Saturday 01st November 2003 01:28:12 AM
|  |  30/11/2003 - [ 日 ] | | | | 今日開始 feel 到DD聖誕節節黎啦! 經過灣仔春園街D玩具店見到好多聖誕飾物, 搞到我都想買番一兩件番屋企, 最鍾意聖誕個氣氛~ 哈~ 今日又將D頭髮剪短晒啦~ 當然又係由 Flora 姐操刀啦~ 佢個頭由金轉黑, 好似襯佢多D喎~ 不過唔該晒佢啦! 因為面對狗賊既時候，我地需要既係爛仔! 金句喲! | | |
|  | 29/11/2003 - [ 六 ] | | | | 凍呀! 今日無啦啦得番17度...... 下星期打波會好辛苦喎! 好野! 個"編劇"話無鏡道個劇本已經大至寫好啦! 星期一應該可以拍得晒! 跟住俾多一日做剪接, 一日配音, 一日配樂, 一定可以趕得切架! | | |
| | 28/11/2003 - [ 五 ] | | | | 今日o既主題係嬴波呀! lunch 打班際籃球, 有籃板就已經無乜難度~ 輕鬆嬴波! 跟住放學就打班際足球, 對手超強, 本身預左會輸, 仲可能俾人炒, 但係我地打我超硬, 下下埋身肉搏, 上半場先嬴兩粒! 但係下半場又俾人追番兩粒. 跟住就射十二碼! 因為對手炒左兩個, 我地只係炒左一粒, 所以我地險勝! 正!!! 無鏡道今日拍左唔少場戲, 班同學仔好比心機拍, 所以我踢完班際都幫手做下臨記, 又幫手拍幾個鏡頭, 幫得就幫咁啦! 應該拍得晒架! | | |
| | 26/11/2003 - [ 三 ] | | | | 攰爆呀! 救命呀! 今日唔知點解覺得好鬼死攰, 唔止手腳攰, 精神上都好攰...... 今日盧押道終於開拍第一幕! 恭喜晒! 進度都算係咁啦, 我都係做下D臨記每色, 幾適合我呀! 當然無可能一下子要佢地拍幾場~ 不過開左波o既話, 就一定要撐到底呀! 同學們, 努力喲! 影左咁耐相, 今日終於明白咩叫逆光~ 逆光影樹葉真係好靚, D葉脈全部可以睇得好清楚~ 而且D光影好特別~ 要搵多D機會影多D! 冬天一到,維園D貓全部變晒做肥貓~~~ LOL 好得意呢! >o< | | |
|  | 25/11/2003 - [ 二 ] | | | | 頂!!! St. Joseph 竟然拎今年o既學界排球!? 有無搞錯呀! 佢地乜水平呀! 雖然呢兩個字講左好多次, 但真係忍唔住要再講, 唔低呀!!!  
盧間道個進程都仲ok, 不過呢幾日可能要勁趕工~ 唔緊要啦, 拍到出黎就好開心架啦! 求神拜佛個劇本唔好爛尾呀! 好想 Bio 快D教晒書呀, 有D驚溫唔切...... | | |
| | 24/11/2003 - [ 一 ] | | | | 噢...... 始終都係輸啦~ 今日場學界籃球比賽, 對手係聖瑪利亞堂, 聽講話好勁~ 一開始都係 led 住黎打, 但係下半場一開波失左幾球, 跟住就咬住咁打, 不過最後都係超前唔到..... 雖然無落場, 但係我覺得佢地其實打得幾好~ 唉~ 算啦, 鄧鏡波先天不足, 有咁o既成績都唔錯啦...... <--- 完全自我安慰... 我地班套盧間道差D就接埋, 好彩阿扭自告奮勇寫劇本! 大家唔洗做小丑真係要多謝佢啦! 今日講好左個流程, 幾好呀! 阿扭今晚寫對白, 寫幾多聽日就拍幾多, 起碼開左個頭先啦~ 希望今個星期可以拍完, 跟住星期六日就做埋D後期~ 我幫到幾多就幫啦! 哈~ 無啦啦中獎~ | | |
| | 23/11/2003 - [ 日 ] | | | | 瞓到好晏先起身, 尋日打左成日波, 真係有D攰..... 借到 "Needles - A memoir of growing up with diabetes" 啦! D 英文好似唔算太深, 應該睇得明掛! 聽日打籃球 final, 期望唔係太高...... | | |
