去工作坊,就是要死出老遠報名考試,跟住就係返早學。>~<

好眼訓呀!

根據自我預言,我通常一個星期都要早醒,跟住就一定會病。所以去到星期五,我返返下工,就突然心口痛。好驚呀!

痛左一日,實在係太恐怖lar!又唔知乜事,所以夜晚連團契都冇返,就返屋企訓覺。由七點幾訓到第二朝六點幾返工!正所謂訓覺能醫百病ma!幾勁呀!

Sunday 28th October 2007 01:59:57 AM
Eason演唱會[ 0 messages] 
General

Eason開演唱會,Angela有飛,帶埋我去,超開心!

Angela你好叻呀!

去到發現本來係最前一行,但由於開三面台,所以我地前面加開左好多好多行!傷心!

由於前面勁多人,d人又企晒起身,所以成日俾人遮住,真係影響晒d mood!後來我都頂唔住要企起身,咁就好d!個show基本上都好睇,見到Eason既努力排舞,唱功就當然冇得頂!但選歌方面,有d就唔係好I我!唔知點解覺得上次好睇d咁!

5號我會去睇多次,希望到時更好睇!

Angela睇左半場就走人,唔舒服呀!慘!希望佢身體早日康復lar!

Saturday 27th October 2007 10:34:34 AM
失晒預算tim![ 0 messages] 
General

星期一本來去JUDY那兒取褲,但係佢居然不在香港,明明約左我,卻不見了人,而我整個星期的節目也是排得滿滿的,所以開始時,真的有嬲。心諗我唔幫襯你,我還可以去其他地方買衣服啊!

後來佢打電話話俾我知,佢有急事返左大陸,明白事情真相之後,那就算了吧!

最後我決定星期二放工先飛去元朗取衣服,然後再去美乎同老師食晚飯。(當係謝師宴ma!^v^) 嘩!超趕呀!

終於讀完個課程lar!全靠李樺老師認真既教導,我的普通話才會讀得比較似樣。

多謝你呀!老師!

雖然課程完結,但我地打算報考試前再讀一個考試預備班,跟住先考,要繼續努力呀!

Tuesday 23rd October 2007 10:54:03 AM
搞足成個鐘[ 0 messages] 
General

星期一朝早,唔知搞乜鬼,好早就醒左,於是開左傳說中煲時好香,食左令人又健康又會令人瘦晒既麥片黎煲,打開發現係一粒粒麥粒,煲呀煲!用左大約半鐘先煲好,仲要再加豆奶再煲,足足搞左成個鐘。

亞爸見我食既時候,佢同我講左句說話:呢d咁既野食,你都係等得閒先煲lar!haha~~~~

好明顯佢見我搞咁耐,佢都唔係好頂得到!咁人地講得咁好,都想試下架!而家試過咪知lor!

煲好之後,只可以話:真係麥皮一碗lor!

Monday 22nd October 2007 01:01:27 AM
阿森與莎莉的花far世界[ 0 messages] 
General

星期日返完教會去左沙田睇話劇,係Angela`飛架!

套劇本身都想睇,但後來冇買飛,所以有得睇都幾開心!

簡單黎講,這是一個愛情劇,其中以不同的歌曲連接整個劇脈。讓我聽得很痛快!演出者全是唱得之人,真的非常讚!

多謝Angela!

p.s.
由於主角係張繼聰,所以endy都有去,見到佢,真開心!

Sunday 21st October 2007 10:56:19 PM
好難搞喎![ 0 messages] 
General

重陽節玩足一日,好開心呀!

星期六要返早,返完工就去剪頭髮,因為個頭實在太似一個頭盔lar!而且就黎要飲,都唔想影響巿容,所以去剪下頭髮lar!

去到RICHARD那堙A佢話唔想似頭盔,就電下個頭lar!

我同佢講,個頭點搞都冇所謂,最緊要整完後,個髮型唔好似師奶就得lar!

佢話唔會!

好!咁就整lar!

過左個幾鐘之後,個頭搞掂,但係我覺得好驚。

個髮型好似好難handle喎!我朝早識唔識得搞架?我自己就好唔慣,而且望多幾眼就覺得自己好核突。點算呀?

Saturday 20th October 2007 11:14:16 PM
我要做肥姐[ 0 messages] 
General

上星期由於見到肥姐入醫院,坊間話佢因為食左六隻大閘蟹先至入院,我見到單新聞後,即刻諗:今年d大閘蟹一定好好食,唔係肥姐又點會要食六隻咁多呢!呀!好想食呀!

於是我就搵朋友陪我食lar!我地去返上年食蟹既地方,今年的蟹比去年的好食,好香好多膏,好得好得呀!

當我食完第二隻時,我仲想食第三隻,唔通我真係做左肥姐?

http://www.fotop.net/zevia/191007F

Saturday 20th October 2007 12:21:23 PM
大懞豬[ 0 messages] 
General

可以行山lar!真係好!

重陽節登高,令我非常興奮。今次由鹿頸行到大美督,三個幾鐘頭行完,認真唔夠喉。但諗下自己而家乜野身世呀!咁耐冇操山,都唔敢話要行西貢住,等遲d天朗氣清,我實大叫要行大浪那邊,十幾個鐘頭又何妨,而家開始好好練習,到時就得架lar!^ v ^

今次知道冇野影(蝴蝶除外),所以改帶細機,對我黎講係一大進步。對條腰好d ma!

不過我個袋依然係咁大個,因為我帶左兩隻大公仔去影,melody同kuromi,超正!佢地個口咁大,勁搞笑!

十一點開始行,行完山都成三點幾,我地餓到死,到大美督,入左間泰國菜館,以狂風掃落葉既姿態同速度,食晒所叫既野,食物好好味!下次行開呢邊,可以再去食過!

返屋企見今日行完山個背囊污漕,所以就想洗下佢,當我正想用手洗既時候,亞爸叫我用洗衣機洗,我梗係唔逆佢意lar!(雖然我d衫大部份都仲堅持自己手洗,等佢靚d!) 但就係咁,我呢個傻婆,竟然將副眼鏡都洗埋,認真大懞!好彩副眼鏡冇洗爛,唔係又要破財配過另一副lu!

Friday 19th October 2007 06:39:20 PM
又食lar!hahaha~~~[ 0 messages] 
General

昨天晚上,我同小慧、藍藍再去銅鑼灣食飯。

但由於佢兩個都要開會,所以我只好留在學校等他們,等了很久很久,我還以為我會餓死,最後頂唔住食左個蘋果救命。

七點四十五分,佢地終於出黎lar!我地三個即刻大叫!成個教員室都嘈晒!

到左lar!小慧家姐同佢同事都有黎,大家一齊食漢堡包、薯條,好好味!

人多真係好,我地仲可以叫埋洋蔥圈同雞翼,呢間野真係好味,正!

http://www.fotop.net/zevia/040707F

今次係我第一次食飯影相影得咁快架!首先就當然係同人地唔熟,唔好嚇親人lar!其次就係人多,成E野,一次過黎,真係有d唔識處理!所以影左幾張就收手。

但等包時,我地就影左好多無聊相,將melody同kuromi玩殘,真係好搞笑!

http://www.fotop.net/zevia/MyMelodyFood

Sunday 14th October 2007 11:59:10 PM
放監lar![ 0 messages] 
General

終於考完普通話試lar!實在係太令人開心lar!真係要休息一下先再黎呀!^ v ^

係考完試時,我行緊去地鐵站既途中,見到隻蝴蝶J個地鐵站飛黎飛去,走唔到,我即刻諗起自己,俾d普通話困左成兩年,認真`命!

今日真係好充實,一早就去考試,下午就幫亞銳影浸禮相。話晒都由細睇到佢大,點都要去睇佢浸,見證一下ma!恭喜晒!

Saturday 13th October 2007 11:54:40 PM
悶死人[ 0 messages] 
General

為左溫習普通話,我將自己關在家堙A不准自己出門口,不准自己去玩,怕自己心野,一出門口就好耐都唔返屋企溫書!

就這樣我把自己關了一整天,不停的播放普通話詞語的CD。

嘩!好悶呀!真係好悶架!

播播下、聽聽下,就咁訓著左。醒返又繼續讀,跟住又訓過,悶成咁,真救命!

我見咁樣落去都唔係辦法,於是打電話叫pizza,希望食下野醒下神,同時叫做安慰下自己!

快D考完試lar!@ ~ @"

Saturday 13th October 2007 12:09:36 PM
又考試lar![ 0 messages] 
General

聽日要考試lar!但係到而家都冇乜心機溫習,一陣真係要好努力先得!

好好醜醜都溫好佢,起碼對自己有個交待呀!

努力呀!

既!

好無聊啊!快溫書lar!死野!..............

Friday 12th October 2007 01:04:32 AM
愉快的晚餐[ 0 messages] 
General

與小慧、藍藍相約到銅鑼灣晚餐,非常開心!

小慧叫的意粉確係令人有點驚喜,味道真係正!而其他野都唔錯啊!

食物好味,再加上I咀型,確係唔同!心情靚靚!

下次去邊度食飯好呢?^v^

Thursday 11th October 2007 12:07:20 AM
要轉季lar![ 0 messages] 
General

本來今日約左Angela,點知佢今朝早話今晚唔得閒,所以我放工就入左元朗搵JUDY買衫。

唔知點解今次D款唔係好I,所以只係買左幾件。不過就請JUDY幫我搵對boot,希望今年我這對大象腳可以有靚boot著lar!

JUDY話要請我食飯,我話唔好,佢就送左兩條靚靚頸巾俾我,認真客氣!多謝晒!

天氣開始轉涼lar!到時就可以多d靚衫著,正!

Monday 08th October 2007 10:06:54 PM
藍莓益力多沙冰[ 0 messages] 
General

星期日下午溫普通話,訓左個晏覺都仲係好眼訓,咁點算呢?玩陣Wii醒下神先!

亞hei見我訓醒,即刻整左杯藍莓益力多沙冰俾我飲,幾好味。

玩夠、食夠,個人醒晒!立即溫習!GOGOGO~~~~

Wednesday 03rd October 2007 09:40:02 PM
真係過晒quota[ 0 messages] 
General

仲後生咩?仲去"碌ling"!

嘩!最初都冇乜點,仲碌得唔錯咁!強呀! hehe~~~

但玩到第三局,隻手開始唔掂,係感覺到佢冇晒力、用唔到力,好得人驚呀!最後都係頂唔住,唔玩!費事返唔到工ma!

唔得,遲d要做返d負重運動,強化返隻手先!起碼拎相機都唔怕傷手ma!

 

Monday 01st October 2007 12:42:38 AM
曬到暈[ 0 messages] 
General

不是已經過了中秋節嗎?點解今日會咁熱架?

去魚塘釣魚,曬到傻。三個小時一百蚊,都OK喎!可以呼吸新鮮空氣又可以親近大自然都唔錯。最緊要係班大帝話想釣魚,唔駛行ma!(咁幾時有得行山呀?>_<)

不過今日真係幾熱,可能因為齋坐一個位,焗住曬既關係,一向頂得到熱既我,今次都大叫救命,仲有少少中暑feel!頂到三個鐘都算偷笑。唔知天氣涼d黎釣,感覺會唔會好d呢?

Monday 01st October 2007 12:06:47 AM
嘉道理農場[ 0 messages] 
General

本來約左IP去烏蛟騰影蝶,點知我遲到,miss左班車,要等兩個鐘,於是我地改變計劃,去左嘉道理農場,而且仲約埋珍珍出黎,真係GOOD呀!

三個傻人行下山,四圍望,都幾開心!

行到尾去探豹貓。嘩!佢食老鼠呀!隔離個亞姐見到大叫核突!

老友,人地係野生動物黎架!食呢D野係好自然既!

隔離籠既老鷹先生仲勁,o係樹上係咁用咀撕,睇真原來佢食緊隻小鳥,係連埋毛架!最初我地睇唔清楚,只係見到黃色毛,我就話佢係食緊嘉美雞。hehe~~~~

Tuesday 04th September 2007 11:51:09 PM
你坐得正確嗎?[ 0 messages] 
General

這次的經驗真讓我感到很痛苦,真係食又唔得、訓又唔得、坐又唔得、講野都覺得痛!

開開下會又要企起身,唔能夠坐得耐;當我站著的時候,居然發現三十多位同事中,只有五至六位同事的坐姿是正確的,其他的都跟我一樣。

噢!我們可真的要多多注意啊!朋友,你既坐姿正確嗎?

Monday 03rd September 2007 09:10:36 PM
神經人有神經痛[ 0 messages] 
General

唔知係咪平時神經得滯,所以搞到神經痛。

八月尾真係慘,最初腳痺,跟住就腰痛,然後頸痛、頭痛,痛不欲生。最後頂唔順,冇返學兩日,跟住幾日,返左半日都要走人。

我這個工作狂,居然不能工作,只能躺在床上,就算走到電腦E前,做一陣又要出去做運動,平時一陣就打完既文件,而家成晚都未打好!

好彩識得Angela,佢幫我做物理治療,而家好返d!

這次的腰痛,讓我諗起某人曾經講過,好欣賞某同事人咁高,但姿勢都咁正!好好睇。

原來姿勢正,唔單止係行出黎正,而且係會影響我地既血液循環、神經系統........今次呢個教訓讓我深深明白這個道理。以後我會多多留意!

Thursday 30th August 2007 01:32:44 PM
好精彩呀![ 0 messages] 
General

落雨後,真的很多野睇,今日個天唔係靚,但係就冇乜點落雨,所以我就上左城門水塘。

雨後既城門水塘,令我十分驚奇,不單有好多蝴蝶,而且仲有一d平時見唔到既昆蟲、小動物。

我見到一隻傻傻地既鍬形蟲,又見到蜈蚣,實在係太令人興奮。平時真係好難見到佢地。今日真係有好大收鑊呀!

Wednesday 29th August 2007 04:53:57 PM
百無禁忌[ 0 messages] 
General

LEO返左美國lu!

唔知點解成班野一出黎食飯就會亂講野。真係百無禁忌,Jessie一向搵得多,駛得多。次次都俾人笑佢係闊太。

今次佢問我地點解佢個理財戶 口登入唔到。最初大家都好努力咁幫佢解答。但唔知邊鬼個衰野突然又抽起條筋,話佢根本唔駛用網上理財,應該用私人理財顧問,仲要銀行搵人上門幫佢搞返掂個網上理財咁話。

講下講下,大家笑得鬼咁開心,又有人話以Jessie今時今日既地位,應該有白金咭喎!

點知Jessie 一聽之後,即刻搵位上:係呀!可以預支”帛金”。我地呢班衰野,一聽到笑到流晒眼水。

點解有人個腦可以轉得咁快架?點解佢可以本傷其身,神態自若呢?這次的笑,除左整鬼佢既笑聲之外,仲包含欣賞佢既幽默同智慧,正!不過如果d老人家聽到我地講d咁既野,一定會鬧死!hehe~~~

Wednesday 22nd August 2007 12:38:41 AM
閃電呀![ 1 messages] 
General

19就係LEO返美國的日子,18晚,我約了幾個傻人同LEO玩埋返美國前的最後一晚。

由於LEO要同家人食晚飯,我地約左晚上九點幾見面,大約八點幾,我到左葵芳,準備搭車時,睇見天空出現一道道既強光。

嘩!閃電呀!

雖然我約左佢地,但我實在忍唔住要停低欣賞閃電!唔知點解,我每次見到閃電,都會好興奮。

當時我身上只有一部DC仔,但我實在忍唔住,明知唔會拍到乜野好照片,仲係舉機拍攝。

有好幾次我見到成個天都佈滿一道道既閃電,好壯觀啊!上帝真係勁呀!佢係咪發緊脾氣呢?佢係有乜野想講俾我地知呢?

就係因為掛住欣賞閃電,我遲到lu!不過我好開心呀!因為我終於影到閃電lar!雖然真係影得唔靚,但我會努力架!希望下次有機會再影過閃電lar!

http://www.fotop.net/zevia/Lightning

Sunday 19th August 2007 10:50:57 PM
最後衝刺[ 0 messages] 
General

留在高雄的最後一天了,早上去買黑橋牌肉腸。Angela說很好味,要買回來當她的手信,好吧,這幾天都沒有買過手信,就買這個吧!

這天的雨是三天中最大的,昨天聽電台廣播已說公路大雨山泥傾瀉,山區水浸得很厲害,今天應該更厲害吧!

買手信嘛,台灣的手信真的很重。只買了幾盒就覺得很重。連我這個抬慣重物的傢伙也覺得沒有氣力,累透了!一買完就嚷著要回酒店把東西收好check out,再到夢時代逛逛。

http://www.fotop.net/zevia/130807kaohsiung

Saturday 18th August 2007 11:08:01 PM
高雄Day2 續 [ 0 messages] 
General

去完洲仔溼地公園,走出去逛了逛蓮池潭。沒甚麼好看,便走回左營站。

到票務處問路,十分好人的售票員叔叔教我們用了十五台幣就可到鼓山輪渡站的方法。

就是先從左營站搭火車到左營高鐵站,然後再乘免費接駁公車便可到達。

我們依照這位叔叔的方法,果真找到了免費接駁公車。如果平日的我搭上這輛車,一定會大發脾氣,免費ma!當然不會像計程車一樣,一去就是你要的目的地,它轉來轉去,遊了很多地方。但這次我絕不憤怒,因為我可以趁機看看四周的景物,想不到這免費公車竟變成了觀光巴士,可真有趣。而且外面刮著狂風暴雨,坐在車上倍覺安全!

花了一個小時的車程,終於到達了鼓車輪渡站,我們坐船到旗津,這堶楔j浪大,把我的頭髮吹得亂七八糟,眼鏡被海水的鹽分弄得朦朦的,樣子很醜啊!(雖然本來也不漂亮hehe~~)

我們看過了天后宮、海水浴場、吃過了午餐,便到。但海水浴場的一旁正進行工程,我們只好走小路,當我見到十來二十隻狗攔路,真的不敢向前走,回頭向人問路,希望有另一條路可以走到星光隧道。

我們問了一位踏單車的先生,他說只要向前走便可到達,當我告知他不敢向前走的原因時,他的答案是:那些狗不會咬人的!

先生我信你,但我不信那一群狗呢!

他看見我們面有難色,竟然陪我們走那一段路,這位先生實在太好人了!謝謝你啊!高雄人你們真是太好人了!^ v ^

這個星光隧道真的不錯,原本一條普普通通的行人隧道,加上螢光裝飾,使它浪漫多了。立即增值了不少。高雄人你們實在太聰明了!

走過星光隧道,我們更接近海洋,很大浪啊!差點兒把我吹瘋了。不想走回頭路,怕遇到剛才的那群狗,只好一直向前走。就這樣,我們完成了旗津之旅。

旗津給我的感覺不錯,就好像長洲吧!很熱鬧,很濃縮吧!

晚上去了城巿光廊,看旅遊書把這地方拍得很漂亮,所以特地帶腳架想要拍美麗的燈,怎料一下計程車,看見的卻與想像中相差很遠。走了一條路還是如此,真叫人失望,就這樣,我連一張相片也沒有拍。

是的,我這個拍照狂,看到這個地方,竟然連按動快門的意欲也沒有。我想拍這照片的一定是個大師,要不然這麼的一地方,怎可以拍得有點令我心動。

回到酒店再次翻看有關的資料,才發現有好些裝置已經沒有了,可能我來得不合時吧!

http://www.fotop.net/zevia/120807kaohsiung

Saturday 18th August 2007 03:59:22 PM
高雄Day2[ 0 messages] 
General

高雄的第二天,昨天晚上還在討論,如果天氣好一點,我們就到懇丁一日遊,可惜早上醒來,天仍是下著雨。但畢竟我們都是戶外爛玩怪!行商場這回事,還是留到最後一天才做吧!

我們決定搭火車到洲仔溼地公園,然後到旗津去。

我們首先計程車到高雄火車站,然後坐火車(高雄人稱之為電車)到左營站。能夠搭公共汽車遊覽當地是我們最高興的事。

到了洲仔溼地公園,地方很少,碰巧也是他們食飯時間,但當她們知道我們是從香港來的時候,最後也讓我們留下參觀!THX GOD! 

今次我只帶了一支35mm同一支50mm的鏡頭,但居然俾我地見到好靚既蝴蝶,所以我居然用一支35mm黎影蝶!真的太搞事了!但我還是很開心呢!

http://www.fotop.net/zevia/120807kaohsiung

回到香港再看旅遊書才發現,原來去洲仔溼地公園是要申請的,不是隨便入就入到的,再網上搜尋,發現當天剛好是它的開放日,你說上帝幾正呢!咁都為我地預備好!正 !^ v ^

http://pwse.kcg.gov.tw/banpingshanpark/service.htm

http://pwse.kcg.gov.tw/chouchaiwetlandpark/services.htm

 

Friday 17th August 2007 03:36:28 PM
高雄GOGOGO[ 0 messages] 
General

經過重重波折,我終於可以離開香港,我想這次可是我最短的暑期旅行了!

HEI、IP陪我去高雄玩三天。

台灣在這個八月份,剛被颱風蝴蝶及帕布吹襲。雖然在我們旅行期間,並沒有刮颱風,但它們帶來的降雨量,可真不少。

下這麼大的雨,應該進行室內活動吧!我已想好了,大不了逛商場、行博物館吧!但說出來後,看見HEI面有難色!算了吧!出外走走也無妨!

第一天,在酒店安頓後,我們先到愛河,是時間不對吧!怎麼看也不覺得浪漫吧!接著我們亂跑,走到真愛碼頭!高雄人真特別,把碼頭的名字改得如此有感情。走了一圈,我們便到了打狗英國領事館,一個原來看日落的好地方!這埵頂\遮頭,我們在這堶違IGH TEA,我想如果天氣好,這堹u是一個好地方!

話雖如此,我還是第一次見識這麼大浪,曾經在香港拍浪,但苦等很久,浪還是不夠大,但這次可能因為颱風關係,所以浪真的很大很大,我想真的可以把人捲出去啊!

晚上我們到六合夜巿,魚湯真好吃!整天行程緊密,誰說大雨不可以進行戶外活動呢!

P.S.玩了一整天,全身咸咸的,頭髮亂七八糟,甚是嚇人!

http://www.fotop.net/zevia/110807kaohsiung

Friday 10th August 2007 10:08:34 PM
好興奮啊![ 0 messages] 
General

LEO,謝謝你在我這樣不開心的日子,從美國回來探望我,還送我一份如此神奇的生日禮物。THX x 1000 ^ v ^

看到這份禮物後,我實在是太興奮了!特地影返輯相留為紀念!

其實諗都冇諗到,真係可以拎住罐自己個名做牌子既汽水黎影相!真係好I我呢個超級自戀狂!超開心呀!

LEO謝謝你啊!你果然係我既超級好朋友!YEAH!

Friday 10th August 2007 11:24:19 AM
火燒 胃穿窿[ 0 messages] 
General

事情並未完結,這只是一個開始吧!我們還要努力奮鬥。長期抗戰呢!

所以縱使身心疲憊,星期五還是返了團契,請弟兄姊妹為爸爸代禱,求神醫治。

星期六要輕鬆一下,IP陪我去玩,我們到了石澳拍照,這天天氣很熱,三十六、七度啊!我們在石澳找了一間餐廳吃午餐,希望避過猛烈的太陽。

但我這個笨蛋總是被陽光吸引。一走進餐廳,便找到一張被陽光照射的E坐下。(因為那些光線實在太美了!)

為甚麼我說自己是個笨蛋?因為太陽伯伯威力真強,透過玻璃跑進來,熱力四射的,我一面吃午餐、一面流汗。(我想我坐的位置應該有三十多度啊!)

