問題似乎越嚟越嚴重~~
話說今日要返06:00,我05:25己經返到公司,打咭後先食早餐,之後再返Control簽到,簽到時發現冇自己個名!大鑊~~又返錯更?(因為之前都試過) -_-" ,再睇睇更紙,真係喎,今日Day Off,正想返更衣室換衫走人之際,再諗諗,冇理由!!我明明放完兩日假,仲點會有Day Off 喎,唯有同IC講啦,佢一睇更紙就話:有冇搞錯呀~~今日係八號呀,做乜睇七號嘅更期呀!!
完來我真係睇咗七號嘅更期,仲攞咗七號嘅簽到紙呀簽到,唔怪之得冇我名啦 >_<
睇嚟我嘅(PM0001事件)直接影響到我嘅生活,點算呀~~~