收工，又去游水，今次去將軍澳泳池。
果度好大好新呀！有４條滑梯､一個大嬉水池､一個大池､３個訓練池､同跳水池，幾靚 ！
最正係，好少人游水，Ｄ水好清．．．．．．今日我終於夠膽 o係深水池游la，原來感覺咁好ｇａ！！不過我都係唔夠長氣。
今晚都幾凍，游游下仲落大雨tim，好彩都係過雲雨。
自己游游下，o係個池邊休息時，俾個救生員搭訕，係咁撩我講o野，問我叫咩名､住邊､做咩､同邊個o黎游水､又話傘埋我､仲想約我去飲o野tim，嘩∼∼真係急！！
o係游池媾女離不開第一句就係“咦∼第一次o黎呀？唔多見過你喎！”
咁o既開場白。好屎！=o= 佢仲話我咁叻∼好少女仔識游水，我心諗，我唔游水o黎游池做咩？？？
今次又游得好攰∼∼∼ =.=" Ｚｚｚｚ
不過攰先有用！！！