我們吃PIZZA,又好吃又脆的PIZZA。吃著吃著便想喝點東西,但侍應又忘了拿drink list給我,因為不想麻煩,又看見其他人喝sangria,我們便叫了一瓶。

噢!原來在太陽底下喝酒,真的會死的!我的胃好像火燒,真的想叫救命!吃飽了,我們在外面走了一會我便叫走。

下次一定不要這樣傻了!

Monday 06th August 2007 01:04:10 AM
我的生日禮物[ 1 messages] 
General

8月2日是爸爸出院的日子,也是我的生日,這天的早上,我到醫院準備幫爸爸辦理出院手續,搭緊車既時候,家姐打電話俾我,佢話護士call 佢,通知我地爸爸個報告出左,check到真係有事,要做多個骨胳掃描,睇下d cancer有冇入骨。我當時搭緊的士去醫院,聽完呢個消息,嚇到失暈,連張廿蚊紙都撕爛左。

去到醫院幫爸爸辦出院手續。我俾緊錢既時候,家姐又打電話黎,話同醫生傾好,安排到即日做埋個骨胳掃描。那個時候我已付了款,於是我即刻大叫個會計姐姐俾返d錢我,話俾佢知我個情況,數返萬幾蚊,上返病房話俾爸爸知要做多個掃描。

d 護士好好,好快就通知我地,安排到下午一點鐘做骨胳掃描,我地就在病房等。爸爸好驚,佢話當醫生同佢講時,佢即刻暈一暈。梗係lar!有cancer仲要驚入骨喎,俾我都暈呀! 當時我都好驚,我不停在心堿高赤足餖哄A求天父送一份生日禮物俾我,就係爸爸d cancer冇入骨。

我地兩個J醫院等等等,等做掃描、等出報告、等醫生黎巡房,等左好多個鐘,醫生終於到。佢話爸爸D骨冇事。 感謝主!跟住醫生話想幫爸爸做磁力共震,睇埋D淋巴既情況。咁又要留院多一日。

爸爸好唔想,好想返屋企。但都冇法,點知個醫生好到幫我地問下有冇位即晚做,然後即日出院。第二日個報告出左,我地先再商量進一步既行動。

天父對我地太好lar!雖然爸爸真係有cancer,但能夠及時醫治,而且d癌細胞冇入骨,仲可以即日做埋磁力共震,跟手出埋院。(老人家返屋企訓係安心d既)而且件事J暑假進行,我可以顧少d野,專心照顧佢。

Wednesday 01st August 2007 10:34:28 AM
等待著[ 0 messages] 
General

由於前兩天都是姐姐請假到醫院照顧爸爸。所以餘下來的日子,也該輪到我吧!

8月1日,還在等待的時間。因為怕抽組織時,受細菌感染,所以醫生要爸爸留在醫院觀察。幸好爸爸沒有發燒,即沒有細菌感染。THX GOD!

爸爸說早餐想吃火腿通粉,我買給他吃的,他說太咸,在街上買的都是如此,下次自己煮給他吃吧!

晚上,我出了旺角買飯給爸爸吃!由於前幾天,我們整家人待在醫院直到九時,然後才吃晚飯,吃飽回家已很晚,整個人都累死了!所以我決定要買整家人的飯到醫院一齊開餐!

當然到了醫院,我們又不敢五個人一同在病房媔}餐,所以我跟爸爸在病房埵Y、媽、家姐和亞妹則在房外吃。這讓大家便可以早點回家休息。

Wednesday 01st August 2007 12:21:42 AM
終於到lar![ 0 messages] 
General

終於到爸爸入院抽組織化驗的日子了!

7月30日入院。

7月31日抽組織化驗。

這兩天我還要返工當值。所以留在醫院陪爸爸的工作就由媽媽及姐姐來做。而化驗報告要到8月2日那天才會有。所以我們都耐心地等待著。

為爸爸祈禱啊!

Sunday 29th July 2007 11:59:16 PM
好隨意既生日飯[ 0 messages] 
General

釣完魚,又再搭船搭車出返西貢,諗住再轉車出去食晚飯。但唔知搞乜,西貢大塞車喎!真係想搵架車離開西貢都好難。

J咁既情況之下,我地決定J西貢食晚飯,順便同我慶祝埋生日喎! 我唔想食海鮮,因為我覺得會好貴。而且我總係覺得自己生日應該食西餐。(騎呢怪)

於是我地行呀行,四圍睇下有乜好食,又嘗試感受下d餐廳夠唔夠冷氣。 終於我地搵左間蘇珊娜餐廳,係好老式既餐廳,個餐牌好正,好有茶餐廳feel!因為佢除左鋸扒之外,仲有得食中餐,甚麼蟶子、花螺同西檸雞都有,而甜品又有炸香蕉,好神奇呀! 呢餐好好味,我食得好開心呀!

咁隨意入一間餐廳食,都有咁既滿足感,實在太好lar!

 HAPPY! ^ v ^

p.s.謝謝你們的生日飯!

Sunday 29th July 2007 11:30:26 PM
去旅行,搭車又搭船...[ 0 messages] 
General

琴晚喺白泥影日落既時候,收到Leo既電話,佢終於從美國返左香港工幹兼渡假lar!昨晚我們出了旺角逛了一會。

今天我們要去塔門釣魚,便問他會不會跟我們一起去釣魚。他一向怕熱,所以我都唔敢叫佢一定要同我地去釣魚。

朝早返完崇拜,佢居然話會同我一齊去喎!真神奇!於是我地聽從肥仔既教導,搭車去馬鞍山,再轉乘綠的去黃石碼頭。點知去到架船走左,唯有搭快艇過高流灣。(他們在那堻迆臚@回合,然後接我們在高流灣吃午飯,再過塔門釣第二回合。)午餐很好吃,海鮮ma,十分新鮮!^ v ^

吃飽飯後,我們才坐渡輪過塔門。釣魚、釣墨魚都不是我主要的目的,我只為想跟大家一起玩,想四出拍拍照片而已。所以今天雖然搭了很多車、很多船,而實質玩的時間並不多(他們還不讓我影日落),我仍然覺得很開心啊!

Saturday 28th July 2007 11:59:35 PM
白泥日落[ 0 messages] 
General

仍然是日落,不知為甚麼我會這麼喜歡影日落,,可能是我喜歡看到那個大大的咸蛋吧!(還是喜歡吃咸蛋吧!hehe~~)

星期六約了IP陪我去下白泥影日落,這天雖然是晴天,可惜拍出來的日落不太美麗。>_<

但走在濕泥上的我,卻顯得十分興奮,當我一面向前走時,那些泥沼把我的腳深深的吸進去,使我有不能自拔的感覺。沒法子,因為我想拍到漂亮的景色,所以我自然的走向前,結果自然也會如此啊!(可惜這次拍出來的照片不太美!)

回家時弄得全屋都是泥,我只好來一次大清洗,把鞋和背包洗乾淨,還把地板洗抹乾淨,免得家人為我執手尾,然後再罵我一頓啊!

不知下白泥的日落原來是不是更美的呢?今天總好像欠了些甚麼似的。

p.s.當我想起自己整腳都是泥濘時,自然想起一位愛清潔的朋友,為了乾淨的白鞋,他一定不會跟我去這個鬼地方啊!(當然佢而家根本係睬我都傻,就算幾乾淨既地方都唔會同我去架lar!>~<)

Friday 27th July 2007 11:30:49 PM
錯過了,又另有所得呢![ 0 messages] 
General

去到中環影相,當然影唔到靚日落lar!但係就有另一收鑊。

因為我出門前打左電話俾家姐,叫佢陪我食飯,難得星期五晚不用返團契ma!

當佢知道我出左中環,就索性同我喺SOHO食飯 lar!(其實因為佢好肚餓,行唔遠啫!hehe~~)

就係咁,我地搵到一間好好味既餐廳 ─ Craftsteak,這間店當然是食牛扒的店子lar!

我點了牛柳,要mediumware,牛柳端上桌是用鐵板盛著的,好讓你享用時還是熱食的,牛柳好腍好入味,而且煮得剛好,不會過熟!食得我很開心啊!下次要再幫襯至得!

Friday 27th July 2007 11:03:45 PM
錯過了![ 0 messages] 
General

好勁呀!今日既工作效率好勁,返工同楊Sir傾掂d數,即刻將所有文件做好,仲sent俾份俾佢tim!

做乜咁好效率?梗係lar!我發覺自己年紀大,如果d野放低得太耐,好易唔記得!到時都唔知點做好!咁就弊lar!終於搞到四點幾五點先走人,放左工去邊?本想去尖沙咀影碼頭日落,點知搭車搭過龍,去左中環。

呀!究竟個心諗緊乜呀?站過了都聽不到!真係呀!

咁既然都去到中環,就在中環影相吧!

 

Wednesday 25th July 2007 11:38:24 AM
假既一樣[ 0 messages] 
General

去完中環,見過天咁靚,忍唔住手要影返張相,返黎一睇,就發現個天真係好靚,靚到好似假既一樣!

近日天氣好熱,所以個天都零舍靚過人!而平日一放假就走人,根本冇乜機會欣賞美麗的天!原來好天時香港都可以咁靚!不過你一定要抵得熱先得lar!

Wednesday 25th July 2007 01:04:46 AM
大暑喎![ 0 messages] 
General

之前同小儀講過我喜歡行山一事,佢o係msn約我行山,上星期望過星期一天氣ok可以去,最搞鬼係先前我地約行早山,但之前一日又聯絡唔到,我諗住唔駛行訓晏d之際,小儀朝早十點幾打話黎話要行山喎!

我提高聲調問佢:真係要行?今日去行?佢答我係!

ok!既然有人爛玩過我,我都絕對奉陪!最多帶多枝水F!

今次我揀左烏蛟騰,貪佢夠易行,又靚!當然仲因為小儀話唔想行水塘,行得太多喎!

由於未同小儀行過山,唔知佢實力如何!所以行d易行既路確有著數。唔係有乜事,我點賠返個女俾人地呀!

我地成點幾先開始行,入到三椏村已經三點幾,由於天氣好熱,水都差不多飲晒!即刻去補給!就係呢個時候,老闆望住我地兩個,表現出好驚訝既表情,跟住問我地知唔知今日係大暑呀?

我地當然唔知lar!點CHECK天氣,都冇諗到要CHECK埋舊曆架!我真係完全冇諗過係大暑喎!聽完呢個消息都覺得特別熱,即刻食碗豆腐花、再飲埋杯荳漿。嘩!成個人舒服晒!正!今次真係好特別既經驗呀!

勁呀!大暑去行山,冇事都真係要感謝神!^ v ^

Monday 23rd July 2007 10:49:00 PM
新娘潭[ 0 messages] 
General

夏天想到郊外玩,就想到一些會較涼快的地方。

新娘潭真的是一處好地方,好涼快啊!怎麼會在炎熱的下午仍讓人有清涼的感覺呢?

下次一定要早一點去才可以,還要帶腳架影水呢!記住記住啊!

P.S.今天被蟻咬呢!那隻蟻很大隻啊!我想牠有一隻手指頭那麼大,不知怎麼的,牠居然爬到我的大脾上,還咬了我一口,很痛啊!蟻大哥,我又沒有惹你,為甚麼要爬到我的大脾上?為甚麼要咬我一口?為甚麼啊!

Sunday 22nd July 2007 02:08:44 PM
等待還是要吃飯[ 0 messages] 
General

同亞爸去睇醫生,醫生話要入院作一步既檢查先知發生乜事,希望亞爸唔好有事lar!(要多多為亞爸祈禱至得!)

要等十日先排到期入院檢查,冇計lar!唔好要老人家咁緊張,我地去左尖沙咀食飯。

唔到你唔驚,我地去左泰豊廔食北京填鴨.........午餐食到好似晚餐咁,都真係誇張lor!

不過亞爸、亞媽食得開心就得架lar!

Saturday 21st July 2007 12:21:52 AM
又係呢度?[ 0 messages] 
General

又係城門,又係呢度?又係影蝶?乜你唔悶既咩?

今日一早諗住影蝶,所以走左去城門,一個好隨意就去到既地方。

好開心,玩左一陣就返屋企,因為要陪亞爸睇醫生。所以我覺得城門真係一個好地方,長有長玩;短有短玩。

Thursday 19th July 2007 12:11:33 AM
柏麗灣[ 0 messages] 
General

開會開到影唔到日落,唯有影夜景!冇換鏡,全程只用一支35mm影,原來張張都一樣,感覺好悶架!但近來跌太多野,爛太多野,唔敢係沙灘換鏡,驚出事呀!>~<下次lar!下次先換lar!

Tuesday 17th July 2007 10:43:11 AM
團CAMP[ 0 messages] 
General

星期六、日去左西貢戶外康樂中心CAMP。嘩!好熱呀!真係熱到傻!

雖然個camp site環境已經係唔錯,但天氣咁熱冷氣唔夠又真係幾`命!最慘係連一滴生風都冇,救命!

夜晚o訓覺時,關燈後居然覺得勁光,原來係個exit牌同盞蚊燈作怪。自小學以來,有人話開燈o訓覺會變蠢後(我唔想再蠢d呀!),我已經慣左關燈o訓覺,再加上個枕頭好矮,所以成晚都o訓得唔好!

一晚唔o訓人都顛。返屋企即刻o訓,由七點幾o訓到第二朝十點幾,飯都唔駛食!可能真係因為年紀大既關係lar!頂唔到就頂唔到lar!

Monday 16th July 2007 11:21:05 AM
食齋喎![ 0 messages] 
General

入元朗找JUDY買衫,佢話同我食飯,當然係去佢飯堂 ─ 大力齋廚食齋。

我地食左好多野,有刺身,刺身?其實是蒟蒻來的,當加上日本芥辣同豉油時,如果閉上雙眼進食,口感都幾似架!hehe~~~

另外我地又叫左雜菜豆腐煲 ─ 好味!仲有咕嚕炒魚塊,d魚塊幾可亂真,咬上口,連條邊脆脆既感覺都有,好搞鬼!最後就叫左炸鮮奶同炸餃子,因為我想食炸鮮奶好耐,佢都整得幾好食。

滿意!

Saturday 14th July 2007 11:54:29 AM
聽錯左喎! > ~ [ 0 messages] 
General

既然入到元朗,當然係入面食野lar!清虹係元朗返工,問佢邊度有野食最好!佢最初話唔知,跟住就話有間食咖哩幾好,居然仲俾我地行行下見到,咁就入去試lar!

薄餅都幾好味,特別是芝士味那種。但咖哩普普通通,而食野既環境就麻麻(最靚就係盞燈),不過服務就唔錯!最好笑係一入門口有個老闆狀既物體,舉起雙手,歡迎你入去。好搞鬼啊!

清虹一面食,一面話唔好食,我反而因為是但入一間舖食,無乜期望,所以無乜感覺。

後來清虹話問過,原來人地係叫佢千祈唔好去果間喎!哈哈!你話聽錯野、誤解左野,幾大件事呀!輕則好似今次咁,食餐唔係咁好食既晚飯;重則家破人亡,傷及感情呀!

Friday 13th July 2007 11:29:40 PM
好想去玩呀![ 0 messages] 
General

就快放暑假la!當然實際我有排都未放lar!唉!

所以個心好野,好想去玩。放左工居然見到個天仲係藍色、仲未日落,簡直係覺得極之神奇,所以更加想去玩。

心想去南生圍都唔錯,但又諗起之前係一個人去南生圍影相,回程時唔見左部相機既事,搞到我有d驚,於是我決定打電話俾清虹,問佢有冇興趣入南生圍影相,(佢曾經講過想去架!)正!佢肯陪我去,咁我就少左機會唔見機lar!(邪事經常發生在我既身上ma!小心d好!)

今次有埋人,可以影下人,真開心!下次個天清d,再去過至得!

Wednesday 11th July 2007 11:39:11 PM
實在係太早lar![ 0 messages] 
General

星期二朝早七點半要返到工,實在係太早lar!之前一日好驚訓過龍,所以好早就走去訓覺。

但一早返到去,個人傻傻戇咁,唔知自己做過乜,亦都做唔到d乜。

東摸西搞,搞到冇野好搞,食埋何副件香蕉蛋糕。

到下午仲要出去聽talk,但點知一到下午,個人又精神返晒。我實在太唔適合早醒lar!

Monday 09th July 2007 08:34:24 PM
年紀大、身體壞[ 0 messages] 
General

影完小六畢業禮,隻手即刻勁痛,星期六仲要影小跳荳頒獎禮同校友會。嘩!隻手極之唔掂,痛到飛起。

於是走左去按摩,個姐姐一面幫我按,一面就係咁講:小姐你好勞損!

呢句說話佢起碼講左十幾次,我當然知我勞損lar!唔係駛乜去按摩呢!按完二個鐘,返到屋企鬼咁眼訓,一覺訓到大天光。整個星期的睡眠債,都係時候要還一還!

Saturday 07th July 2007 10:24:46 AM
有驚無險![ 0 messages] 
General

今日要影小六畢業典禮,我一早起身整埋個powerpoint準備一陣畢業典禮播俾佢地睇,等佢地有個美好回憶。順手執埋d攝影器材,一返學就有得影。

之前抹完個ccd,由於我手技太削,我覺得堶悼禰摯挈b,於是我又拎部機出黎抹下個ccd。

畢竟以後我都係要靠自己抹機、抹鏡,學下都係I既!

唉!點知抹完部機居然影唔到相。

救命呀!我真係唔識抹鏡?真係相機殺手?咁一陣畢業典禮點算呀?

我個心好亂,係咁諗方法、又係咁check部機,搞呀搞呀~~~~~~搞左好耐,終於佢回復正常,影得出野。

唔好問我點解,我係唔會知,總知佢肯俾我影,我就開心到飛起!感激不盡!

Friday 06th July 2007 12:33:19 AM
你估拍戲咩![ 0 messages] 
General

今朝早六點,亞媽走入我地房,同我講:亞女,六點lar!我想入醫院。

亞媽佢當然係好辛苦先會叫我同佢入醫院lar!我雖然好眼訓,但係都起身同佢入急症室!其實我地自幼訓練有素,每年亞爸亞媽都要入幾次醫院,而且佢兩個好鍾意半夜三更叫人陪佢入院,所以我地都唔會覺得係乜,仲會執齊野先準備出發!扮晒鎮定咁!

亞媽今次話隻手發炎,年年呢d月份都會發炎,叫佢唔好拎重野,佢好明顯當我係傻既,冇理我!之前做既手術當然影響佢d淋巴,d水去唔到,自然會腫,咁腫就梗係好痛lar!

去到急症室,我地等左一陣就有得睇!跟住醫生見我地都好有sense咁照顧佢個病,叫佢`藥就可以走人!

但藥房要九點先開,我地仲有個幾鐘喎!於是我帶亞媽去食早餐!好眼訓呀!我係母夜叉,咁早醒確係唔係好頂得到!再加上琴日俾兩老虐待完!我諗如果再玩多我兩日,應該到我入院住兩日至I!連串不幸事件又再發生,你估真係拍戲咩!

唔得,都係早d訓至得!

p.s.今朝同左亞媽去紅螞蟻食早餐,我叫左個三文魚炒蛋,好得!這是意外收獲吧!

Wednesday 04th July 2007 11:12:25 PM
認真經典[ 0 messages] 
General

琴晚訓到半夜三點鐘,俾人叫醒左,話個廁所門反鎖,幸好堶捻N人。但由於爸爸、媽媽年紀大,嗜好係去廁所,所以迫於無奈叫醒我開鎖。

唉!我都未訓醒,就俾人用急口令既速度係咁同我講野,命令我做乜做物!救命!(我唔夠訓係會喊同食人架!)

但無論點我都開唔到道門,想拆又拆唔爛把鎖,跟住兩老繼續不停咁講野,我快要接近崩潰!於是我拎條梯出黎,準備爬入廁所堶情C但當我"琴"高,發現個鎖冇lock到,即係個鎖真係壞左lar!"琴"左入去開唔返道門咪重大鑊!

於是我決定上網,睇下有冇圖教人拆開把鎖!

結果係冇既!而且我發現都有人好似我咁問同一個問題,答案都係叫搵開鎖佬!於是我就打電話搵二十四小時開鎖公司!打到第三間先有人肯上黎!梗係lar!朝早四點幾lar!訓得好好地,真係咪搞我!

最後搞左個幾兩個鐘,我終於有得訓!專業人仕萬歲!

Wednesday 04th July 2007 01:29:47 AM
失望、嚇人、怕怕![ 0 messages] 
General

之前聽朋友講過王家沙這間店幾好食,又見過旺角這家店大排長龍!

點知今次入去試左,真係幾咁令人失望。

我地叫左皮蛋豆腐,個汁好唔得!

個擔擔麵仲恐怖,完全係超級唔好食!根本就唔係擔擔麵黎既!@_@

小籠包六隻有兩隻"痴"底,冇晒汁、唔好味!

鍋貼個皮厚厚的,又煎得唔夠香脆,真係最難食!>_< 連賣兩蚊隻鍋貼既鍋貼大王都整得好食過佢!你話驚唔驚!

食到呢度,真係好想死!我覺得佢浪費緊我d QUOTA。到甜品黎lar!叫左桂花酒釀丸子,呢樣野好多間都整得唔好食,佢居然好食喎!奇!跟住就係高力豆沙,都好食喎!

呀!我諗係咪廚房出左事呢?佢原本應該係幾好食既舖頭黎架?不過你叫我再去食,我諗我怕怕lar,咪搞我!

Tuesday 03rd July 2007 09:59:21 AM
炒蝶[ 0 messages] 
General

近日想出街影相時,明明見個天好靚,跟手佢就會落大雨,而且唔知係咪心理作用,好似我行到邊,舊雲就跟住我去到邊咁!(自大同自虐狂又發作)

所以坐J屋企大半日都唔敢行出街!@_@

最後都係忍唔住,去左城門行一轉。蝶?都有架!但係陰陰天,影出黎就炒晒!好肉酸!

而最敗筆既就係,出門口前我抹下部機,洗下個CCD,點知洗唔乾淨,有痕跡!影出黎某D相就見到晒D痕跡!

唉!我既手勢咁差!真係機都俾我抹爛!

唉!突然又好懷念某人tim!有你真好!

Sunday 01st July 2007 02:06:31 PM
Auntie Happy Birthday![ 0 messages] 
General

七月一日除左係香港回歸紀念日之外,原來仲係Auntie生日黎架!Auntie幾勁呀!

但係我呢個人就真係差差差!我同Auntie做左同事咁耐,佢生日唔係亞玉講都唔知!又唔記得,我真係衰!>_<

Saturday 30th June 2007 09:23:03 AM
Zarahn & Louis[ 0 messages] 
General

話咁快又一年 lu!Wilddayout 又黎lar!上年在Wilddayout 睇左Zarahn既演出,覺得好正!今年當然要去lar!唔同既係今年我一個人去,因為個friend覺得上年個場太熱,頂唔到,印象難忘喎!當然仲因為我地年紀已不少,所以大部份friend都對這類活動怕怕!怕我地呢d老人家出席後生仔女既場合。hehe~~~我知我知!但我真係覺得佢地好正!彈得又好、唱得又好、搞氣氛又好。又ROCK!又投入!.........................................^ v ^ 佢地既show,我次次都睇得我好開心喎!

真希望自己個樣生得後生d,入場時唔多覺,唔好影響隔離d後生仔女就好lu!

p.s.今次Wilddayout  Louis同場演出,好正呀!我都好鍾意佢架!所以成場都睇得好開心!yeah!

Friday 29th June 2007 09:51:34 AM
口不對心[ 0 messages] 
General

唔知點解,人總係口不對心,就係連肢體動作都係咁!

明明見到一個好想見、好想同佢講野既人,居然連同佢講一句說話既勇氣都冇!連望都唔敢望佢一眼!唉!我諗我唔接觸佢,佢會開心D既! >_<

Monday 25th June 2007 02:42:46 PM
避風塘靚景[ 0 messages] 
General

呢兩日個天真係好得,星期六見到火燒天,真係好正!可惜坐緊車影唔到!唉!

