« April 2024 »
MoTuWeThFrSaSu
1234567
891011121314
15161718192021
22232425262728
2930 
Friday 25th November 2005 07:20:41 PM

今日返學上了兩個鐘英文堂,之後去了椰林閣食午餐!一般啦,唔太好食!……唉!之後返了去聽Tammy的介紹,內容係一個英文course,但要成$4000,所以我諗我唔報多!近來真的超級無錢用,惡運剛剛先好似無咁埋身,窮神又來找我了!……唉!都唔知點算,真的要認認真真找一份part-time先得喇!之後Kaman話唔洗上堂,但要去聽talk!日本人的英文真的聽死人,要聽一半估一半!哈哈!晚上肥妹浦約了我和樂食飯,目的就是介紹她男朋友我認識!因為得我未見過佢!唔…第一個印象都唔錯!至少照顧到妳,而且真係幾錫妳!有佢照顧妳我暫時都幾放心(唔好介意我煩過妳阿爸,因為我都幾關心同擔心妳),所以見到阿德(唔知有無寫錯,有錯提我改)都放心了!可惜今日聽完個死人talk之後真係好累,所以反應有些慢而且好似無咩講咁!希望阿德唔好介意啦!哈哈!今晚去了金伯利的五樓一間新開的日本料理店食晚飯叫「京木」!好得,我覺得!所以下次一定會再去,加上價錢都合理!食完飯阿德車我們去了西貢食糖水,佢駕駛的是改裝車!嘩,我第一次坐咋!好貼地的底盤,racing的補品,蛹座,炭纖維車頭蓋,不過我唔識分係咩避震!爽!因為貼地,加上車身輕,開到七、八十咪都已經好快!好想知道開到一百以上係點!爽,但都有些怕!哈哈!阿德話試過最快去到一百八十七,真係想試試,一定好爽!我只試過一次在大陸開一百二十,而且唔係改裝車!所以一點都唔high!我們去了滿記食糖水,我照舊食紅豆沙+豆腐花!正!
見到肥妹浦咁開心,都係一件好事,佢終於找到佢的初戀了,之前的忘記他吧!沒有一個值得記!好好咁做返個正常人,我會努力令妳變成一個出名的麻豆!盡我能力啦!仲有下次留言唔好留「愛你」之類的說話,因為我的同學會誤會的!廢事佢地有些無聊的猜測,佢地已經成日覺得我出面收埋好多女咁!……唉!真無奈!總之妳知我錫妳就ok啦!仲有唔好對阿德太過火,男人都要面的(我都係)!有時唔好去到咁盡,不過我知妳識的,只係多口講句!哈哈!

Saturday 03rd December 2005 06:09:33 PM
From: 肥妹浦
okay喎你地....... 句野...咁熟既...一個願打一個願捱我好似日日都聽緊........

Saturday 03rd December 2005 02:42:07 PM
From: Siren
Bea...........

Saturday 03rd December 2005 12:27:27 AM
From: lok
我都覺得阿德德個人都唔錯,都係嗰句:"如果你對肥妹浦唔好,我都唔會放過你!!"以下的是對陳生説,男人都要面,咁你即是話我冇比面你,我都知我對你係過火了少少,對唔住,所以請你忍一忍,獅子座的人是這樣,算數啦,所謂"一個願打,一個願捱!"

Wednesday 30th November 2005 12:20:46 AM
From: Siren
哈哈!改了喇!哈哈!

Wednesday 30th November 2005 12:13:24 AM
From: 肥妹浦
你冇寫錯佢個名,不過佢係側邊話佢最快係一百八十七呀!咁都好,你咁寫即係話你冇呃我,你都係鍾意佢既...哈哈哈!我真係好鍾意你果句:我唔介意我個妹恰人既!真係好鍾意!^-^

Name
Security code
CAPTCHA Image Reload
Verify security code
Message