星期六日連續兩晚都有打牌，星期六就輸左$2.2，但星期日我就贏左$8，哈哈！好開心呀！好難得可以贏咁多！不過昨晚打到成三點先訓，今朝又要早起都幾辛苦！唔緊要啦！過足手癮！下星期舅父唔係香港又無得玩了！
今日又買多一本有關Dreamweaver既書，上次那本Pat Pat只花了兩日就睇晒了，佢真係效率高，咁快就掌握到了，我今日先開始睇，但我諗我一定無佢咁快囉！唔知要睇幾耐呢！可能我睇完呢本佢已經又睇晒那本了！哈！估唔到我地都竟然會學整網頁！不過咁都好既！以後自己想點改就點改，不用再假手於人嘛！
上星期五同阿龍去左食lunch，本來想當日就同老公講呢件事，不過見佢黑口黑面又唔知嬲咩！所以咪唔講囉！諗住多一事不如少一事！話到咀邊又吞返落個肚度，費時講左出來佢又唔高興啦！但昨晚見佢心情好似又回復，於是都係決定向佢坦白！好彩佢都無咁小器！同阿龍話事話轉眼間都已經有四五年無見了，今次佢都只係落左來一日，即日來回，下次再見可能又隔幾年啦！見返佢，覺得佢黑左好多，而且都肥左，無以前咁好樣了，還是而家老公靚仔過佢好多！嘻嘻！自己讚自己老公都有既！但都係事實唶！言語之間，發覺同佢可能真是兩個世界的人，思想根本都唔同，分開真是遲早的事！