星期日去左銅鑼灣避風塘影日落。嘩!天氣真係好熱!死得!個天最初都唔係咁靚,但後來有風,將d雲吹走,個天好靚呀!實在係太感動!

Sunday 24th June 2007 10:45:36 AM
曬下太陽係好d[ 0 messages] 
General

出郊外走走,影蝴蝶,感覺真係好好!

今日有好多蝶,一去到二三十隻蝶飛黎飛去,好似入左仙境一樣,實在太正lar!個太陽曬得咁勁都咁多蝶,下次早d去咪仲多!

Saturday 23rd June 2007 09:36:14 AM
夠皮lar![ 0 messages] 
General

我既自我虐待時間已經夠皮lar!

唔開心、喊、冇心機做野、做錯野、病、早退、夜晚又返唔到學、唔記得左普通話考試日期,收唔到老師send俾我考試的預備材料.................

夠lar!咪咁對自己,唔係你好快死!

"Z" 你醒下lar!冇人會可憐你架!

Friday 22nd June 2007 09:25:27 AM
Dining Time[ 0 messages] 
General

@  Lan Kwai Fong  & . . . . . .

Tuesday 19th June 2007 10:13:22 AM
So soft [ 0 messages] 
General

Like a dream!

What I dream of. . . . . .

Sunday 17th June 2007 09:54:04 AM
Music and Lyrics[ 0 messages] 
General

Way Back Into Love
I've been living with a shadow overhead
I've been sleeping with a cloud above my bed
I've been lonely for so long
Trapped in the past, I just can't seem to move on

I've been hiding all my hopes and dreams away
Just in case I ever need em again someday
I've been setting aside time
To clear a little space in the corners of my mind

All I want to do is find a way back into love
I can't make it through without a way back into love
Oh oh oh

I've been watching but the stars refuse to shine
I've been searching but I just don't see the signs
I know that it's out there
There's got to be something for my soul somewhere

I've been looking for someone to shed some light
Not somebody just to get me through the night

I could use some direction
And I'm open to your suggestions

All I want to do is find a way back into love
I can't make it through without a way back into love
And if I open my heart again
I guess I'm hoping you'll be there for me in the end
oh, oh, oh, oh, oh

There are moments when I don't know if it's real
Or if anybody feels the way I feel
I need inspiration
Not just another negotiation

All I want to do is find a way back into love
I can't make it through without a way back into love
And if I open my heart to you
I'm hoping you'll show me what to do
And if you help me start again
You know that I'll be there for you in the end

愛死了!

 

Friday 15th June 2007 10:42:47 PM
上唔到網真係會顛[ 0 messages] 
General

我果然真係一個現代人,前幾日病左腸胃炎,病到死就冇得好講,呢兩日冇得上網,我好返少少,就係咁搞部機,點知搞極都唔掂,最後都係打電話去網上行,佢話幫我check左,我個modem收唔到signal,要上黎check,我當然話好lar!因為我真係一個不折不扣既現代人,冇得上網,真係想死!

點知佢一上黎,兩二下手勢就搞掂!佢話條線個頭爛左,所以佢幫我換過個頭就ok晒!

有D野真係要專業人士先可以幫到手,佩服佩服!

唉!又一次證明,有些事不可只看表面,唔明白就真係問,自己係咁諗,都係冇計,你係唔會知道晒所有野架!知冇?

當然,如果有d野問左同講左都係冇結果,又或者係最後會傷害自己既話,咁就例外!

Monday 11th June 2007 12:57:29 AM
醜女大翻身[ 0 messages] 
General

睇完醜女大翻身之後,覺得套戲好正好正!身為醜女一份子既我,當然會有好多共鳴的地方!於是走去買埋套漫畫黎睇!

 wow~~ 個故事果然俾人改到七彩!但你問我,我會話兩樣都好睇!(因為我睇戲先ma!) 不論是漫畫還是電影,最令我深刻的就是;醜女就是醜女,經過長年累月的琢磨,不論是行為、說話的信心,以致內心想著人家怎樣想自己,也是那麼醜女方程式的!

唉!醒醒吧!就算你拼命掙扎,要脫離這個行列,樣子變得好了多少,(其實只是沒有以前那麼難看,但仍然並不好看),那條醜女方程式仍然存在,你仍然用著那種思維方式。

噢!我可以感覺到的是:幸福離我很遠很遠啊!

Tuesday 05th June 2007 01:30:04 AM
不想放開手[ 0 messages] 
General

側田/吳雨霏 - 山歌

側:呆坐這山
  天黑了 星空印著妳的名字
  常在幻覺聽到妳心事
  其實我想親親妳 天天也是如此
  妳是我心中那仙子

吳:呆望那山
  天光了 心中記著你的傻事
  情在幻覺之中最輕易
  其實我想親親你 天天也是如此
  卻恨不到因我矜持

*吳:不敢說出口
側:說出口要怎樣善後
吳:不想放開手
側:未能學會不須佔有
吳:不肯轉身走
側:轉身走了孤獨自受
吳:苦等你開口
合:我等得太久 (我想開句口)*

側:留在這山
  不緊要 單戀也是某種娛樂
  然後自製一種愛的感覺

吳:留在那山
  不緊要 天天我問如果

合:發夢相戀可以消磨

Repeat (*)

合:I knew you would have
  I knew you could have
  I knew you never should have left
  How can you look into my eyes and tell me lies
  When you know i'll always be here by your side
  I'll always be your guide
  Won't let you cry
  Everytime you're down
  All you'll have to do is just take a good look around

吳:不敢說出口
側:說出口要怎樣善後
吳:不想放開手
側:未能學會不須佔有
吳:不肯轉身走
側:轉身走了孤獨自受
吳:真想說出口
合:你偏偏要走

Friday 01st June 2007 09:33:51 AM
試試給自己一個限期[ 0 messages] 
General

放過自己!

Let it gone! 

Tuesday 15th May 2007 01:41:04 AM
亞媽節快樂![ 0 messages] 
General

母親節諗住同上次一樣食下pizza同壽司咁,點知打足兩個鐘都唔通,家姐出去買壽司就排晒大隊。嘩!你可以想像既係,呢個世界只有母親節d亞媽至唔駛煮飯,於是各大家庭都蒲晒出去慶祝,冇亞媽煮飯,係得呢一日F!hehe~~ (大家有幾孝順,就可想而知!hehe~~~)

跟住我就諗,點解以前我未有過如此經驗呢?呀!唔通香港經濟真係好左咁多?係真唔係呀?........

我記得lar!因為我每年母親節都會煮兩味架!都係雞呀、魚呀、菜呀加埋個湯咁lor!今年做乜咁衰女呀?真係冇mood成咁?找藉口吧!下年唔好咁lar!ok?

Saturday 12th May 2007 11:32:39 AM
一個海港有一個海港城[ 0 messages] 
General

一個海港有一個海港城,一世人得一個家姐,就算我士氣幾咁低落,係佢生日既日子,我點都唔可以唔理佢!放左工,我同家姐去左剪頭髮,佢最鍾意剪頭髮,所以呢個算係佢其中一份生日禮物吧!幾型呀!

跟住我地就買左個生日蛋糕返屋企,味道OK lar!

反正這只是生日月的開始,還有很多活動要進行啊!

Friday 04th May 2007 12:46:46 AM
令人興奮[ 0 messages] 
General

無意中俾我發現有呢隻牌子既飲品,實在令我無比興奮。

當我見到佢,我既自戀狂指數直線上升,真係好想擁有一罐,如果買到,我會拎住佢影返張相,型呀!hehe~~

Thursday 03rd May 2007 10:47:30 AM
銅鑼灣鐵塔?[ 0 messages] 
General

行過Time Square,發現銅鑼灣鐵塔!

銅鑼灣鐵塔?

唔駛驚,呢個塔,好矮好細個架咋!絕對唔會好似法國果個鐵塔咁,在建築時,遭法國人大大反對!哈哈!

因為香港人好快會將佢鏟走,畢竟佢只係GIMMICK野黎既啫!

呀!如果拎支WIDE ANGLE黎影,感覺應該宏偉好多,呃得下人!^ v ^

Tuesday 01st May 2007 09:58:13 AM
爸爸生日[ 0 messages] 
General

嘩!亞爸生日呀!老人家計農曆,我地最容易中招唔記得!

今次一樣,本來仲想約嘉麗出黎食飯傾計,關心下佢既少奶奶生活tim!好彩後來睇真d,發現自己差d又中招,話俾佢聽要改期。唔係便會蒙上不孝之名!hehe~~~~

今次爸爸話想食pizza,哈哈!我諗佢除左唔想媽媽煮得咁辛苦之外,仲係因為平日戒口戒得太清,想生日放肆一下!見佢平時咁乖,我地都覺得ok!所以佢生日就食pizza lar!

媽咪聽到就即刻話想要壽司,okok!一年得一次生日啫!你地喜歡lar!平日就要乖乖戒口了!

亞妹同妹夫就買左個乳果蛋糕上黎,個樣好得意,其實係低脂雪糕,芒果味,好食!

不過隻象成隻用糖做,好嚇人,我試咬佢一啖,立即大叫好甜呀!咪搞我!

Tuesday 01st May 2007 09:41:05 AM
橋底辣蟹[ 0 messages] 
General

肥仔生日食辣蟹,間野喺灣仔,餐飯真係好辣、好有料到,食到我個咀好似脹大左咁!好勁呀!

不過d餸味道真係好好食,我最鍾意個椒鹽瀨尿蝦,辣得黎仲食到蝦既鮮甜,絕對唔係死辣嗰隻,呢下真係得!

不過第二朝我就有報應,起身疴左幾次,可能年紀大,腸胃冇以前咁好lu!

Monday 30th April 2007 08:24:54 PM
南翔饅頭店[ 0 messages] 
General

上星期六去睇一峰話劇前,經過銅鑼灣廣場行左一個圈,見到呢間野個名,好想入去食,但佢中場休息。

今次特登去食,雖然都有野好食,例如脆鱔同個桂花拉糕咁!可惜佢既小籠包皮太厚,令我有點失望。

可能係我祈望愈大,所以失望都愈大吧!其實我又怎能將它與上海那間南翔小籠包店相比呢!真係多鬼餘既!

Monday 23rd April 2007 11:22:45 PM
有拖冇欠[ 0 messages] 
General

終於同向堯食生日飯lar!哈哈!過左成個月,真係有拖冇欠!

向堯話要去日航食飯,點解咁鍾意去日航食飯呢?真係好難明!是但lar!又唔係我生日,你話點就點!

放工出到去,已經八點幾,Barnie同Boris 已經到左,好彩佢地都到左,同向堯吹緊水,唔係就真係等死佢。

十幾年朋友,真係無所不談,食呢餐飯真係好開心!

Friday 20th April 2007 11:58:51 PM
Energy Bar?[ 0 messages] 
General

Energy Bar?呢條 Energy Bar個樣真係好古怪,望落去似足貓糧,忍唔住要影低佢先捨得食佢落肚,實在太搞笑!味道?都幾好味架!moew~~~~

hehe......

Sunday 15th April 2007 11:23:35 PM
tiramisu[ 0 messages] 
General

今日上Angela屋企,佢話要整tiramisu,但佢都算得架lar!居然冇打蛋器學人整tiramisu,重要做人肉打蛋器,真係爆笑!

點知佢打打下手軟求救,我咪要幫手lor!真係好鬼辛苦!最後我都叫救命,俾返佢自己黎!

練力都唔係咁練架!救命! 食之前,Angela好抵死咁係個tiramisu上整個心型,肉肉酸酸咁,服了她!佢重話整得好食既話要整個俾心愛既人食喎!

可惜食既時候我覺得好苦,可能佢落酒重手左lar!於是我大叫"好苦呀!"仲笑佢話:如果愛情係咁苦,我唔要lar! 我諗佢要整俾心愛既人食,要苦練一下先得!不過下次唔好再搵我做白老鼠lar!

 

Monday 09th April 2007 11:30:58 PM
再遊安國與仁寺洞[ 0 messages] 
General

本來計劃去愛寶樂園影鬱金香,但係睇返旅遊書,再計下個行程,最後決定唔去lu!

點解?因為如果去愛寶樂園,就要好早起身,搭車去都要大約兩個鐘,去到咁遠,只係為左我要影鬱金香,而又唔玩機動遊戲,咁又真係無謂嘥錢嘥時間。

於是我決定再去安國同仁寺洞。今次我地先去安國站,再行去仁寺洞,睇完人地既文化野之後,再遊安國。

好彩琴日亂行,發現新大陸。因為仁寺洞既野,就好似我地行赤柱見到既野一樣,甚麼杯墊、筷子.......只係個公仔著住見韓服,如果買返黎做手信,我真係驚俾人鬧。

行左一陣我地就去返琴日行既安國區,今日陽光普照,加埋嗰度充滿歐化既味道,真係好正!我諗如果同d model黎呢度影相,佢地實開心死啫!喺冇model既情景之下,我就辛苦家姐俾我影,影到佢怕左我,然後話佢影我好過!hehe~~

返到香港,佢話短時間內都唔會睇櫻花同影相喎!睇黎我都真係嚇怕左佢lu!haha~~~

Sunday 08th April 2007 11:45:34 PM
仁寺洞?[ 0 messages] 
General

家姐韓國既同事,叫我地星期六點都要去仁寺洞,感受那些傳統文化氣息,可惜我手腳慢,最後冇去到!

咁點算呢?星期日去都一樣啫!

星期日我地搭車去仁寺洞,在安國站出,一出車站,就見好多人拎住大炮(長鏡)咁我就諗:呢度真係好多野影?正!跟住我死都跟住那些重炮手行,諗住冇死!

點知我又唔夠人快,跟甩左。但一上到地面,我又見到好多人行同一個方向,於是都冇理實際要行既位置,就跟住人行。

沿途見到好多好靚、好歐式既屋仔同商店,真係好適合影封面相(影出黎既相好有日本時裝雜誌feel架!)。但今日既光唔靚,影出黎既相都差d!不過一面行,一面欣賞人地的店舖設計,就真係要覺得好正!

跟住我地繼續亂行,行到一條斜路,見到幾棵櫻花,上左條斜路就係一間圖書館。我當然要行上去lar!嘩!一上去就見到好多櫻花,好靚呀!呢度好寧靜,見到既都係韓國人,有些人行緊去圖書館、有些坐在草地上談天、睇書。又係一幅好寫意既景象!行左一陣,我地繼續行。

行行下,我地見到好多警察。呢度究竟係乜地方黎既呢?大使館?政府總部?於是我地行前d睇、攞張地圖出黎睇,發現原來就到景福宮。即係行返酒店都得lar!乜真係咁近呀!

但我地冇咁做,我地又跟住一班女仕行,見佢個樣好有目標咁,又係食飯時間,諗住睇下人地行去邊食乜都好呀!一路行一路行,發現佢地原來行去仁寺洞。哈哈!我地成日行既都只係安國附近既街道,跟本就冇行到仁寺洞!hehe~~~但這反而令我感到很高興,因為我睇到一d旅遊書冇提及過既地方,而呢d地方真係好有特色,又係我鍾意既野!^ v ^

Saturday 07th April 2007 11:15:27 PM
賞櫻的閒情[ 0 messages] 
General

終於去返德壽宮lar!入場費1000won。OK喎!抵俾喎!呢櫻花真係好靚!

由於今次旅遊時間都幾充裕,所以我地放慢腳步,細遊德壽宮。我發現d韓國女仔差不多每個行埋棵櫻花樹邊影相,都會做一個指定動作,就好似隔離張相咁呢!

佢地會表現出非常欣賞櫻花既樣子,十分陶醉似的!俾著我就只係諗點影先影得自己靚d,我係主角,櫻花係配角,但佢地就唔同lar!呢幾日既尋櫻之旅,讓我感覺到佢地賞花既閒情與態度好正,我應該好好向佢地學習一下呢!

Friday 06th April 2007 11:13:55 PM
行鬼錯左[ 0 messages] 
General

食完午飯,想去德壽宮影櫻花,點知因為望住張地圖時,唔相信個旅遊點會咁近既關係,就係咁我行錯路,去到另一個宮 ─ 景福宮!去到見到有一班著晒古裝既人表演換班儀式,睇左一陣就想走。

不過都有有趣既事既!

首先係行黎既時候,見到好多警察一排排咁,好似好緊張咁,我諗係因為對面有示威掛!話時話,韓國警察好似好多咁,去到邊都見到佢地,而且唔係一兩個,係幾排幾排咁!真的有點嚇人。

另外就係我地去到景福宮時,見到好多中學生,不論男女,佢地都剪平晒平前面d頭髮 ,我諗係因為亞RAIN,因為佢都剪左個咁既頭ma!但係呢種頭唔係人人都受得到,有d望見真係幾驚嚇!> ~ <

Thursday 05th April 2007 12:48:38 PM
汝矣島[ 0 messages] 
General

繼續我既尋櫻之旅!一直都覺得櫻花好浪漫,可惜假期永遠撞唔啱 櫻花盛開既時間。今次有咁既機會,自然唔會放過,要大影特影lar!

今日去汝矣島,這埵酗@條長達5.3公里既櫻花大道。每當櫻花盛放,政府便會封路讓遊人欣賞。

我地一到,就見到好多櫻花,於是走入漢江公園,堶採慦嵾囍h,但就非常舒服,有人野餐、有人踩單車,十分寫意!

我地喺公園影左一陣相,就走入人埋住既屋邨,我覺得好正!因為堶悸瘧慦廑}得好靚,而且深入民居係我最鍾意做既事ma!hehe

係邨入面我地影左好多相,因為呢度人少d,鍾意點影都得!雖然途人既眼光話俾我知佢地覺得我好奇怪,點解出面5.3公里路長咁多櫻花唔影,要入去屋邨影?但係我真係覺得呢到好正喎!

這個屋邨真係好有親切感,就好似福來邨咁款。堶惇J細路亦好正!有個細路用d亞婆亞公既健身器材當摩天輪,你話佢地幾有創意呢!

Wednesday 04th April 2007 11:29:11 PM
韓國櫻花[ 0 messages] 
General

第一日到韓國,家姐要同韓國公司既同事食飯,我地去左食韓國菜,d餸樣樣都有泡菜,味道都ok既!但我食到覺得個胃發熱,我咁食得辣都頂唔住,你都咪講笑!

食完飯,家姐要跟同事上去公司,於是我死都話要喺條街自己行下!叫我跟上去做乜?我寧願亂行好過!

就係咁我行左幾條街,亂咁影,都不知幾開心!跟住我走左去一個皇宮,我見到棵孤單既櫻花,可能因為佢得一棵,冇人同佢爭營養,又或者佢只能孤芳自賞,所以生得特別靚!

見到棵咁靚既櫻花,再加上冇人同我爭位影相,所以我忍唔住影左好多相。呵呵呵!真係好開心呀!

Tuesday 03rd April 2007 12:21:21 PM
小肥蜂[ 0 messages] 
General

返完教會,約左IP去城門水塘行個圈,叫做做過運動ma!

今日去到城門見到有好靚既蝴蝶同蜜蜂,甚麼巴黎呀、青鳳呀、琉璃呀全都出了場,又係我影蝴蝶既時候lu!好野!而今日影既小肥蜂就非常有趣!

^ v ^

由於本來唔打算上黎影蝶,所以鏡頭只可以影到有限既近攝,唔緊要lar!下次再影過!

今日本來好好天,點知行左一陣即風雲變色,有舊黑雲跟住我地,跟住就好大風,個頭吹到好似個顛婆咁,想影張相都唔得!不過行山就行得好舒服,正!係咁架lar!呢個世界係咁架!永無話可以咁完美,懂得享受生活點滴就會令我地開心d!Zevia Cheer Up!

Sunday 01st April 2007 12:17:40 AM
Zarahn 12A FINAL LIVE[ 0 messages] 
General

30-31/03 Zarahn在堅道明愛中心舉辦了兩場Zarahn 12A FINAL LIVE,我兩場都有去,佢地不論唱歌、彈結他、打鼓都非常用心,實在表演得太好lar!佢地又非常搞笑,總之個show就係正lar!

音樂真係可以激動人心,佢地彈得好Rock時,我真係覺得好high好high呀!我係咁跟住音樂"un"同跳,一行出明愛中心即刻覺得腳抽筋,好搞笑!

睇左兩場show,我更加肯定既係ENDY真係一個good performer,佢真係好正,帶動晒全場既氣氛,成個show都好正,如果有多幾場,我都會睇多幾場!勁呀!

Friday 30th March 2007 11:18:10 PM
Janice My First Concert[ 0 messages] 
General

星期四晚去睇Janice 演唱會,佢真係幾唱得,把聲確係好聽!

佢唱左好多首黎明既歌,感覺係黎明演唱會!hehe~~~

Tuesday 27th March 2007 11:12:16 PM
南丫島[ 0 messages] 
General

星期日去行山,選擇了南丫島,因為太耐冇行,所以選取了一個自己覺得比較易行既地方!不過朋友仔聽到我咁既天氣去行山,都話我痴痴地,又話咁既天色,乜都影唔到!

但估你唔到,去到居然見到藍天白雲,實在令人暢快!我同IP好開心咁行,行左一陣就行完,真係唔多夠喉!

希望快d行第二次山,不過天氣太熱行山好易死人,真係要睇天做人!

Monday 26th March 2007 12:43:45 AM
青芒果沙律真係好辣呀![ 0 messages] 
General

IP生日飯,去返我地兩年前同佢食生日飯既舖頭 ─ 青胡椒!間舖既食物依然好味!特別係IP點既青芒果沙律,嘩!真係好辣呀!連我咁食得辣,都覺得真係好辣,不過又真係好好味!抵佢咁耐都未執!hehe~~~

Wednesday 21st March 2007 12:35:24 AM
蒸魚[ 0 messages] 
General

今日上去改TSA,同亞HEI講開食晚飯,清下個雪櫃既剩餘物資既問題,於是便決定今晚玩煮飯仔,教亞HEI蒸魚。

我地去左街巿買餸,決定今晚要食魚餐!

教蒸魚梗係買條完整既魚lar!細細條,平平地,我地就係咁擇左條桂花,用黎清蒸;而我又非常想食鱔,所以都買左半條,用蒜頭豆鼓蒸,認真一流。再清埋雪櫃既水餃,呢餐真係非常豐富好味!正!

Saturday 17th March 2007 11:10:34 PM
又去碗屋la![ 0 messages] 
General

今日再次去碗屋食放題,價錢雖然係貴d,但食物款式多,又好味!都叫做幾咁唔錯 !不過短期內都唔希望再食日本放題。

諗真d,究竟自己係減肥,定係增肥呢?下?真係要冷靜d先得!

Monday 12th March 2007 02:08:19 AM
中場休息[ 0 messages] 
General

通常我又整親又唔見野既日子,唔知點解都會一齊黎!

所以我點都會唔開心一陣!咁既情況,我邊到都唔想去,最好當然係收埋自己改下文!

今日返完教會就勁改文,一日之內,差不多改了九十篇,真係改到手都痛。

我改改下當然都有中場休息lar!要俾個腦同隻手休息下ma!

由於用腦過度,而家都訓唔到,救命呀!

Saturday 10th March 2007 12:42:11 PM
Plan B[ 0 messages] 
General

噢!好事多磨!今日收到消息,家姐老細個老細又黎香港,又係我地去旅行既日子黎香港!

咁即係話又要轉plan!本來已經book好既東京櫻花之旅,當然泡湯。因為想改期時,全都full了。(我諗到時全東京滿是香港人!)

咦!又係咁!點解d老細咁鍾意做突然野?唔早d plan好自己既行程,等下屬有個預算既呢?(唔得!我第二時都要做老細!)

