« October 2017 »
MoTuWeThFrSaSu
 1
2345678
9101112131415
16171819202122
23242526272829
3031 
Sunday 16th August 2009 10:35:15 PM
忘記咗[ 0 messages] 
Love, Friendship

原來我好內好內冇嚟呢度啦..

例如UPLOAD相, 寫日記...

其實都發生咗好多嘢...

例如有朋友結婚, 有朋友分手...

有朋友生埋BB..但係我呢...

我改變咗係我去咗讀書囉...

識咗好多同學仔...但係又發生咗好多嘢

突然發覺自己老咗, 屋企人都係一樣

唔知點解好似有好想唔開心既事...

好想找個人一次個同佢講晒出嚟..

有冇人可以幫到我???

Tuesday 18th March 2008 11:21:28 PM
齊人唱K日[ 0 messages] 
Love, Friendship

今日係我哋又齊人去唱K 呀...我諗對上一次唱K都係唔知幾時啦...

今日又係去咗間好大既房呀..GOOD呀..又係有得打機架...阿忠就最鍾意啦...

除咗小炳之後, 我哋4個就唱K,小炳都係間中玩吓又間中唱吓咁啦...

唔知下一次既見面會係幾時呢...我仲好叻添...可以整到大家合照呀!

GOOD呀...我估最快下次見面都會係我同家姐既生日啦...

Saturday 11th November 2006 12:04:09 AM
在你遙遠的附近 - 方力申[ 0 messages] 
Love, Friendship

真係估唔到世界上每當有人失意之時就會有好多歌令佢更加覺得自己係故事中既主角呀﹖有feel就真係有feel架,不過,我都好想完全失去呢種感覺架,或者仲有少少都好正常時間己經沖走鬫n多既啦...再比灡伅‘i能會更加之好添,但係忘記你我是否真的做得到,我自己都唔敢好肯定答你啦,但係就算點都好啦...我唔會忘記你的。

當 知道近期 抑鬱的你 給那一個人當後備
從來也未 咬著牙關生氣   難道你 錯愛他到沒救藥餘地

心 飛到舊地 想起跟你 別離亦沒那麼傷悲
仍然妒忌 但仍然關心你 無奈我 約你總要避


太上心 曾經與你散步過幾公分 就算一公分
相差千里也勝過別人 如何令我不擔心

* 傻到 要住到你的新居附近   看著你 凌晨還何以未關燈
若這刻 你那手機微震 是否可感到我體溫

和你 遠或近仍像終身情人   告別了也共你同渡餘生
往事遠 記憶近 我仍然未死心   難甘心 遙望你被人熱吻 *

當 知你後來 跟他恩愛 突然明白我的悲哀
無論遠近 共時光怎比賽 難道我 與你未分開   Repeat *

仍緊隨你喜與悲 我問良心未算分離
仍如他和我可以比 我為何 敢為你生氣   Repeat *

仍緊隨你喜與悲 我問良心未算分離
仍如他和我可以比 我為何 敢為你生氣

除非流失幾世紀 縱隔著他未算疏離
離開才不捨不棄 跟你面對 卻沒法親你
這樣近卻像隔千里 你有事 我定會找你

Tuesday 21st February 2006 08:01:42 PM
今晚同Ocean&Roy睇Touch[ 0 messages] 
Love, Friendship

20-Feb-2006

大家好嗎﹖好內冇見面啦!尤其是係Ocean呀,你最近好嗎﹖﹖

今晚我哋三個人一齊去睇戲呀,套戲都可以呀,但係沒有你一齊去睇呀,我哋今晚係尖沙咀嘉禾港威睇戲呀,睇完戲之後就去了沙嗲王食飯呀。

成餐飯大家都好似好靜咁樣呀,尤其係Roy問起近排有什麼事發生過呀,我沒有出聲,Ocean亦沒有出聲呀,因為大家都知道發生過什麼事呀,只好用國家大事來掩式我同你的事啦!

食完飯之後就去了兒童樂園呀,因為要整埋份resume比fanny呀,所以就上咗去啦,但係最後我同candy係樓下傾計傾到成兩點幾先至返屋企呀!

嘩,死啦,聽朝都唔知會唔會唔知醒起身添呀﹖

今晚我沒有send message比你呀,你會否好似我咁樣亂諗嘢呢﹖會否以為我真係唔再愛你啦、憎你、以後都唔想再見你﹖全部都錯啦,我對你係唔會改變架,你都要好似我咁樣呀,唔準改變呀,由頭去到尾呀!

Saturday 07th January 2006 12:33:27 PM
你唔愛我啦 (獻給有需要的妳 / 你)[ 0 messages] 
Love, Friendship

Call你 Call左咁耐 四次你亦唔覆 實係做左的野 又怕我知道 識你識左咁耐 無試過話送花 實係好心虧先會無端端送禮 *成日唔搵 成日唔緊 成日話見但見一陣 態度唔同以前成個冷淡晒 是但啦 算數啦 唔煩你啦 無人錫我啦 再見啦 無野啦 實在夠啦 你唔愛我啦 是但啦 算數啦 又話錫我 話咁快又變晒待我幾差 再見啦 無野啦 完場啦 你唔愛我啦* 聽我講左咁耐 ?下我亦唔得 淨係坐左係樹話我太多心 等你等左咁耐 有無野同我講 淨係想聽多一次BB好愛你 REPEAT* (讀白) 以前出街你一定來接我 呢頭講拜拜你個頭又call 但係呢排 你有乜唔妥 眼定定唔出聲 你諗緊邊個 送俾你件t-shirt 你好耐無著過 我地幾時識 你又唔記得左 係咪淡左 係咪厭左 你唔再愛我 REPEAT* 還未完的....待續.....

Monday 10th October 2005 12:35:22 PM
看了長恨歌啦....[ 0 messages] 
Love, Friendship

7-Oct-2005

今晚本來是約了Ocean拿我的澳門手信和台灣手信的。雖然我們都有出來,但是最後亦多了兩個人。

我和Ocean去了鑽石山荷里活廣埸食晚飯,因為她要去換禮物,所以先會去呢度食飯囉。

係我搭車去鑽石山的途中,阿忠打比我話今晚要去睇長恨歌,但係之前Fanny話要陪舊同事食飯的,我叫佢攪清楚再打比我啦!

我們四個人(Ocean、Fanny、忠、我)去了食一間類似日本餐廳的地方食飯,跟住等睇戲,但係Ocean都沒有去看戲,因為她怕好夜回家。

但係呢套戲真係好悶呀,所以我覺得唔係太好呀,所以我都覺得唔係太好看。唔知你有無去看呢,因為有鄭秀文呀?

睇完戲之後,我們三個都各自回家了,因為實在太眼訓啦?

Tuesday 27th September 2005 01:33:11 PM
今晚係銅鑼灣食晚飯。[ 0 messages] 
Love, Friendship

24-Sept-2005

今晚放工之後約了Fiona、Mandy一齊係銅鑼灣的金牛苑食晚飯。

因為阿桂結完婚之後我講過,同埋我好內都沒有和她們聯絡,大家朋友咪出來食飯囉。

不過,等阿桂去完旅行返來我o地應該都會再見多一之,因為會睇相啦!

