今日又係在出面遊離浪蕩，好耐都無去銅鑼灣了，今日再重返都依舊不變，d人態度都係無咁好，但今日既成績已經算係呢幾日中最好的一日了！唉！近來好似開始難入手左，唔通因為我地唔夠勤力？約左Pat Pat一齊去食lunch，又係照舊諗住搵間有潛質的，唔好蝕俾佢嘛！點知食完後搵負責人啦！係度就係度呀！但係忙緊喎！根本只係同人地閒聊緊之嘛！算我地唔好彩啦！唉！
聽日都係返公司再入下資料同打電話啦！如果可以好似最先咁一個星期的booking都滿晒就好了！今日部相機帶出去都無用武之地既！side晒！
d藥食埋今晚就食晒了！都好似好返左不少，d藥力都幾勁，好似真係咳少左又少左啖，我真係要睇呢個醫生先解決到！中藥應該就唔適合我喇！
舅父好似俾欣欣聖誕返來香港喎！唉！兩父女其實邊有隔夜仇丫！一個半個說話都不用銘記於心嘛！細路女口快快一時亂說話唶！不過欣欣本來話佢同學訂機會聖誕訂機票返香港，原來佢同學返來係因為哥哥結婚，好搞笑呀！唔知佢地知道後又會唔會改變主意呢？不過而家都未知欣欣聖誕需唔需要補課，如果要就無得返喇！
