Monday 01st September 2003 01:26:43 AM
|  |  30/09/2003 - [ 二 ] | | | | Org Chem 教晒啦!!! 呢幾日要狂背啦......
嗚...... 星期五無得去行山...... 因為要同皇仁打 friendly...... 唉,點解唔o係星期三打呢...... 不過雖然無得去D遠o既地方行下, 但係都可以近近地行下D舊區o既......
聽日去邊度溫書好呢? 圖書館一定爆多人, 但係又無乜好地方溫書...... 如果耍去圖書館, 可能要早D先得啦.
聽晚有得聽 Pogorelich o既 concert 啦! 應該係D天才形o既音樂, 好期待可以聽到一D與眾不同o既音樂~ 不過聽日放煙花, 唔知會唔會有影響呢? 爆到個 concert hall 都聽到...... XD 痴線......
呢幾日玩緊D流行曲, 原來都有唔少流行曲係有 violin solo, 好似李克勤 o既月半小夜曲, 新D有鄭中基o既傻大哥, 有D好難, 有D比較易, 易果D我都拉到, 可以自己幫自己伴奏喎~ 幾好玩! | | |
|  | 29/09/2003 - [ 一 ] | | | | 跑完9分鐘耐力跑, 跑完果一刻勁辛苦, 勁想嘔, 因為無留到力, 都搏得幾盡, 跑左38個圈, 唔錯咁啦, 去唔到40, 不過算係 ok 咁啦!
唔知點解好想發洩下D感情, 勁喊或者勁笑都好啦...... 但係搵唔到藉口......
捱埋聽日就放假啦! 今次有準備, 應該唔會浪費左呢個假期啦! | | |
| | 28/09/2003 - [ 日 ] | | | | 玩完 Bio Olympus, 幾好玩, D題目比想像中淺, 不過有D真係唔得, 好似香港有幾多個郊野公園...... 呢D點識呀....... 有D就真係難, 全部答案無個知道係乜. 之前都預左係陪跑, 輸都好正常, 不過佢地又唔公布番個 result, 唔知道自己輸幾多~ 算啦, 知道自己同其他學校o既水平仲差好遠就得啦, 繼續溫書, 一切照舊.
聽日要跑9分鐘耐力跑, 唔係咁想跑,不過係o係波記o既最後一次, 盡力而為咁啦!
下星期番兩日咁大把, 星期三國慶, 星期四水運會, 星期五放假, 跟住就星期六日, 真係正爆啊! 可以做D一路都好想做o既野啦, 好似整理下我暑假溫落D notes, 同埋去鹿湖行下, 好期待呢個假期喲! | | |
| | 27/09/2003 - [ 六 ] | | | | 無錯無錯, 人只係歷史o既 intermate, 累積左o既知識先至可以長存, 人只係將呢D知識發掘出黎, 係發掘, 唔係發明, 我相信知識本身已經存在, 問題係人對世界o既無知...... (表達得唔係咁好, 遲D我會將呢個諗法再好好咁寫出黎......)
聽日就 Bio Olympus...... 好呀~ 見識下出面D勁人~ | | |
| | 26/09/2003 - [ 五 ] | | | | 今日帶左小提琴番學同同學夾歌, 番到學原本諗住 lunch 夾, 點知 lunch 食完飯都 夾唔到幾耐, 而且無譜...... 無譜我真係唔係好識拉D流行曲, 大佬, 我而家仲練緊 Pachelbel canon in D, 無譜我真係唔記得D音...... 然後放學我又要練波, 所以最後今日都係無乜點夾到...... 不過算啦, 下次有機會再玩過啦, 我發覺李克勤D歌幾o岩結他同小提琴夾, 或者下次可以準備譜再o岩過呀~~~
學校竟然大發慈悲, 開放個天台俾我地 F.7 用, 即係 小息, lunch, 仲有自修堂都可以出去晒下太陽或者吹下風, 幾好喲~ 遲D冬天天氣咁凍, 天台一定會好舒服, 正呀!