當晚食飯其實都傾o左好多o野,但係希望大家都可以保持著常常聯絡啦!

Tuesday 20th September 2005 11:32:04 PM
今晚去了做Facial呀...[ 0 messages] 
Love, Friendship

今晚約了Queenie一齊去做Facial呀。

不過,其實本應好開心架,但係佢講講吓佢男朋友,突然提及了你,個一刻我都係好想見到你呀。

其實我今晚見到佢的男朋友,不過,睇相好似好好多,Queenie問我你靚唔靚仔呀﹖講真,我鍾意你一定覺得你好先去愛你架,咁你呢個樣係街就真係人人都一樣啦!但係我鍾意既係你對我個份感覺呀﹖

可能你覺得我係傻架,就憑一份感覺去鍾意一個人,但係我只需要你對我好,我覺得你係一個乞兒都唔重要囉。因為我愛你係你對我好,而唔係靠你個外表呀!你明唔明呀﹖﹖`_`

等車個時我真係好有衝動打個電話比你呀,雖然我知你係唔會聽我電話,其實我明知你係會唔聽我電話,我都想還自己一個心願呀。就係每逢搭車或者等車都要同你講電話呀。

其實我知而家你係唔會再打比我、聽我電話、再理我﹖但係我只係希望你唔好避開我啫。

Friday 16th September 2005 03:02:36 PM
有溝通呀![ 0 messages] 
Love, Friendship

`_` 15-Aug-2005`_`

其實今晚好得意!我同Sang竟然會傾電話呀!

因為我星期六唔返工,所以想他明天早些起身叫我返工,橫掂佢都要好早起身返工,所以我就打比佢囉!

其實當中的對話都係無謂o野,不過,我同佢由一點到開始傾都傾到三點呀?因為佢電話無電o者,如果唔係都唔知幾時先收線呀?不過,同佢講電話令我想起佢,個時我都係同佢晚晚傾電話先攪成而家咁樣?

但係我估我對Sang唔會係愛情囉,因為佢係一個比我更痴情的人,對佢的前任女友還很愛很愛她,而我和你就只係相識至朋友關係,沒法做到男女朋友的關係。 我呢幾晚好有個衝動想打比佢呀,真係好想呀,但係我知佢係唔會聽我電話,不過,我都好想做呢個很傻的做法。

Monday 12th September 2005 11:46:21 PM
今日去了師父度呀!~_`[ 4 messages] 
Love, Friendship

今日好累呀?但係放工都去了師父度按摩呀?

本來Fanny都可以一齊去架,但係因為屋企問題囉。

其實今日Sang做了一樣令其他誤會的事呀,我覺得凍,咁就問雞雞仲用唔用毛巾啦,她話唔要啦,你要就用啦!咁師父聽到我咁講,就即刻叫Sang去熄咁一部冷氣,唔係一陣冷親我。

佢唔係即刻去熄冷氣之外,仲要好溫柔地拎多一條毛巾放係我博頭到,在場所有人都見到,即刻全場靜晒,跟住佢先去熄冷氣。

呢個時候我當然係唔會出聲啦,我其實都諗唔到佢會有呢一個動作,因為睇佢個人平時唔會咁細心架。但係竟然會做呢個動作,仲要做係我的身上呀?

呢次我都唔知師父度又講幾內啦!因為佢o地個個都好似以為我同Sang係拍拖咁樣架?佢唔去師父度又係話比我知?不過,講就還講,事實我同佢就真係唔係拍拖,但係我覺得大家都有些少好感就有掛?

我都唔知呀?因為我直覺覺得佢對我的感覺好唔同其他人,仲要有時我會叫佢叫我起身架?不過,我未返工的時候亦都有叫過佢起身。

因為我現在得佢一個唯一的朋友係夜鬼呀?亦都係因為我沒有的選擇另外的人選了。

如果你現在還在香港,如果我需要你叫我起身,我知你都會幫我架。因為你愛我囉。哈哈哈哈,係咪呀?但係現在很可惜已經變成回憶了!

咁按完之後其實都真係好舒服架。

Tuesday 06th September 2005 11:58:22 PM
今晚好可憐呀....~_~[ 0 messages] 
Love, Friendship

其實我今日好早就上到去師父度啦。

但係點知,我今日搭車個時阿nun打比我,我仲同佢由上車講到落車呀,佢突然之間叫咗我今晚上去飲嘢呀﹖咁我諗住佢而家同阿輝攪成咁樣陪吓佢啦。

點知今晚就係大件事啦。我哋初時話去飲嘢,後來跟住就同埋豪仔一齊去咗唱k呀﹖其實我都預咗今晚唔會有得早走架啦!但係冇諗過要成一點先係九龍城廣場Neway走囉。

但係其實我都好累啦!因為我唱k途中我見到佢哋我就諗起我和你呀﹖因為如果你仲係未走的話,我諗我同你應該係己經可以係埋一齊啦﹖

但係好可惜呀,你要選擇放棄我﹖其實我初初真係接受唔到呢個事實﹖你好誠懇同我講鍾意我,但係最後的答案係唔會同我一齊呀﹖

我都係好心痛架,心痛係唔可以同我一齊、

心痛係我發你脾氣你唔話我、

心痛係我每日都唔比你返屋企瞓覺、

最最最最心痛係我唔可以幫你分擔你的所有壓力,

做你一個聆聽者。

雖然我係唔可以幫到你解決你所有需要解決問題﹖但係我真係好想令你過得開心呀﹖因為我知你之前為咗我和你之間的事己經十分煩惱,但係其實所有嘢都係我自己估出嚟的,因為我都唔知你真係點樣諗﹖

我其實都係好想好想理解你的思想呀﹖你可否向我清楚講明你想我點樣呀﹖其實自從你沒有再和我聯絡之後,我每日好驚呀﹖因為我真係好驚我再見返你的時候,你係同埋女朋友一齊出現呀﹖我真係好驚架,我之前都有諗埋如果真係咁有機會見到我會點做﹖

但係真係見到的時候,我諗我係唔會做到咁大方囉。

Saturday 03rd September 2005 11:42:45 PM
他們最終都是分手了...[ 0 messages] 
Love, Friendship

其實我琴日差不多放工的時候,nun打咗個電話比我,但係我聽到她的語氣好奇怪,所以我落樓時都即刻打個電話比佢,得知什麼事﹖

原來星期五晚佢己經搬了出去住,同阿輝正式分手呀,但係nun同我講話會諗起車房,不過,我知道阿輝係好錫佢,就真係好似你咁樣一樣對我咁好的錫佢呀。

所以你話點解呀﹖一個女仔最重要係有一個咁好的男人去錫,你話可以會忘記得到一個人呀﹖

其實我同nun傾電話時都好小心,因為我知得太多嘢啦,但係好麻煩地她又不知道我知道呢件事﹖所以我只好扮唔知道,但係我覺得同佢傾計的時候,有些係手掌又係肉,手背又係肉的感覺呀﹖我認為自己的立場唔係幫邊一個,最重要係nun開心同埋將來條路唔洗行得咁辛苦啦。

一個有舖頭,一個連自己都攪唔掂,基本上一個女人最重要就係唔洗咁辛苦啦,但係每一個女人都會甘心為自己愛的人去熬苦,如果熬苦係得到自己愛的人,唔會覺得熬苦的,因為有了你己經係最好的,沒有什麼可以代替的到這個位置了。

不過,條路始終都係要她自己去選擇,女人最好就是給男人錫的感覺,如果佢唔錫你繼續留係佢身邊都冇意思﹖為何不再另覓一個比他對你更好的人呢﹖﹖

所以我由始至終我都沒有覺得你返咗大陸之後,我放工去搵你係一件辛苦的事,但係係你唔願意比我咁做﹖我唔係麻木去為你付出的,就係因為我都唔知點解我好鍾意你,正如你真係對我實在太好啦.....

