今日同一班同事去石澳BBQ+游水，奶娘都有o黎呀，
仲攜眷出席､帶埋我個“契仔”俾我見下tim，佢好cute，
真係成隻公仔咁，靚仔又乖∼冇咩點出聲，抵錫！
朝早11點半約o係筲箕灣，等齊人去惠康買o野，之後分２批人，
一ｄ入去搵爐，淨返果ｄ去街市買o野。
今日星期日，都唔係好多人ＢＢＱ，不過沙灘就勁多人。
我o地入到去已經有爐喇，之後開始燒o野食，食飽有ｄ人已經落水玩ｌａ．．．．．．
我怕曬，諗住４點先落水，３點幾時，
ｄ人差唔多落曬水，得返幾個人o係度燒o野食，佢o地又唔會落水喎，我見悶悶地o，
之後都係忍住換衫落水喇。
岸邊好多人，根本游唔到水，只可以玩水，
我o地幾個人o係水度玩&游o左一陣，
再上水打沙灘排球，玩到５點幾，就返去換衫
執o野走，ｄo野食都已經燒曬。
睇返電話有miss call，係helen同亞哥，佢地諗住宜家入o黎join我o地，
但我o地又就走，最後佢地都唔o黎喇！
我見時間仲早，又唔想返屋企住，之後同奶娘､michael､stephen出MK。
先去“大家食”食手攪麵，再去CAFE飲o野，我o地又玩大富翁Ｌａ，
玩親都笑鑤嘴，
今次都唔例外，最奇係奶娘做大贏家。
玩到１１點幾返屋企Ｌａ∼∼∼
今日o係石澳玩得唔夠喉，不過都好開心！！！