Background Music: Libiamo ne' lieti calici from La Traviata

華格納Wagner嘅”尼貝龍指環” (Der ring des Nibelungen)可以話係佢巔峰之作, 頭尾創作左廿年有多. "指環"全劇由四個樂劇組成, 分別係 “萊茵河的黃金”(Das Rheingold)、“女武神”(Die Walkure)、“齊格菲”(Siegfried) 同"諸神的黃昏”(Gotterdammerung), 傳統上係每年德國拜魯特音樂節分四晚演出, 全劇全長十五至十六個鐘, 應該係所有歌劇最長一套. 故事內容係取材至歐洲神話, 類似中國”封神榜”,”西遊記”再加D民間神話傳說……唔係講笑, 喱套係我第一套接觸嘅歌劇, 足足睇左兩個禮拜, 晚晚睇先睇哂, 講真劇情真係有好多反駁同幾長氣吓, 不過聽故唔駁故…..音樂方面最正梗係”女武神騎行”(Ride of the Valkyries)la…… 喱套Boxset係由英國指揮家James Levine 同大都會(MET)嘅演出, 劇中人物衣飾打扮都係古裝扮相……第一次睇歌劇睇左十幾個鐘, 打左個底以後睇幾長都唔怕…… 至於聽CD我就聽Highlight, 因為冇字幕齋唱唔知佢唱乜, 所以唔會聽全劇……遲吓再搵Boulez指揮嘅現代版睇吓......

講意大利歌劇一定要睇威爾第 Verdi 嘅作品, 暫時睇左Rigoletto (弄臣)、 La Traviata (茶花女) 同埋 Aida (亞依達). 睇完德文同意大利文嘅歌劇, 我會覺得意大利文嘅發聲好聽好多, 套Rigoletto 係Pavarotti 八十年代拍嘅歌劇電影, 未睇過”弄臣”嘅人都應該聽過裡面首”女人善變”(Donna e mobile)Aria……即係”鷹栗粉”廣告隻歌囉……至於Aida, 根據統計應該係最多次演出嘅Verdi歌劇……三套我最鐘意La Traviata, 因為當年嘅Gheorghiu好靚, 有D似Julia Roberts……

莫扎特嘅歌劇最出名幾套, 有”費加洛婚禮”(Le Nozze di Figaro)、”女人心”(Cosi fan tutti) 、”後宮誘逃”(Die Entfuhrung aus dem Serail) 、”魔笛”(Die Zauberflote)同Don Giovanni, 佢嘅歌劇真係雅俗共賞, 總有一個特點, 就係劇中好聽嘅Aria唔會剩係集中喺主角身上, 例如”費加洛”嘅Cherubino, ”魔笛”嘅Queen of the night 同捕鳥人, 重有” 後宮”嘅Blonde有好好聽嘅詠嘆調……暫時最鐘意Die Zauberflote……Papageno 好搶鏡同攪笑......

其他重有Richard Strauss 嘅”玫瑰騎士”(Der Rosenkavalier), 睇番Sofie而家個樣......唉!歲月不饒人......重有 Bizet 嘅Carmen (卡門應該冇乜邊個唔識掛???), 但我最鍾意反而係Act 4 前首Entr'acte……