星期日就係 BIO Olympus...... 死啦, 都無乜點認真睇過D未教o既野, 聽講其他學校係有專人去操, 我地...... 不過算啦, MC仔, 唔識都可以撞下, 不過都預左玩完第一 round 就可以收工...... | | |
| | 25/09/2003 - [ 四 ] | | | | 聽日同同學仔夾歌, 其實無譜都唔知點夾, 不過都帶隻小提琴番去玩下啦, 話唔定會幾好玩喎, 橫豎我都未同人用小提琴夾歌~ 對上一次夾歌可能係小學玩單簧管果時, o係學校同人夾..... 記得果時玩得好開心喲. 希望聽日都玩得開心啦~
今日見到幾隻貓仔一齊玩~ 原來佢地跳得好高, 又跑得好快, 仲識得爬樹添, 好勁啊! | | |
| | 24/09/2003 - [ 三 ] | | | | 今日放學又見到大白貓仔囉~~ 其實我係唔係應該記錄底我見到貓仔 o既日子時間地點呢, 咁樣我就可以了解多D佢o既生活習慣, 等我第時考完試去搵佢玩都易D, 只要佢唔好無端端消失左就得啦~
放學又去綀籃球, 今日打多左時間, 開始慢慢習慣打大場o既方法, 搶籃板最緊要頂位, 就算跳幾高, 頂唔到位一定搶唔到, 但係射波真係唔慣...... 俾我打多D啦, 我相信我仲可以進步!
每逢星期三都搞到鬼咁夜, 不過好彩而家溫書唔算太緊張, 不過遲下就難講啦..... | | |
| | 23/09/2003 - [ 二 ] | | | | 出左03 admission grade 啦! 之前聽聞唔少話因為今年拔尖果班霸左D位, 搞到個 admission grade 升左好多, 今日睇番個成績, 都好彩~~~ 可能拔尖班友仔全部都好恨錢, business 果邊好似 BA, finance 果D科目就高到 pk, UST global median 係4A1B...... 另一個俾拔尖玩晒o既就係 medic, median 3A, 仲要得好少位 for AL...... 至於我想入果D science subject, biochem, chem 呀, 都係升左小小, 大約一個 grade 啦, UST biochem 要 CCD, 仲有機呀!
睇完個成績突然覺得更加有精神呀! 起碼入大學唔係遙不可及呀! 俾D心機, 只要 UE 同中文唔好有意外, 其他科只要落D死功夫, 全部都有機會拎C! 向住 UST chem lab 衝呀!!!
今日"秋分"啦~ 天口開始有DD涼啦, 我D鼻水都跟住黎啦, 要小心身體喲~
同學仔話想夾歌, 夾何韻詩o既"絕對", 睇過份由 midi 轉出黎o既譜, 對我呢D低手黎講都唔算太難, 俾D時間我綀都應該拉到...... 不過問題係份譜同首原曲唔係咁似, 原曲 string 果 part 好似係無咁易, 如果有總譜睇下就好啦! | | |
|  | 20/09/2003 - [ 六 ] | | | | 今日去左科大, 聽左 chemical engineering 個 seminar, 唔係太o岩我, 原來係D工廠o既加工過程, 同我鍾意 reasearch 唔係太夾, 跟住聽埋 biochem 個 seminar, 唔錯, 我暫時心水o既 band A 係, UST biochem, UST chem, POLY med lab scinece, 跟住下一步就係為兩個 C 而努力啦!
而家D十一歲小朋友真係奇怪..... 同我十一歲果時差好遠......
唉..... 同老豆講野真係好辛苦, 佢講咩都同錢有關, 我話報大學會報科學, 佢就話幾好, 不過係因為第時可以自己開廠, 好搵銀...... 真係想死, 最慘就係媽子都唔明, 佢話有錢就有可以出名...... 真係, 頂唔順! 都唔知點解阿爸阿媽咁拜金, 但係個仔o既性格就差十萬八千里...... 可能教育背景再加上 generation gap, 就造成咁大差異啦. | | |
| | 19/09/2003 - [ 五 ] | | | | 今日同 tsk 打完 friendly, 輸就預左啦, 不過睇下輸o係邊方面; 場波打完, 講真, 其實我地唔算太差, 攔網方面, 我覺得仲勁過對面, 輸都係輸o係D老問題, 好似防守, 一傳之類, 我覺得如果我地夾番多D, 打多D大場, 都有機會o係學界出線. 加油啊!