Tuesday 30th August 2005 11:54:59 PM
偷偷想你...[ 0 messages] 
Love, Friendship

今日無端端去咗相薄睇吓相啦?

但係好奇怪呀,全部啲相都變晒係fotop.net logo呀,包括我啦、你啦、仲有其他好多人的相薄都係咁樣呀,我初時以為係因為你而家己經太憎我﹖點知我頭先再開啲相薄又無事啦....

其實可能係我公司部電腦有問題掛﹖

我都唔明白點解突然之間會咁樣架,係突然之間好想睇吓你做過什麼﹖但係就給我發現了這個問題,不過,我唔知將來的事,但係我好想見到你,為你我肯講出口的時候,你又不肯出現,到現在我不想講出口時,你都係唔會出現﹖

難道緣份真的就這樣完﹖每個人都需要受到愛情的傷害才能成長﹖但係為何要對我這麼的傷﹖

Friday 26th August 2005 11:34:18 PM
Wing的生日...[ 0 messages] 
Love, Friendship

Happy Birthday To You

喂,壽星女咁快又到你的生日啦...同埋你的生日咁快又過了,大個女啦...

上年你的生日我哋係沙田飲酒,我同Fanny第二朝係仲要返工都陪你玩,都夠好朋友啦...?

今年雖然我哋唔係正日同你慶祝,但係今晚己經同你食咗飯啦,都算係咁啦....你都知道我哋而家晚晚都要去睇醫生,今晚突登唔去睇醫生陪你食飯,點知........

你個衰嘢呀,原來我都真係有諗住食完飯會去飲嘢,你個衰嘢又約咗人哋去飲酒,下次約我同Fanny就唔準再有下場,要同我哋玩到盡慶才回家呀,知唔知呀?

Tuesday 23rd August 2005 11:13:58 PM
今晚又去咗玩啦.....[ 0 messages] 
Love, Friendship

今日Lunch同Mun係和民食飯,不過,食飯我都食得好趕,因為要攞份舊保單比佢幫我睇吓啦。我好可能會幫佢買多啲呀。

今晚我又係同Mun食飯,不過多了一個Fanny一齊,我哋去咗旺角中心的Spaghetti House食晚餐呀?

因為要同Mun Mun傾保險呀?不過,我要買過份對自己有好處的保險呀?

其實佢公司的保單最吸引我的係因為有婦科保障啫,所以我決定放棄宏利個份,轉投呢份啦!但係呢份保單都真係幾貴架,不過,為咗自己將來都係覺得值得架。

Sunday 21st August 2005 11:06:11 PM
開心的一天,亦像完全失控了。[ 0 messages] 
Love, Friendship

嘩,今日我同Ocean係尖沙咀食完魚旦粉就去打o左一陣機啦,跟住就開始我o地的整餅課程。其實都真係好好玩架,我同Ocean一齊去學的原因本來係想整比你食,但係而家你食唔食都唔重要啦。

如果你要食可以自已買,又或者你女朋友都會整比你食架啦,幾時先到我整比我你食呀?

我o地學完之後去了行海港城及LCX呀,我o地今次行一行就真係可以速進經濟啦?我同佢每人都買了一個PATRICK COX呀,我仲係I.T.買o左一對$200的puzzle涼鞋呀,其實對涼鞋我覺得就真係好抵架,而個袋都抵,因為都差不多半價呀。

跟住行完街都差不多七點啦,我o地就去o左LCX的Starberry Cafe食dinner啦!食完o野之後就當然係我要去返學啦。

不過今日我同Ocean都行到好累啦,直頭係有些少覺得對腳無感覺呀。但係其實我同佢都好似好內無試過行咁內街啦?

我同Ocean暫定了27號係佢屋企試整餅呀,如果我o地真係整得成,我真係想比你試架,但係你咁怕我,又點會想見到我呀?其實我都好驚個日會係屯門見到你架,講真,見到你一個人唔緊要,最重要係我唔想見到你同你女朋友一齊呀,因為我可能係接受唔到呢個事實掛,同埋我唔想相信你係一個會同我講大話的人呀?

如果你同我講大話係為我好的話,我覺得只會係令我更加傷心,為何你答應過不會向我講大話,到最後又給我知道你有部份說話係大話,又部份說話係真心話?這樣令我更加覺得好傷心。雖然你令我覺得好傷心,但係我都唔明為何我不能放手給你離開我。

其實我平時做o野都好瀟酒架,為何我一面對住你就變得好懦弱呀?

我其實好想知道,你的吸引力從何得來?

為何會令到我對你這麼死心塌地為你?

為何當我被你誠意打動後,你又放棄了我?

每個人講你的壞話時,我都總會給你講好說話,你都不肯為自已和我作出多一步?

Wednesday 17th August 2005 01:32:30 AM
今日好尷尬囉.....[ 0 messages] 
Love, Friendship

死啦,我好驚呀,你知唔知我今日好尷尬呀,無端端比人話我同佢有路呀...

其實我今日都真係突登唔望佢、唔同佢講嘢、唔應佢、唔理佢架啦,因為我唔想比人誤會我同佢有嘢呀,因為我最想愛的唔係佢呀。

"而係你呀"

你明唔明呀﹖

你知唔知道呀﹖

你聽唔聽到呀﹖你做到的,為何不做呀

不過,同樣地我亦覺得你好像有些少迴避我的,我覺得你口口聲聲講唔鍾意男人,但係為何你又同我玩呀﹖難道你唔驚比人講咩﹖不過,我唔在乎你點樣做,如果你係鍾意我的話,睇吓本小姐心情如何再講啦....哈哈哈哈....

死啦,我同你明晚仲要一齊唔上去呀,我驚佢哋以為我同你去街呀﹖點解會"橋"架﹖你好ot唔ot,係我都唔上去個時要ot?我真係好驚星期四又會有更多新鮮的事件呀!!

