呢幾日都好勤力，係公司做完野再出街見客，不過昨日就唔好彩了，等巴士搞到我遲了四分鐘，我落車後已經跑呀跑，最衰就係坐的那架巴士竟然有傷殘人士上落，司機要落車幫忙，黑仔！Pat Pat仲話要罰八毫子添，梗係無罰錢啦，講明五分鐘先罰一蚊嘛！又未夠五分鐘，如果要罰倒不如話一分鐘罰兩毫啦！今日我預早左出門口，所以早到左十五分鐘，但Pat Pat就唔舒服所以lunch先返！本來係公司做野做得好地地，但約左個客五點要出去影相，點知個客又唔記得左，只叫我地影下環境，食物相就send俾我地喎！早知係咁，上次就一早影埋佢唔駛專登出街嘛！所以今日都早左收工！
昨日成績不錯呀，相信係有史以來最好的一日了，一日內都已經有成七間咁多，距離我地的目標越來越近了！真係開心！因為有個客要成七點幾先得閒，所以都做到好夜！然後在旺角食埋晚飯先歸家！當然又係去左我們其中一個商戶度啦！今次選了食籠仔飯，二人套餐送雞翼，都幾多野食，我覺得算幾抵！但係發覺左一個問題，就係商戶方面往往成日唔記得自己俾了什麼優惠！俾既時候唔係應該深思熟慮過嗎？又會唔記得都有既！好彩係自己人用唶！如果真正係會員幫襯就唔係咁好啦！簡直失禮樣衰呀！遲下睇怕真係要逐個再提醒返佢地！
而家天氣都唔知點搞既！都已經十一月中咁制啦！仲係鬼死咁熱！係咪痴線的？出面就熱，公司就凍到死死下，冷氣勁到不得了！著長袖衫披多件外套都仲覺得好凍囉！咁樣唔病至奇啦！上次仲懶快咁將夏天衫收埋，睇怕未有耐先凍了！