而家每晚都會追兩套電視劇集,「胭脂水粉」情節好緊張,今日仲睇到我流了好多次眼淚呢!好多好感人的劇情!連媽咪都忍唔住眼濕濕呢!我都幾眼淺,每每睇電視劇太感人的場面都會好投入,就好似自己身處劇中咁!而另一套「阿旺新傳」就好搞笑!真係又喊又笑!我都算係性情中人吧!
昨日臨放工時同Pat Pat定了一些新規矩,就係而家每朝都要十點半前返到公司,如果遲到每五分鐘就罰一蚊放落零錢度!呢個規矩都幾好,起碼可以令我地唔好再咁懶散,又可以迫到我地每朝早些起身,改變下生活習慣都好既!其實一早就應該咁做啦!今朝好彩早些出門口咋!有咩理由等車都等了十幾分鐘!嚇得我丫!幾驚第一日就遲到!好彩落車都仲有時間買麵包食唶!我返到公司Pat Pat都仲未返到,仲以為佢今日會遲到添!哈哈!點知佢剛剛好趕得及返到來!
今日成績相當唔錯呀,無端端又開多幾間,真係想像不到,連表格都要再影印先夠用呢!算係幸運開心的一日!過得又充實!一日之內做左好多野呢!衝勁再次返晒來!不過臨尾都唔知點解無端端又頭痛又胃痛!可能唔夠訓所以頭痛,又可能餓得制所以胃痛啦!之後都唔知係熱流汗定標冷汗!但返到屋企食完飯後個胃就無咁痛了!不過依然仲係頭痛囉!今晚都係早些訓!