Thursday 28th September 2006 11:03:22 PM 找回自己的理想[ 0 messages] General 計計下對上一次做大型演出已經係5年前既事，中學畢業之後，做野，返夜校，已經冇時間排戲啦！ 五年後，唔駛返夜校，我係時候要複出啦！今年既12月，華文戲劇節，澳門會有一套叫《三個朋友》既戲，我決定去casting，第一次casting好多人，三十幾個，去到，忽然間覺得自己好老，原來而家澳門戲劇界既人真係好年青，haha，係我自己老左吧！佢地好多都係中學生！今次須要既演員，真係要好後生架！自覺冇乜機！好好彩，入到第2次casting，今次得返16個人，但原來我係最老既一個，個日表現真係麻麻！我諗都冇咩機架啦！唯有等下次啦！ 我相信，我會堅持自己的理想！ |
Monday 04th September 2006 07:20:13 PM 仔仔女女[ 0 messages] General 今日第一日見到班學生，本來23個，點知...haha...得22個，有個退左學，幾大驚喜！ 今年好好彩，14個女，8個男！校長，終於補償返我上年慘烈既一年呀！多謝！8個男之中！雖然有4個係勁活躍，但我都唔係養男信女！應該掂既！係度真係要多謝今年既助教Rebecca...同我性格一樣！爽快！所以d野好快攪點！希望有一個愉快既一年！ 唔知點解！好多人問我，鐘意仔多d，定女多d，我唔駛諗，就話男，但年年都係d女鐘意我多d，今日見到上年d仔仔女女！好掛住佢地！一見到就來個熊抱同錫錫！個個都黎返搵我，好感動！其實女仔係得意d，男仔就活躍，其實諗深一層，男女都係咁教，年年既成功感都有係度既！ |
Wednesday 30th August 2006 04:52:44 PM 終於要返工[ 0 messages] General 暑假過去，返工第3日，就好似喪屍一樣，死下死下，仲未攪掂自己個生理時鐘，晚晚失眠，3日先訓得個10個鐘，我個黑眼圈已經大過我對眼啦！ 今年助教Rebecca...haha...個個同時見到，都話我地係天衣無縫既組合，因為我地兩個都不停咁講野，我真係有d擔心來年班仔仔女女，學左我地一半已經慘，不過Rebecca真係好幫得手！ 新來同事，加拿大人，好鬼可愛，個樣同身型都好似好大個咁，原來都大我少少，不過思想好BB....要合作一年，唔知點呢？ |