"馬太受難曲"(BWV 244)根據"馬太福音"26,27章經文同當時路德新教聖詩所寫成, 原曲為德文, 長達三個半鐘, 我第一次聽都分三日先聽哂, 一面對住德文/英文歌詞, DVD嘅中文字幕同聖經原文一路睇一路聽,停吓又聽吓, 聽吓又停吓, 停吓又瞓吓.......聽到最後晚餐, 客西馬尼園祈禱, 被彼拉多審問, 釘十字架等情節, 都令我諗起去以色列嘅回憶......

原曲係德文, 上面嗰隻係唱英文嘅馬太, 70年代錄音, 合唱團係Bach Choir......暫時覺得第一曲Chorale同第十曲 Buß und Reu (悔恨交加)最好聽......

"約翰受難曲"(BWV 245)根據"約翰福音"18,19章經文同合唱聖詩所寫成, 原曲都係德文, 長度不足兩個鐘......雖然馬太長約翰成倍,但我都係鍾意馬太多D......

套"約翰"二手黑膠Boxset冇花好乾淨, 上手梗係好少聽......

某日lunch行經中環二手黑膠店, 竟然尋到寶, 一套12隻有齊馬太, 約翰受難曲, B小調彌撒曲, Magnificat, 聖誕/復活清唱劇, full box 有齊歌詞.......你估吓幾錢.....100大元......不過好多都發左毛, 番去洗左成個幾鐘......

DSC_4180