尋晚 01Apr 又去咗 BBQ ^_^y .今次嘅地點係西貢海灣燒烤塲.已經五、六年冇去過lu,今次見到個環境完全唔同晒,仲記得上次去嘅時侯喺停車場有隻好大嘅蟹ga,依家已經冇咗喇.個燒烤塲係自助形式,仲有好多唔同款式嘅嘢食,味道仲唔錯tim,好過好多地方.
BBQ之後,過咗隔離間Bar坐吓吹吓水,又有人喺現場唱Live,都算OK啦.仲試咗好多cocktail,可能平時好少飲呢d cocktail,總係覺得d味好怪.之後我地玩"非洲話事啤",嬴家(燕婷)選咗兩個輸家要出場跳舞~~~(咁激!!!希望唔好係我啦).一開牌,結果輸家係我同美怡, >_ < 舞都未跳,第二局又嚟喇~~今次嬴家選一位輸家,話要出場伴我地跳舞.哈哈~~~今次輸家係燕婷,個個都話佢害人終害己.最後我地三個當然係求其跳吓了事啦......都幾好玩喎,不過下次可唔可以唔好玩咁激呀!!
PM0001 ^_^y
