到達三亞市,竟然無落雨,真係不幸中的大幸,但灰暗的天色令海景失色,心情仍有點失落。
落車離開車站,照慣例,大量叔叔嬸嬸立即蜂擁而上,好在都不難應付。
人生路不熟,兩個人在街上傻下傻下咁周圍走,
最後決定先打的到我們早在網上預定好的旅館後再算。
去到旅館,坐在露台,迎望三亞灣,吹吹海風,午睡左一陣;
開電視睇,今日是 6 月 30 號,明天就是香港回歸祖國十周年,
多個電視台都播放著同一樣的節目,尤其是鳳凰衛視及中央新聞台,
什麼特備節目直擊香港36小時,什麼香港回放,什麼探看駐港解放軍,
身為香港人,以過來人的身份睇呢d節目都幾親切,又幾過隱,
而且又真係幾好睇,相信在香港都未必睇到咁多野......
睇下睇下又到左夜晚,肚餓了,才打算到市中心行下街,食下野;
落樓走到街上,隨手截了一架三輪車到市中心搵吃的,點知上左賊車,
踩車大嬸笑裡藏刀,沿途指東指西看似給我們介紹三亞市,
其實在不斷兜圈子......可惡!! 好彩我們有秘密武器,立即施展地圖閱讀本色,
她奸計未能得逞,最後還想多騙我們幾元錢.......哈!!!
由於唔想周圍行搵野食,求其咁去左 KFC食雞,我們的致愛~~~
KFC門外有一個賣巴西龜仔的地攤,生意都唔錯,除了小朋友,
連大朋友、年青男女、拖友、夫妻、叔叔嬸嬸、公公婆婆、甚至單身既麻甩老,
都對這些巴西龜仔充滿濃厚興趣,原來海南市民是這麼熱愛小動物的。
食得超飽,決定慢慢步行返旅館;在路上,見到有人暈倒,在旁有大量群眾圍觀,
我們又發揮了八卦的本性,趁趁熱鬧,看過究竟,
仲係隔離既小販買左幾位果后山竹,一邊吃一邊睇^^
終於有內地公安及救護人員到場,並見識到那"出色"的辦事能力及工作效率!!
行到海邊,風和月麗,在明月下慢步三亞灣,聽聽海浪聲,好 relax !!!
不知不覺就回到旅館了^^
就咁樣又過左一天.......
Day 4: 三亞灣、亞龍灣、鹿回頭公園
又瞓到自然醒,已經十一點幾~~~
今日太陽破雲而出,興奮......陽光海灘....我來了^^!!!
食個平靚正既蘭州拉麵,立即坐車去亞龍灣,點知坐左架民工巴士,迫到爆.....!!!
亞龍灣被喻為三亞最美的海灘,水綠沙幼,附近全是豪華靚酒店;
看著那藍綠色的碧海,吹吹海風 .....so free!!!!
玩完海灘,傍晚再搭車上山,一個叫鹿回頭公園的地方,
在這裡可以俯瞰整個三亞市及三亞灣,亦是欣賞日落的絕佳地點,不過好多蚊 >.<
睇完日落,諗住去第一市場買海鮮,點知已關門大吉,吹脹!!!
唯有行下隔離個水果市場,變成買水果 ~~~
食唔到海鮮,食下海南特產文昌雞都好,雞肉幾滑,但有點肥*.*
今日係海灘玩左又曬左半天,個人有 d 散散地,
最後放棄行超市既節目,提早返旅館;
打開電視,又是香港回歸.......
行程充實的一天........