| | 22/11/2003 - [ 六 ] | | | | 一朝早就走左去打 IVY 個排球邀請賽~ 去到果度先知唔係隊隊打晒. 第一場對喇沙~ 講真, 唔算太勁...... 無 QC 咁勁~ 不過同佢地始終水平唔同, 第一局我地輸幾多下, 但係第二局我地打番好D, 最後都係輸幾分啫, 我覺得都算係咁啦~ 因為第一場輸左, 所以第二場對手係協同啦! 雖然今日我地唔係最齊人腳, 但係我地都算打番個水準, 一打番水準, 協同絕對唔算難對付! 幾順利o既情況下我地兩局搞掂左佢地, 一雪學界輸波之仇!! 唉...... 如果學甽對協同果日我地有咁o既表現, 我地一早入左決賽啦! 可惡! 今日明白左咩叫煩人! >.< FXXK!!! | | |
|  | 21/11/2003 - [ 五 ] | | | | 今日終於明白咩叫無天理...... 今日個人短講比賽, 題目係"怎樣成為一個良好的公民", 拎左題目都唔係太識講...... 三分鐘預備時間好快就完, 出去講果時都係勁緊張, 不過抱住早死早着o既心態, 求求其其就完成左呢次演講. 跟住幾個同學都陸續完成啦, 自覺佢地都好過我, 除左一個之外...... 我都同佢地講:"呢次真係一個好好o既炒粉經驗~" 當宣佈名次果陣都係諗住快快走人, 點知奇蹟o係呢個時候發生, "第二名, 一號......" 有無搞錯! 我講到一 pat 野都有第二??? D女仔好明顯係勁過我多多聲啦! 講真, 如果將我講果段野寫出黎, 我諗連我自己都睇唔明...... 明晒啦, 呢個世界有太多野係無天理...... 出 field trip 幾好玩喎~~ 認真咁睇原來石灘有好多唔同o既生物, 有海葵, 有海膽, 仲有蟹仔...... 好多好得意喲~ 都影左唔少相...... 唯一可惜就係唔小心整花左部相機小小, 好彩唔係花左 lens, 橫豎呢部機都係諗住長用~ 所以算啦! 入到大學真係有好多野玩~ 一定要入去玩呀! | |  |
| | |
| | 20/11/2003 - [ 四 ] | | | | 呵呵~ 聽日又出 field 啦! 去石澳後灘, 今次要做野, 唔係齊睇啦~ 聽日好似會轉涼, 得廿度左右, 星期六仲要得十六度...... 希望唔好真係太凍啦, 聽日要著短褲, 太凍會好辛苦架...... 聽日就要去玩即席演講比賽啦~ 要記住尋日簡 sir 講"假如我是一棵西蘭花"果陣o既神態, 我諗會有D幫助啦~ Cubic 書店個收音機廣告正到爆呀! 大家有機會一定要聽下! 布拉格, 維也納, 柏林, 布達佩斯, 阿拉斯加, 赫爾辛基, 莫斯科, 九寨溝, 西藏, 北海道, 好多好多地方想去...... | | |
| | 19/11/2003 - [ 三 ] | | | | "盧間道"變左"盧押道"~ 哈哈~ 唔緊要啦, 個戲名同內容都無乜關係, 總之好笑同有D震撼鏡頭出現就正啦! 聽佢地吹好似吹得幾掂咁, 審慎樂觀啦~ 嘩! 好開心呀! 中文 listening 第一次拎70分以上呀! 平時一向都係拎40幾分咁..... 好似明白少少技巧~ 直接寫個答案落去好似好過o係傍邊 draft 喲~ "假如我是一棵西蘭花", "假如我是杜汶澤", 仲有"細胞變大胞"...... 痴線架! 呢D乜野個人短講題目黎架!?? 笑爆嘴呀!!! | | |
| | 18/11/2003 - [ 二 ] | | | | 自己要點行都大概知道啦, notes, notes, & notes~ 跟住就 past paper, past paper, & past paper~ 哈~ 班房果兩張"盧間道"整得幾正喎~ 快D寫好個劇本啦, 想睇啊! 痴線架! 鄧鏡波搞到咁o既水平, 個白痴校長真係罪魁禍首呀! 今日無啦啦上左佢兩堂 ethics, 完全係勁廢! 講左兩堂都入唔到正題...... 吹脹! 仲有佢根本唔聽人講野, 以為自己D觀點一定好正咁...... 頂! 唔通人做到有咁上下職位o既時候, 智商係會急降o既? | | |
| | 17/11/2003 - [ 一 ] | | | | 呵呵~ 終於都決定左啦! 我地班會拍一套叫"盧間道"o既短片, 作為我地班o係聖母無原罪果日o既節目~ 暫時都叫分左一部分工作俾佢地, 導演, 編劇, 剪接, 鏡頭, 都搵左人啦, 只要個劇本一寫好就可以開始拍, 3個禮拜唔知可以搞到一個乜野地步呢? 一 "pat" 野? 定係一套好正o既短片? 睇佢地造化啦! 聽日要做 section e 當測驗分...... 要早D瞓啦~ | | |
