剛剛先同舅父舅母打完麻雀，都好耐無同佢地打喇！昨晚都有打，不過我就輸左$5.5，但今晚終於可以威返次喇！贏左$4.9呢！嘻嘻！好開心！希望下個星期有得再打就好了！呢兩晚都係打足八圈，不過今晚就打得快些，不用五個鐘就打完八圈，昨晚就超慢，由八點打到三點幾！仲以為今日無得去影相添！
點知最後都去了黃大仙影相，本來諗住個主題係"祈福"，但要真係買香燭拜神，可惜我經期又來緊，記得聽媽咪講好似經期來時係唔可以拜神的，所以最後都無用到呢個主題，唯有下次先用啦！只係去了嗇色園從心苑度影下相，但最開頭我真係唔開心囉！哼！佢有佢自己行去周圍影！理都唔理下我！我坐埋一二邊佢都唔望多眼添呀！搞到我好嬲，忍不住流淚！衰人來的！仲要我喊佢都仲無乜點tum我！算佢好彩，因為後來見到有一隻好特別的昆蟲先無左件事咋！
可惜果度好早就要關門，所以都只係影左一陣咋！未六點就已經離開黃大仙了！之後返到北角就買了雞蛋仔食，又去左仙跡岩買了一杯荔枝玉露加我而家最喜歡的珍珠，不過我覺得呢度既珍珠無咁煙韌無咁好味！
