Day 1: 香港 > 深圳 > 海口市
放工後即跑到羅湖，先到關口既鷹通旅行社拎回程機票，再打的 $120 大元直撲深圳寶安機場。
唔知咩原因，海南航線出名經常 delay 既，原本 0910pm 起飛，最後延誤至 1100pm 先飛，
而由深圳飛海口的機程都只不過是50分鐘，飛多兩轉都得啦，唉!!! 
航空公司作出補償，派水派粥又派杯麵，所有乘客在候機室集體食杯麵，搞笑!! 
去到海口美蘭機場已經十二點，好在仲有機場巴士出市區，
時間不早了，今晚便順理成章入住了機場巴士總站的民航賓館，
三星級，位處市中心，交通購物都超方便....推薦!!! 
安頓好，沖完涼，搞到兩點幾先瞓，要好好休息一下。
期待的一天.........

Day 2： 海口市、萬綠園、假日海灘
起身，已經差不多十二點，天氣比預期中好； 
出到街，太陽高掛，立即感受到海南既熱情，悶熱.......
今日無特定行程，求其截左架三輪車慢遊下海口市，
穿梭於大小橫街，經過老區，鐘樓等，main point 係唔駛自己行，超爽!!!  
之後去左一個叫萬綠園既地方，這裡是一個很大的綠化公園，比香港維園還要大，
周圍影下相，行下，坐下，瞓下草地，萬無目的；
飲下椰青，看看海口居民放下狗，放下風箏，
多麼的寫意，不知不覺就在這裡消磨了整個下午。
黃昏，天氣涼返少少，轉車到鄰近的假日海灘散步，
雖然天已黑，但海灘還人山人海，仲有人玩水上電單車添，黑夜飛馳.....
簡單悠閒的一天.......