雖然差不多成三點先訓，但今朝都十一點就乖乖起身了，因為唔想有空檔時間在街度流離浪蕩嘛，好彩都俾我約多兩間，雖然一間見面後仲要考慮，不過亂衝亂撞咁入左同一商場的另一間京滬菜的餐廳補上佢的位置！嘻嘻... 然後電話上約的第二間成功之餘仲有得即場影相試食添！今日有得試食時間又唔會趕，過得好充實好開心！
第二間便是新加坡餐廳，個老闆娘真係超好人，唔知點解係電話度已經預計到佢會叫我地試食了，果然真係，一去到話沖茶俾我地飲，以為只是普通的茶罷了，原來係凍檸茶呢，咁樣都未至於令人感動！最感動的是佢好客氣，影影下相無端端捧了碟沙嗲串燒出來，呢碟佢係專登整來俾我地食的，仲叫我地快些趁熱食，既然整左出來我地梗係要影埋呢碟啦！工作期間佢都已經多次叫我地食了，但始終工作時工作嘛，當然什麼也完成後先食得安樂既！搞掂晒後仲叫我地試食晒所有野，有些凍左既佢還拿入去整返熱俾我地食呢！每一味食物都各具特色，我恨不得全部食晒！可惜五六樣只得兩把口真係食唔晒，剩了一半有點浪費，呢餐已經算是我的晚餐了，好豐富呢！本身諗住呢間餐廳都算幾僻可能會無乜客，真係想不到只係七點唶，差不多爆滿，今日仲要係平日呢！老闆娘咁好人，唔怪得客似雲來，生意越做越好啦！嘻嘻... 原來佢是廈門人，所以講既鄉下話我都識聽！