| | 16/11/2003 - [ 日 ] | | | | 救命喲! 我D記性好似越黎越差呀! 溫完無耐D野轉個頭就唔記得啦...... 點算呀...... 唔通咁快有老人痴呆?!!! 星期五就去玩個人短講...... 都係去陪坐, 我地呢D又唔係要攞獎果D人, 去都係逼自己o係一大堆人面前講下野, 算係吸收下經驗啦~ D60 + EF 50mm f/1.8 II + EF 20mm f/2.8 USM + EF 100mm f/2.8 Marco + EF 75-300 f/4-5.6 USM 夢幻組合喲! 入到U就有架啦!!! 加油!!!  | | |
| | 15/11/2003 - [ 六 ] | | | | 今日係英文日, 一次過做左幾樣英文功課~ 講真, 英文要溫起上黎真係幾多野溫下, 而且仲要不時 keep 住溫...... 真係幾高難度下, 最煩係無得明, 死背 only, 我記性咁差, 所以對我黎講英文真係最難o既一科喲! 不過最難都要搞搞架啦, 唔搞就算 chem bio 考得幾好都一定無得入U呀! | | |
| | 14/11/2003 - [ 五 ] | | | | 今個禮拜又打柴啦~ 真輕鬆喲~ 不過又要開始溫番D舊野啦~ chem 開波教 inorg, 好多野同 physical 有關, 要溫番D physical 呀, 唔係我驚會跟唔上呀~ 柴灣 IVY open day 搞 friendly, 好玩啊! 有我地, 有衛理, 有主隊 IVY, 仲有喇沙呀! 正呀! 好多勁旅, 要加油呀! 贏番個彩俾黃 sir 都好呀! 考完試一定要買 D/SLR 呀! 尋日影左張蜜蜂仔, 個 timing 幾好架, 而且中 focus 呀, 但係無 marco 鏡, 隻蜜蜂仔唔係好夠大隻, 景深都唔係幾靚...... 可惜哦! | | |
| | 13/11/2003 - [ 四 ] | | | | 出 field 原來幾好玩, 今日坐左成兩個鐘車程先去到海下, 雖然個海下灣幾靚下, 不過好似比想像中細左D. 去到都係主要自己影相, 都無乜認真咁聽個導遊哥哥講書~ 佢話海下灣o既珊瑚係全港最多, 仲多過東平洲...... 但可能天氣唔係太好, o係岸邊都睇唔清楚有珊瑚...... 果時去東平洲真係就咁望都見到唔少~我諗今次佢地帶我地班人去睇o既應該唔係海下最靚o既地方, 或者有機會自己再去過啦~ 可能會搵到D再靚D o既地方都唔定~ 呢個星期真係太舒服啦, 都唔知要等幾耐先可以再放得咁爽啦~ | |  |
| | |
| | 12/11/2003 - [ 三 ] | | | | 凍喲! 呢兩日真係凍左好多呀! 夜晚都唔記晒D貓...... 我諗佢地一定係縮埋一堆取暖, 所以唔出黎玩啦...... 不過D海風真係幾舒服~ 聽日出 field, 去海下, 都係做下自由行, 參觀下就收皮啦~ 好似有珊瑚, 要影相啊! 忍口原來幾困難...... 望住D糖好想食但又唔食得, 真係慘...... 不過一諗起如果拎左野就要日日打針, 就點都要死忍啦~ "沙", 好聽! 推介! | | |
| | 10/11/2003 - [ 一 ] | | | | 今日學校旅行, 始終都無行到雙龍石澗, 因為由梅窩去貝澳果時見到條澗個入口都離貝澳幾遠, 所以跟大隊行啦~ 全日就係踢波+影相+食飯, 算係咁啦, 原來貝澳都幾舒服喎~ 個沙灘幾長幾靚下, 周圍D景都幾好~ 好好彩, 今日影D相都幾好, 執左兩張啦, 去我個相簿睇下啦! 原來星期三都唔洗番學, 今日有人提先醒起, 驚喜喲, 好似無啦啦多左一日假期咁, 開心~ 今日食 lunch 果時威院突然打我個手提, 問我阿爺阿嫲有無糖尿病...... 死啦, 真係有D擔心上次身體測驗 check 到有事...... 唔得呀!
