|
|||||||||||||||||||||||||||||||||||||||||||||||||||||||||||||||||||||||||||||||||||||
Day 1: 香港 > 深圳 > 廣州 > 張家界市 下午上水火車站集合,三點鐘人齊,出發…….!! 過關後第一時間奔向火車站,購買深圳往廣州的城際快線, 一心諗住可以試下剛投入服務不久的子彈頭高速列車有幾快, 點知事與願違,d 火車可能行得太快,快到唔知去晒邊, 所有車次都嚴重 delay,連火車幾時到站都預計唔到……混亂…恐慌!!! 因為我們要趕6點半廣州開既火車架!!!!! 事不宜遲,退票啦,立即跑返去羅湖商業城投靠大巴,去到唔駛點等就開車了。 到達廣州已經差不多六點,立即再轉的士直撲廣州火車站……. 最後當然係時間岩岩好啦,火車亦準時開出,向湖南駛去。 由於要趕火車,所以無買野食上車,今晚係機會試下火車上的飯盒了~~ 叫左個青椒雞球飯,點知入面九成係青椒,雞球就要努力一點搜尋下喇 >.< 食完飯,例行節目 UNO 戰,戰況異常激烈, 喧嘩聲更完全破壞了車廂裡的寧靜氣氛……… 十一點,火車終於熄燈,即時散檔,要訓覺了。
Day 2: 張家界市 > 吉首市 > 鳳凰古城 半夜,火車埋站……被震醒;冷氣熄左……..熱醒,一晚醒左好幾次 >.< 四點幾五點天未光,火車就開燈了,成車人醒晒, 因為大部份人都要在長沙市 & 衡陽市落車。 D人走晒,火車再回復一片安寧,諗住訓多一陣, 點知隔離床又有條死靚仔係到玩野,嘈嘈貢…….唉!! 索性起身,落床睇下風景,影下相好過。 今早又試下火車既早餐……粥水炒麵,都算ok啦。 火車上無無聊聊,除了發呆銘想,當然仲可以玩下附近隔離床d細路啦…哈哈^^ 熬了差不多十六小時火車,終於踏上張家界了。 剛踏出火車站,發覺天色不對勁了,灰灰暗暗,壞天氣的先兆呀!!! 一股強烈冷峰應該會於呢一兩天殺到,幸好我們出發前早有準備, 立即實行第二方案行程,改去鳳鳳古城先啦,之後先再返黎張家界………。 初到貴境,人生路不熟,坐錯車在所難免…..呵呵!!! 遊左幾轉車河,終於去到張家界汽車站,轉車往吉首市。 到吉首市,我們只作短暫停留,食個 Lunch,休息一片,就繼續上路了。 係吉首火車站廣場搵到架廿四座小巴,包車去鳳凰古城開價120蚊,殺你!!!! 車開得好快,坐緊亡命紅van一樣,可能司機要趕住去接第二單生意~~~ 幸好沿路既風景,油菜花都好靚……..舒緩了一點緊張情緒。 兩小時車程,到達鳳凰大橋的南華門,終於到了,大家都辛苦了。 入到鳳凰古城,第一時間走到沱江邊,唔係睇風景,係搵客棧; 又要平、又要乾淨、又要住吊腳樓、又要面向江邊、 又話要有露台、唔要一二樓淨係要三樓………哈哈哈…..要求多多~~~ 可惜我們來得太晚,客棧貨源緊絕, 最後幾經艱辛先各自搵到乎合以上所有要求的房間,yeah!!! 已經天黑了,食個地道dinner,再係咁意周圍行下,睇睇夜色; 呢兩日舟車勞動,好累了,要返客棧休息一下, 明天行程?? 明天再算吧……!!
|