其實唔知會否係我想得太多了,但係都唔係架啦,因為我同佢哋識得太內啦,我好明白清楚佢哋啲諗法架,我諗星期四開始我要諗啲自保方法先啦。

Tuesday 09th August 2005 11:45:00 PM
今晚去了看'靈時三點三'[ 4 messages] 
Love, Friendship

嘩,今晚去睇完腳之後就同FANNY、忠去了荷里活睇戲呀?不知幾開心呀...^_^

其實睇戲個時我突然想又起了你呀,因為我記得今年清明節當日我o地係屯門睇"見鬼",近期睇親鬼片都係你同我一齊去睇,但係現在沒有了你和我一齊去睇,總係有些少唔自在的感覺。因為驚的時候都仲有你係我身邊比我遮住呀。

雖然以後仲有無機會再見到你都無人知,其實只有你自已先知道你仲想唔想見到我?如果你鍾意做衰人我可以成全你架,因為我真係好累了,愛得你太深,所以先會令到我現在好辛苦。

Monday 08th August 2005 11:48:50 PM
喜歡你讓我下沉,喜歡你讓我哭。#_#[ 0 messages] 
Love, Friendship

我今日(8-Aug-2005)Lunch為何會比我發現咗一啲我唔知應唔應該發現的事呀﹖

就係我發現了你有一本新的相薄,可能你整出嚟都係預咗比人睇,但係唔知有否諗住比我睇得到呢﹖

其實我都唔知點解﹖我今日搭巴士個時,無端端諗起你本相薄我就自己係度喊,係無端端咁喊呀﹖﹖就係因為我好想見你、好掛住你、好擔心你、好想了解你.....

其實你己經睇穿咗我好鍾意你,係咪就係因為咁樣,所以你先至更加唔會比機會我去同你一齊呀﹖

"能持續獲得糟蹋亦滿足
喜歡你待我薄情 喜歡你為人冷酷
若是你也發現 你也喜歡虧待我
我就讓你永遠痛愛著我"

Wednesday 03rd August 2005 11:32:14 PM
今日有街去~_~,^_^[ 0 messages] 
Love, Friendship

今日放工之後同了Ocean、Fanny、Wing一齊去了旺角唱K,其實都好開心架,因為好內都無試過去玩啦。

因為近排要睇腳呀,所以去玩的機會就太減了,今日唱K係為了同Ocean補祝生日架,不過,每人都唔係好貴呀,所以多o的人去唱k係好o的架。埋單都係$420o者。

兩個字形容呀 '超值'

不過,由你再沒有和我聯絡的一天開始,我和Ocean都沒有再見面啦,只係用電話聯絡就算了。直至今晚唱k我先再見返佢,我覺得大家的感覺好生疏呀?

其實我自已都唔知點解,每當我想起打比Ocean就會想起你,如果我真的要離開你的影子的話,我就要唔想令我自已唔開心不斷想起你呀?

我同你現在不知是否變成陌路人,因為你沒有和我說清楚就失蹤了。但係我和Ocean就唔同,為何由好好的朋友變成生疏了?其實就算我唔搵Ocean我都會諗起你,因為我唔知點樣先至可以離開得到你的影子呀?如果你比我撞到你和第二個女仔一齊的話,我估我會死心,因為你拖住的另外一個女仔,而唔係我啦!你初初所講的每一個字都可以抹清了。但係為何你不為我做場戲去令我過得好些。

如果我真的想離開你的影子的話,我覺得係有一個比你更好的人才值得令我咁樣做?但係為何你這麼的好?真係令我對你可以死心塌地為你付出所有的一切一切、為你每日流眼流、為你做我唔會做的事????

由頭到尾我都講過,為你做咁多事我都唔介意,因為最終愛一個人係願意為他付出,但係為何你口口聲聲講愛我,但係點解到最後唔可以令我開心?如果同我一齊係難為了你,咁就不如你作故事出來令我覺得你所講的都是大話,最後大家都還可以有朋友做,如果你唔想再見的話我亦無話再講了。

Saturday 30th July 2005 12:33:47 AM
今日突然收到一個消息呀...^_^[ 0 messages] 
Love, Friendship

29-July-2005

今日無端端打比Ocean佢話琴晚見到阿維呀,不過,比我的感覺是沒有反應呀,其實我最想係佢親自係我面前出現呀。不過,係咪你真係唔想定係唔敢呀,定係你真係驚越見得我多,就越唔捨得我呢?根本所有事情會否是我自已多心諗出來,你同我根本就從來都係一個夢,現在要起身回復正常生活了。如果大家都是發夢的話,幾何所有事都很真實呢?我可以對自已保証我和你的一切一切都唔會係一個夢,係真的是事實了。

Ocean就同我講佢有機會係去見女朋友,因為每次撞到他都是在這部Lift,其實我自己都好迷惘,我有時自己都問過自己,我是否還愛他呢?又或者我根本從來都沒有愛過他呢?只係搵佢做一個牙簽呢?

我好想知道你想點樣呀?

你又唔理我?又唔搵我?

我真係好唔開心呀,每個人都想我好,但係我最想係你親口講給我知所有的嘢呀?

我任何人都唔想去信呀,因為我愛的是你,所以最信係你,我係所有嘢都係要你親口同我講的事先至去信囉。我真係好想你明白呀,我唔想你再咁樣為我硬頸啦,對你和我都不是一個好處架。

Saturday 23rd July 2005 11:29:21 PM
仲有一日就相識了一年啦!~_~[ 2 messages] 
Love, Friendship

好快就到24號啦,估唔到我同你相識未夠一年就己經不能再聯絡了﹖

我琴日好唔開心呀,因為我真係好掛住好掛住好掛住你呀﹖我唔知點解會咁樣呀﹖係咪真係越難得到的我就越想得到呢﹖我知你係大陸好大壓力,但係點解你唔可以比我同你一齊分擔,如果你自己一個人去面對其實係總辛苦,雖然我幫你唔到啲咩﹖但係最重要你一定會有我我呢一個聆聽者....

其實大家都對我好好,每個人都覺得你咁樣對我係好衰好衰,但係鬼叫我鍾意個個係你咩,最重要我唔介意就得啦。如果你覺得大家將來係冇結果﹖為何要那麼早決定﹖有問題係需要大家一齊去解決,唔係你自己覺得有問題就放棄架,你愛我為何又要去放棄我﹖而家仲直頭唔理我添﹖雖然我冇咗你呢個幾月冇死到,但係我每晚都好想喊,喊係唔知為咗咩﹖只係覺得好唔開心﹖雖然我答應過你唔再喊,但係你都答應過我唔會避開我﹖

我琴晚搭巴士個時係完全失控,由上車流眼淚流到落車,我而家己經好叻,無論有咩唔開心都唔同人講,只有自己一個人去冷靜完再同人哋講,因為我想人哋的關心係你呀,但係偏偏想的又唔可以做得到。

我可能遲啲會離開香港,不過....到時再講啦...你好快生日啦,諗住幾樣過呀﹖會否在香港和女朋友一齊過呢﹖不過,你年年都係女朋友陪你過的,我真係好想同你一齊過,算啦'-'。

Sunday 17th July 2005 06:16:48 PM
好似減肥咁樣呀....[ 0 messages] 
Love, Friendship

16-July-2005

嘩,今晚去了Fanny的男朋友阿忠的屋企和他的家人、忠的朋友、Sandy一齊燒嘢食呀,但係都好玩架,雖然我沒有點樣食嘢,不過,其實我之前都係Fanny舗頭食咗啲餸才去呀。

但係琴晚都唔係太熱呀,不過,好不幸地我被蚊咬咗一下,而家好可憐呀,粒蚊蚊變大了,我而家都唔敢攪佢呀....