咁我地唯有轉plan lar!去邊?初步打算去韓國,希望搞得成lar!

Saturday 10th March 2007 12:30:15 AM
"豬"事不利[ 0 messages] 
General

點解又係我!

今日起身發覺唔見左個化蛦U,以為自己漏左係學校,於是冇理就走人。點知返到去,搵極都搵唔到!

唉!我覺得今次係俾人偷,因為我琴日放學只係去過荃灣行左一陣街,跟住就返屋企,根本冇去過邊度!而且個袋金色咁搶眼,我冇理由搵唔到架!一定係行緊既時候俾人偷左都唔知!

唉!剛才初步計過條數,我差不多冇左4000蚊。要買返,實在係太過肉痛,我真係唔係好想!但唔見野真係好唔開心!

Thursday 08th March 2007 11:07:53 PM
好神心呀![ 0 messages] 
General

今日一早起身,唔係返工喎!係去攞護照。因為四月要去旅行lar!之前護照過左期都未攞返,如果再唔攞,睇怕以後都唔駛旨意再去到旅行lu!

不過今日波折重重,一開始就係冇車搭,等左好耐車。跟住就係去到見到大排長龍,根本冇可能排得到!於是我決定用投遞方法,將所需資料放晒入個信封,跟住再問多次那職員,他說應該23/3 ok,到時預多4日應該有得攞,冇問題喎!

咁我當然要信佢lar!希望可以順利取得passport吧!記得上次攞passport時是97,要跟louie們到歐洲旅行,攞唔切,還有...........

都係唔好諗d唔應該諗既野!

我走左去澳洲牛奶公司食早餐,我好鍾意呢度,因為佢地好快手,我覺得呢度好有生命氣息!見到佢地我自然成個人都精神晒!當然佢既奶茶、炒蛋都十分好味!YUMMIE~~~

Wednesday 07th March 2007 01:51:23 AM
簡簡單單又一餐[ 0 messages] 
General

最近家姐成日話我唔陪佢飲酒,所以今日放假特登約佢早少少返屋企食飯,飲酒。返到屋企見亞媽隻手痛,我就叫佢休息下,呢餐等我黎煮。原來屋企真係食得好清,我煮佢預備既餸,就係得菜同番瓜,我地屋企幾時轉左食齋架?乜我唔知既?hehe~~~於是我就將我買返黎,諗住同家姐"送"酒既食物拎出黎當晚餐的餸,咁又搞掂左一餐!望落都幾豐富,食落都幾好味架!呵呵呵!最鍾意見到佢地清晒d餸,咁就證明我d廚藝冇乜差到lar!

Sunday 04th March 2007 04:57:56 PM
做到變妲己[ 0 messages] 
General

今日係親子運動會,影左大半日相,真係做到變"妲己",可惜"紂王"唔知道,冇黎呵返我! ( 就算知又點?佢而家似乎睬我都傻!> ~ < ) 我唯有返屋企訓返陣,補充返d體力。

晚上約左亞hei佢地上個竇玩,佢話有驚喜俾我喎!我同佢講,佢抹好個地我就好開心架lar,又唔係我生日,唔駛俾乜野驚喜我!

由於實在太累,所以訓到晚上七時才醒,好遲先上去,好彩一早就話佢地知,所以唔駛我去買餸,唔係就大鑊!

上到去,佢地掛住玩Wii,都冇心機煮飯。而我玩唔玩都冇所謂,所以煮飯當然就唔成問題lar!而且亞hei買餸,零舍簡單,三兩下手勢就煮好晒d餸,實在係太離譜!

我話買左部咁既野,佢地要上去密d先得,唔係就唔抵。而且班野用咁多錢買部咁既野同埋d配件上去,今個月都係慳d,唔好出去食飯。我話上去煮中餐仲抵食。跟住亞hei就話煮中餐就要我煮。我當然話冇問題lar!

點知死人caleb就即刻望住亞hei講:就算煮西餐,你都冇乜幫手煮架lar!大家聽左即刻笑左出黎!caleb果然好識搵位入亞hei,正呀!

其實煮簡單野,又唔係煮得太多人份,我就真係冇乜所謂。好似之前咁煮十幾人既大餐,又要一條友煮,就真係幾辛苦,最緊要係open kitchen,人人望住你煮,個感覺好怪。而且仲要一面同人social ,一面煮,我又唔係料理鐵人,no lar!

ANYWAY煮幾個人既飯,幾時都冇問題!人地食得開心,我都開心!

Friday 02nd March 2007 02:15:25 AM
騎呢之最[ 0 messages] 
General

正式返工lar!好多人要用電腦出野,所以 我走左過奇哥個位用電腦,點知塊面突然覺得好痕,好自然咁用手一掃,原來係隻蜜蜂。

可能佢以為我想襲擊佢,所以佢同我同歸放盡,用佢支針拮我。嘩!好鬼痛呀!

當時我大叫一聲,跟住死命將佢支針同腸唧返出黎,跟住就有人叫我去用水沖洗傷口,不到一分鐘,亞戴同何副校就走過黎睇我,亞戴又攞本急救書出黎讀,佢望住我話俾蜜蜂針要用冰敷,不要用力擠壓傷口,佢望住我笑,因為我當時係好大力好大力咁唧住個傷口。我見佢笑我,我仲踢佢一腳,我諗我應該唔會死,當我想睇清楚地下隻係乜蜂既時候,佢已經俾人處理左,駛唔駛咁快手呀?但我隻手到而家都仲又腫又痛喎!

呀!究竟騎呢怪係咪有樣認既呢?點解我成日都遇到d怪事,今次喺室內都俾蜜蜂針,真係奇到痺!

班衰野仲恭喜我,話今次有玄機。俾蜜蜂針係我個人招狂蜂浪蝶喎!

大佬,今次係真蜜蜂黎架!唔係男人喎!咪玩lar!不如你地俾佢拮一下lar!算lar!係我既始終都係我,避都避唔到架lar!

Monday 05th February 2007 12:36:49 PM
終於換左lar![ 0 messages] 
General

聖誕去完旅行後,一直都好忙好忙,連passport過期都冇時間去換,認真可憐!

到最近家姐話想新年離開香港,我睇下個passport,先發現自己已不能離開香港了,就算申請都要新年假期後先有得拎,咁點算好呢?

咁只好申請返過左期好耐一直都唔肯換既回鄉證lar!(而家已經係回鄉咭lu!)

上網預約,發現好多日都滿晒,只好一早起身去輪籌。呀!又俾我輪到,真好!

廢事影張相唔合規格,要再影過,所以去到先影!影出黎個效果都算ok!反正之前回鄉證張相實在係太樣衰,所以而家點影都應該唔衰得過之前果張!是鬼但la!

很期待新的回鄉咭啊!^ v ^

Sunday 28th January 2007 02:05:03 AM
好好feel[ 0 messages] 
General

一直都喜歡影d特別d又或者係 moody既相!但女孩子都喜歡俾人影得靚d、可愛d,所以通常都唔會叫model表現得古古怪怪又或者係好moody咁,當然我識既朋友都好少能夠表現出這些感覺。

今日同IP行城門水塘,兩條友發晒顛,試下、影下,玩到冇得好玩,就索性訓落個地,影埋樹根既紋理,雖然效果未及我既想像(器材先決果然重要),但已經覺得好好玩!巴不得自己再瘦多d,到時可以試玩更多騎呢古怪既相!當然如果有另一個傻婆肯咁樣俾我影就好lu!咁我就可以........hehehe~~~~

Saturday 20th January 2007 11:59:03 PM
去探監[ 0 messages] 
General

星期六一早同亞玉帶比賽,去到尖沙咀文化中心,今日天氣又凍又落雨,細路真係可憐,要一邊用電腦畫畫、一邊吹風,有時仲落埋雨,你都唔好話唔辛苦,不過對手真係好強,下次要參加,都係早少少練好d!唔係班細路出到去,見到強弱懸殊得咁緊要,對佢地心理成長唔多唔少都有d影響!

下午我就去左中環參觀域多利監獄,全程都有導賞,佢講得幾好,非常有趣,至唔好都係個天氣,所以影出黎既相都係麻麻,希望下次有機會再去就好lu!

Wednesday 17th January 2007 11:52:46 PM
Eric Clapton[ 0 messages] 
General

去機場博覽館睇Eric Clapton Live In Hong Kong. 覺得佢好厲害,年紀唔細,但仲十分唱得同彈得,佢彈結他真係有一手;全場坐滿,特別是d外國人十分興奮,未入場睇就在外面飲啤傾計,好鬼熱鬧。到開始lar,大家乖乖入座,有幾個位大家都好high!最後全場都起身跳動,好鬼開心!

Sunday 14th January 2007 11:49:31 PM
冇人肯理我呀![ 0 messages] 
General

行山?我最鍾意lar!今日揀左條極短既路黎行,但途中有很多驚喜!非常快樂!

行到一個好多假芋頭既景,我覺得個陽光好靚,問有冇人肯借個樣俾我影,點知一個都唔肯。又話不如佢地影我!唉!咁我諗:佢地都有影開人既,可能知我想要乜feel 呢?

可惜答案原來係唔知架!到我拎返部機,想捉佢地是但一個埋去俾我影既時候,班野又掛住玩路過既狗仔,咁我見冇人理我,咪走埋去玩埋一份,隻狗真係好得意!下次有機會,一定要捉條友俾我影d好moody既相先得!

Sunday 14th January 2007 11:11:31 PM
狗狗好得意[ 0 messages] 
General

行山頂真係唔同,好多人放狗,而且隻隻都好得意,d主人又好願意俾d狗仔同人玩!所以大家都好開心!

行到尾,見到呢隻松鼠狗,好貪玩,係咁走,佢好靚、好可愛呀!

Saturday 13th January 2007 12:39:35 AM
扭蛋?暖蛋?[ 0 messages] 
General

今日行過7仔,見到部扭蛋機,有d古怪新玩意,於是用10蚊玩下,原來係一個個迪士尼卡通既小暖包,只要你將公仔內的鐵片扭幾扭,堶惇J物質就會產生變化,變得硬硬的,溫度亦會上升,咁就變成一個暖蛋,而說明書話佢可以循環使用,十蚊雞,有得玩、有得暖,咁又幾抵喎!

Tuesday 09th January 2007 11:26:09 PM
打邊爐[ 0 messages] 
General

十一號就係英英既生日,但係佢要去教育學院讀五個星期既課程,咁即係呢幾個星期都唔會係學校見到佢lar!所以我就話同佢出黎食餐飯,點知講講下講到去佢屋企打邊爐。咁都得,生日喎!仲要服侍人?英英真係得!

我地約左星期一晚去佢屋企打邊爐,佢成家人都咁好客,我地笑住話佢地既服務水準真係一流!

琳琳今日好乖、好靜,只係叫左我地同串左兩個英文字就冇再講野,點解人地生個女可以咁乖既呢?如果係我個女,我諗一定會係好嘈、好煩既細路黎,似亞媽ma!hehe~~~~

Monday 08th January 2007 01:13:21 AM
諗起都覺得好笑[ 0 messages] 
General

諗起都覺得好笑,琴日去玩,入場費180,可以任玩機動遊戲另送45個代幣,對我黎講,去玩game其實係想班人一齊hea,所以玩乜都無所謂,果d代幣就更加可以
冇la!

而zoe就唔同lar!佢見到d米奇公仔就非常鍾意,好想要,於是大家就即刻有晒用代幣既目標,一方面可以玩,一方面又唔怕掉中要拎住個公仔四圍走。(最怕係中左大大隻公仔,唔知放佢係邊)

而我臨尾亦掉中左隻m&ms公仔送左俾家姐,仲要係佢鍾意既黃色,你話幾開心呢!

最後我地想玩埋d代幣,所以又去拋圈,我掉呀掉,有兩次差少少中大獎。亞hei同
caleb見我傻左咁掉,好怕我真係掉中,所以不停在我耳邊低語 ─ 千祈唔好中,千祈唔好中!真係好鬼好笑,其實我又冇帶眼鏡,而且我跟本冇睇實一個目標咁掉,咁又點會中呢?不過而家都唔係
細la!都唔會鍾意拎住隻大公仔四圍行架!所以唔中反而係一件好事黎既!我地見到d人拎住大公仔,一係就話人:乜咁唔好彩呀?一係就話人隻公仔樣衰。好明顯我地已經
老la!入去玩已經好盡!公仔就......
anyway今次真係幾好玩!

Thursday 28th December 2006 02:30:36 AM
大日子[ 0 messages] 
General

好姊妹結婚,為左佢,我減肥,希望盡量唔好影響巿容。(減肥尚未成功,晶晶仍雖努力。)

這天新娘子真係真係好靚,好公主feel,好正呀!

見到佢嫁到個好老公,我都好為佢高興!佢地真係好sweet架!

全日無乜點同新娘影相,唯有同佢張相合照lar!

我地成班野當晒係自己開party咁,係咁自己影相,諗起都好搞笑!你睇,仲有我最愛既彭彭tim!


 

Wednesday 27th December 2006 12:35:33 AM
華麗邂逅[ 0 messages] 
General

今天的腦海中,仍懷念著昨天的日落。嗯!那夕陽斜照著的小草,實在太美了。

Monday 25th December 2006 11:39:17 PM
華麗的顏色[ 0 messages] 
General

電台 hit 緊容祖兒首華麗邂逅,今日我都有個華麗邂逅。不過我係同日落斜照既小草邂逅。

入camp第二日,今日下午行到上山,諗住收拾剛才玩完check point既用具,點知見到如此美景,立即停下來,瘋狂的按動快門,為的是這醉人的顏色,可惜的是設備不足,未能將小草最美一面表現出來!但這本是意料不及,就當是一個額外收獲吧!

Wednesday 20th December 2006 12:07:12 AM
又要諗食乜好!頭痛![ 0 messages] 
General

媽媽唔小心整親隻手,我地驚佢個傷口難好,所以決定成個星期都唔帶飯兼唔返屋企食飯。原來咁樣係好難架!一來日日食街外飯好易肥,二來一日兩餐,食食下真係唔知食乜!

正當我在猶疑食乜好之際,就打左電話問家姐身在何處,要唔要我幫佢買野,佢話喺葵芳,於是我就叫佢陪我喺荃灣食飯lar!

我地去左荃灣廣場的OLIVA,六十九蚊個 SET DINNER,有湯、有主菜、有甜品,仲有埋餐茶,
真係好抵!味道都OK既!我都幾鍾意佢既裝修,
特別是在出
影入去個感覺幾正!

Tuesday 19th December 2006 02:35:37 PM
聖誕燈飾[ 0 messages] 
General

聖誕又到,點都要出去影下香港既燈飾,本來諗住約沙沙出去影相,諗住順便練習下夜影人像,等1月時再約Model俾我地影既,不過佢似乎冇興趣出黎!@_@ 所以我唯有搵其他朋友陪我去影lar!

出到尖東,d燈飾認真麻麻。(沙沙叫我自便真係明智!) 但既然出到黎,點都要影下架!正正經經的燈飾相影過唔少,今次玩下野,影下拉爆、影下outfocus、影下柱子鏡面的自拍,搞到d八卦遊人都頂唔住,望下我影乜,我當然一於好少理!

但有個姐姐因為睇到我部相機個mon影出黎既野,居然忍唔住大叫(用不純正的廣東話):哎呀!點解矇既?

哈哈!我終於忍唔住回頭答:小姐!部機冇事,我玩緊、試緊野呀!

唉!呢位小姐真係好搞笑,我地通常都係自己同friend細細聲咁八卦下人地做乜做乜,佢今次係站在我身後,好大聲講野,就好似同我講咁!

喂喂!小姐 ─ 我部機冇事呀!你唔駛擔心。有事既係部機個主人,佢鍾意玩野啫!hehe~~~

Sunday 17th December 2006 11:30:32 PM
IP唔該晒![ 0 messages] 
General

星期日同IP、亞HEI返完教會之後,去左荃灣食LUNCH!食完LUNCH,我地去左三楝屋影相,因為我想影低而家個樣黎做我既減肥紀錄。而我成日都係自拍,影黎影去都得自己個樣,所以今次搵IP幫我影相。我地中學時期出街玩,都係你影下我、我影下你架!不過而家年紀大、個樣又殘,我都唔多敢俾人影lu,做自戀狂,起碼知道自己邊個角度好樣d ma!haha~~~

 

Saturday 16th December 2006 11:52:08 PM
行山真好![ 0 messages] 
General

餓左山好耐好耐,終於忍唔住,見天氣咁好,點都要去行下山。今次同家姐、亞hei去左烏蛟騰,由於家姐未行過山,所以我決定行條易d既路,由烏蛟騰行去荔枝窩,呢條路真係好鬼易行,我地三個傻婆行得好慢,見野就影,可能係太耐冇得行山既關係吧!放假時,一係天氣唔好,一係就鬼咁多野做,走唔郁!今日真係天時地利人和呀!正!

我地開頭行得好慢,到左荔枝窩仲要食埋野先繼續行,所以搞到好晏,四點幾先係荔枝窩走人。於是我地要趁日落天黑前走返出去,咁我當然就駛出絕招係咁大步走!

本來行左3-4個鐘既路,而家個幾鐘行完,家姐差d冇命!返到屋企佢痛左幾日,可能下次唔肯同我再去行山lu!不過行山真係好玩!我真係好鍾意!

 

Friday 15th December 2006 10:45:38 AM
佢地真係好..........[ 0 messages] 
General

小慧生日呀!生日快樂!"屎滴仔"一家人都黎為小慧慶祝生日,你睇幾咁熱鬧!有爸爸、媽媽、仔仔同工人(黃戰士)呀!佢地呢家人佔據晒我張枱!哈哈~~~~ 如果佢地幫我改埋側邊d文咁就好lu!

Tuesday 12th December 2006 11:53:52 PM
又係度搞事[ 0 messages] 
General

放工仲要返學,今日搭順風車唔駛搭的士,我地落到美孚食飯,居然叫左兩個鍋,一個枝竹羊腩、一個田螺雞,好味道!不過大大鍋,要慢慢食,到我地就黎食完,佢仲整多個菜黎,嚇得我呀!原來個田螺雞煲一鍋兩食,先黎個乾炒,食到咁上下,再加上湯俾你煮d菜,真係又新奇、又抵食,條橋咁正,唔知邊個諗出黎既呢?不過好食還好食,就係咁搞到我地遲晒大到,俾老師知道實鬧鬼啫!hehe~~~

Sunday 10th December 2006 10:11:58 PM
蝴蝶啊~~~你在何方?[ 0 messages] 
General

見天氣好,諗住到鳳園影下蝶,可惜可能天氣寒冷既關係,得返好少蝶咋!無得影蝶,咁點算好呢? 我仍然不死心,四圍咁行,就在此際,一片枯葉吸引著我,它被蜘蛛網纏繞著,不能動彈,但卻十分有美感,忍不住要把它拍下來!

p.s.究竟係枯葉被蜘蛛網纏繞呀?還是佢自投羅網呢?咁就真係要問過佢至知lar!

Saturday 09th December 2006 11:58:24 PM
Mission Impossible[ 0 messages] 
General

飲亞蕭果餐,去到觀塘某酒樓。開席時居然播Mission Impossible,以為搞d乜,原來係乳豬出場,真係好搞笑。嘩!一排侍應,每個手上均捧著一隻兩眼閃閃既乳豬,真係好搞鬼!忍唔住影返張相留念!你睇佢對眼 ─ 係心形架!正!

Monday 04th December 2006 03:03:21 AM
Beaujolais[ 0 messages] 
General

還記得去年,HEI在CALEB生日的時候,送他一枝同樣是十一月尾生日的新酒 ─ Beaujolais,多浪漫!

今年我們也飲,但今年這枝新酒與上年的大不相同,今年的酒更好飲,又沒有渣。我喜歡今年的Beaujolais,但亞HEI話今年的Beaujolais比不上去年的Beaujolais,我想是情意結吧!

同佢地飲完,返屋企飲同樣的Beaujolais,不過是不同的牌子。唔!都係咁好飲,都係冇渣!呀!我知道lar!我覺得佢地一D都唔似新酒,好好味,好有口感呀!我鍾意!呵呵呵~~~

Monday 04th December 2006 12:58:32 AM
細路真係好難影[ 0 messages] 
General

星期日同琳琳、華華去大埔海濱公園影相,同佢兩個唔係好熟,所以佢地真係啋我都傻,去到公園就係咁玩,係咁走,咁影細路梗係影佢自然既一面,所以我都唔勉強佢地,就係咁,我就俾佢地玩餐死,一面係咁跟,一面係咁影,唔駛半日,我就瓜左咁滯,不過影相真係好好玩,這又是一個新挑戰,下次可以再去影過!希望佢地既媽咪爸爸鍾意D相就好lu!

Sunday 03rd December 2006 03:09:22 AM
好欣賞佢地呀![ 0 messages] 
General

今日天朗氣清,一早想叫醒家姐行山,諗住喺佢去山區探訪小朋友之前,幫佢鍛鍊身體,點知佢話想訓多陣,到十一點幾佢先醒!咁我地就出左灣仔整相機,cannon真係幾好,佢話一個星期應該可以攞返部相機,而且仲會免費送貨。服務真係一流!

我地搞掂左架相機既問題,就諗住搭地鐵走人,途經修頓球場,見到好似有比賽咁,家姐話聽到何靜江在講波,而無線又在現場拍攝,於是我就八卦一下,見到既係一班老人家在踢波。

於是我便停下來欣賞這場賽事,俾我發現這班老人家原來係星島元老隊同警察元老隊,雖然佢地年紀確係大左D,但係見佢地走足全場,有氣有力,而且腳法一流,真係令我精神為之一振!對於這班老當益壯的老人家,我真係要寫個服字!佢地真係好勁呀!

Sunday 26th November 2006 09:02:47 PM
運吉[ 0 messages] 
General

捱左幾日,終於叫做病好lar!琴日就留係學校改簿,改返幾日病左改唔到既野,但改到人地落閘放狗,我都係未改好,唯有星期一繼續努力吧!

星期日,Angela叫我去剪頭髮,之前佢話下星期先去,但突然又話叫我出中環剪髮,咁我就出左去lar!

點知一去到,JOEY放大假喎!車!認真運吉! 早知打個電話落去先lar!點解咁蠢,就咁聽Angela叫就早去呀!

咦!我最唔鍾意就係運吉,咁戇居!如果下星期出去咪好lor!而家浪費晒d時間!可能係食得太多藥既關係,個人好燥!我覺得好唔開心、好嬲!我係咁鬧Angela老點我出去!(雖然佢真係唔知Joey放大假) 我好勞氣,又覺得自己好黑仔!

妖!病左咁多日,如果今日唔係出左中環,浪費晒d時間,我就可以去行山,去郊外lar!今日天氣咁好,個天都叫靚呀!咦!好唔開心呀!

Wednesday 22nd November 2006 08:43:14 PM
病!好辛苦呀![ 0 messages] 
General

星期二開始發病,個肚好鬼痛,搞到要早退,返到屋企仲頭暈,標冷汗,好鬼辛苦呀!星期三死都要返工,都係果句  ─ 冇好既代課,我病死都要返去!

好辛苦咁捱到放學補埋課,即刻搭的士去睇醫生,醫生話我腸胃炎,感冒菌入左腸胃喎!要食白粥或米粉,好lar!咁辛苦反正都食唔落野,食白粥就白粥lar!跟住醫生問我有冇食過海鮮,我諗諗下,有喎!咪星期日同班衰野去食尖沙咀時,食左兩隻生蠔咁大把lor!嘩!間餐廳幾高貴咁架喎!點解點解我會中伏架!唉!該死唔駛病,係你就係你架lar!跣把lar!都係乖乖地食藥訓覺lar!

