|
|||||||||||||||||||||||||||||||||||||||||||||||||||||||||||||||||||||||||||||||||||||
Day 2: 大炮台 > 大三巴 > 議事亭 > 媽閣廟 > 主教山 > 旅遊塔 > 西灣大橋 > 主教山 > 新馬路 > 三盞燈 起床時發現出面陽光明媚,又要同陽光玩遊戲。 今早到酒店樓下的中式餐廳食自助早餐,可能晏左去,無咩好食。 離開酒店,沿俾利喇街走,途經一座粉紅色的建築物,這就是鏡湖醫院, 回歸前經常在電視新聞中聽到的名字,原來它就是這樣的 ~~~~ 大約十五分鐘,就黎到大炮台公園;此炮台位於山頂處,有一片綠草地, 感覺都幾舒服,不過今天太陽異常猛烈,影左陣相就不敢再作久留, 移步到隔離的澳門必遊景點 ---- 大三巴。 由於是必遊關係,遊客太多,想影張相都難…….>.< 我們不知不覺地被太陽曬紅了,立即到附近一間化妝品店買支太陽油救命, 真係太熱了,諗住take個break,先返酒店沖個涼,換過件衫,下午再出擊, 點知………唉!! 竟然搭錯車,坐了返酒店的相反方向,最後無啦啦去左媽閣廟………!!!! 雖然行程要安排我們同媽祖打個招呼,不過都先食個lunch醫左肚先啦, 係餐館,食個麵,順便可以涼一涼冷氣,降降溫,休息下咁; 媽閣廟應該係全澳門最旺場、香火最頂盛的廟宇,隨了有大此善信遊客慕名而來, 亦吸引了不少相信是來自香港的影友到來取景捕獵。 拜完媽祖,可順道一登廟後的主教山,山頂上有座教堂,幾有特色; 我們沿車路慢慢上山,首先會經過港務局大樓及亞婆井前地, 之後就要面對一條超級斜路,流了不少汗水,終於登臨山頂; 主教山教堂壯嚴,山頂亦風光無限好,可遠眺氹仔及珠海,值得一遊。 我們沿另一邊斜路落山,經過葡國領事館,再去到一個水上活動中心, 這時已經差不多五點,又有點筋疲力盡既感覺,所以決定唔去松山,走左去矗立眼前的澳門旅遊塔。 原本打算今晚去試試旅遊塔旋轉餐廳的自助晚餐,好可惜full左, 退而求其次,食個tea都好啦,享受下一頓高貴的下午茶^^ 嘆完tea,走出海旁,在旅遊塔低望下d人點樣玩笨豬跳,好似都幾刺激 ~~~ 沿海旁慢步,看看對岸氹仔既沿岸風光,又可近距離欣賞西灣大橋的黃昏景致; 在夜幕的親托下,西灣大橋顯得更加富有特色……..good view !!! 還未夠喉,搭的士返回主教山,從高處俯瞰高塔.大橋之夜色,又有另一番味道。 欣賞完夜景,便打的到新馬路掃街食野,但原來澳門真係好難截的士的 >.< 去到新馬路雖然只是九點多,但很多橫街的食店已開始打烊,好似唔憂做咁; 最後我們以高速食左個雙皮奶,再係附近行一陣,之後便搭巴士回三盞燈。 三盞燈附近一帶橫街食店臨立,亦是吃宵夜的熱門地, 我們憑著旅遊攻略提供的資料,很順利就搵到在澳門已嚮負盛名的阿伯蛋茶; 阿伯看來啱啱開檔,但已經有數十人在排隊等候,連老外都慕名而來, 由於阿伯每晚產量有限,所以我們亦只好跟隊,亦可看看他的烹調手技。 一等就是個半鐘,新鮮滾熱辣的蛋茶終於面世,我們兩人買了一碗試試, 隨意在街邊找個地方慢慢品償……….踏正十二點……………生日快樂!!!!!! 她的生日,我與她在澳門的老橫街中渡過。
|