今日為了幫一間cafe影相而入左馬鞍山,我諗都有成三四年無入去喇!基本上無特別野都唔會無端端去果度既!雖然只是cafe,但佢地既野食同普通cafe完全唔同,好高級咁既西餐款,仲有得飲紅酒既添,可惜對住咁多美食都無得試下添!因為為了影相靚些全部都係生既或者半生熟!算我地無福份啦!
係新港城中心差不多走之際無端端又俾人截住做問卷,諗住好心幫下佢手啦!做完又話有免費皮膚測試,平時我係唔會理佢地既,但見佢又話兩分鐘,Pat Pat又無抗拒之意,咪是但啦!又坐埋去就斃了,猛sell我買產品,本來真係好唔想買既喇!但俾佢講幾講真係心大心細!唉!況且我最想改善既真係我既油脂粒呢個問題囉!我那支野成四百幾呀,連埋洗臉既一套咁買就平些,總共用左差不多七百蚊!女人錢真係易賺!希望真係有用,真正可以改善我皮膚啦!
放工時陪Pat Pat去買左支新鏡!佢都講左差不多兩三個月了,轉了又轉,五時花六時變,最後終於都拿定了主意,支鏡其實都算抵既,又有微距,不過原來都唔係想像般可以zoom到咁遠既!真奇怪!我諗佢而家應該係度試玩緊支新鏡喇!