Wednesday 22nd November 2006 08:41:39 PM
改文改到傻 [ 0 messages] 
General

星期日用左成個下午改文,一改改到五點幾六點,真係改到傻傻地,於是同叮噹影相解悶,隻叮噹真係越睇越正!最搞笑係佢無端端訓低,可能佢都覺得d作文好難頂,所以冇眼睇lar!haha~~~

Monday 20th November 2006 11:44:16 PM
咳到飛起,都要食泰國菜?[ 0 messages] 
General

星期六去左Angela果道,佢買左幅畫,幾靚架!我地影左幾張相,但係最靚都係玉桂狗係張畫前面影的那張相,唔通我真係連狗都不如?hehe~

家姐在我出門口之前話想出街食飯,於是我地落左旺角,雖然佢已經咳到飛起,但係佢居然話想食泰國菜。我見佢咁想食,咪同佢去食lor!反正佢唔肯戒口我都冇佢辦法!

我地食左炸蝦餅、柚子沙律同咖喱海鮮焗南瓜。d野食幾好味呀!不過家姐食完當然都係咳咳咳lar!我地走左去藥房買tempo,十蚊有十包,應急ma,抵lar!

   

Saturday 18th November 2006 11:50:46 PM
好少有lar![ 0 messages] 
General

人大左,多野做左,工作時間又長左,自自然然咁會返少左教會,特別是星期五晚,個個已經做到得返半條人命,又真係幾咁辛苦,而另一些團友則要進修,都係返唔到黎,更有一些連工都未放,又點返黎呢?唉!所以這幾年來,返團友既弟兄姊妹都越來越少,好難人齊。星期五見到幾個好耐冇返既團友,感覺好興奮呀!即刻叫大家影返張相,雖然人係唔齊,但點都要影!

Thursday 16th November 2006 12:25:42 AM
失去常性[ 0 messages] 
General

呢兩個星期簡直係失去常性,繼上星期食完大閘蟹又去SOHO食大餐後,今日又去食蛇羹同潤腸飯,食完仲要整多杯Ben & Jerry 添!認真唔知死!睇黎都要收埋自己先得,唔係減肥唔成,反而變左增肥就弊弊都冇咁弊架lar!

@ _ @"

Wednesday 15th November 2006 12:05:23 AM
食咁多,嚇死人咩![ 0 messages] 
General

星期日同Angela去soho食飯,佢叫左三樣野,一個青木瓜沙律、一份三文魚同一客牛仔骨。跟手叫多兩杯白酒。個waiter即刻呆一呆,跟住就話我地實食唔晒!Angela聽到就答人,我地成日黎食架!知道有幾大份,食得晒咁話!咁人地咪走lor!

到左碟野一上枱,嘩!真係好大碟呀!我地食食食,結果係要拎半碟走!哈哈!果然係眼闊肚窄呀!

Tuesday 14th November 2006 12:31:56 AM
報喜[ 0 messages] 
General

兩星期前行城門,見到好多報喜。嘩!好開心呀!諗住得閒就去影下佢地,可惜今次去到,發覺蝶蝶少左好多,不過佢地依然係咁靚!
再次証實Timing真係好重要!呢樣野唔可以強求,要學亦都好難學。唉!隨緣把lar~~~~~

Monday 13th November 2006 12:44:21 AM
飲品大測試[ 0 messages] 
General

今日一返工,就俾人捉住要我幫手影相,原來同事做緊個實驗係關於飲品的糖份。佢地試左巿面上幾隻飲品,每隻都倒落d試紙到試,發現可樂同橙汁先生的糖份至高,跟住就係檸檬茶、之後係維他奶,而幾種飲品中,以低糖荳漿同鮮奶糖份較少,親眼睇過實驗,印象深刻,我又學識多一樣野lar!所以話幫人有時都有好處架!哈哈哈!

 

 

 

 

Friday 10th November 2006 09:35:00 AM
傻傻地[ 0 messages] 
General

重點視學完左lar!本來都預左要俾視學官睇堂,今次竟然幸福地唔駛喎!佢第一日黎既日子,我諗住自己實中,要睇我堂架lar!但我居然唔係諗住要多睇幾次,背多幾次講乜(其實一早整好晒教具同教案),而係一早起身襯衫同化菕A到我返工時,發現自己冇中獎,我就好唔開心咁問:點解冇我份呀?等我仲化晒菄蟛川im!其他同事都笑我奇怪,我究竟係乜野構造既呢!

減肥計劃繼續進行,可惜磅數停滯不減,唔知幾時先會有新突破呢!

Tuesday 07th November 2006 12:05:11 AM
WILD DAY OUT[ 0 messages] 
General

星期六同 JOANNA 去左 WILD DAY OUT,今次主要都係陪 JOANNA 去,因為佢想睇陶吉吉ma!

我地十二點就到,所以等到十二點半就可以入場,仲俾我地入到最前同最中間個位。跟住我地就在會場中四圍行,跟住又搵位坐低食野,然後就等等等。(因為唔俾離開會場)

我地等到好悶,四圍咁望,跟住就係咁影相。我發現四圍既人都係影緊相,你話大家等到幾悶先得架!

到真係正式開場既時候已經係四點幾lu!我發覺自己真係老餅得很,d歌星、樂隊係乜水我好多都唔識,而我四圍既後生仔女就係咁叫、係咁跳,佢地既叫聲差d震穿我隻耳膜!救命呀!

而我覺得全場最正既當然係陶喆既表演lar!佢唱得又好,又識帶動氣氛!正!

盧巧音都唔錯,佢上次在Zarahn的演唱會中唔識唱既歌,今次唱得好好,果然肯努力呀!當然lar!如果Zarahn有黎,我實會話佢地係最正架!haha~~~

另外,令我印象最深刻就係有隊叫飛輪海既樂隊,佢地係幾個後生仔,d靚妹好鍾意,見到佢地上台,跳跳舞,拋下媚眼,就係咁大叫,而隔離d男仔就當然有點不是味兒。

係佢地唱唱下歌既時候,播緊既碟居然跳線。噢!原來係"咪"咀架!台下的人呆左一呆,跟住班男仔就鬼殺咁嘈,叫佢地下台,你估佢地係陳水扁咩!認真搞鬼!不過呢幾個後生仔,做左一樣野黎維護自己既尊嚴,就係即刻清唱一段,表示只係機件故障,自己係唱得之人咁話!幾識執生呀!佢地咁做我又覺得ok喎!我幾欣賞!

仲有仲有呀關淑儀,佢一出黎著就好似冇著褲咁(應該係著左條超短熱褲),我隔離d男仔忍唔住講左句:嘩!四仔呀!好搞笑!其實呢樣野唔係最奇,最奇係佢覺得自己唱得唔夠好,要唱多次,咁都唔緊要,佢居然話係d工作人員亂咁擺d歌,搞到佢唱得唔好。噢!如果你好熟d歌,請問你駛乜睇歌詞呢?我見咁多個表演單位都冇人睇歌詞架!佢咁講我即刻冇晒mood,跟住我就頂佢唔住,坐低出工作紙。呀關小姐,你認真厲害!

Sunday 05th November 2006 01:18:01 AM
影影影[ 0 messages] 
General

重陽節唔拜山(冇山拜),走去幫人影相,好好玩,好鍾意!

我同沙沙兩個人對兩個model,但分別咁影,輪流交換model黎影。呢個方法係沙沙提議架!我覺得真係幾好!因為影相既時候,model對眼係好緊要架!如果兩個人一齊影,你話lar,叫個model望邊好呢?分開影就唔同呢!分開影可以俾d model多d相擇,可以有唔同style既相,我地又可以有d比較獨特既相!真係GOOD IDEA~~~

今次我地去科大影相,呢個地方真係唔錯,要建築物有建築物、要綠草有綠草、要海有海,真係乜景都有,我地玩足全日。正!

影相既時候我就鬼咁精神,一到食飯坐低,嘩!即刻累得不堪!難道真係體力透支?

影相既時間真係好開心,只係全日既感覺都有點怪怪的,但又講唔不出係乜野原因,總覺跟以前的感覺很不同。點解會咁喎?係咪我做錯野呀?

係既話我講對唔住呀!唔好咁對我呀!我覺得好辛苦架!

Monday 30th October 2006 02:57:51 AM
報喜[ 0 messages] 
General

返完教會,同亞HEI、IP去左城門行一圈,今次主要行大城石澗那一邊,雖然人很多,好似旺角咁旺,但係今日見到很多靚野,真的非常開心!我今日見到好多報喜斑粉蝶,又見到好多飛蝦,嘩!實在係太好lar!我真係好鍾意佢地架!

Wednesday 25th October 2006 12:00:52 AM
人體奧妙展、人體奧妙展.......[ 0 messages] 
General

等做facial時,見到枱面有個模型公仔,跟住就拎kuromi出黎影相。

睇下佢幾似教緊書!哈哈哈~~~~人體奧妙展、人體奧妙展...... 

好無聊啊!@ ~ @

Tuesday 24th October 2006 12:56:28 AM
飲死你呀![ 0 messages] 
General

昨晚跟朋友慶祝生日,兩個傻婆去左soho食飯,叫左支白酒,飲下、食下、傾下,居然飲晒成支酒,跟住壽星女話叫多枝,見佢咁高興,是但lar!飲左半枝,佢就叫走,咁咪走lor!跟住佢就話去佢屋企傾計,點知一去到講左冇幾耐,我地兩隻野就訓晒覺,飲都冇飲過淨返既酒,更加冇傾到計,真係搞鬼!下次都係唔好同佢傻,飲一枝就好lar!搞到我成晚鬼咁頭痛,訓得唔好,好彩一返工做野,就冇事。不過話時話,枝酒都真係幾好飲!價錢又抵!遲d試下搵呢隻酒買返屋企先,應該仲平,仲抵飲!

Monday 23rd October 2006 10:22:04 AM
好鬼痛[ 0 messages] 
General

沖涼時,一關門,道浴室門就自己跌左落黎,仲整親我隻腳。我即刻大叫左一聲,跟住屋企人聽到我慘叫,就問我乜事,我淨係覺得好鬼痛,但又唔見有血,就梗係話冇事lar!費事嚇親d老人家ma!跟住出到黎就發現原來有流血,不過傷口唔大,下次真係要小心d至得!不過沖涼唔係一早就係一晚,個人都係"烏啄啄",又點會小心得黎呢!

Sunday 22nd October 2006 02:14:11 AM
繼續精彩的Zarahn Concert[ 0 messages] 
General

今日返學校當值後,我就同亞呂行左一陣街,跟住去左Angela到坐下,等睇Zarahn Concert。然後家姐就陪我去灣仔食晚餐!我地去左一間叫永華麵家的麵店,之前都去過一次,佢既麵好好食,好彈牙,連我這個因怕食梘水味而唔食麵既人都叫左一碗黎食!

我叫左一碗牛筋腩麵,非常好食,加埋碟蝦子芥蘭tim。嘩!實在係太正lar!好好味呀!(細細碗,又好食,食左唔會內疚,哈哈!)跟住家姐又叫左個合桃露湯丸。我好耐冇食甜品lar!我試左少少合桃露同一粒芝麻湯丸,唔太甜,好食到震!下次再去灣仔睇show都要去返呢度食先得!

跟住我地去演藝,買左ERIC CLAPTON既CONCERT飛,咁我就自己入藝術中心睇Zarahn Concert。

今日ENDY地改左dd個rundown,唱歌同著衫都同之前睇有少少唔同,相同係個SHOW一樣咁好睇,佢地真係好有style,彈結他、打鼓各有特色,功架,當然唱得好好聽lar!hehe~~~ 我覺得Zarahn真係好正!當然ENDY就更加係型lar!希望今次既show佢地會出DVD就好la!

其實一個人睇show都幾怪,隔離個女仔好驚訝咁!

不過我入到去,掛住聽歌都唔理人,自己係咁"un",其實同唔同人去都係一樣啫!

我想買簽名碟,可惜今日太多人lar!冇機會,真可惜!真的希望他們會再出show,如果在紅館表演更好!^ v ^

Zarahn~~~我好期待再睇你地做show呀!

Saturday 21st October 2006 11:32:19 AM
跳海[ 0 messages] 
General

*我有個習慣每天去跳海
這感覺很怪但有點快感
若你告訴我 我是有點變態
請你別見怪我也很喜歡你*

問你到底我可否再找你
你卻笑我太過瘋癲
問你到底我可否再找你
你卻笑我太過瘋癲

REPEAT*


沒法被你注視接受
讓我勇敢走向未來
幻想被你愛護寵愛
盼望你別再對我這麼冷淡

REPEAT*

現在請你告訴我
你是否討厭我
現在讓我告訴你
你不需要再解釋

現在請你告訴我
你是否討厭我
日落天已變黑了
這美夢蔓延在我記憶裡

又係ZARAHN既歌,好鍾意,好玩野既歌詞!

*我有個習慣每天去跳海
這感覺很怪但有點快感
若你告訴我 我是有點變態
請你別見怪我也很喜歡你*

這段講的,有點似我。hehe~~~

Saturday 21st October 2006 11:24:25 AM
今晚再去!hehe~~~~[ 0 messages] 
General

好野!琴日趁食lunch既時間,去左通利買飛,得返d散位,一個一個咁,好彩都仲有飛,唔理lar!一個人都要去!正呀!我今晚又可以聽Zarahn 既 live show lu!呵呵呵!

越想越覺得自己真係好crazy呀!呵呵呵~~~~

Friday 20th October 2006 01:10:07 AM
Zarahn Good Show 正到震呀![ 0 messages] 
General

今日係19號,終於到Zarahn既十二優演唱會大日子。我好開心、好興奮、好High呀!

今日既 SHOW 真係 GOOD SHOW!佢地表現得好好,好CHARM!音樂又正,彈得又好,唱得又好!臨尾仲非常搞笑,個SHOW簡直係一流呀!搞到我好想睇埋跟住既幾場,不過聽晚要返教會,唔會去架lar!希望星期六、日會仲有飛,等我聽日落去問下先!

今晚真係好開心呀!^ v ^

Wednesday 18th October 2006 09:33:20 PM
《天使》[ 0 messages] 
General

沉在愉快 時日越走越快
祈望可以 被你了解
讓我寄生 在你天空世界
我願意不走也不出界

從來沒有 但最熟悉是你
忘掉一切 把你抱起
沒有再生 留下送死給你
還為你摧毀過去日記

不褪色也許一步不前
厭膩過後消失視線
想了解卻執著太多
揣測你的心內結果是什麼

*我 我不敢想太多 我祇想繼續做我
 讓你開心得更多
 可我共你的天 了解始終太少
 對方心怎樣在跳 或你根本不會知*

愛你 愛你 愛你不須講太多太多個字

REPEAT*

愛你不敢想太多 也不想靠著運氣
讓我的心不會死
相信是放不開 我祇想可這麼
你身邊靠著是我 讓你開心得更多

Tuesday 17th October 2006 10:53:13 PM
終於出左lar![ 0 messages] 
General

等左好耐好耐,等到差d想放棄既Zarahn大碟終於出左lar!今日一放工,就去信和買碟,77蚊咋!加多十蚊就有埋poster,我當然買埋lar!而家係度享受緊隻碟,好興奮呀!(我真係好懷疑自己究竟心理年齡有幾多歲,可能真係得十幾歲,點解我喜歡的都是.......................是但lar!我係我,咁都無法架!hehe~~~)

Tuesday 17th October 2006 09:46:59 AM
亂咁行[ 0 messages] 
General

星期日同家姐四圍行,今次去HKU,我地帶住兩隻公仔亂咁行,邊行邊影,好搞鬼!

雖然天氣唔好,影出黎既相D色都唔夠靚,但係因為MELODY本身好SHARP,所以望落張相都仲頂得住,算OK!

我地係HKU影相,其中一個景點係荷花池,今次黎唔啱時間,D荷花殘晒,咁唯有影池唔影花,俾MM坐在摺椅上,但由於佢身材太好,所以坐得唔係太穩陣,差D跌左落荷花池,而我見此狀,亦大叫左出黎。家姐居然話我跌左MM落地,好似仲慘過跌左部相機喎!梗係唔係lar!

Monday 16th October 2006 11:58:08 PM
令人破戒的咖喱牛腩飯[ 0 messages] 
General

星期日同家姐返完教會,去左中環食午飯,我地去左一間叫香滑咖喱屋既食店,我好耐冇食飯(少少壽司例外),但食咖喱又點可以唔配飯呢?所以我都叫佢少飯,佢既咖喱牛腩飯真係幾好食,令人十分滿足!

為左補救返食飯既結果,本來諗住搭車上HKU影相既我,決定由中環行上HKU。我同家姐就將melody同黃豆豆咱X黎影,影到夠鐘,跟住我就去左Angela到做treatment,不過上到去就做左成個幾鐘運動,Angela仲要係咁幫我拉筋,痛到我呀!

咁Angela話三聯做緊特價,我地就去左行書局,然後就食飯。做左咁多運動,個feel好左好多,晚餐都食得開心d!

Saturday 14th October 2006 07:11:54 PM
解解悶![ 0 messages] 
General

今日放左工,帶左MM去行下、影下相,散散心。

Saturday 14th October 2006 01:06:41 AM
好悶呀![ 0 messages] 
General

今日唔知點解覺得自己戇居居,好悶,好似等運到咁!

可能係個天唔夠靚lar;或者係我整爛野唔開心掛;又可能係我唔舒服,覺得辛苦;又有可能係.........係冇人陪我去影夜景,所以先覺得悶悶地,戇居居咁!

事實上,而家見到d夜景靚時,都好似冇之前咁興奮,唔通真係要人陪我去影,先至可以開心?

唉!跣把lar!冇人肯陪你架lar!其實你一早已經預左架!應該有晒心理準備架lar!咁仲諗乜啫?

救命呀!以我既人物性格,點解我會覺得悶既?點解我會講埋d咁既野呢?點解呀?點解呀?我係咪悶到傻左呀?

Friday 13th October 2006 01:52:18 AM
騎呢怪又上身[ 0 messages] 
General

今日係心賢姐返美國既日子,琴晚好似小學生去旅行咁,一早走去訓覺,但成晚都訓唔好,驚自己唔知醒。點知六點幾醒左都冇用!因為六點幾對我黎講,實在係太早,我既反應非常遲鈍,所以去到機場送機尾,心賢姐已經過左關,於是我唯有打俾佢話佢知我既低能行為lar!

心賢姐:祝你一路逆風lar!

去完機場,就返工,一早要聽talk,跟住就全日都好忙好忙咁。可能加埋自己病,(d痰已變為黃色)所以覺得特別辛苦!

夜晚返到屋企玩電腦,將d相過落電腦內,跟住想用headphone,咁就將部相機跌左落地,相機就好似冇事,但個鏡頭就...............慘lar!今次真係傷!傷心又傷荷包!@_@ ~ ~ ~

p.s.其實自己都真係抵死,以後自己狀態唔好就去訓,唔好搞咁多野!咁就唔會有事lar!

Wednesday 11th October 2006 09:39:14 PM
好死眼訓呀![ 0 messages] 
General

琴日自閉症發作,放工考完普通話筆試後,返到屋企死都要完成今日派俾同事既文件,一做就做到今朝兩點幾,跟住六點幾又要起身返工,唔夠訓,做野好慢,今晚本來仲有好多野做,而家都唔做住,去訓覺,補下至得!

Tuesday 10th October 2006 10:20:18 AM
噢!終於到我lar![ 0 messages] 
General

前兩個星期,教員室堛漱H輪流發病,當時我都係有小小唔舒服,仲叫頂得到。

唉!但係琴日開始,我就覺得喉嚨似火燒,好唔舒服,食左係日本買返黎既仙丹,都似乎冇乜好到咁!

今朝起身,喉嚨依然似火燒,希望一陣飲多d水會冇事lar!

每次見人病,自己都唔想病,好怕會病,因為我唔想請假,怕人家唔明我想教乜、想做乜。所以每次都會諗:千祈唔好病,千祈唔好病!我唔請假,我唔請假!

如果真係病到死,我好想沙沙黎幫我代課!佢係我地既金牌代課!正!我諗可能佢會教得比我好,改野俾我更精細,勁!咁我會好放心咁病,返去又唔怕執手尾!

但係佢話上學期有野做,唔黎架喎!算lar,都係唔好阻住人地做正經野lar!都係死頂好lar! >_<

沙沙~~~有D掛住你tim! 咳咳~~~

Monday 09th October 2006 10:30:18 AM
諗起都覺得好搞笑[ 0 messages] 
General

琴日影完貓咪,今日諗起佢地都仲覺得好搞笑!

佢地唔單止個樣傻下傻下,好搞笑。佢地既行為亦非常搞笑。

首先貓咪俾主人嚇時,會即刻跌低在地,個樣勁驚。

跟住佢地又會自己同自己玩,會咬住自己條尾,係咁咬,唔通真係冇感覺?

當兩隻貓咪打交時,場面亦非常精彩,而最搞笑既一幕就係:我見到其中一隻貓咪收埋自己在梳化內,而另一隻又知喎!於是諗住走去襲擊佢,點知一跳上梳化,居然唔見左佢既!於是四圍咁望,咦!原來就喺自己後面!哈哈!佢果下個樣真係好戇居架!好鍾意呀!

而最抵死既係,我地走左,主人家送我地落樓準備搭車時,主人家收到同屋主電話,話因為我個friend去完廁所唔記得蓋廁板,所以其中一隻貓咪唔小心跌左落個廁所度。(哈哈!實在太搞笑lar!) 而佢既同屋主打電話黎,係要佢即刻返去幫手同貓咪沖涼。(貓咪好怕沖涼,上星期先沖完,而家又要沖,好慘呀!)

小貓咪,我好鍾意你呀!

Sunday 08th October 2006 11:48:34 PM
可愛小貓咪[ 0 messages] 
General

今日返完教會,去左朋友屋企玩,其實嚴格d黎講,係同佢慶祝生日(雖然朋友9月生日,但一直都忙,所以到而家先補祝咁lar!)

今次去朋友屋企做乜?目的有兩個。一.幫佢d貓咪影相。二.煮餐生日飯俾佢食!其實諗起都覺得好搞笑,因為係好耐好耐之前答應過上去佢屋企煮飯過佢食既!但今天他的同屋主都在。噢!見過兩次面架咋喎!真係好怕煮衰左會出醜!hehe~~~

飯當然有煮,都是一些家常飯,無乜特別!

但貓咪的確可愛,影出黎亦好靚!相信如果天色好d,d相會更加靚!下次要再影過至得!^ v ^

Saturday 07th October 2006 08:06:51 PM
自戀狂[ 0 messages] 
General

今日在本來想休息下,又想溫下書,點知都係做d無鬼謂既野!

在網上找到一個可以製作自己個樣既軟件,只要你登入、下載後,便可以利用自己張相做自己個人既卡通樣lar!都幾得意架!

自製真人卡通化MSN圖示軟件
http://wgzhk.com/discuz/viewthread.php?tid=4921&extra=page%3D1

搞掂後,再於以下網址入相,整卡通!http://cartoon.msn.com.cn/Creation.aspx?&from=

睇落都幾似我架!哈哈哈~~~~

Saturday 07th October 2006 01:08:38 PM
中秋節快樂![ 0 messages] 
General

人老了,中秋節都冇乜特別節目,只是去食左餐飯,行左陣街咁!但這樣的中秋節我也覺得很快樂!這個證明 ─ 我已經老了!
呵呵呵~~~~

祝各位中秋節快樂!

Friday 06th October 2006 01:00:44 AM
真係死到直一直,可惜仲係不知悔改!!![ 0 messages] 
General

考完試返黎lar!果然不出我所料,冇溫書既結果係去到,見到d字都唔識讀!

唉!點解我要咁懶惰呢?

