剛剛訓了一陣起身，唔知點解而家個人成日都覺得好懶好想訓，我都知一訓就唔想起身，不過大把野等住我做，唔起身又唔得呢！我好想飲凍野，好想食熱氣野，好想食好野！但又未真正病好，都仲要克制住好辛苦！
仲以為今個星期唔去影相，休息一下添，但竟然最後都去左上環摩羅街同埋香港醫學博物館影相，但要入場費，所以就無入到裡面了！今日主要都係影我，而我的身份是模特兒兼攝影師，整輯相都會見到我隨身帶住部相機的！估唔到係香港醫學博物館出面都有些花花可以俾我發揮所長喎！
雖然係上環臨走時食左個豬柳漢堡，但都完全唔滿足，個肚依然覺得好空虛，有時真係唔知係真肚餓呢，定係貪吃，所以返到北角都要去拮番串辣魚蛋食，一串又邊夠喉丫，然後再來一串牛肉，正！