聽日去 UST orientation day, 最緊要睇下科新野, chemical and bioproduct engineering, 同埋 biochem o既 programme, 如果睇完覺得好, 都有可能將佢地放落 band A 度. | | |
| | 18/09/2003 - [ 四 ] | | | | 近日都不停諗大學要揀咩科, 其實我都心中有數, 一定係 science 或者 health science, 要揀其實都揀到 25 科 o既, 不過問題係佢地o既收生成績都差唔多, 要將邊3科放落 band A, 今日仲要睇到 UST 有新科目叫 chemical and bioproduct engineering, 去左 UST 個 site 睇完非常非常之吸引喎!!! 仲有 POLY 都有科新野叫 medica laboratory science, 雖然唔係太清楚內容係乜, 但係如果同 lab 有關o既野, 又係我好鐘意喎! 點算好呢? 但係新 programme 又無往績, 如果一下子同我爭o既人係有一兩條 A o既咁咪 pk? 都係去左 orientation day 之後諗清諗楚先決定啦~暫時有19個選擇......
The Hong Kong Polytechnic University
3478? 3600? 3923?
3997?
The Hong Kong University of Science and Technology
5115? 5141? 5177?
5311? 5323? 5347?
The University of Hong Kong
6157? 6456? 6470?
6509? 6511? 6535?
6559? 6688? 6690?
就係呢19個 number 組合, 將會決定我一生...... | | |
| | 17/09/2003 - [ 三 ] | | | | 今日又係死亡之日, 超辛苦...... chem lab 都唔係太辛苦, 個實驗算係幾易, 不過D問題好似有幾多地方可以講下, D答案應該幾多花樣~ 跟住練波, 因為星期五要同 TSK 打 friendly, 所以今日唔打籃球, 打排球, 轉番打後二, feel good, 因為本身由 F.3 開始打後二, 係上年要幫手攔網先打中間, 今年可以打番後二幾好呀, 我覺得後二真係幾多野可以玩, 唔錯唔錯~ 打完波番屋企食個飯就要補習...... 好彩仲頂得順~ 聽日 last 兩堂吉堂, 可以休息下囉~~~
開始可以對自己o既心情控制一下, 起碼唔會突然無原無故 down 晒, 而家可以慢慢咁容納D唔係咁舒服o既事, 即係同樣事情, 以前可能會因為唔鍾意做但一定要做而感到唔開心, 但係而家可以好輕鬆而面對到~
有徵文比賽啊! 300字 only~ 一定玩...... | | |
|  | 16/09/2003 - [ 二 ] | | | | 點解近日好似好多奇遇咁? 係我對週圍o既人留意多左, 定係真係多左有緣人? 唔知呀, 不過幾得意呀~ 人與人之間係有引力o既...... 只係collision 係 random......
Bio 教 circulation 啦!果時o係 C/ICU 番暑假工曾經試過學睇 ECG, 雖然好難, 但係聽D醫生講, ECG 可以睇到好多病因, 而家正式教, 可以好好咁學啦!
今日練琴開始 feel 到用咩力度先可以令個琴o既聲音飽滿D, 而且而家可以暢快D咁拉 bar 19,20, 幾好幾好~ | | |
|  | 15/09/2003 - [ 一 ] | | | | 聽日 chem 要默書呀! 溫得差唔多掛~ 今晚再溫多陣啦!
Bio genetic 呢課真係最好玩! 深o既時候可以深到落唔到筆, 淺o既時候可以唔使用腦都做到~ 而且花樣好多, 幾夠刺激呀~ 雖然而家教緊o既 respiration 同 photosynthesis 都唔錯, 不過始終 genetic o既挑戰性大D.
今日...... 開心喲~ 臨走時都俾我見到, 真係好彩呀! | | |
| | 14/09/2003 - [ 日 ] | | | | 緣份啊~ 太太太奇妙啦! 生活o係同一個圈子入面, 可以日日撞見, 亦可以幾個月先見到, 如果當中係由上主安排o既話, 咁我今日就真係非常感謝上主啦...... 重遇o既感覺真係令人興奮喲!! 大家要惜緣啊!