我同自己解釋,可能我患上放假前後心散症。這次考試剛好夾在假期的前後,我諗學校係想我地有個假期可以溫習,但我這個爛玩既人,當然係掛住玩,冇乜點溫書。真係白費了他們一片苦心!

而我最衰就係,一考完試就唔理三七二十一,走左去影相。唔通我真係傻既?

Thursday 05th October 2006 09:34:02 AM
今次死梗lar![ 0 messages] 
General

今日要考普通話,但係我居然到而家都未預備好喎!而且個心仲好"野",不停咁只係諗住玩,諗住要擺My Melody d 相上網,真係連自己都諗唔明點解!睇下我今晚點死先得!@~@"

Tuesday 03rd October 2006 11:25:57 PM
巨大工程[ 0 messages] 
General

今日一早起身,公眾假期都早起身?做乜咁奇怪呢?哦!原來係約左爸爸、媽咪同家姐一齊去行山,是關亞爸成日話自己一個人行上去城門水塘,佢又唔識路,自己又走去探險,最頂癮係佢冇乜安全意識!(即係佢帶得200-300ml水,又唔帶遮,又冇帶食物,有次仲電話冇電tim!)咁就 學人去行山,你話遇見迷路或者馬騮襲擊,咁咪好大鑊!最慘係佢唔係太熟城門水塘ma!我聽到都有d驚!所以就話同佢去行下,起碼話佢知d路由邊到可以通到邊到!第二時佢行山,我都安心d!

一早拖住三條友去行山,你都咪話唔煩!我亞爸同亞媽既生活情趣係鬧交,一日唔嘈唔安樂,由搭車嘈到上山,真係攞左我條命!anyway陪下佢地都係好事!下次我想同佢地去行山頂,下個月先lar!畢竟這是巨大工程,我要d心理準備同時間回下氣!@o@

我地去完行山就落荃灣買野俾媽咪,跟住就食午餐。間和民居然執左,搞到亞爸亞媽白行tim,真衰!於是我地只好去元氣食野,好彩冇執到。食完野,我約左朋友係中環,跟住我就去左剪頭髮,其實一直都想剪,但係之前換左個髮型師,佢叫我唔好剪,繼續留d頭髮,仲要電大佢。OH!最後個頭好樣衰!而家剪左又覺得自己似小學生,頭細身又大,唔係好慣! 另外,今次去呢間髮型屋係中環,$480就可以包剪、包電、包染乜都得!我今次就做左負離子直髮,而且仲剪短晒d頭髮,幫我洗頭的男仔,同髮型師都問我有冇唔捨得,會唔會喊,冇喎!我以前都係短頭髮架lar!後來懶,所以先留長啫!(當然有人話鍾意我長頭髮個look喎!是但lar!已成過去!而家乜都唔理架lar!)

我由4:30坐到8:30pm,搞鬼咁耐,想死,我就係好怕要我坐定定!殺死我好過!整負離子有好多工序,搽完藥水,又要用機焗,跟住洗頭之後又要用夾夾直佢,以為ok,就走得,點知又要搽多次唔知乜野黎定型,跟住再洗,再做treatment,之後又要洗,先可以吹完再剪。

OH!這些浪費時間的事,在人生中真的不可以做太多次,否則連我自己都會頂唔順,大叫救命!(雖然我經常都將時間浪費在無聊事上,hehe~~~~ )

Monday 02nd October 2006 01:10:32 AM
秋風起 行山去[ 0 messages] 
General

好耐冇行山lar!記得以前每個星期都行山,可惜後來朋友都忙,冇人陪我行山,只好改為打蝶、影公仔!

今日居然有得行山,實在太開心lar!雖然好耐冇操山,但可能因為個人輕左,所以覺得幾ok!

本來打算從城門水塘經鉛礦凹行上大帽山,但行行下有人話腳板充血,我見個牌話上大帽山仲要行多四個幾鐘,咁我地又咁耐冇行山,所以就改選了行多個多少時去大埔的路線。

嘩!真係好鬼易行,算係一個好開始lar!希望以後多些機會再行山便好了!

Saturday 30th September 2006 11:15:51 PM
又再失控[ 0 messages] 
General

由於朋友仔拒絕同我去玩,怕作出承諾。>_<  再加上工作十分之忙,所以近排我都好乖,(可能係冇心機) 所以冇乜點樣出去影夜景lar!

但係影相呢家野係心癮黎架!點先可以頂癮呢?最近發晒顛咁買d My Melody同Kuromi既公仔,返黎就幫佢地影相,咁唔駛出街,都可以玩餐飽lar!

嗯!希望一切會好快咁回復正常就好lar!

p.s.當然如果有人肯陪我去影夜景或者陪我週圍去影相就好lar!很懷念那些沙灘日落,還有未影過的青馬大橋夜景啊!

Sunday 24th September 2006 12:09:07 PM
牛肉放題[ 0 messages] 
General

朋友仔生日,一班人今次到尖沙咀食牛肉鍋放題,我地五個人,四個請一個,每人俾左六百蚊。六百蚊食牛肉放題,又唔係食法國大餐喎!我真係唔識欣賞。( 死lar!點解我越黎越師奶既?以前我唔會覺得貴架?唔........可能冇靚紅酒飲卦 @~@ ") 收得咁既價錢,味道當然都ok lar!但服務水準方面 ─ 就睇下你叫著邊個侍應lor!有一個叫極都唔俾野你,仲係度叫話好忙好忙;而另一個則一叫即掂。認真奇怪,所以後來見到個積極侍應,我先至order。唉!我諗我唔會再去果度幫襯架lar!

Monday 18th September 2006 12:12:23 AM
Big surprise!!!![ 0 messages] 
General

玩左成日,諗住夜晚乖乖地溫下普通話,準備考試。

一打開門,嘩!發現一隻勁大叮噹,即刻大叫左出黎!跟住就問,邊個整上黎架?得到既答案係louie送俾我架!

呵呵呵!佢話係人地俾佢架喎!都好呀!我未試過擁有咁大隻既叮噹架!多謝晒!^ v ^

Sunday 17th September 2006 08:50:36 PM
好貴喎![ 0 messages] 
General

弊!今日搞到太夜lar!十點幾仲係中環,而且仲未食晚飯,我話想去中環間杏花樓,可惜遭人反對,跟住就去左呢間幾好食但好鬼貴既日本料理店。

其實佢d野真係幾好食,特別是到咁夜都仲咁新鮮,好味,不過我真係覺得佢價錢幾貴!我地兩個人只係食左4樣野就五百幾蚊落樓lar!當中有五款剌身、一客海胆壽司、煮野菜同蟹籽沙律咁大把!@~@

雖然唔駛我俾錢,但下次都係咪搞我!唔係食唔食得起既問題,而係打從心媊控o貴,有d地方平好多,都好好食架,係咪? 

Wednesday 13th September 2006 12:30:43 AM
小王子[ 0 messages] 
General

這個小王子,唔係小說果本小王子、又唔係星座小王子,係一款甜品黎架!佢係用忌廉汽水同芝麻做架!見佢奇奇怪怪咁,咪買返黎俾家姐食lor!佢話d味幾得意喎!咁即係好唔好味呢?

Sunday 10th September 2006 10:40:29 AM
道風山退修日[ 0 messages] 
General

今日返完工去道風山退修,紅色暴雨都唔知!不過都安全到達,而且今次既退修日幾好,都頗有得著,令我諗返好多野,亦都自我反省一番,實在太好lar!

叉完電後,回家便要重新做人,重新得力了!

Saturday 09th September 2006 12:32:37 AM
KUROMI[ 0 messages] 
General

放左工仲要返學,好辛苦呀!成十點幾仲去行商場,都應該冇乜野買lar!點知仲有間精品店未收,入面有好多melody同kuromi,買左兩樣野,跟住就好滿足咁返屋企lu!

Wednesday 06th September 2006 10:09:17 PM
SOUTH BEACH DIET[ 0 messages] 
General

Maggie借給我的書,真是一本好書!看後讓我明白為甚麼自己有時候吃得那麼少,還是那麼胖,為甚麼我會越食越想食。原來有好多野我都係食錯晒!呢本書簡直係幫我洗腦,看後令我非常想改變自己咁多年既飲食習慣,我真係要努力d先得!呢本書除左教人減肥外,仲教曉我點樣可以防止心臟病、中風同糖尿病。我睇完呢本書之後,仲買埋佢本食譜and再買埋本叫GI DIET既書,希望開始我既洗腦大行動!

Monday 04th September 2006 10:01:10 PM
失去控制[ 0 messages] 
General

家姐唔開心,今日返完教會之後就陪佢,冇去影蝶。咁有乜做呢?梗係食下野,行下街,跟住我地仲去左腳底按摩tim!

唔知係咪今日食錯左野,返到屋企食完飯仲好想食野,呢件事好耐冇試過lar!真係非常得人驚,好驚會前功盡廢!最近睇緊本書係講有d食物,食左之後,會令我地既血糖大大提高,而我地既身體會產生好多胰島素去對付佢地...............於是我地會想食更多更多!咁就自然肥LAR!唔!我諗我一地係食錯野啫!

Sunday 03rd September 2006 10:26:33 PM
鳳園again[ 0 messages] 
General

鳳園again,蝶不多,可能是天氣影響吧!行了不久,遇到班很嘈的人,他們其實並不是衰人,只是一班人一齊影相,太開心,所以搞到個地方好鬼嘈,真係蝶都驚埋,飛鬼走晒!就係因為咁,我冇乜mood影相,影左一陣就走左lu!唉!唯有下次再去影過lar!

唔!如果下次我同好多friend一齊去影蝶,我要以此為尷尬,記得要靜d先得!

Sunday 03rd September 2006 10:10:26 PM
蔡蔡桂花綠茶果凍[ 0 messages] 
General

今日下午茶係"蔡蔡桂花綠茶果凍",好味啊!做到死,有這個低糖的甜品為我打打氣,實在太好lar!HAPPY!

^ v ^

Saturday 02nd September 2006 12:22:41 AM
豐富的晚餐[ 0 messages] 
General

一行十四人到泰豊廔食晚餐,今次選吃小菜,一樣咁好味!在減肥既情況下到酒樓食晚飯,都算係一個挑戰。不過我的朋友好好,都冇乜迫我食野!每樣食物只係食小小,都幾好,佢既食物煮得幾好味,而且價錢又唔貴,成班人有講有笑,過了開心快樂既一夜!p.s.雖然食飯當日天色好靚,不過因為同咁大班人食飯,我錯過左影靚日落既機會,但諗深一層,同呢班朋友咁樣食飯既機會非常難得!所以雖然冇得影靚相,但係仍然覺得非常值得!

Thursday 31st August 2006 10:38:15 AM
馬路地聯盟大合照[ 0 messages] 
General

新買的My Melody印仔,本來係扭蛋黎架,但今次因為好想要齊成套,所以冇去扭蛋,走左去買晒一套,好靚呀!個頭仲會擰擰下,勁得意呀!得意死呀!^ v ^

Tuesday 29th August 2006 11:51:29 PM
低B晶[ 0 messages] 
General

今日其實幾開心同幾好笑,有時候我發覺自己其實可能真係低能架!朝早返去本來想同個亞KARL講,叫佢唔好咁怕羞,要多d同同事溝通,咁做野先會更順利。咁我既開場白係問佢!"呀!你中學既時候係讀男校定女校架?"跟住佢定一定,望住我笑左一笑,答我:"我讀男女校!"救命呀!我點解會問佢條咁既問題架?佢係男仔,又點會讀女校呢?連我自己都笑到跌左落地,仲笑左自己一日。唉!以後真係要清醒時先好問人野。搞到我原本諗住同佢講既野都冇講!@_@

跟住午飯時,我同蔡蔡去左愉城食飯,最後我地揀左札幌拉麵黎試,間野完全滿足到我既要求,食肉食菜唔食飯,我覺得幾好食,而且份量仲多到可以打包返去食多餐tim!不過蔡蔡話個麵就普普通通,唔係佢喜歡的那種!而我地食左成半個鐘,成間舖都只係得我地兩個客人,後來就入左幾枱客,可能係未到食飯時間lar!不過入黎既都有兩枱係日本人,可能間舖係啱番日本人既口味lar!

夜晚又要普通話測驗,所以一返去就搵左小慧笨,請佢幫我將琴晚預先寫好的講稿錄音,方便我溫習。咁我開完會,教完小朋友之後就係咁聽係咁讀。而亞呂就因為勁多野做而一D都未溫過!認真大鑊!於是我地一放學,就搭的士去佢屋企聽錄音、溫書,跟住返學測驗。今次係普通話口試,到我既時候,我一開始就緊張到唔知老師講乜,佢叫我俾返份卷佢,我都聽唔明,要同學提我先知。跟住讀完篇文章,到自己預備的短講時,我先發現自己拎錯文章出去,真係樣衰!連我自己都笑左出黎,其他同學當然勁笑lar!哎呀!我今日真係好低能呀!救命呀!

Thursday 24th August 2006 02:04:12 AM
搞笑的心思[ 0 messages] 
General

食緊飯既時候,ASKA趁我影緊相,想將送俾我既小禮物收係D紙巾到,結果事敗,俾我睇到,真係好搞笑!而佢居然送左個HELLO KITTY護身符俾我,呢樣野我當然不會買la!所以我一見到即刻好興奮,為乜?當時我即刻..................即刻將個符拆開,睇下堶惚Y乜黎既呢?究竟堶惘傖A法寶呢?當我一拆,謎底終於解開lar!原來堶惚Y冇野架!呵呵呵~~~~~真搞鬼!anyway 謝謝你啊!

Thursday 24th August 2006 01:53:49 AM
繼續我的生日飯[ 0 messages] 
General

呵呵呵!繼續我的生日飯,今次係蔡蔡同ASKA幫我慶祝生日,我地到左銅鑼灣一間叫"一門"既餐廳食日本野,都係果句,而家我都唔食得多,都係每樣試少少!不過間野都幾好食既,侍應亦好有禮貌。最得意係間餐廳會係客人離開時,全部侍應用日文一齊同埋左單要走既客人講多謝,真係好鬼大聲,而且鬼殺咁嘈,又唔係幾聽清楚佢地講乜野,都幾好笑架!成餐飯其實都食得幾開心,不過坐我地隔離張枱成日煲煙,食煙仲多過食野,都真係幾恐怖,好彩ASKA見我怕煙味,同我調位,如果唔係........我實焗死左!多謝你地呀!呵呵呵!

Sunday 20th August 2006 01:18:25 AM
CAFE DE PARIS[ 0 messages] 
General

與天樂到SOHO區食飯,適逢本小姐on diet,天樂,辛苦你了!走進餐廳娷I菜,又要吃得飽,又要食唔肥,真係一門學問,最後我地叫左生蠔、鵝肝、魚、沙律、檸檬撻同白酒,ok呀!係鵝肝肥左小小啫!其他都好ok呀!味道都唔錯。

天樂:謝謝你呀!^ v ^

間餐廳其實冇乜特別,不過SOHO好多間餐廳都試過,諗住去間未食過既試下ma!食物既味道都幾好呀!而最特別既係,呢間餐廳有個侍應係外國人黎架,不過佢識講廣東話,而且仲係非常流利既廣東話tim!佢好nice,好認真同好專業咁為我地介紹菜式同酒,當佢見到我掛住影相唔食野既時候,還細心地走過來說:影快d lar!d野食凍左唔好食架lar!而佢講既時候又好溫柔,你唔會覺得佢話緊你架喎!真係好搞笑!

Saturday 19th August 2006 01:55:24 AM
好閃呀![ 0 messages] 
General

返到屋企,見到個天好閃呀!望下望下,都唔見一條條既閃電,只係見到個天好閃,於是走出去廳望窗,又走去廚房望下,最後都係返房,坐左係窗前望到實。等等等........心堶梁隉G點解我咁鍾意睇閃電架?究竟我係咪傻傻地既呢?一面諗、一面睇、一面拎住相機等..............wow~~~終於俾我影到lar!不過我影得條閃電好幼,又唔夠光咁,真係好失禮呀!hehe~~~

唔緊要lar,等下次我將技巧掌握得更好既時候,我會再影過架!雖然影得唔係咁好,不過影到閃電,我已經好開心架lar!

Friday 18th August 2006 01:46:57 AM
周國賢好正![ 0 messages] 
General

今日去睇生力Wild Day Out ZARAHN既show,其實主要係去睇周國賢,鍾意佢,因為佢D歌,同埋佢唱歌、彈結他既時候就會非常投入,青筋都現埋,實在太正lar!

今日去到發現係企位,而我個人生得咁矮,真係冇法影到靚相,搞到JOANNA話我影出黎D相好迷幻,冇辦法lar!鬼叫我生得矮,又係企位咩!唯有等下次lar!

不過聽到ZARAHN現場唱歌,我都覺得幾HIGH同幾開心架!

Wednesday 16th August 2006 12:01:50 PM
雞牌?好搞笑![ 0 messages] 
General

這個雞牌是Louie送的,是他親手造的啊!上面寫著的是甚麼?當然是我的生日日期lar!哈哈!

收到時,好奇的望著這個雞牌,左看右看,想著它是用甚麼造的呢?怎也看不出。於是把它用鼻子一嗅,在尚未聞出是用甚麼造來的時候。

louie已大聲笑了出來,並叫道:是用我坐過的竹蓆造的,我還在上面放過屁呢!

咦!正衰人!這個玩笑真的很有嗅覺啊!

把雞牌扣在鎖匙上,回家順手放在枱上,家人一見十分驚奇,居然聯想到我買了樓,這是門牌的號碼!噢!想像力真豐富。

Monday 14th August 2006 10:43:30 PM
從美國寄回來的小玩意[ 0 messages] 
General

LEO送給我的生日禮物! 小盒子內究竟裝著些甚麼?

原來堶惚Y一個個人仔,話放係枕頭底,可以驅走我既唔心開野喎!

重有呢個→皮禮士Melody

重有重有呢對→M&Ms襪


多謝晒!好得意呀!

Sunday 13th August 2006 10:26:34 PM
大帽山短遊[ 0 messages] 
General

返完教會,亞苗做好人車我同IP到大帽山,上到去,我地四圍行、亂咁行,行行下差不多行到山頂,跟住又行落返山,準備走人,見到冇車,一面行落山,一面四圍望,見到好多新奇剌激既野,非常開心。不過太耐冇勁上勁落樓梯,到左夜晚,大腿即刻覺得好鬼死痺。

P.S.今日發覺自己有個朋友好"流",點流法?原來佢一早起身飲左包檸茶,跟住又飲左包脫脂奶做早餐,午餐就同我去左食碗皮蛋魚片粥,然後佢又飲多罐維他奶,當我知道佢半日食既野後,我發覺都是流質來的,所以我笑佢:你真係好流呀!哈哈!

Sunday 13th August 2006 09:55:51 PM
生日飯[ 0 messages] 
General

從日本回來,朋友同我食飯補祝我的生日,多謝多謝!

去了一間我很想去玩的餐廳食飯,可惜其中一位友人突然衰鬼上身,未入餐廳已挑三彈四,令我十分不高興,佢簡直嚴重破壞了我既心情,那間餐廳其實冇乜唔妥,野食都幾好味!只係佢唔鍾意間餐廳格調太低能,咁我一向都係低能架lar!生日一定要食高級餐廳先開心既咩?你咁唔投入,咁點食埋餐飯呀?所以呢餐飯我會當冇食過。食物同餐廳既相我亦唔會post上網。免得我再次勞氣。

食完一餐咁唔高興既生日飯,大家見我咁唔高興,同我去食過另一餐。當然我一早已告訴他們,之前果間餐廳我好想去睇下玩下,如大家不滿意,可以只係食少少,然後再到其他地方食過。就係因為咁,當我一晚食兩餐飯後,回家的結果是徹夜難眠,整晚胃痛,何苦呢?唉!真是痛苦的經驗!

> ~ <

Friday 11th August 2006 11:52:19 PM
wow~~~ 係真唔係架?[ 0 messages] 
General

去完街返屋企,見到有封信俾我。嘩!終於黎左lar!就係我之前冇溫書既普通話考試成績呀!我一見到就即刻拆開黎睇,諗住今次凍過水,點知居然係A。都唔知係咪既,明明都冇溫書。邊有咁易攞A架?下次會唔會唔合格架!定神之後望清楚張成績單,又真係俾我架喎!現在滿腦子還是問號,不過合格總好過唔合格,我應該開心,應該放煙花慶祝至啱!hehe~~~

Thursday 10th August 2006 10:50:02 PM
WILD DAY OUT[ 0 messages] 
General

好開心,今日買左飛睇Zarahn既band show!17號就有得睇lar!實在太好lar!哈哈!

Thursday 27th July 2006 11:44:08 PM
我是你一生中最該刪掉的記憶[ 0 messages] 
General

下午走過書局,逛了一圈,買了一本愛情小說《我是你一生中最該刪掉的記憶》,很久沒有這種閒情了!

用了兩三小時便把書本看完。換來的是兩行眼淚。

從來也不喜歡看令人傷感的電視、電影,書本當然如是!但一時想不起,愛情小說總是那麼煽情。結局看罷,還是哭過不停。真是辛苦了自己。

唉!"一生中最該刪掉的記憶" ── 越是愛過,越是難忘,想要忘記,談何容易!你以為恨他便可以嗎?我想未必如此!

Wednesday 26th July 2006 11:30:34 AM
邪事又再發生![ 0 messages] 
General

今日收到消息,家姐公司開會改期,所以我地原定去旅行既日子都因為咁要改變。29/7-5/8喎!咁咪去少左lor!原定要做既野都要改:教會影音組lar、約了朋友去澳門慶祝生日lar........唉!咁都冇辦法架!發爛渣都冇用,做野係緊要既!不過真係有少少唔開心!

P.S.其實我應該開心至啱,因為我生日真係唔駛喺香港!@_@

Monday 24th July 2006 11:58:04 PM
節目豐富[ 0 messages] 
General

天色雖然不好,但節目一點也不沉悶。今日約了一班朋友整甜品,先係糯米糍、跟住係牛油曲奇、再整埋特濃朱古力mousse蛋糕。嘩!淨係整都覺得好膩,真係唔駛點食,所以今日成日個口都覺得勁甜。OH! 好sweet呀!

Monday 24th July 2006 11:28:54 PM
下午天氣驟變落雹閃電狂風[ 0 messages] 
General

(明報) 本港天氣下午驟變,西貢及藍田落雹,三至五時錄得二千次閃電,中電一條電纜被擊中,狂風風速達70公里。

今日我喺西貢喎,見到勁閃電呀!真係好興奮。不過點解我見唔到落雹既?嘩!六月飛霜?世界末日黎lar!

Friday 21st July 2006 11:54:34 PM
日落烏溪沙[ 0 messages] 
General

今日是放假的第二天,呆在家中,無無聊聊的,好想找人跟我去玩去影相。又怕阻礙朋友工作。

特別是這幾天天氣很好,前幾天見到藍天白雲時,便想起一個會打電話叫我起床去影相既朋友。好想叫佢同我去玩,不過最後我都冇咁做。於是呆呆的坐在家中直至四點幾,終於忍唔住,背著相機向烏溪沙進發,到達時,日落落得很快,只影了很少相,太陽伯伯便離我而去,唔緊要lar!下次再影過lar!

Wednesday 19th July 2006 11:14:35 PM
好嬲呀![ 0 messages] 
General

好嬲呀!近排做野好唔順心,俾人蝦、俾佢"跣",仲嚇到我鬼咁醒神!都放假lar!點解仲要咁架?呢次教訓,讓我大個了不少。唉!諗野真係唔好咁單純呀!小心,小心!


Monday 17th July 2006 10:59:51 PM
大煞風景[ 0 messages] 
General

跟朋友去睇大煞風景。套話劇想透過五個年青人錯手殺左一個路人,然後各人在被捕前要完成自己未完成的夢,當中發現我們的人生其實錯過了很多很多!套劇message ok!

