昨晚執相執到四點先上床訓覺，雙眼雖然已經好累，但就是翻來覆去都訓不著，我諗最後都係五點幾先真正可以入睡，但今朝因為約左十二點係旺角做facial所以又要早起！
上次買左MP17既護膚產品，送我一次免費facial，當時本來Pat Pat無既，後來又打俾佢送埋俾佢喎！未去前仲以為咁好死送facial，做完一定會係咁sell我地買package什麼的，但點知真係出乎我意料之外，只係約略問左一次會唔會考慮而家登記埋做一個價值百多元的facial咋喎！我話下次先啦！佢已經無再免強我了！Pat Pat都只係買左百多元的產品就已經有得送一次facial，其實計返條數又真係幾抵喎！係做facial時塊面冰冰地都幾舒服，但要郁都唔郁咁訓咁耐其實又幾累囉！成個過程都要個半鐘！做完剛剛好夠鐘見客！
今日行程都幾密既，到三點我地都仲未有野落肚，好彩約早左其中一間影相的店舖，可以免費食左個lunch，是台式食物來的，但可惜女人毛病個肚唔係咁舒服，所以胃口都不是太好，兩個人都食唔晒五樣東西，同埋有些係炸野，都唔好食太多，費時剛剛病完又太熱氣啦！
我諗今晚要早點訓先得喇！因為有點頭痛！