由今日開始必定要戒口呀!
唔準飲氣水, 只準飲清水(我聽過太多人因為飲太多氣水而有糖尿病)
一日唔食多過兩粒糖(尋日買D糖可能要攤長幾個月食......)
一日一蘋果(呢個習慣要繼續)...... | | |
|  | 09/11/2003 - [ 日 ] | | | | 今日仲有雨, 聽天文台講聽日會轉凍, 凍都算啦, 唔好大風呀! 唔係好難影相架. 已經影印左地圖, 視乎聽日天氣啦, 好天就行下澗, 唔好天就影下D舊圍邨啦~ 忍左差唔多兩個月, 今日終於走左去買糖食啦! 早排因為食得太多糖, 自覺好似唔係咁健康, 所以都忍左一排, 聽日因為旅行, 所以買小小啦~ 開心喲~ 
| | |
|  | 08/11/2003 - [ 六 ] | | | | 今日終於可以休息下啦...... 成日係咁睇書, 呢兩日應該可以睇完本"阿拉斯加之死", 跟住就可以睇本"甜圈圈外的人生"啦, 呢本書應該幾有意思, 係講一個有基因遺傳糖尿病o既細路女o既成長. 落雨啦, 好耐無落雨啦~ 雖然落雨會舒服D, 但係 timing 唔係咁好喲, 星期一仲要去旅行, 希望星期一有番D太陽啦! 貝澳附近原來有一條雙龍石澗, 可以考慮下星期一去行喎, 橫豎10.00 am 集合左之後都係做自由人, 不如集合之後去行澗同影相啦! | | |
| | 07/11/2003 - [ 五 ] | | | | 終於過左呢個星期啦!!! 今日搞掂左 org chem test, 真高興喲~~~ 個測驗都ok啦, 睇番答案, 失分都係因為大頭蝦, 解得唔夠清楚~ 不過應該有80%掛, 算啦, 唔諗啦! 黎緊呢幾日可以輕鬆下啦!!! 開心~ 今日場波嬴左呀! 有得以次名出線啦! 不過啊sir成場波只係換左一個後備, 無得出, 不過算啦, 見班隊友打得咁好. 講真, 班鬼仔都真係幾勁, 幾合作下, 不過我地最後都嬴5分波, 正呀!