最好睇都係臨尾班演員一齊唱一齊跳,開心!

Monday 17th July 2006 08:03:02 PM
朱銘雕塑展[ 0 messages] 
General

這個雕塑展在銅鑼灣Times Square舉行,朱銘的作品早在中文大學及交易廣場中見過,這次的雕塑展十分大型,很值得抽空去看看。

 

Monday 17th July 2006 09:32:51 AM
My Melody 拍寫真[ 0 messages] 
General

本來帶 Melody 去酒店食甜品buffet,點知去到已滿座,冇得食!唉!仲諗住可以幫 Melody 影返d食靚餅既相tim!冇得影,又未夠鐘睇話劇,唯有在商場漫無目的地閒遊,這是我最不喜歡做的事,特別是那些名店的東西ma,我又冇錢買,睇黎做乜呢?搞左一大輪,終於走左去pizza hut食晚餐,我們坐在一張有發光玻璃牆的枱旁。嘩!好開心呀!我即刻拎 Melody 出黎,我覺得個景好靚呢!好似去studio影相咁呀!haha~~~~

Sunday 16th July 2006 01:56:35 PM
呢Jar勁呀![ 0 messages] 
General

呢Jar係乜黎?對我黎講係好味有益既香蕉奶和木瓜奶lor!但對肥仔黎講,呢Jar野就勁lar!對佢影響極大!哈哈!這個秘密還是將來才揭曉吧!hehe~~

Sunday 16th July 2006 01:13:33 AM
眼睛也唱K[ 0 messages] 
General

Isaac好搞笑,拿著咪想唱歌,但看真一點,你會發覺他把咪放在眼睛的位置,你話佢幾搞鬼呢!HAHA!

Sunday 16th July 2006 12:49:11 AM
提摩太團團慶[ 0 messages] 
General

今日係提摩太團既團慶,我地一班老鬼返舊堂聚聚舊,簡簡單單的週會,大家坐埋食下野,吹下水,已經好開心,好滿足。人生夫復何求呢?

^ v ^

Saturday 15th July 2006 12:31:35 AM
拉闊音樂會[ 0 messages] 
General

朋友換左拉闊音樂會門票,今日我地一齊去。今次既拉闊係梁漢文與at17合作表演既。三位演唱者都唱得很好,可惜我卻覺得好悶,真係訓左幾次,可能係佢地冇乜唱自己歌,而且冇乜搞氣氛lar!唉!認真可惜!

Friday 14th July 2006 12:06:53 AM
好驚險[ 0 messages] 
General

今日過得好驚險,幸得上帝看顧,才免於一死!下午嚇到人都醒晒!做事自然份外落力,唯恐再次出錯!好恐怖呀!

放工後即刻走去剪頭髮 ─ RELAX~~~這減壓的效果不俗!難道真的是剪去了三千煩惱絲?

跟住當然係食,食也是減壓的一個好方法啊!

Tuesday 11th July 2006 12:37:44 AM
晶晶學整餅[ 0 messages] 
General

今次學整既餅係:低脂士多啤梨芝士凍餅。比起上次整既特濃朱古力mousse蛋糕,這次預備的材料更為複雜,而且由於加入了魚膠粉,所以做的時候要更加快手。唔係就會一舊舊咁架lar!Wow~ ~ ~ 好刺激、好好玩呀!整好個蛋糕仲好有滿足感tim!^ v ^

Sunday 09th July 2006 11:32:52 AM
My Melody 洗白白[ 0 messages] 
General

起床既時候仲以為係九點幾,點知原來已經係十點半。OH!又返唔到教會lar!唔通琴日返工影相真係咁累?唔得下星期日一定要醒到至得!

起左身坐在沙發上發傻,看見 Melody 望著我。好!就幫你洗白白!洗完乾乾乾淨淨再帶你出街玩下!^ v ^

Saturday 08th July 2006 06:59:26 PM
落雨在家休息[ 0 messages] 
General

原本打算做完野去影日落,點知今朝早好大雨呀!到了下午,雖然有一點陽光,但天色真的不太好。唉!原定計劃取消,唯有等下次吧!今日?在家休息休息。

Thursday 06th July 2006 10:20:22 PM
等......有點失望![ 0 messages] 
General

唉!有點失望,收到消息,今年要八月四號先走得,咁即係話要留係香港過生日?好耐冇試過lar!記憶中,留在香港過的生日都好像不太愉快,希望今年不會吧!快些放假便好了!

 

Wednesday 05th July 2006 09:40:54 PM
好忙好忙呀![ 0 messages] 
General

每年的這個月份,都係收爐日子,唔知點解今年咁辛苦,d野好似做極都做唔完。真係做到流晒汗,頭暈暈,希望好快就可以忙完,鬆一口氣lar!

Tuesday 04th July 2006 11:20:23 PM
好搞笑[ 0 messages] 
General

跟舊生相約食飯談心,看見他們已覺得開心。時光飛逝,覺得他們長大了很多,同時也有著自己的一套想法,心堣ㄧT說出:"哦!你真的老了!"

> ~ <

其實他們真的很有趣,就連我吃的綠茶雪糕也嚷著說要將它和WASABI合照,說它們很相像啊!^ v ^

Sunday 02nd July 2006 04:28:55 PM
考試好難[ 0 messages] 
General

一早叫人出去考試,嘩!九點去到中環喎!我都未清醒,加上份卷難到呢!總之就係溫左都唔識,好彩冇乜點溫啫!hehe~~~~

考完都係十點幾,走左去香港公園影荷花,今日係最後一日lar!上星期六下午去,見到d荷花死死下咁,真係有d唔開胃,人地話荷花係早上影會靚d,今日一於試下,又真係好少少喎!不過今日係最後一日lar!所以其實d花都已經..........

Saturday 01st July 2006 11:21:23 PM
霉神作怪[ 0 messages] 
General

聽日又要考試lar!唔知點解,今次總係提不起勁去溫習,所以到左今日先開始溫書。結果當然係溫左好似冇溫咁lar!而最抵死既係,我諗住收埋自己好好溫書,點知發現個竇俾霉神侵略,沙發、小刀、椅子、煲蓋、鑊蓋.........全都被霉菌包圍。在強迫症的影響下,我當然放棄溫習,把這些物品一一清理!唉!又少左個幾兩個鐘溫習lar!hey hey 你究竟搞甚麼鬼?怎麼會把地方搞得如此填地?救命呀!

Thursday 29th June 2006 11:46:06 PM
終於買了![ 0 messages] 
General

昨晚搵亞hei幫我拎左部d70s入廠抹機,於是今日咪用返部olympus lor!唉!一用就發覺佢唔多掂,傻傻地咁!如果帶佢俾家姐暑假去旅行時用,就認真掃興。

家姐部相機都壞左好耐架lar!我又應承買過部新既俾佢,可惜每次去睇相機,佢都話睇唔啱邊部新機好,都係時候要迫佢買架lar!所以今日放工就約佢出旺角買相機,好彩佢都肯買,唔係都唔知幾時先睇得上眼!

Wednesday 28th June 2006 11:28:44 PM
一剎那的驚艷[ 0 messages] 
General

放工後到三聯買書,那時才六時四十五分左右,七時多買完書,向天一望,嘩!好靚呀!天空被染得紫紫紅紅的,十分美麗,忍不住拿出相機向天一拍,不消一會,美麗的雲彩不見了,它消失得無影無蹤,心埵麥n音在說:幸好趕得及拍下那美麗的顏色,否則你一 定會後悔!

Monday 26th June 2006 09:47:36 PM
雲泉仙館[ 0 messages] 
General

星期日好天氣,到雲泉仙館影荷花,荷花真的很美 ─ 清麗脫俗,美不勝收。這是我第一次到雲泉仙館影荷花,看準時機,這堹u是一個好地方。

Sunday 25th June 2006 10:39:10 AM
我愛咸蛋黃[ 0 messages] 
General

今日既日落好靚呀!橙橙黃黃的,連四周的雲彩也被染成同一系列既顏色,再加上太陽在雲霞遮蔽下若隱若現,感覺十分浪漫!^ v ^

Thursday 22nd June 2006 12:17:15 AM
龍鼓灘[ 0 messages] 
General

明天起便有開不完的會議!所以今日趁著還是好時機,天氣又好,放工走去影相。

唔!雖然我去到龍鼓灘日落已經差不多完了,但我仍然繼續影!咁辛苦去到,唔好浪費ma!這堹u是一處影日落的好地方,若有機會,我一定要早些來到,大影特影!

Tuesday 20th June 2006 10:40:33 PM
死心不息[ 0 messages] 
General

今日要出油麻地聽talk,聽完talk走左去海邊影相,可惜位置不利,timing又唔好,影唔到靚相。死心不息走左去尖沙咀影多幾張相先肯返屋企。

哎呀!乜影相同談戀愛一樣架 ── 都係咁講timing既!

Monday 19th June 2006 11:34:19 PM
大出血[ 0 messages] 
General

今日放工去深水埗買野俾班細路。
嘩!好多野呀!用左好多錢呀!不過見到d禮物,我自己都 覺得好開心!

 

Sunday 18th June 2006 11:46:40 PM
大澳風情[ 0 messages] 
General

走到大澳,想感受水鄉風情。所感的是在都巿中罕見的人情味,還是濃濃的啊!

天氣不佳,拍的相不好看,用software改改它,又是另一種感覺!^ v ^

Saturday 17th June 2006 11:21:41 PM
唉!CCD有塵,確係好頭痕![ 0 messages] 
General

今日出去玩,影完相返屋企過相,發現D相有一點點呀!哎呀!CCD有塵呀!D相唔要得,好慘呀!

Saturday 17th June 2006 10:16:32 PM
今日好熱呀![ 0 messages] 
General

今日天氣真係好熱,做左半日野,全身都濕晒,搞到下午本來諗住去影蝶,最後返左屋企沖涼,三點幾先出動去玩,蝴蝶都係留返遲d先影lar!

夜晚本來朋友請食飯,去Jimmy's Kitchen呀!但係屋企提早慶祝爸爸節。OH! 唔制呀!HEI記得補請我食飯呀!我唯有乖乖返屋企lar!

Saturday 17th June 2006 12:03:29 AM
好天lar![ 0 messages] 
General

天文台話聽日大部分時間都係好天呀!實在太開心lar!我終於可以同陽光玩遊戲lar!去邊?可能去影蝴蝶掛!其實我仲有好多地方想去架!我想去牛棚影下建築物,捕捉下果度的感覺同氣氛、又想去山頂同寶馬山影夜景、又想去影青馬大橋喎,仲想去白泥影日落、仲有去雲泉影荷花.................實在太多地方我想去lar!如果成日都好天氣就實在太美妙lar!我可以成日周圍去ma!^ v ^

Thursday 15th June 2006 10:01:26 AM
愉快的飯局[ 0 messages] 
General

一大班人去客家好棧食晚飯,一行十三人,為左坐房方便傾計,要食一千五百蚊野,最衰就係個個都鬼咁細食,搞到我全場非常驚慌,怕佢地食唔晒,要我包底。到時就慘lar!於是我食到半場收手,表示好飽好飽,結果成功。好野!

但返屋企一上磅,Oh my baby!多日辛苦經營的都返晒黎! >~<  唔得,今日要再努力d先得!

Wednesday 14th June 2006 11:32:51 PM
好興奮呀!FM2呀![ 0 messages] 
General

今日非常興奮,事關張SIR借左部FM2俾我玩。嘩!FM2係我好想買既單鏡反光相機呀!拎住佢,聽住佢既SHUTTER聲,好享受呀!

Tuesday 13th June 2006 08:05:48 PM
好怕羞[ 0 messages] 
General

係咪講緊我呀?喵喵~~~

Tuesday 13th June 2006 10:31:18 AM
魚眼鏡之迷[ 0 messages] 
General

沙沙借左支魚眼俾我咁耐,一直都冇機會用,好似有d浪費。今日朝早見有陽光,的起心肝要用下佢支魚眼。點知一拎佢出黎,天就落雨,仲大雨到要走去食tea,避一避!點解會咁架?唔通真係冇左佢,我就會用唔到支魚眼既?唔得,見雨停,唔理三七二十一,即刻影多幾張!

雖然都係爛相,冇乜特別,但都叫用過支魚眼lar!haha~~

Monday 12th June 2006 10:48:06 PM
機場客運大樓[ 0 messages] 
General

想影一些有意思既人像照,到機場考察場地,唔知點解呢個地方俾我既感覺係好sad好sad,諗到既場面都係衰野黎既!諗諗下...................諗返起九年前係機場發生既事!點解會諗起架?好邪呀!>~<

Thursday 08th June 2006 12:37:51 AM
一個好的嘗試[ 0 messages] 
General

到尖沙咀影夜景,要影出突破性的照片,真的談何容易!臨走時見到個啤酒樽,訓身影佢,影出黎既效果,我好鍾意啊!

Monday 05th June 2006 09:50:32 PM
石硤尾人文館[ 0 messages] 
General

昨天到石硤尾影相,見到好多好多橙色野!加上爛爛的感覺,好正!

Monday 05th June 2006 12:10:42 AM
心鎖[ 0 messages] 
General

Sunday 04th June 2006 02:24:05 PM
醉了[ 0 messages] 
General

醉了,看甚麼都是美,甚麼都很迷人!如果要看我,請你醉著來看吧!

> v <

Wednesday 31st May 2006 10:45:14 PM
搞笑設計[ 0 messages] 
General

唔記得講tim!去到香港公園影相,最興奮既係見到呢架BB車!好得意,係雙層架!咁既設計都有既!太奇怪!試諗下在下層的幾可憐,既睇唔到風景又可能要聞屁, 真真古怪的設計啊!

Wednesday 31st May 2006 10:31:08 PM
落雨都要影[ 0 messages] 
General

好想影相,但落雨又諗唔到影乜!打俾IP問佢陪我唔陪我去玩,佢建議去香港公園,去到見到個天都唔開胃,所以今日影的相都冇乜心機,影左d雀仔就走人。諗起吳君如介紹過既呢間漢堡包店,即刻去試試,好好味,好JUICY呀!食完即刻開心返晒!

Monday 29th May 2006 12:07:11 AM
雨點嘀嗒嘀嗒嘀在響......[ 0 messages] 
General

落雨做乜好?行山唔得!影蝶又唔得?咁點算呀?去睇戲lar!睇x-men,ok喎!好似卡通片咁,幾得意呀!本來諗住睇完戲食飯,但肥仔話冇野做,頂唔到去食晚飯喎!ok!於是我便乖乖地回家改文去了!>_<

Saturday 27th May 2006 10:47:49 PM
敍敍舊[ 0 messages] 
General

同舊朋友食飯敍敍舊,縱使很久沒見,仍然是那麼心靈相通,無需多作解釋,感覺真的很舒服!

Friday 26th May 2006 12:30:43 AM
紅紅的玫瑰[ 0 messages] 
General

是不是所有女人都愛玫瑰?要看是甚麼人送的吧!

Wednesday 24th May 2006 11:59:39 PM
我想要甚麼?[ 0 messages] 
General

色彩?圖案?氣氛?層次感?光與影?........我想要甚麼?我甚麼都想要!拍得不好?我會再拍!等著瞧!

Monday 22nd May 2006 10:20:58 PM
Colour[ 0 messages] 
General

簡單就是美!

Monday 22nd May 2006 12:23:54 AM
嘩!今日好大雨呀![ 0 messages] 
General

今日同家姐慶祝生日,落雨都好少理,去左迪士尼玩,事關佢話好想我同佢去玩,我當然要答應lar!但係點都冇諗過d雨係落得咁大架!雖然入迪士尼既人真係少左,玩遊戲又唔駛點排隊,但係我地兩個就全身濕晒,就係因為咁,我地買左件衫換lar!唉!咁我就唔見左副眼鏡lar!(因為家姐副眼鏡係公司,咁去睇show冇眼鏡睇鬼咩!我咪借我副眼鏡俾佢,而自己就用以前那副lor!)又係鏡?點解咁架?唔通我與鏡無緣?唉!唯有配過副lar!

跟住我地就返屋企換衫再出去食飯配眼鏡,我地落左旺角亞詩瑪食生日飯,那間店子的食物幾好食,侍應又極好服務,實在令人留下深刻印象,有機會去多次食飯至得!

食完飯,配完眼鏡之後,跟住我就一個人溜左去尖沙咀影霓虹倒影,我想影左好耐架lar!但唔知點解屋企附近d地唔係鋪得太靚,就係塊地好快乾,所以苦無機會,而旺角人太多,好似好怪相,所以趁落雨去尖沙咀影真係好!不過猜想所需器材與現實有點不乎,所以下次有機會一定要再去影過!

Saturday 20th May 2006 10:33:43 PM
名貴手飾乎?[ 0 messages] 
General

這是甚麼來的?你知道嗎?






似唔似名貴手飾呢?開估lar!係女童軍既襟章黎架!咁擺幾靚呀!hehe~~

Friday 19th May 2006 10:28:11 PM
小禮物[ 0 messages] 
General

今日收到一份小禮物,好開心呀!係叮噹黎架!佢係可以錄音既鬧鐘。我錄句說話落去,發現d聲好怪,真係一個怪雞鐘!如果真係用呢個錄音黎做鬧鐘聲。嘩!真係會嚇鬼醒呀!

Thursday 18th May 2006 11:44:56 PM
瞬間看地球[ 0 messages] 
General

今日天氣非常好,藍天白雲,一早被沙沙叫醒出去影相,有得影相,我當然好開心,好滿足!但沙沙太追求完美lar!居然唔多滿意自己影既相。唉!下次再影過lar!

Tuesday 16th May 2006 01:19:39 AM
開心的一晚[ 0 messages] 
General

影夜景影到咁都算係好玩lor!今晚真係好好玩,從來未試過影夜景咁新奇刺激同埋搞笑,沙沙你實在係創意一流,笑死我lar!相比起你黎講,你睇!我實在係太正經lar!haha~~~ 

Monday 15th May 2006 12:14:31 AM
悠然自得[ 0 messages] 
General

到大埔海濱公園,可惜今次的花不及上次的美,有點兒失望!不過影影下見到澆水時候,感覺十分舒服,十分涼快呀!^ v ^

影完相返屋企煮飯俾媽媽食,好耐冇煮飯lar!好彩仍保持水準!媽咪話條魚蒸得幾好食喎!母親節快樂呀媽咪!^ v ^

Thursday 11th May 2006 10:56:42 PM
成世都未試過[ 0 messages] 
General

今日放工趕住去返普通話,同事駕車載我們返學。我居然低能到連平時裝銀包電話既袋都唔記得帶!認真經典!究竟我個腦係咪有事,點解最近好似乜都唔記得咁既!好恐怖呀!

Thursday 11th May 2006 08:43:12 AM
中環例景[ 0 messages] 
General

本來繼續追尋我既日落夢,可惜放工遇到一些意外,搞到想走都冇得走,唯有走去影夜景,朋友支10.5mm,影出特別的味道來,很好玩的一支鏡頭啊!

Thursday 11th May 2006 01:16:58 AM
木蘭青鳳蝶[ 0 messages] 
General

當值的時候,居然見到隻木蘭青鳳蝶,真係好興奮,到現時為止,我在當值時已見過6-7種蝴蝶,不過在不同時份,當值時間見到佢地,真係好鬼開心!

Wednesday 10th May 2006 12:11:28 AM
屯門碼頭[ 0 messages] 
General

放學好想去影日落,走左去屯門,在車上看見美麗的日落景色,靚死!不過去到屯門太陽都落左山。影唔到靚景。希望下次有機會lar!

Monday 08th May 2006 11:17:14 PM
好正呀![ 0 messages] 
General

今日下午去影蝶,夜晚同肥仔、亞hei去睇MI III,睇戲前食杯雪糕,原來HAGEN-DAZS好搞野,叫杯雪糕又可以加乜加物,好啱D多事幹既女仔!hehe~~~套戲幾好睇呀,有驚喜呀!睇完戲跟住去左翡翠食晚飯! 我地坐既果個位好騎呢,但食物都算幾好!開心的一天!^ v ^

Sunday 23rd April 2006 10:41:16 PM
蕉坑自然教育中心[ 0 messages] 
General

去蕉坑自然教育中心,一個又靚,又容易行既地方! 可惜無乜蝴蝶影!無理由架!我見人家影好多架!

Thursday 20th April 2006 11:55:25 PM
牛筋腩麵^v^[ 0 messages] 
General

看完林一峰演唱會後,到了一間小店吃麵!D 麵好好吃!牛筋腩又好味!下次一定要再去先得!

Wednesday 19th April 2006 01:34:04 AM
鳳園[ 0 messages] 
General

今日趁仲未駛返工,走左去鳳園影相,有心機等,就有好多品種款式你拍,任影唔嬲,真開心! 

Monday 17th April 2006 10:58:31 PM
龍鼓灘[ 0 messages] 
General

今日同朋友試試去新地方影蝶,d書話在屯門搭A52去到北朗邨落車就得,點知去到冇A52,只有K52,好彩朋友係地頭蟲,所以最後都去到!雖然今日影唔到乜蝶,但係我就見到好多未見過唔同既蝴蝶,真係好lar!以後要去多d唔同既地方影蝶!咁就可以睇到唔同品種既蝴蝶lar!

Monday 17th April 2006 12:46:54 AM
愉快的一天[ 0 messages] 
General

今日好開心,同朋友返完教會,再行了一個短山,然後再去食飯、睇戲!節目非常豐富!勁過人地既香港一日遊!

Saturday 15th April 2006 11:23:19 AM
為乜呢?[ 0 messages] 
General

今日起身,諗清楚,覺得件事冇人錯,只係我諗得太多!果然真係越想越無謂!

Saturday 15th April 2006 12:39:19 AM
又是下雨天[ 0 messages] 
General

今日本來好開心,但聽到一些話後,令我心情變得很差,點解喎!點解要影響我既心情呀?點解我又會俾佢影響到呀?唉!我的心中正下著雨呢! 

Friday 14th April 2006 01:02:50 PM
撐下去吧![ 0 messages] 
General

今天我的同事JASON終於last day la!他是我的好幫手,冇左佢既日子,我有好多野都要死撐!得返奇哥幫我!唉!希望新請返黎果個可以生生性性lar!如果佢好似JASON咁幫得手,就好lar!

Thursday 13th April 2006 01:20:38 AM
終於有得抖一抖[ 0 messages] 
General

今日放假,成十點幾先起身!都好耐冇試過lu!下午一個人走左去鳳園影蝶!蝶就影左小小,蟲仔就影唔小,今日天氣好好!個人都好開心呀!

Tuesday 11th April 2006 11:04:40 PM
做到死[ 0 messages] 
General

今日比琴日更嚴重,真係做到顛! 不過如果俾我擇要齋坐還是做死,我都會擇做野,起碼我真係完成了幾件偉大的工程ma!咁遲d可以做小兩樣lar!咁都算好lar!^v^

唉!真係要靜下來先得!

Monday 10th April 2006 11:06:54 PM
今日真係做到窒息![ 0 messages] 
General

今日勁忙,由8:05a.m忙到8:05p.m.,不停咁做做做,真係冇停過,問你死未!有時真係唔知為乜,總係想將d野做完,但係真係冇可能架!快d放假就好lar!我就可以好似蟲蟲咁抖一抖。

Sunday 09th April 2006 09:50:21 PM
金盾[ 0 messages] 
General

我是可憐蟲!落雨走去影蟲蟲,影到隻金盾。

下個星期,日日都落雨,放假先黎落雨!唔理lar!死都要出去影相!