唔知今年中秋節你又會否好似上年咁樣和我們一齊燒嘢食呢﹖不過,都好難啦,如果你係香港的話,都要陪屋企人多,最重要你都要陪女朋友啦,仲點會有時間好似上年咁樣陪我去燒嘢食呀﹖始終我覺得我係你心目中唔係好重要,最重要係你屋企人和女朋友。

咁我都明白架,因為我同你的關係只係朋友,根本沒有你的屋企人那麼重要,如果是你女朋友就一定會唔同囉。所以我真係好羨慕你女朋友架。可惜,我沒有這麼好的福份。

Friday 15th July 2005 12:31:51 AM
14-July-2005己經一個月啦....[ 0 messages] 
Love, Friendship

今日己經係足足一個月啦!我唔知點解我會那麼的冷靜,其實是否仲更加害怕呢﹖如果我為你喊都起碼是一個發洩呀...但係我係異常冷靜呀。我好驚呀,真係好驚呀,我唔知再過多一個月又會否那麼的冷靜啦。因為我越冷靜就覺得自己更恐怖呀.....不如大家做返朋友先﹖如果將來的事,你話將來先算架,點解你唔可以令我過得安心些呀?

我己經唔敢再給你壓力了﹖但係為何你仍然有壓力呀﹖究竟你的壓力是否在我身上發出給你的﹖有沒有可能是你自己給你自己的壓力呀﹖你叫我做什麼我都己經即刻做啦,你仲想我點呀﹖﹖

為何你真係唔理我﹖

為何連朋友都唔可以繼續做喎﹖

為何你要迫自己放棄我﹖

為何你要令我放棄你﹖

為何你要我回到佢的身邊喎﹖

為何你唔可以接受我﹖

為何你唔可以比我同你一齊面對喎﹖

為何不給對方一個機會﹖

為何你承認愛我,但係又唔可以同我一齊﹖

為何你不能給我一個簡單的名份先﹖我只是希望做你女朋友啫,難道這一個己經是一個很沉重的壓力﹖

為何你叫我做的事我答應你,你又不能答應返我所要求的一件事呀﹖

天天失眠我怕消失氣力纏著你,然而據說愛得精彩別要貪生怕死﹖怎麼可能愛你愛到將我自己損給你﹖還怕你會將感激變成對不起!!

Monday 11th July 2005 11:26:43 PM
你聽得懂嗎﹖[ 0 messages] 
Love, Friendship

我唔知你會否每日或隔日會否來我的journal睇吓我寫啲咩﹖但係我真係好唔開心,頭先我見到哥哥呀,不過,我對佢己經沒有了愛的那種感覺了﹖其實佢今晚過嚟我屋企攞返個gucci袋啫,其實我真係好驚架,好彩原來佢仲有一個friend陪佢一齊過嚟。

不過,我唔明白為何我可以和你單獨約會見面,而現在和他又不能再出現了﹖是否我真的完全對他少少愛戀己沒有了﹖我真係唔想好似而家咁樣呀﹖我覺得我、你、哥哥、你女友,大家四個的關係好似好複雜呀﹖他們兩個是無孤的,其實我和你係鍾意大家,但係可否一齊呀﹖我唔想和你只是朋友的關係那麼簡單呀﹖我估你都唔想架﹖只不過都係因為工作問題.....`_`

我真係好"杜忌"、好"杜忌"、好"杜忌"、

好"杜忌"、好"杜忌"、好"杜忌"、好"杜忌"

你的女友呀.....

是否我真的不能擁有得到你對你女朋友的待遇呀﹖如果是的話,我真係無得再講什麼了﹖只有等待奇積的出現囉。`_`  `_`

Sunday 10th July 2005 11:30:29 PM
去了哪裡,你去了哪裡﹖﹖[ 0 messages] 
Love, Friendship

你今日是否很忙呀﹖

其實我好唔開心呀﹖因為我覺得現在任何人都唔想見呀....朋友、家人、親戚、、哥哥、陌生人.....但係除咗你之外呀﹖

其實我對你個種愛為何會那麼的深,我唔知你每日有否都來看我的日記啦﹖其實我每日都係寫給你看的,因為我講過會每日寫下做過什麼事,等將來有機會見面時交給對方看的。我唔知你有沒有做,但係你沒有做都唔緊要,因為你要做嘢,唔同我囉,我太得閒啦,所以我會為自己寫底所有開心和不開心的事。

你可否比個回應我呀﹖我真的很無內了,我發現自己越來越無助啦,開心和唔開心都唔想同其他人講,只係希望比你一個人知道就夠啦。我真係就快變癲啦,我唔知可以點做啦,我唔太想打比Harris架,除非真的忍受不了才會做,因為我真的不想煩到他呀,我只係想你明白我啫,我有什麼事都只係想你知道就夠啦。

不如你唔好再唔理我啦,我唔知再可以講咩架啦,因為我真係唔想攪到而家咁樣呀,我唔想再無端端流眼淚啦,我自己都覺得有啲恐怖呀,你給我一個回應,可以嗎﹖
Sunday 10th July 2005 01:50:38 PM
很想你更明白我。~_~[ 0 messages] 
Love, Friendship

^_^早晨呀!

我都係剛剛起身食完早餐啫,咁你呢﹖是否己經一早己經做緊嘢啦﹖我真係好想好想見到你呀,可否比我見到你一次呀﹖因為我真係好唔習慣呀,每日無咗你陪我一齊傾電話返屋企、lunch time冇咗你陪我一齊食飯、落街冇咗你陪我一齊去買嘢........

我記得你之前咁講,如果我哋早啲識係咪會好好多呢﹖就算早啲識係咪你就唔洗返大陸做嘢呢﹖但係緣份就係咁樣架啦,係我心裡面其實真係有好多好多問題架﹖但係我唔知點樣解決得到,所以可能就係呢個原因,所以就會晚晚都瞓唔著啦。如果我可同你有聯絡的話,你一定會幫我去解決架。

很可惜,為何你不肯再與我聯絡呢﹖點解你覺得我好似咁有影響力,定係你驚自己定力唔夠呀﹖所以就寧願由得我唔理我算數~_~。你千祈唔好怪Harris上次問你同我攪咩﹖並非他八掛,佢只係見到我日日都為你喊所以先出手想幫我啫,講真,我知佢幫我唔係應份,不過,我都估唔到佢會問你,你明白我啲性格架,就算邊個同我講咩都無用,最重要是你同我的每一句說話呀。

就算之前大家講的所有令對方唔開心的說話都唔再重要啦,因為我同你唔係每日去懷緬從前,我同你係要面對將來﹖我知你係有心同我一齊結婚,但係內何你而家連將來係點樣都唔知﹖所以寧願自己一個衰好過連累我,如果你咁樣諗我太自私啦,其實就係因為我知你連自己將來過得唔知點樣好,所以我更加想同你一齊渡過,我唔係淨係想同你一齊享受富貴的人。