過左暑假兩個禮拜啦, 係時候開始寫番D physical chem o既 notes 啦, 唔係o既話, 以我呢個超級無記性o既人黎講, 再唔溫下, 我就會將暑假溫過o既野完完全全咁掉晒囉~
唔知係唔係人老左, 身體結構會唔同左, 以前一路都係夜溫書集中D, 但係而家覺得如果前一日訓夠7-8個鐘, 弟日放學後果段時間就可以好集中咁溫兩三個鐘, 我覺得咁樣好似幾好喎~
經過"棋王"一役, 而家打字好似快左喎, 幾好呀~~~ | | |
| | 13/09/2003 - [ 六 ] | | | | 終於睇左"向左走.向右走", 套戲明明無"假如愛有天意"咁感人, 但係唔知點解我喊得仲勁...... 可能呢套戲令我睇得投入D掛, 兩個主角都做得好好, 而且有幾個場景我都見過, 所以更加投入啦~雖然個結局有D勉強, 但係整體黎講, 個故仔都好正喲~
今日影左好多相啊! 開始慢慢發覺影相o既方法, 既然我無好勁o既器材, 咁就最緊要有創意, 所謂創意, 咪就係亂影囉, 只要記住D最基本o既攝 o既常識, 就可以週圍舞啦~ 其實做乜都係咁, 輕鬆同用心去做, 就會做到好野.
落雨啦~~~真高興~~~~~~~~~~~~~~~~~ | | |
| | 12/09/2003 - [ 五 ] | | | | 今晚係追月, 終於可以追下火龍啦~ 不過今年條龍要舞去維園, 少左時間o係大坑呢邊, 始終無咁好玩, 以前可以去D橫街近距離咁影條龍, 好彩今年都多左D團體表演, 都仲有D野可以影下~ 下次可以勁影相o既機會, 都要等到聖誕. | | |
| | 11/09/2003 - [ 四 ] | | | | 超辛苦咁起身, 今日有孖 chem 堂, 死...... 今日已經教晒本3a啦, 下堂要默書啦, 可能佢見我地上堂表現太不濟啦, 再唔逼我地溫書就唔洗再教落去, 因為跟本唔會跟得上, 佢果D所謂淺o既 synthesis 我地都唔識..... 溫啦, 有三日假期, 可以勁背D org chem.
夜晚同媽子去睇個所謂激光匯演, 超多人, 多人到戶外我都聞到幾百人加埋o既臭汗味...... 影左幾張煙花就走人, 跟住媽子話想去維園, 咪去囉~ 極多人, 週圍亂逼, 都無乜野睇, 不過可能媽子鍾意圭熱鬧掛, 其實呢方面我似老豆多D, 我鍾意自己一個人, 而且我都唔鍾意人多o既地方...... | | |
| | 10/09/2003 - [ 三 ] | | | | 今朝起身果下 feel 到D凍, 雖然只係一下, 但可能秋天已經要黎啦~ 一個好舒服o既季節喲, 又係行山o既好日子呀~
今日係勞動日, 起身早餐都未食就番學跑山, 本身約肥恆, 但係番到學已經7點11個字, 拿拿臨起跑, 因為太耐無跑, 上山果時有想死o既感覺, 超辛苦, 用左3個字時間翻到學校. 第二堂, P.E.堂, 仲未夠, 放學再打籃球...... 翻到屋企即訓, 但係訓唔夠半粒鐘, 就要去補 chem, 補完 chem, 有D驚訝自己竟然未死...... | | |
| | 09/09/2003 - [ 二 ] | | | | 今日終於聽左 Repin o既 recital 啦! 真係正到爆呀! 第一首 Mozart violin sonata K304, 好完美啊! 一個好令人滿意o既頭盤, 好溫柔, 好甜喲~ 跟住係 Prokofiev violin sonata no.1, 果段 allegro brusco 真係超技o既表現呀! 而且 Berezovsky o既伴奏好好; 哈, 以前聽過佢彈 Rachmaninov piano concerto no.2, 係勁拆琴, 好有力. 佢夾 Repin 段野好刺激啊! 