Sunday 09th April 2006 10:33:22 AM
奇妙世界[ 0 messages] 
General

今日開完會,見時間不早,便到教會附近的山頭影蟲蟲,只係帶左支105mm,諗住天氣唔好又夜都影唔到d乜,行下行下,俾我見到飛蝦同隻透明小蟲蟲,都係我好想影既野,雖然飛蝦影唔到,蟲蟲就影得唔靚,但遇上牠們,我真的十分興奮!^ v ^

Saturday 08th April 2006 10:10:17 PM
來夜方長 [ 0 messages] 
General

今天腦海堣ㄟ惘a哼著這首歌!

(女)是記憶沒法可承載  是昨天沒法敢期待
    模糊地描劃著將來  明白這幻覺便叫戀愛
(男)就似生命裡的潮漲  令那海岸緩緩擴張
    才讓我與妳悄悄遇上  能用愛去印證世事無常

* (男)猶如流星更改方向  (女)讓你我戀上
  (男)猶如奇蹟終於趕上  (女)終於也趕上
  (男)有如地闊天長  (女)Ah...
  (女)我怎相信來夜方長  (男)Hm...
  (女)緩緩流水更改方向  (男)讓妳我戀上
  (女)茫茫人海終於趕上  (男)終於也趕上
  (女)眼前遇見的
  (合)沒法想 但這柔情  令海和天遇上 *

(女)像眼睛下了一場雨  用兩手沒法可留住
    流著淚來尋覓歡愉  難道你像某場流星雨
(男)是那些愉快的時間  令妳鎖在我眉宇間
    無論這個世界再耀眼  難及妳轉身一閃的璀璨

Repeat *

Thursday 06th April 2006 01:37:29 AM
馬鞍山BBQ[ 0 messages] 
General

今日成班人去左馬鞍山郊野公園BBQ!用電爐鐵板燒,夠新鮮,最重要係有專人幫你洗爐,認真服務一流!

Sunday 02nd April 2006 10:14:32 PM
波蜆蝶[ 0 messages] 
General

今日天氣唔係咁好!但係真係好想出去玩,所以去左松仔園,影下蝶,行下山,松仔園真係唔錯架!

Saturday 01st April 2006 09:52:52 PM
統帥青鳳蝶[ 0 messages] 
General

今日返工返到三點幾,見到個天好靚,但又去唔到鳳園影相,於是終於去左城門水塘影相。唔!d蝴蝶飛得好快呀!影得唔係咁好tim!不過影左統帥青鳳蝶,呢隻蝶未影過架!haha~~~

Thursday 30th March 2006 10:47:17 PM
讀都冇人信[ 0 messages] 
General

今日收到中大的信,說我的普通話考試成績有A-,居然有A-,真係講都冇人信!唔知下次會唔會唔合格呢?hehe~~~

Thursday 30th March 2006 01:08:21 AM
偶然遇上的驚喜[ 0 messages] 
General

今日突然俾我見到佢曬太陽,實在開心到飛起!

Monday 27th March 2006 09:01:56 PM
迷霧[ 0 messages] 
General

香港的春天,霧氣重重,到山頂觀霧。哦!真的很大霧啊!

Sunday 26th March 2006 12:28:10 AM
下雨天[ 0 messages] 
General

又是下雨天,想拍霧景,卻拍得很爛,唯有借酒消愁!hehe~~~

Monday 20th March 2006 10:16:39 PM
GODIVA[ 0 messages] 
General

今日食左好貴既朱古力呀!有人請食,真好!

Sunday 19th March 2006 11:49:58 PM
明年再黎過[ 0 messages] 
General

今日本想到域多利監獄,可惜去到見到勁多人,即刻轉去長洲影櫻花,可惜花太小,人太多!失望失望!

Sunday 19th March 2006 09:28:39 AM
大埔海濱公園[ 0 messages] 
General

今日又去大埔海濱公園,正!D花靚過花展,買了村姑MELODY在公園影相,非常開心同滿足,然後同IP珍珍去旺角食IP餐生日飯,開心到似我生日多D!HAhaHA~~~~

P.S.我幫佢改左個名叫LOLIDY!HAhaHA~~~

Sunday 12th March 2006 11:34:32 PM
眼花花[ 0 messages] 
General

今年花展既花麻麻地,睇下就冇心機,只影了少少相,希望下年d花會靚d就好lar!

Tuesday 28th February 2006 11:49:48 PM
又受傷了![ 0 messages] 
General

今日真奇怪,返返下工居然扭親隻腳,仲係坐係度都扭親。過左一陣冇事,以為真係冇事,點知居然放工再扭一下,痛到我呀!真係好慘!希望聽日冇事就好lar! 最好笑就係我痛到要搭的士,搭完的士俾錢,找錢時張廿蚊居然俾風吹走,真係禍不單行lar!

Sunday 26th February 2006 11:10:23 PM
天色不好[ 0 messages] 
General

今日下午再去鳳園,由於天氣唔好,只有很少蝴蝶。冇蝶影,影花花都好!

Saturday 25th February 2006 05:53:10 PM
好興奮呀![ 0 messages] 
General

今日本來唔駛返工,但琴日收到電話話公司爆鑊,所以一早就返工搞搞佢。搞掂之後,我就一個人去左鳳園影相,去到冇乜蝶,所以慢慢等,點知當我諗住唔緊要lar!影住隻東方菜粉蝶先lar的時候,居然有隻燕鳳蝶飛埋黎,wah!我野刻影佢lar!雖然影得唔係咁靚,但我已十分興奮了!THX GOD!

^ v ^

Tuesday 21st February 2006 10:39:14 AM
櫻花[ 0 messages] 
General

今日再到長洲影櫻花,有很多還未開花,再過兩星期要影多一次先!

Monday 20th February 2006 12:05:01 AM
開心BBQ[ 0 messages] 
General

到友人家BBQ,能夠見到很久沒有見面的朋友,真的十分開心!還有可愛小狗,好得意呀!

Saturday 18th February 2006 03:56:29 PM
超值、抵買、正![ 0 messages] 
General

考完試終於敢去攞新玩具,去one2free攞部N70,個SALES姐姐話我遲左黎攞部機,但佢最後都肯俾部機我,我用左自己部7610再加埋$280,就攞到部機,實在太抵LAR!

Wednesday 15th February 2006 10:37:07 AM
對自己好D先得![ 0 messages] 
General

經過琴日地獄式既普通話口試之後,搞到琴晚訓都訓得唔好!真係慘,最可憐既就係連發夢都用普通話,你話幾咁辛苦呢?唔得!我今日要對自己好d,以作補償先得!

Monday 13th February 2006 01:27:30 AM
EASON演唱會[ 0 messages] 
General

今日去睇EASON演唱會,一個字:正!EASON唱得又好聽,又冇乜停;全場既設計好正,dancerD衫又靚又得意!今次EASONO個演唱會真抵睇!

Sunday 12th February 2006 01:42:49 AM
時間不對[ 0 messages] 
General

今天溫書溫到悶悶地,走去長洲諗住影下櫻花,點知櫻花仲未開,所以只係試下影滑溜溜的水。

Friday 10th February 2006 09:38:19 AM
啲起心肝溫習[ 0 messages] 
General

昨天開始啲起心肝溫習,飲左兩杯奶茶,諗住可以頂住溫耐d!點知仲衰,成晚都唔舒服,好辛苦!下次都咪制!今日一定要勤力d先得lar!

考試快d完結就好lar!

Monday 06th February 2006 09:19:22 PM
HIGH TEA[ 0 messages] 
General

這套咁名貴既HIGH TEA碟是LEO在美國從英國的網上買回來,送給我的生日禮物,好靚呀!多謝晒!我地為左慶祝,整左次HIGH TEA黎食,似模似樣,幾好味架!下次我地再整過呀!^v^

Friday 03rd February 2006 12:06:55 AM
春田花花同學會[ 0 messages] 
General

今日去睇春田花花同學會,幾好睇呀!笑餐死!最鍾意詹志文果段,叫人做野要有point,又要投入,他的表達方法真是十分抵死,正正正!

Wednesday 01st February 2006 07:57:48 PM
福娃晶晶[ 0 messages] 
General

家姐去上海,買左好多福娃既禮物俾我!呵呵呵!

Tuesday 31st January 2006 07:35:29 PM
年初三鹿頸行[ 0 messages] 
General

行山行山我最鍾意就係行山!今日又去行山,好快行完,咁肥仔就可以返屋企食飯lar!在鹿頸行到新娘潭,再行到去烏蛟騰,臨走前肥仔見到天上既穌光即刻叫我影!嘩!好靚呀!thx ^ v ^

Tuesday 31st January 2006 02:11:25 AM
看煙花[ 0 messages] 
General

雖然今天我有到現場看煙花,但是今年的煙花美不美我不知道,為甚麼?因為沒有風,煙吹不散,很多時候只看見煙,沒有看到煙花!好搞笑!

Sunday 29th January 2006 11:51:51 PM
年初一行大運[ 0 messages] 
General

今日下午由黃泥涌水塘行到大潭水塘,終於完成了我其中一個心願,大潭水塘幾靚呀!有機要再去一次先!

Saturday 28th January 2006 09:28:08 PM
奇遇[ 0 messages] 
General

今日下午約了leo去尖沙咀,想搭的士到荔枝角地鐵站轉地鐵,上到架的士原來係881電台的劉偉恆,佢話唔收錢,我咪話去遠d lor,我見成件事咁得意,係咁問佢問題,好似我係DJ咁,這次經歷真有趣!^ v ^

Saturday 28th January 2006 02:58:20 AM
年宵市場[ 0 messages] 
General

今天到年宵市場逛街,內裡有很多好玩的東西,我買了一個吹氣的石油氣罐,好得意都幾把鬼!

Thursday 29th December 2005 11:56:11 PM
淺草上野遊[ 0 messages] 
General

今日去淺草,本來想去影雷門,點知去左淺草橋,即係去錯車站lar!我地要行一段路先可以到,而那段路又鬼咁多野睇,又好local,正呀!搞到行左兩個幾鐘先行到去淺草寺,問你服未!

由於新年快到了,所以在淺草寺附近都能感受到那種熱鬧的氣氛,感覺很正!然後我地又去上野,街上的商販叫賣,很有日本特色,好正呀!今日真好玩!

Wednesday 28th December 2005 11:05:50 PM
箱根好凍呀![ 0 messages] 
General

今日終於去到箱根lar!我地在冇乜準備之下傻傻下咁去左箱根一日遊。嘩!都幾貴架!如果下次有機會就千祈要黎兩至三日,慢慢玩同浸溫泉,今日走馬看花,真係未夠喉!

Tuesday 27th December 2005 11:15:29 PM
TOKOYO Millenario[ 0 messages] 
General

本應打算到箱根遊覽,怎料因為太累,遲了起床,唯有到涉谷找Sony Plaza 同Tokyo Hands,晚上到東京駅欣賞誕燈飾,由於人很多,所以有人流控制。我們排了很久才可到達會場。天寒地凍,都幾辛苦!但一到會場,看見那些燈飾,又真是很美,好浪漫呀!^v^

Tuesday 27th December 2005 12:11:07 AM
東京第一天[ 0 messages] 
General

今日一早搭飛機去東京,點幾已到東京,可惜排隊、搭車、一搞就搞到六點,認真可憐!我地十點幾在飛機上食過早餐,就到六點幾lar!真係人都食得落!所以我地就去左食炸豬扒,食飽飽,好味道!^v^

Monday 26th December 2005 01:29:13 AM
聖誕派對[ 0 messages] 
General

今年平安夜,我地又去報佳音,又食聖誕大餐!實在係太開心lar!

Thursday 15th December 2005 11:33:43 PM
特濃朱古力慕思絲蛋糕[ 0 messages] 
General

今日去學整蛋糕,好好玩呀!老師叫我地用朱古力寫d字上去個蛋糕上,我話寫個勁字!俾人笑tim!

Monday 12th December 2005 07:48:54 PM
星期六有節目[ 0 messages] 
General

星期六好開心,我地去左行烏蛟騰荔枝窩!天氣好!藍天白雲,又涼涼地。擇左條易行既路,行得好開心!

Sunday 06th November 2005 12:52:12 AM
病都要去玩[ 0 messages] 
General

今日見自己個頭仲有D暈,原本諗住出去鳳園影蝶的念頭都打消左,落左樓下影左一陣蝶頂住癮先!有好過冇ma!haha~~

Friday 14th October 2005 12:33:27 AM
盡興而歸[ 0 messages] 
General

重陽節去蒲台島釣魚、影浪、影蝶、行山,節目豐富,非常好玩,我好開心呀! 

Monday 10th October 2005 01:04:36 AM
無敵叮噹大集會[ 0 messages] 
General

今日最開心係執左個櫃黎放叮噹!我仲買左叮噹同叮鈴攬枕,好開心呀!

 

Tuesday 20th September 2005 10:26:47 PM
釣墨魚[ 0 messages] 
General

昨天到塔門釣墨魚,原來釣墨魚好有學問,又要好有耐性,唔係人人都得架!

Sunday 18th September 2005 12:06:27 AM
[ 0 messages] 
General

Tuesday 13th September 2005 01:17:41 AM
[ 0 messages] 
General

好靚既顏色,我好鍾意!

Saturday 03rd September 2005 09:43:48 PM
多謝晒[ 0 messages] 
General

好友替我找一峰簽名,收到後開心不已,這本書我會好好收藏,多謝你!

Friday 02nd September 2005 12:36:50 AM
一切都是新的[ 0 messages] 
General

今天放工出旺角取新眼鏡,眼鏡仍是老闆娘幫我擇的,反正我怎樣也是看不慣自己戴眼鏡的樣子。@ v @

我又到了精品店買了My Melody,看見她可愛的樣子,忍不住便把她帶回家去! ^ v ^

Wednesday 31st August 2005 12:22:12 AM
Last Day[ 0 messages] 
General

今天是暑期最後的一天,我跟小孩子一樣,想享受那最後的快樂,所以我到了鰂魚涌找亞hei吃午飯,再到海防博物館參觀,節目多豐富啊!雖然這天的天色不好,但我的心情極好!^v^

Sunday 28th August 2005 11:57:50 PM
我的新玩具[ 0 messages] 
General

上個星期放工行街經過扭蛋店,見到呢套列車,即刻買左返黎。呢架火車同我o係北海道搭o個架叮噹海底列車係一模一樣架!真係好正!今日砌好,佢仲會move架!開心死我!

1.57271695137
General(547)
Entertainment(5)
Food(11)
Love, Friendship(2)
Religious(1)
Travel(20)

BBQ憟賣憟賢梯嚗憌銋賢敹嚗啁暺憭甈∪雿憒瘥閬芰敹急亙翰璅嚗IL Meglio 蝪⊥頝舐  銵芰嗅鈭暺lar嚗喟﹞撠醇CCAC剛銝邨憭扳旨臬lar嚗鞊瘝敺餈暺lar嚗撌乩隡臬撌乩剖Flowerland憭批末鈭銝銝憭折芸控蝢憟賡嚗撘瑚葉芣撘瑚葉蝯潭敺餅銵lar嚗LX3憟質嚗暻萄銝撟喳慦賢直亙翰璅嚗憭折批控靽憟賢之頞憭抒亙恍嚗輻憌撟曉末嚗銝亙拙銋虫豢隞亙銝璅!雿憭蝯澆臭誑閬▍ar嚗啣僑瘞瘞銵~~~賭隡?敹鋆琿雓雓撠吾v^唳閰衣RELAX~~鈭怠鈭箇Welcome Back璈撖折憓擃思鞈詨銝擐皜舀敺鞎瑟W敺銵撜嗅日撱頞蟡憟撜嗡憪虫嗥鈭APPLE PIEY敹憟賜衣La Bons Cafe暺璊隞撉BB憟賢望交銵鈭隞憭批隞暺餈芸ㄚ撠憟抒掖璆萇粹憟賣批嚗憟憟憟~~憟質閬蝟鞊砌摮思葉撅梯祆革~~~暸臬鞊閬lar嚗銝餉嚗撠蝐瘥W撠梁憟賢憭批嚗喃鋆鋆敹鋆暾刻賊SO GOOD!憟賣蝚嚗敺嚗憭拐蝙蝟甈︽k lar嚗靽銝瘚嚗銵銝lar嚗頨恍憟賢嚗Wow So Great!敹急唳香箔芾悸憭折芰撠Seven Thirty喟絞蝎菔撟曇撘菟賣嗅祕雿W思嚗阡憟緻閮蝝雿憭芣追ar嚗California Pizza Kitchen 銵銵銵銵^ v ^鈭鈭銝閮霈靽撖鞎憟賡嚗孵蝭蝝桃撠靘銝嚗銝靘W桀...... 敹鈭暺塚隞餃摰嚗隞脫bonus亦銝憟賢唳KKK亦⊥萄撟暹革YEAH!Aunt 亙翰璅憭園急寡憟瘩OWN游予靘鈭銝憿憭雓撠TEA銝TEA憌擛擛銝擛温擐刻敺蝝臬嚗摰樴皜燶銝、憟賢嚗賡撱撠批舀撠撌嚗憟賣啣嚗憌嚗餈撅勗雓hehe~~~BBQ拙賊嚗瘥擃雿撽⊿芣雓銝靽曆憭批配im嚗 雿撠憪雓雓雿嚗XV澈銝嚗頞憟賜拙嚗閮樴tim嚗其啁蝚砌擗 隞唳暺撌奸ar嚗銋靽⊥嚗Wow~~~擏擏敺撠嚗曇粥鈭鈭∠蔽亙僑wow~~憟賡嚗鞎游恥撟喳憭批隡追ar嚗曌撟湔箇詻曌曌憡...萄追ar嚗憟賜嚗銝鋆鋆憭憭賣舀鞎瑕追ar嚗敹嚗霈敺憟賡賢嚗C for Care  TAKE CARE 嚗隡潛瘜交a?亦亦嚗暺閫湔亙憌雿唳塚敶敶敶蝟撱箄身扳a憭拇除憟  敹憟撠亙翰璅嚗lar嚗憟賣敹嚗萄萄窘~~Y澆憿摰嗅啁隤暺憭望銝瘚琿Day5銝瘚琿Day4銝瘚琿Day3銝瘚嵯ay2銝瘚琿Day1蝢暻撖血皜祈岫隞亦嚗隤剖剖~~~擃撅斗活蝬剖嚗lar嚗摰園翡ABY閬閮槌ar嚗憌芷嚗拙嚗敶韏瘞湔擗剁憌虫葉雿璅嗥鈭敺臭頞蝝寥敹圈W喃犖鈭日踵鈭箏丐憌敺皜d隞甈∟甇嚗Eason瞍望憭望蝞tim嚗頞單憟賡嚗閬亙憭扳鞊憌lar嚗hahaha~~~曄ρar嚗嗆香鈭敹怎擗閬頧摮ρar嚗憭瘝靽quota砍唳颲脣憟賜移敶拙嚗曄∠敹餃嚗敺銵擃Day2    蝥 擃Day2擃GOGOGO憟質憟桀嚗怎   蝛輻矽憟賡冽Y仿ㄞ餅銵嚗剛剛...賣野亥舫鈭嚗行敺g舫鈭嚗V璅憭扳嚗啣瞏蝑敺航憌靽W漲嚗暻CAMP憌朣嚗賡臬椰嚗 > ~ 憟賣喳餌拙嚗撖血其憭芣始ar嚗雿隡唳脣抬隤蝬憭望鈭箝嚗Auntie Happy Birthday!Zarahn & Louis銝撠敹輸◢憛砌憭芷賭憟範憭峽ar嚗Dining TimeSo soft Music and Lyrics憟喳之蝧餉澈銝單暸閰西岫蝯西芸楛銝銝瘚瑟葛銝瘚瑟葛隞支犖憟潛萄嚗貊貊璈摨颲蝧擖剖甈Energy Bar?tiramisu摰隞撖箸隞撖箸嚗鞈瑹餌銵擛潮臬椰瘙撜瑹餉撠亥 Zarahn 12A FINAL LIVEJanice My First Concert銝怠雀瘝敺靽憟質麾嚗賊餌撅la嚗銝剖港憟賜敹嚗蝪∠陛桀桀銝擗啗憒脣楛蝯潭撌奸ar嚗憟賢末feel餅YEric Clapton鈭箄舐嚗憟賢剛嚗嚗孵憟賣孵憒隢韏琿質死敺憟賜憭扳亙舫舫憿閬隢憌銋憟踝剔嚗隤憌IP閰脫嚗銵撅梁憟踝雿W啁靽憟..........靽摨行鈭渲嗅~~~雿其對Mission ImpossibleBeaujolais蝝啗楝靽憟賡敶憟賣派鞈雿W啣嚗寞孵啣 喳圈韏瘀質憌瘜啣嚗憟賢lar!憭勗餃虜勗餃餃WILD DAY OUT敶勗蔣敶勗鈭粹憟批撅鈭粹憟批撅.......憌脫香雿嚗憟賡狩蝜潛蝎曉蔗Zarahn Concert頝單絲隞鳴hehe~~~~Zarahn Good Show 甇圈嚗憭拐蝙蝯澆箏椰lar嚗鈭銵隞支犖湔梁拚ㄞ閫閫塚憟賣嗅嚗擉X芸銝頨憟賣香潸嚗g蝯澆唳lar嚗隢韏琿質死敺憟賣蝚舀撠鞎芣銝剔蝭敹急嚗靽甇餃啁港湛舀隞脖銝交!!!隞甈⊥香璇lar嚗撌典之撌亦蝘憸刻絲  銵撅勗憭望暸Big surprise!!!!憟質眼嚗撠摮憸典控靽格KUROMISOUTH BEACH DIET憭勗餅批曈喳again∟⊥梁嗆鞊撖擗擐祈楝啗舐憭批雿B蝚敹蝜潛仿ㄞCAFE DE PARIS憟賡嚗典鞈W末甇嚗嚗憟賣蝚嚗敺蝢撖靘撠拇憭批蜇撅梁剝仿ㄞwow~~~ 靽靽塚WILD DAY OUT臭銝銝剜閰脣芣閮蝭株撖亥賜皞芣憟賢炬嚗憭抒憸冽梢憛撅My Melody 撖怎℃ar嚗潛銋密拙云單憟賡嗆嗅飛湧My Melody 瘣賜賡典典振隡蝑......暺憭望嚗憟賢憟賢嚗憟賣蝚閰血末蟡雿蝯潸眺鈭嚗銝撽脫隞擗貉暺樴曌甇餃銝憭扳噫憸冽嚗CCD憛蛛蝣箔憟賡剔嚗隞亙末勗嚗憟賢予lar嚗敹怎憌臬憟質憟桀嚗FM2嚗憟賣蝢擳潮∩餈璈游恥憭扳銝憟賜閰喟﹞撠曆犖擗敹鈭蝚閮剛賡券質敶券券......敍敍蝝蝝怎唾暻潘Colour抬隞亙末憭折典嚗鞎湔憌曆嚗撠蝳桃祇啁敹銝嗉芸銝剔唬刻剝曈唾撅舫蝣潮憟賣迤嚗芰嗆脖葉敹蝑拚熊^v^曈喳樴曌敹怎銝憭臭典予銝餃改蝯潭敺銝唳香隞亦靽啁荔憟憒銝擐祇撅婚BQ瘜Z蝯勗艇曈唾霈賢鈭箔縑嗥園銝撽餈琿銝典予GODIVA撟游暺憭批瘚瑟膨砍潸梯瑚嚗憭抵脖憟憟質憟桀嚗瑹餉敹BBQ頞潦菔眺甇嚗撠芸楛憟瘩敺嚗EASON瞍望銝撠啲韏瑕皞怎HIGH TEA亦啗梯勗摮豢蝳憡嗆撟游銝暽輸貉撟游銝銵憭折憟撟游挾撣瘛箄銝蝞望孵末嚗TOKOYO Millenario曹漪蝚砌憭隤瘣曉寞勗文蝯脰蝟剜蝭質餌∟甇⊥萄桀孵之憓券啁拙