隔了十個多月,今日終於再次行山了,今次行麥理浩徑第7段,呢段係由城門水塘出發,尾站應該係鉛礦坳,不過我地原來係行完針山後那段路就開始行錯,應該上草山,我地無上,所以真係行到天黑摸路落山,好慘!今次個個都為了影相,所以都無真真正正咁研究過個行山指南!本書就話行兩小時,我地就由兩點行到八點,足足行了六個鐘呀,真係好誇張!下次第八段我諗真係要八九點出發就差唔多!如果唔帶相機影相又變得無乜意思,以往行山都係影人多,但今次我好少入鏡,因為驚無電,所以掛住影大自然既野多!咁耐無行山,今日都挨了過去都好叻了!不過聽日後日對腳一定痛死啦!
行完山後最後終點係大埔,去左紅樹林食扒餐,我叫了杯"毋忘我",原來是提子加檸檬,改得個名懶好聽咁,不過加了珍珠就唔同,死啦!難道我真係愛上了珍珠?咁多年以來都錯過左添!可惜可惜!