雖然比賽無得打, 但比賽之後留左o係修頓打波, 好耐都無試過打得咁激啦! 一連嬴左五場, 最後打到無氣先輸, 真係好玩~ | | |
| | 06/11/2003 - [ 四 ] | | | | 第一版o既 Pachelbel canon in D 已經練得幾好, 開始可以輕鬆D咁去拉啦! 突然記起簡sir講過一句話, 佢話創意係建基於穩固o既知識之上, 而家諗番真係幾有道理~ 所以要練好D scale 先啦! 我可能急左D掛~ 聽日測 chem, 阿sir話睇緊幾多個拎滿分 ...... 點死...... 對我呢D超級大頭蝦o既人黎講真係 mission impossible 喲! 聽日果場波又係決定生死, 加油啊! | | |
| | 05/11/2003 - [ 三 ] | | | | 真係好鍾意夜晚影相, 好多野到左夜晚係特別靚~ 每次補完 chem 番屋企果時行經維園, 都忍唔住係咁影, 今日都影左三十幾張~ 不過因為環境都幾暗下, 如果要影D樹o既剪影, 都係有個腳架好D, 下次得閒夜晚帶個腳架去影先得~~ 唔唔~ 我今日相信貓係有"愛情"啦~ 今日見到一隻貓瞓左o係棵樹下面, 好似病左咁, 但係o係隻病貓身邊有一隻貓好專心咁守護住隻病貓...... 好感動喲! 我原本想行埋去睇下隻病貓, 但係另一隻貓好似唔係好歡迎我咁, 所以我都唔搞佢啦...... 希望隻貓隻唔好有事啦~ 
呢度又回歸平靜啦~ 不過咁快到600, 都唔錯呀! 快D到1000就好啦~ | | |
| | 04/11/2003 - [ 二 ] | | | | 睇左一本有關無國界醫生o既書, 好有感觸, 而且覺得香港o既生活比起安哥拉果D國家, 真係相差太遠啦, 直情係豐富過頭...... 如果有一個人由出世果日開始就生活o係一個戰爭o既國家入面, 佢根本唔知咩叫和平...... 果種究竟係一種點o既感覺??? 完全無可能感受到...... 的而且確, "一生, 花一兩年時間參與人道救援工作其實很短." 一定要俾D心機讀書, 然後去經歷一下, 人生的意義莫過於此啦~ 今日 stat. 測驗都ok啦~ 可以空番D時間出黎溫 chem 啦! | | |
|  | 03/11/2003 - [ 一 ] | | | | 始終唔得...... 輸左一場, 始終入唔到 final...... 但係可以嬴到一隊出線 o既學校, 仲要2蛋炒佢地, 都算係咁啦..... 出唔出到線呢D野, 點都要睇下運氣o既, 有D隊唔係好勁, 但係編左o係組其他都係弱旅, 出線就當然easy D啦...... 只可以講一句生不逢時...... 番黎兩年都唔可以幫黃 sir 拎番個彩, 真係對唔住佢...... 唉...... 而家唯有期望D B grade 努力D啦! 聽日測 stat., 好彩內容唔係好多, 唔係真係無時間溫啊! 呢兩日D空氣俗到死呀! 搞到我係咁咳...... 快D吹下風啦, 落下雨都好呀~ 好辛苦呀! | | |
| | 02/11/2003 - [ 日 ] | | | | 寫 essay 好難喲! >.< 我D英文又唔係咁好, 就算D內客係講緊 chem, 但係都要搞好耐先掂...... 今日成日就用左成日去搞2篇 chem o既 essay, 同埋個 bio lab report, full bio lab report, 好耐無寫過啦, 又係搞好耐...... 星期二仲要測 stat., 真係幾忙下...... 不過唔緊要! 期待左好耐o既"郊遊週" 好快就到啦! 頂埋佢啦! | | |
| | 01/11/2003 - [ 六 ] | | | | 今日呢度咩事...... 廿幾條友睇呢個板~ 真係俾面啦~ 好呀, 多D人睇, 希望多D留言啦~ 既然咁多人睇, 當然要趁機賣下廣告, 記住順便去我個相簿睇下~ 今日都 up 多3張相上去~ http://www.fotop.net/nicolo/nicolo 今日o係街邊見到D手造o既木音樂盒, 好得意呀! 原本諗住買, 但係因為近排有好多飛要買, 所以最後都忍左手...... 楊利偉黎香港, 搞到好大件事咁, 話佢係第一個上太空o既中國人...... 我覺得其實幾無聊...... 你可能話我民族意識唔夠強, 但其實民族意識本身就係一個幾白痴o既野...... 我贊成唔同文化o既存在, 但係美國人, 俄羅斯人, 中國人都係人, 可惜就因為有國界, 民族意識, 呢D野令到人類分隔開. 另外科學應該係人類共享o既, 點解要爭黎爭去? 如果o係一隻貓o既角度黎睇, 佢可能會覺得人類好白痴~ 人類真係好奇怪...... |
|