本來打算今日早少少返工,可惜就是起不了床,或者藥力及病的關係,近呢兩日都比較疲累,身心疲累,咳到有點力不從心,喉嚨慶慶的,總是覺得自己就發燒咁,我一定要支持落去!
公司的工作真是越積越多,好像永遠都做不完般,真係沒完沒了,究竟咁樣係好定唔好呢?每每返到公司就是寫食評般咁介紹餐廳食店,有時對著相片美食,真係好想自己可以不停地食食食!哈!我發覺我都幾胃食,同埋幾貪得無厭,人就是這樣,永遠不懂什麼是滿足!
今日原先諗住幫"小紫"影返張相,點知最後還是忘記了,"小紫"其實就是我在公司種植的小盆栽,係紫羅蘭來的,所以叫佢做"小紫",不過其實而家都已經唔算係我種了,最初買來時開晒花好靚,但可能我照料不足,一夜之間所有花都凋謝,連葉都變黃變弱,幸好公司的清潔阿姐幫我繼續照料佢,而家"小紫"病好了,身體還越來越強壯呢!d葉不知幾硬淨!哈!唔係清潔阿姐話我知,我都無留意原來佢好似就來要開花了,有兩個花蕾般的物體萌出來呢!希望不是我地會錯意啦!