Saturday 09th July 2005 11:44:42 PM
好掛住你呀...[ 0 messages] 
Love, Friendship

你而家點樣呢﹖唔知你係度做緊咩呢﹖

其實我每日都係諗住你究竟係度做緊咩,之前你會話比我知你放工會做咩、去邊、同咩人一齊。但係而家咩都唔會啦,因為你己經唔想再理我啦,其實我成日都好想知,究竟係我愛你不起,定係你愛我不起,所以就攪到而家咩樣呢﹖

我真係唔知每日可以點樣先可以忘記到你呀,因為我真係好掛住你呀,我曾經有同過ocean講過,如果我再見返你,可能我己經當你係一個我唔識得人啦。

但係我到最後想起的時候,我估我自己唔會囉,因為我真係好鍾意你掛,同埋你真係好好,所以更加令我更加愛你,就算你近排對我唔好都係係我心目中係最完美的。

因為我知你對我唔好,只係希望我離開你、唔好再搵你、唔好再愛你啫。但係點知我又唔係咁樣,最重要我知你係無內地對我衰,其實你真係唔洗咁樣做,因為我太信你對我的感覺啦,我知你一定係唔會啲咁樣既人,所以就算你對我點衰我都係繼續愛你,不過而家叻咗啦,唔會成日講出口,因為講比邊個知啫,因為其實人人都知啦....

我每日都期待你會打電話比我,因為我真係好想好想見聽到你把聲,如果見你唔到我只要聽到你把聲己經開心架啦。我真係唔係氹你開心架,因為我要求真係好簡單,我唔係為咗遷就你而對自己鍾意的人降低要求架,只係你係愛我的話,就算你叫我日日唔好去街都得架。

我好想每日都同你一齊見到呢一個天空呀。仲要係你每日係我隔離個種呀....

Friday 08th July 2005 11:46:17 PM
仲有7日就一個月啦...[ 0 messages] 
Love, Friendship

其實我都係唔知可以再講什麼啦﹖

因為我太緊張你的時候你覺得好太好太壓力,但係而家到我真係唔搵你、唔打比你、唔再日日send message比你、唔再send email比你......其實你係有什麼感覺﹖

我而家開始唔再成日做呢啲嘢並非我唔再愛你了。只是希望唔再給你一種"無形壓力",其實我真係唔知你有壓力的,點解你有什麼都唔同我講呀﹖我唔係唔了解你呀,只係你唔肯比我去了解你啫。

其實如果真係有一個男人比我去選擇,佢都幾好,但係我對佢真係沒有對你的那種愛的感覺呀﹖所以我自己都唔知呀....~_~

如果你而家同我講你想我等你的話,我真係甘心命扺去為你等,但係最令我擔心的是,為何你又不搵我、又要避開我、又唔想知點﹖我而家真係唔知自己想點呀﹖我又開始晚晚唔想瞓呀,我己經唔再諗你啦,但係我都唔明白,每逢夜晚你就會出現咁樣。其實我諗起你有時會好開心架,因為我真係好開心架...但係再諗返起你突然避開我、跟住就返咗大陸做嘢....

雖然返大陸做嘢係一早己經知,但係點解你覺得有壓力你唔同我講﹖其實你有壓力的時候,我自己都覺得有,你知唔知我之前每日都擔驚受怕地你唔知明天又會否唔再聽我電話呀﹖如果我唔講比你知,你都係唔知架...

我好想好想同你一齊睇星星架,不過,鬼叫自己初時唔去爭取咩,不過,如果我真係一早爭取同你一齊的話,我估件事可能比而家更加複雜、你覺得更加辛苦。

Wednesday 06th July 2005 11:43:58 PM
沒有用的一個女孩子﹖[ 0 messages] 
Love, Friendship

我琴晚又好失敗地自己喊完先瞓覺呀.....

其實而家己經好咗好多啦,最起碼我唔係每時每刻都為你喊,而家我估係兩個星期就喊一晚咁啦....

但係我真係好想令自己過得開心啲呀....你叫我唔好想著你,如果咁容易講得到就唔洗成日為你唔開心啦,難道真係胡楓講得對,你想知一個人有冇誠意就用時間去証明出來,但係我想知幾時先至係期限呀﹖因為我唔想用我和你感情去作証明呀,愛一個人是需要盡力去保護對方,但係為何你不斷去做一些事去傷害我呢﹖

Tuesday 05th July 2005 12:59:06 AM
何時開始想放開你總缺少勇氣....[ 2 messages] 
Love, Friendship

定是我愛著你,過了限期,

明明傷心兩手想抺眼淚失去力氣,很想被你,

今天拋棄,是我不想某天蒼老亦想你,

讓你終於某天知道我為你....

你係咪而家己經係忍心做到咁樣啦...

其實冇咗你呢幾個禮拜,我仲有好多好多朋友陪我,但係"對人歡笑,背人碎淚"呢啲日子幾時先結束呀﹖我真係好想你親口承認我和你是情侶的關係呀....但係我咁樣諗係咪真係發夢呢﹖究竟仲有冇呢個機會呀﹖我同任何人講其實我己經忘記咗你,但係事實係點,我自己一定最清楚.....

其實你當我係妹妹的看待我會好快放手,但係你對我和你其他人的感覺好唔同,因為獅子座的人如果係鍾意一個人係會表露出來的。你就正是這類人啦。

Wednesday 29th June 2005 12:19:03 AM
都係無內[ 0 messages] 
Love, Friendship

其實我都唔明白,有街去都唔開心,冇街去留係屋企就發白日夢,永遠都係心不在焉。我都唔明白點解件事明明可以解決到,係真係我自己唔想放手呀,定係你唔想我走﹖

我唔敢去再煩你啦,只係希望send email去關心你就算了。你有冇睇我都唔知,但係我真係唔知可以點做先至令你覺得過得開心啲﹖因為我每次都係諗起你就想喊。不過,我而家叻咗,因為我而家唔夠再係朋友面前喊,隨咗係電話度喊就算啦,因為喊得多啲人都覺得我煩。所以我寧願自己一個喊,每晚一個人過,每日都唔搵朋友住,因為我自己啲心情都唔知想點樣,最起碼我諗起你和我一齊去過的地方、發生過的事情我會覺得好開心。

但係去度而家就己經唔敢再諗住,因為我唔係唔想去面對,但係你今次真的決絕地從來都沒有搵過我,就好像人間蒸發了。 其實你曾經講過你自己係一個好冇安全感的人,不過,我知你唔會最後答案都係想我對你死心,所以你先無動於衷囉。

Monday 27th June 2005 09:02:16 PM
抱著失落的心情。[ 0 messages] 
Love, Friendship

我今日突然變得好唔開心呀。其實我的直覺雖然唔係太準,但係我只係相信你愛我己經好足夠啦!因為Harris同我講了很多嘢,除了佢之外,所有得知這件事的人,都希望我唔好為你等、為你放棄其他機會。

機會放在我眼前,為何我完全沒有好像愛你的衝勁的去爭取﹖我真的做不到愛完你就放手,我並非可以分得很清楚,我只是希望能共你一起,不需這麼快就想到結婚,因為連一齊的日子未能經歷,為何拍拖不夠一年就結婚呢﹖難道我初初比錯了這個訊息你﹖

