今日訓到成一點幾先起身，然後又去左食家鄉雞，已經連續兩日食肯德基了，總是覺得食極都好似食唔飽咁既！本來諗住去迪欣湖度影相既，可惜發覺後備電又未叉，到時山長水遠咁去到影少少又無電都幾麻煩，所以叉完電先出街，但由於已經好晏，所以最後去左鰂魚涌公園影相，今次主要係影花咋，都無乜心機又無乜景值得影人！
然後去左吉之島超市度行，好耐都無去了，好多野都好想買好想食，但又咁鬼貴，所以最後只買左少少野咋！如果我有好多既錢就好了，買乜都得，唔駛忍住忍住咁！但可能到時乜都買來食就會變大肥婆了！
呢一兩日天氣突然急轉凍，得返20度以下，寫完日記後，要執下衫了，將夏天衫全部收起，然後搬返所有冬天衫出來，唔知要唔要搞成兩個鐘呢！