返工坐地鐵途中，遠處見到一個大肚婆，背住個速遞袋，企了幾個站，但都無人願意讓位俾佢坐下既！大住個肚已經好辛苦，仲要做速遞，周圍奔波，都幾慘！一望之下，坐係度的大多數都是後生仔，個個都無同情心咁既！一個二個就係坐係度訓覺，哈！真係世態炎涼！
今日返工第一眼見Pat Pat就發現佢眼腫了，仲以為佢係太夜訓唔夠訓添，原來又同男朋友炒大鑊！唉！佢男朋友呢排惹桃花，無意中俾Pat Pat發現左一些蛛絲馬跡，好地地可能唔呃佢都無事，點知又要講大話！不過我諗佢男朋友都只係平時口花花既唶！都唔會真正做出一些對佢唔住的事！若然真係要分手又未免太可惜！我個人認為俾多次機會佢囉！反正拍了七年拖真係算好難得！仲要keep到咁甜蜜，更加係要兩個都有這個心先得囉！況且我地女仔就係咁蝕底，青春有限，又有幾多個三年七年丫！更何況要再找一個性格咁夾又專一的男人真係世間少有！所以我還是認為以和為貴，俾些顏色佢睇係應該，但分手就太嚴重了！過去的就由得佢過去，唔好下下再去追究，最緊要係將來嘛！不要一錯再錯，不要再行差踏錯就多一事不如少一事！我都唔係要偏幫佢男朋友，只係以旁觀者來分析件事，而且我都想見佢地可以快d拉埋天窗！我都明白而家Pat Pat實睇唔開，但過多一排應該無事既！兩個人一齊，最緊要真係個"信"字，如果成日疑神疑鬼，一來自己唔開心，二來一齊就再無意思啦！希望佢可以快些諗通無事啦！
今日又去左影四川菜，不過就無得試食，一拿出來真係樣樣見到都好辣，連味都係辣的，應該唔係辣，而係麻辣，不過就算佢俾我地試食，我都無福消受，因為我喉嚨受不起，無端端又咳到死死下，仲要差點失聲，想嚇死人咩！
後來去左一間咖啡哲學館，個老細都好好人，雖然我地唔識飲咖啡，但都請我地飲花茶，遠遠已經聞到花茶香，真係慢慢咁歎，好彩我地唔講時間唶，第一次真真正正咁悠閒咁high tea...