仲有 Repin 拉果段主題真係好有 mood, 完全拉到果種"墳墓吹出來的風"o既 feel, 聽到我鬼咁肉緊~ 跟住果首 Grieg 都唔錯, 係一首好有趣o既小品. 再落黎就係我全晚最期待果首, Chausson o既 poeme op.25, 因為呢首野唔係咁熱門, 我之前只係聽過 Kogan o既版本, 毫無疑問 Repin 拉得好好好多, 段 cadenza 同 allegro 都聽到我好感動呀! 聽高手拉琴, 對我地呢D都係拉琴o既人黎講, 好多時會不知不覺太集中去睇佢地o既技巧, 但係 Repin o既琴音係好有牽引力, 可以好容易完全投入左佢o既音樂世界, 真係可以同佢一齊感受個作曲家要表達o既野. 聽 Repin 拉 poeme, 我係 feel 到走左入去另一個世界, 果種感覺同我幾年前聽 Pletnev 彈 Beethoven 都 feel 過, 好奇妙o既世界! 最後一首 Ravel Tzigane rasodie de concert, 無野講, 超技!!! 最後 encore 左兩首, 我其實想 live 聽下佢拉 Paganini, 雖然同成個 concert 個 feel 唔係咁夾, 嘻嘻~ 始終我心目中最完美版本o既 caprices 24 都係 Repin 果個, 不過算啦, 個 concert 已經夠晒正啦!
今日 bio test, 簡 sir 考左 genetic 最淺果幾題o既其中一題, 所以, 我竟然識做呀! 開心~
週圍都係燈籠, 好靚喲~~~ | | |
| | 08/09/2003 - [ 一 ] | | | | 禮拜五就到中秋啦, 其中一個我最鍾意o既節日呀! 大坑呢度年年有舞火龍睇, 可以勁影相呀! 又可以影下燈籠, 幾好呀~
唔...... 我已經完全相信緣份呢樣野啦; 以前都仲有多少覺得有D野可以慢慢咁"牛"出黎, 好似感情咁...... 但係其實如果兩個人無緣份將兩個人拉埋一齊, 唔好話感情, 見面o既機會都無啦! 所以, 真係隨緣啦.
if; intermolecular force = 0
thus; intermolecular distance = ∞
so; P [collision of two molecules] = 0
呢個 intermolecular force 咪就係緣份囉~
維園真係好多貓, 今日我見到最少有廿幾隻通處走, 仲要有好多隻都係細貓仔, cute~~~ | | |
|  | 07/09/2003 - [ 日 ] | | | | 早幾日o係收音機聽到蔡立兒o既"絕戀", 第一次聽呢首歌係好耐以前梁詠琪o既翻唱, 果陣時已經好鍾意呢首歌o既 melody 同 歌詞, 今次再聽到呢個再舊D o既版本, 覺得其實一首歌簡簡單單, 有好o既 melody, 好o既歌詞就已經好夠, 再多D元素就會變得多餘...... 真係好鐘意呢首歌! (如果你想聽, 可以問下我, 我可以 send 俾你啊! 你自己唔係咁易搵到~)
我o係討論板果度加左個有關"時間"o既討論, 希望大家都講下你對時間o既感覺, 唔好咁科學化, 最好天馬行空D, 有咁亂黎就咁亂黎啦!
Pachelbel canon 已經練到最難果4個 bar, 已經勉強拉到2個 bar, 俾多兩三個禮拜我應該可以練好, 之後果D已經無乜難度, 相信可以o係聖誕節之前拉好成首歌, 加油啊!
向左走 向右走 星期四就上畫啦! 星期六一定要去睇呀! 就算無早場都係必睇啊! | | |
| | 06/09/2003 - [ 六 ] | | | | 今日似番個人樣, 起碼行路都有力D, 不過個肚仔仲係間斷咁有少少微痛, 我個肚真係多災多難.
