Friday 01st August 2003 01:23:34 AM
| | 31/08/2003 - [ 日 ] | | | | 呢日好記得, 去左剪頭髮, 個髮型師姐姐叫我唔好分界, 自然D仲好, 所以個頭都任佢舞, 又吹又落泥, 唔洗錢都咁好心機搞, 多謝晒啦 Flora 姐姐! | | |
| | 21/08/2003 - [ 四 ] | | | | 呢幾日成日落雨, 幾舒服呀~ 橫豎呢幾日都無乜mood打波, 落雨天D空氣無咁濁, 清新好多, 我唔係咁鍾意行街就因為銅鑼灣或旺角D空氣都勁臭, 無必要都唔會行...... | | |
| | 20/08/2003 - [ 三 ] | | | | Canon 出新 D/SLR, 300D, 正呀, 遲D存夠錢就可以買到平價 D60 / 10D 啦...... 不過講就咁講, 可能要到下年番暑期工先有錢......
慢慢摸到明白點換把位, 要再練熟D, 要音再準D, 換把位對我拉琴好有用, 練得夠熟就可以拉多好多歌, grade 5 都無乜問題, 到時應該可以拉 Salut d'Amour, 再遲D可以加埋泛音......(諗到好遠^^)
呢幾日維園D貓貓成日走出o黎玩, 唔知點解D白貓好似友善D, 多數都肯同我玩, 但係D黑貓見到人就走...... 但係D黑貓仔都好得意啊, 想同佢地玩呀~
近排愛上睇"交換日記", by 張妙如&徐玫怡, 好得意啊; 台灣人D生活有時問香港人都幾唔同, 但係再比起法國人就真係差太太太遠啦, 唔知有無機會去一D文化同香港好唔同o既地方行下呢? | | |
| | 19/08/2003 - [ 二 ] | | | | Pachelbel Canon 完成度已經到左18/57, 唔錯, 不過換把位手法唔係太熟, 始終自學好多野都唔係咁 sure, 算啦, 玩得開心就得囉~~~
快D做晒D功課, 溫多D書, 搵多一日去玩! 應該做得切o既!
呢個暑假俾左好多時間我諗, 諗通左好多野...... 係唔係叫做開始化呢...... | | |
| | 17/08/2003 - [ 日 ] | | | | 尋晚行雷行到好似打仗咁, 當然唔錯過呢個難得機會影相, 好好彩俾我影到小小電光~ 不過如果屋企o係D偏遠D o既地方, 相信會更加震撼!
越來越搵到 Pachelbel Canon o既可愛之處, 呢首歌好在唔止係個旋律好優美, 而且個配器手法好好, 唔係一隻violin主奏, 而係三隻violin連埋個double bass都有機會o係唔同時間各自突出表現, 相信夾果陣會好好玩~而家完成左9/53......
| | |
| | |
| | 16/08/2003 - [ 六 ] | | | | 開始練 Pachelbel Canon in D, 一路練, 一路俾呢首巴洛克o既音樂啟發...
科學同音樂, 其實好相似
巴洛克音樂注重格式, 對位, 就好似牛頓o既古典力學, 一切都規規舉舉, 現實情況可以完全由常理develop出o黎o既理論去解釋
到左十九世紀, 科學家發現微觀電子世界o既奇怪行為, 已經大大超出已往古典物理, 但係愛因斯坦o既出現, 以及往後幾十年量子物理o既快速發展, 已經將奇怪o既微觀世界問題打開缺口, 雖然離開要完全解釋仍然相差好遠, 但係已經係好大進步......二十世紀音樂表面好似好自由, 唔使跟規舉玩, 但其實音樂本身就係一個有規舉o既世界, D乜野C major, E minor, 一拍半, 二拍半, 果D咪就係規舉; 我相信呢個世界有主, 科學根本唔會對天主有所冒犯, 我記得有一個科學家講過, 科學進步, 就係對主o既意向有更深入認識, 音樂o既框框, 就好似主o既世界, 新式o既音樂模式, 就好似科學o既發展 | | |
| | |
| | 15/08/2003 - [ 五 ] | | | | 或者每個人都曾經憧憬過一段屬於自己的愛情故事， 對嗎？
愛情故事總充滿著巧合，你的愛情故事是否都包含著”假如愛有天意”, 或是”向左走，向右走”般的橋段？但我猜你亦曾埋怨為何在現實中總遇不到如此可愛的巧合吧！日常見到的為何總是面目可憎的面孔？
事實真的這樣令人沮喪嗎？
其實不是吧．．．．．．
我們每一個人的生活不就正是一個個漂亮的愛情故事？
每天繁重的工作，或已令你不想再多管閒事，更不要說別人面上所表現出的細小變化．．．．．．
然而你最期待的愛情故事，就在那小小的變化開始 | | |
| | 13/08/2003 - [ 三 ] | | | | 暑假話咁快就過左大半, 日日D生活都鬼咁規律, 好似仲規律過番學果時......雖然幾滿足下, 但係無好激咁玩過, 好似搵唔到暑假個神韻, 不過算啦, 要玩都等下年個最強暑假先玩啦, 好想試下so call o既流浪, 幾日都好呀, 去D荒山野嶺訓幾日, 行下D奇山異水, 應該幾好玩!!
K. Kwong 好貴好昆水, 廢話多多, 不過可能D所謂名校o既chem sir/miss太悶+太廢, 見到 K. Kwong 識爆一兩句粗同講下黃色笑話就將佢奉若神名, 咁就俾佢混到咁多$$, 真係無天理。好唔想俾佢繼續老屈我D$$。 Mr. Mok 又出o黎教呀~ 教D細班, 等D人領略下咩叫"教書"~ | | |
| | 11/08/2003 - [ 一 ] | | | | 睇完"假如愛有天意""The Classic"
好好好感動呀...... 唔識點形容果種感動, 總之一定喊......
一生人如果可以經歷一次咁經典o既愛情故事, 結果係點已經唔要......
好想睇多次~仲要買埋sound track先得!
好有衝動練Pachelbel Canon in D!真係好好聽~ | | |
| | |
| | 09/08/2003 - [ 六 ] | | | | 自大容易, 自卑不難. 但為何要承認自己平凡卻這樣困難? | | |
| | 07/08/2003 - [ 四 ] | | | | 今年班F.5幾爭氣, 50幾個入番波記, 下年唔會見到咁多外校生......有好有壞啦, 不過佢地又中又英咁, AL會好辛苦, good luck咁啦~
好討厭個死人printer, 出唔到紅色, 麻Q煩!!! | | |
| | 06/08/2003 - [ 三 ] | | | | 都真係幾恐怖, 今年o既7B竟然有成15個人JUPAS no offer, 明明派result果日見佢地成績唔錯o架......可能經濟唔好, 人人都搏命讀書, 平均成績好左, 搆到難左入U......搆到我有D驚, 唔得呀, 入唔到U真係好死得, 雖然我好討厭香港o既白痴教育制度, 但係點都要o係香港讀左個degree先可以證明自己有料去外國讀書o架......不過驚都無用啦, 讀啦~ 要記住唔好用別人o既眼光作為自己讀書o既理由!! | | |
| | 04/08/2003 - [ 一 ] | | | | 好久沒寫過那一行行分開的文字......
今天重遇上 | | |
|