Sunday 04th September 2005 12:08:01 AM
 今日一早整理好我的行李，就等待我舅父由醫院回來接我去食午飯！午餐係去食港式飲茶，但在台灣飲茶唔係一般人去的，因為都幾貴的！食完午飯，我就出發去台北了！因為火車的時間表改了，所以我要睇車站上的大時間表，如果唔係成日去台灣，一定睇唔明佢寫咩！因為淨係火車都有四種，而且唔係一定會經過台北火車站！所以我都睇了一陣先找到我要搭的車！上到火車(今次係坐自強號，因為比較快到達台北)我找到我的坐位坐下後，旁邊的一位小姐開始同我傾起計來！佢以為我是台灣人，哈哈，心裡不知幾開心！哈哈，之後講開佢下次來香港會找我，叫我帶佢去玩！一定一定！希望佢真係會找我啦！到達台北之後，我就立刻去酒店check in！一個人住雙人房，實在太爽喇！放底了行李之後，我就出發去圓山的台北市立藝術館！因為有Vivienne Westwood的展覽，好！另外有一個我超鍾意的展覽，作品是一間好大的房間裡吊滿了羽毛，只要有人行過羽毛就好似海浪咁擺動，好靚，好感動的感覺！其他的作品都好好睇，我覺得台北市立藝術館真的好值得去！之後過了台北故事館，裡面都係一些幾米的故事書和收藏品！我就一般，我諗我班裡有一位同學會好鍾意，因為佢好鍾意幾米！ |