今日聽番朗朗上個禮拜o係文化中心個 recital, 唔錯唔錯! 而家呢個世界真係傳謀大晒, 講真, 如果朗朗同李雲迪一樣, 有好似流行音樂咁o既宣傳, 一定可以大 hit, 佢D技術已經去到一個世界頂尖水平, 而且佢D風格夠豪, 一定好多人鍾意, 不過佢o係亞洲無乜宣傳, 反而o係歐洲就好紅, 真係奇怪......
禮拜二就有得去聽 Repin o既 recital 啦!!! 期待已久, 我最鍾意o既小提琴家呀! 兩個禮拜前第一日賣飛就晨早起身去撲飛. 記得果陣第一次聽佢o既 Paganini caprices no.24, 就已經好鍾意果種行雲流水o既琴音, 總之就勁正! 熱切期待!
相簿加左幅日落o既相, post 左o係 DCfever 度, D人o既反應幾好, 大家都去睇下啦! | | |
| | 05/09/2003 - [ 五 ] | | | | 今朝一起身就勁肚痛+頭痛!!! 但係因為要交棋王, 同埋俾隻 floppy 人, 仲有今日有 chem 同 bio, 兩科都教D自己唔會睇得明o既野, 所以逼住死頂番學, 我已經行路都無力, 行到上七樓o既課室真係有虛脫o既感覺...... 涯到放學, 即刻死番屋企訓, 拍左幾粒 Panadol, 好似有番D力...... 真係好討厭頭痛o既感覺, 好痛苦!
Oh! Suck! 唔小心 delete 左兩個禮拜o既日記...... 算啦...... 都無計...... 唯有憑記憶補番小小啦...... | | |
| | 04/09/2003 - [ 四 ] | | | | 今日終於寫好個棋王, 幾經辛苦...... 3213字收工, 係呀, 係三千幾字, 原本諗住一千幾就夠, 但係尋晚唔知點解, 靈感係咁湧出o黎, 係咁打係咁打, 打到一點幾終於打完...... 第二日早D起身做埋個封面, 好滿足!
寫小說真係好考組織能力, 幾時出個主題, 幾時用對白, 幾時用敘述句, 仲有, 續寫個難度係點樣運用D唔同o既角色去講你想講o既野. 仲要諗點承繼原本作者個風格. 好滿意今次呢份作品, 我諗應該成績唔錯. 不過寫一次小說真係花好多心血, 如果唔係續寫而係純創作, 我未必有能力寫得好, 功力未到家喲! | | |
| | 03/09/2003 - [ 三 ] | | | | 原來交棋王o既 deadline 係星期五, 咁就可以多一日俾我設計封面啦~
原來 K. Kwong 曾經o係 CIT 玩過...... 真係...... 所以話呢, 幾勁o既大學都可以出D咁o既人, 所以我相信就算係一D野雞大學, 都可以有人有能力拎 Nobel, 只要有o既係好o既想像力, 可以窺探到上主o既世界, 發展出一套好o既理論係有可能o既!
原來世界之大, 人之眾, 意見之廣, 關於人的事情, 都不會有絕對.
原來, 原來, 又原來...... 其實我地好多時都生活o係一個自己偏見o既世界入面; 當我地睇到一個正方形o既盒o既正面好靚, 我地可能會睇唔到個盒後面好樣衰, 當我地正考慮要唔要個盒好時, 又唔記得睇下個盒o既頂同底, 結果當睇清楚個盒o既六個面時, 正要決定買左個盒, 買到番屋企先發覺個盒入面有隻死老鼠, 仲要發臭, 最終你都係掉左個盒...... 頭先沖涼突然諗到, 哲左D, 悶左D, 唔好意思喲! | | |
|  | 02/09/2003 - [ 二 ] | | | | 呢日打大風, 小息完左就放學, 番到屋企就係咁訓, 然後寫棋王. 夜晚9號波, 不過到左點幾就改番做3號波, 第二日要番學啦! | | |
| | 01/09/2003 - [ 一 ] | | | | 開學日, 今年校訓係 "放眼世界, 孕育創意", o係波記開始有校訓, 呢個算係最似樣...... |
|