今日都無乜特別，只是在灣仔工作，拿返隻CD俾一間甜品店，真係想不到咁樣都會有甜品試食，雖然細舊些，但都已算不錯，因為呢間我地都無幫佢影相！呢一兩日都會留返係灣仔做野，唔駛過海就最好了！慳返車錢嘛！
因為我有些私事所以出左去先，途中有人叫我幫忙做份問卷，我見時間又不趕，只係幾條問題，咪幫下佢囉！問完後又叫我跟住佢去附近拿些資料，雖然係幾近，但無端端要我上車喎！有病咩！拿資料佢拿來俾我咪得囉！做咩要我上車唶！我望一望都知上得去就落唔返來啦！心諗佢一定係sell野！加上萬一係賊車真係走都走唔甩了！我先無咁笨！我發覺今時今日的公司鎖售手法真係咩都有，仲邊會有什麼真正的市場調查丫！全部都只是銷售的一部份，用來過橋tum人入局而已！好奸，一個二個都係奸商！
今朝同欣欣msn，唉！發覺佢老豆媽咪太離譜，不停不停咁打俾佢，欣欣都已習慣啦，都差不多兩個月了，後生女適應力好快之嘛！只是反而佢地就唔習慣！都唔明佢地既！又要送個女去讀書，又要唔捨得，一年時間話長唔長話短唔短，唔通日日如是咩！真係難怪欣欣頂佢地唔順既！我叫欣欣直接同佢地講出佢的感受，佢又怕會hurt到佢地！唉！但唔講長此下去又係麻煩既！叫佢日記寫出來又唔肯，我都幫佢唔到呀！