我答應過你不會再喊,但係事實你現在當我猶如陌路人的,如果你是我,我相信你有一種無助的心情。究竟我和你曾經想出來的結果又是否不能實現呢﹖其實我知我這幾個月不斷比你無形的壓力,其實係我自己都不知道,今日Harris先至問起我,但係我真的不好意思,因為我只想著和你一齊走過你最辛苦的路比你有個安心和希望你會有衝勁去做你的事。

如果我可以和你從頭選擇的話,我真的希望對你沒有動真情。並非我現在後悔,我只係希望還有你這個好朋友好過做陌路人。攪成而家咁樣,我就真係更加唔捨得,因為你從來都沒有傷害過我,就算我發脾氣你都一齊樣我咁好,其實就係呢一點,所以我先對你更加多的愛。

其實我而家係好想你知你將來是否真的和我結婚﹖如果是真的,我一定甘心等你。因為我知你真的出自己真心為我好,但是如果你自己都唔知的話,就由我自己活在自己痛苦的世界。

因為我太了解自己,我就像以下的所話﹕但我極明白我 實在沒法抽身愛下個,如果將來的事,可以將來才算的話,你一定會選擇了和我一齊,不過,我真的沒法再去選擇下一個,因為我知你是最好。就算人人都講你不是,只有我自己知道己經足夠了。

Sunday 26th June 2005 10:41:17 PM
心情不知如何是好﹖[ 0 messages] 
Love, Friendship

其實我每次想起H生同我講的嘢,我都唔知好開心定係好唔開心,因為開心就係唔知你幾時先至會做得到,唔開心就係我同你真係有緣無份。

我好想你快啲攪好你啲生意,我唔係想你即刻一返嚟同我就結婚呀,只係希望你係隔離我己經好滿足,因為你同我講到將來幾美滿都冇用,如果而家過唔到,仲可來過得到將來喎﹖

結婚與否並不重要呀,最重要我係想你同我一齊己經足夠。要結婚而家都可以結啦,洗咩等你遲啲喎!但係我連見都見你唔到、你又唔聽我電話、你又唔搵我.....你叫我仲有冇心情去諗將來啫。

Sunday 26th June 2005 02:00:02 PM
前路汒汒....[ 0 messages] 
Love, Friendship

 你就一定食得又瞓得啦!就算你有冇我係你隔離都食得瞓得架啦!而我呢......為咗你唔食唔瞓又如何,真係小事一件啦,不過,而家開始有進展啦,因為開始食返嘢啦,可能就係為咗續命等你掛,我都唔知呢﹖

其實我知你返咗香港我真係有啲衝動想去搵你架,其實可能你都有,不過,你都唔敢嚟搵我,因為你驚我唔比你、又可能驚大家都唔捨得比對方走。所以寧願唔搵我,我做咩事都由得我,如果你唔做到咁絕情,又驚我唔放低你,如果你唔做到咁絕情,又驚自己更加唔捨得我。

所以你就一定唔係做得對,但係我都好驚自己唔敢去等你或者其他原因呀,我真係好想去等你,但係每次諗起你之前同我的、做的己經唔同晒。我真係唔知信你定係信你啲朋友所講的事﹖我真係好迷惘呀,你可否出嚟為自己求証一吓呀。 我真係想係你自己親口証實所有人所講的每一樣嘢呀﹖因為我只係想你自己講的,每個人所講的我都肯相信,但係我始終係要你親口自己支持每個人講的所有事,為何每日都有新的消息,但係每次的消息都係對你很好.....

Saturday 25th June 2005 05:37:30 PM
期待你的一天。[ 2 messages] 
Love, Friendship

其實我好想知你會幾時再返嚟見到我﹖因為我真係好想聽日就見到你呀。

話咁快就六月好快過去啦,仲有一個多月就係你的生日啦。你的生日係星期四呀,但係你都不在香港,如果你係香港我一定會陪到你渡過這一個生日,因為......我都唔知呀。其實你係大陸都可以渡過架,咪就係工作中或者你啲(女)同事陪你過囉。

其實生日禮物就未必有,不過,生日張咭又點會少得你個份呀,上年係畫比你,今年就要諗吓啦,我想特別啲,不如自己整張紙出嚟送比你呀。而家都仲得閒,遲些就未必得閒了,因為我而家開始讀緊我的時裝設計課程呀。好難架,不過,上堂個阿sir好攪笑。

Friday 24th June 2005 10:19:56 PM
變化了。[ 0 messages] 
Love, Friendship

今日又多了一個變化,為什麼每日都有不同的變化呀?無端端有人同你講事業有成之後會聚你,你會點呀? 其實我都好迷惘,我而家都分不清誰是講真話,誰是講大話啦.....可否比啲指引我呀?

Friday 24th June 2005 01:10:54 AM
回憶?[ 0 messages] 
Love, Friendship

其實得唔到的永遠都係美麗架!因為如果比我知道得多你的真面目,可能我會憎恨你,因為你係我心目中的分數現在己經很低,本來係好高分數,就是因為男人的本性(鍾意講大話呀),所以你令我好失望,我曾經認為你是一個例外的,但係原來天下烏雅一樣黑的道理係真的。

所以我都希望如果與我有同等經歷的男男女女,請你想清楚所有事前先好做,你係真心真意愛對方或者你真係有心有力想同佢過生活的,先好答實對方是愛你的,如果沒有心和冇能力和對方過生活,請你不要給別人一個假的希望了。因為有人對自己表白是一個很幸福的時刻。

Thursday 23rd June 2005 01:13:13 PM
偏偏還記得[ 0 messages] 
Love, Friendship

其實琴晚我又為你大喊一場,係咪你真係咁好呢?我每次喊完都會問自已這個問題????定係我賤骨頭,係都鍾意比你拆磨呢?不過我都知你都唔想攪到咁樣,但係為何不能一齊去面對將來的一切一切呀?我唔係要你比什麼榮華富貴我,但係為何連你同我一齊的機會都收起,其實如果你同我一齊的時候,你講無感覺就係講大話騙你自已,如果你真係無感覺的話,又為何會有內疚的心呀?你對其他講什麼大話好我都唔理你,但係我淨係想你同我講的每一句都是'真心話'已經滿足了。

Tuesday 21st June 2005 11:21:33 PM
我無估錯,白色膠紙就是你[ 0 messages] 
Love, Friendship

其實係你整走個車牌﹖我希望係我冇估錯啦。因為我知你每日都有上去個度的網站﹖你每日都會留意著、但亦有可能留意我,不過,我估是前者係網站多啲啦....因為自從你沒有再聽我電話的時候,我開始想忘記你,今次並不是只講唔做了,因為你令我的痛苦真的很多,但係開心亦比痛苦的多,我會記住你曾經令我開心的這幾個月,但是我知你都己經好痛苦.....所以就當真係時間的錯。我會不斷都係咁樣同自己講,到真的有一天我再搵到一個好像你的人我會再算.... 因為我知你真的是無人能比的。

Tuesday 21st June 2005 03:15:38 PM
好好戀愛[ 0 messages] 
Love, Friendship

完了吧,如無意外,曾失戀的都必須戀愛...

