尋日喺屋企幫d金魚換水,發覺個缸底出現裂痕~~但又無理會.(因為換水之前,個缸都冇漏水)
到今日發現個缸少咗小半缸水,先知到大件事喇~~~d金魚未來嘅命運就在我手中......第一件事,當然係走去金魚街買個新缸啦.
去到金魚街,發覺d缸平咗好多喎,仲係成套ga,(有燈箱,濾水器同火牛),勁方便,如果買個缸就要大約$180,一套就$200多少少.咁抵,我當然係買一套啦.
買到返屋企先發覺一套有乜用呢!!!燈箱,濾水器已經有喇,基本上只係需要一個缸啫........冇所謂啦,救魚緊要!!
完成所有救援工作,欣賞吓先......發覺d魚好似唔係咁鍾意間"新屋",還是未習慣新居呢.總係要浮上水面......究竟有乜問題呀~~~