真係想到你夜深中突然心痛過,求憑著一首歌你一生都記得我。 每一刻諗起你時我都覺得好痛呀,我真係唔識再去愛另外一個,你令我改變了很多,最基本我發現我對住你我變得好懦弱,平時我對住其他人我係會反抗的,但係對象是你的我就會立刻軟化了,可能就係愛你的表現,信任地需要你的保護我。

Tuesday 21st June 2005 12:58:26 AM
其實都唔知開心定唔開心囉。[ 0 messages] 
Love, Friendship

今日去cafe玩塔鑼牌,前境睇落係好好,但係好多嘢都要靠自己,不過如果單方面努力的話係冇用,最重要問題是因為他面前的問題還未解決囉。

我希望比啲信心他,我亦想他比些信心自己。只要解決到現在的問題就我都知道前境實美好。哈哈.....

Monday 20th June 2005 03:44:05 PM
真的放棄嗎?[ 0 messages] 
Love, Friendship

如果你問我係咪真係可以放棄.....??其實我自已都好想知自已係咪囉?因為我到了現在真係好唔甘心,其實我信他的一切係無用,最後我所得知和得到是一個會講大話的人? 又或者他根本講所有事都是真心話,但係唯獨繼續有陪女友的是唔想比我知,因為他根本沒有想過真心為我放棄女朋友? 時間可以沖淡我對你的愛,但時間沖不走大家所做成的創傷。

Sunday 19th June 2005 03:14:34 PM
"往事只能回味"[ 0 messages] 
Love, Friendship

今日無端端睇返去澳門的相,我發現當時其實我都好開心,可能當時大家未到現在的關係啦!我好後悔為何當時我和你不影多幾張相呢﹖但係我哋映得多啲相到最後咪又係更加唔開心,因為見到你的樣,我真係有啲心痛的感覺呀﹖'每當我愛到跌入旋渦,將錯就錯,關係亦出錯,我總太愛人,迫到愛人,變做情侶再變了生疏。'其實我好後悔每次你所約我都沒有應約的機會,如果我當時唔係即刻答應的話,我諗大家的回憶不只咁少,但係少都係好啲,起碼攪到而家咁樣大家都冇咁傷呀。

Saturday 18th June 2005 07:15:21 PM
愛我一輩子?[ 0 messages] 
Love, Friendship

點解你要咁樣架?因為你是一個博愛的人﹖但係偏偏你女朋友就唔出聲唔理你,所以你先咁堅決唔同我一齊的原因﹖我好希望見吓你女朋友的樣是怎橏﹖起碼我會可以盡快安心呀﹖你寧願鐵石心腸的唔理我﹖因為你玩厭了這個遊戲,而我就全程投入了這個遊戲,雖然你真係冇咩好,而我亦都係冇咩好,但係我對你無條件的付出是因為你對我太好,呢個己經令我死心塌地去愛你啦。其實我有時會諗,你返大陸唔會有時間陪我會否只是一個藉口,因為根本你從來都沒有想過和你女朋友分手,而你同所有你啲朋友都係咁樣講,你覺得佢比你好大的自由度,就算你係佢面前對其他女仔好好佢都唔會出聲。我一定唔會祝福你同你女朋友架,因為我唔會令你覺得你同你女朋友係開心的,我一定會破壞你哋。最基本我會令你女朋友對你有懷疑的心態。等你所有嘢都失去,大家都一心一意去為過這段感情,但係最終比我得你願來你是某些情節係度對我講大話﹖

Saturday 18th June 2005 06:59:26 PM
新朋友[ 0 messages] 
Love, Friendship

嘩,真係講你都唔信呀﹖佢的同事竟然會叫我放棄佢呀?雖然我唔知你叫咩名,但係你都算係幫了我啦!因為佢的同事都試過咁樣呀有第二個呀。我真係越嚟越嚟對他絕望,因為今日我知道了很多他的事呀,原來他仲有和女朋友聯絡不特止,仲有帶埋她去他見自己的同事。點解你這個男人係咁樣﹖就係因為我有新鮮感﹖﹖我越嚟越唔明白你曾經同我講過的所有嘢是否真的﹖如果是真係我會為你醉生夢死都去鍾意你,但係如果係假的你為何要這樣玩我﹖

Saturday 18th June 2005 10:24:10 AM
忘記是極殘忍。[ 0 messages] 
Love, Friendship

如果我可以忘記得到你係最好,起碼可以令自已過得開心、亦都唔會覺得你好重要呀?我估你都認同我的講法。

Saturday 18th June 2005 12:07:33 AM
傷心又傷身份[ 0 messages] 
Love, Friendship

其實我發現他今晚己經係大陸電話聲,難道他己經要上大陸做嘢啦﹖

其實我真係好唔想咁樣呀,今日Harris可能真係講得對,不如放棄佢啦,因為真係愛你的人係唔會令你咁傷心,但係我知道他並非真係有心對我咁樣,其實只是為了工作,其他人唔信你唔緊要,我相信你的。

Friday 17th June 2005 02:03:16 PM
好痛苦呀![ 0 messages] 
Love, Friendship

其實我好痛苦呀?因為你唔理我呀??我只係希望你再理我o者,但係點解你都唔可以做得到呀!!

Friday 17th June 2005 12:46:17 PM
錯錯對對之間[ 0 messages] 
Love, Friendship

今日心情都不太好,又開始想自閉啦!點解你會咁太吸引力去令我為你改變自已?係咪我愛你愛到連自已都不理呢?又或者你根本就唔係一個好人?點解人人都覺得你唔好,而我又偏偏咁鍾意你呢?我唔知自已仲可以仲有幾多力氣去愛你,但係最重要而家我都仲係鍾意你呀???我好想見到你呀,但係你又偏偏唔肯見我。係咪明知我越想你為我去做的事,你就偏偏唔去做呢???難道係我對你要求太高,定係你想我對你盡快死心呢?其實我唔係要同你鬥氣架,因為我係唔想失去你,所以我先咁著緊你。

Friday 17th June 2005 01:10:16 AM
友誼VS愛情[ 0 messages] 
Love, Friendship

如果友誼與愛情可以同存的話,我想偏重愛情多些。因為女人最重要就是有個好歸宿囉。不過,友誼都是重要,因為我覺得自己可以一齊handle得到,起碼我估我自己應該唔會係嗰啲有異性冇人性的人。Friend Forever & Lover Forever!

Thursday 16th June 2005 06:32:54 PM
我們不快樂[ 0 messages] 
Love, Friendship

(我們不快樂,快樂後不再快樂,就是最後的一秒......) 我好想你知我每日做咩並非為了你一個人,但係我知你現在做的所有事情都是為了將來。不過,你有否想過我現在沒有你,真係好無內及不知所惜,每天返工都覺得好唔開心。何來會有心情做好些工作呢?

0.383188962936
General(277)
Car(114)
Current events(58)
Entertainment(2)
Food(10)
Love, Friendship(52)
Music(40)
Health(468)
Investment(198)
Religious(17)
School life(10)
Technologies(45)
Travel(8)

原來你係咁樣架!

很想你更明白我。~_~好掛住你呀...期待你的一天。變化了。