« October 2017 »
MoTuWeThFrSaSu
 1
2345678
9101112131415
16171819202122
23242526272829
3031 
Friday 28th December 2007 11:19:01 PM
唱k日[ 1 messages] 
Car

今日因為阿忠唔得閒,我哋又唔齊人呀...仲要係提早咁同fanny提早慶祝埋生日架...yes...

今晚我哋係去咗唱k架...其實唔知點解感覺大家都生疏咁囉....應該係我問題的多,好內都冇搵大家,大家既話題都唔明白...

anyway...因為fanny正日生日raymond唔得閒...所以今日唱咗個k慶祝咗佢就算了...大家都太忙了...而家人人都好有事業心...人人都係為咗公司而少咗好多好多見面...

希望來年大家會冇咩忙...同埋多啲時間出嚟見面啦...

Wednesday 14th November 2007 04:15:44 PM
raymond生日快樂[ 0 messages] 
Car

喂...生日快樂喎...

又大一歲啦...多啲蒲頭啦...好內冇見你啦....

Sunday 11th November 2007 11:02:41 PM
同raymond預祝生日[ 0 messages] 
Car

嘩,今日係星期日喎... 我哋就約咗今晚出嚟為raymond預祝生日架。

不過,好攪笑呀?我、家姐 & fanny3個人都一齊去剪咗頭髮先架...係咪好攪笑呢....哈哈...

今晚我哋出咗太子食和民呀?唔...呢間嘢啲嘢食都ok啦...但係大家都真係好勁喎...可以食咁內囉...同埋我覺得大家好內冇見啦...感覺好唔知點樣形容咁囉。

raymond今次啲禮物全部都係日本運返香港架,因為家姐哋早期又去咗日本呀...哈哈..佢哋真係開心啦...可以間中去日本一次,同埋佢哋識路唔同架...如果我去日本都好想有你一齊先至去呀?

咁好老實比我搵到個人我更愛既,我都會同佢一齊去架...你放心啦...

Sunday 14th October 2007 11:41:17 PM
打羽毛球[ 0 messages] 
Car

今日得我、家姐、fanny、忠四個人去打羽毛球啫..因為小炳出咗trip呀?又係去日本喎...天冇眼呀,雷生當然係要返工啦...

今日約咗家姐3.00係荃灣等啦..佢需要去買嘢,所以陪咗佢去買嘢先呀?買完嘢之後我哋去咗健康工房等佢兩個落嚟呀?

今日家姐仲帶埋查查出嚟添呀?而我當然會帶埋細菌小子去啦...因為我都好內冇帶過佢去街啦...

我哋打完波之後就去咗家姐屋企食晚飯呀?因為忠需要同阿sir食飯呀?食完飯攪咗一陣,我就睇我啲公仔書,佢哋就睇電視咁囉...好爽呀?

但係其實我係好累呀?所以我好需要早啲回家休息啦!

Friday 05th October 2007 11:29:46 PM
六神唱k日[ 0 messages] 
Car

嘩...今日六神可以又合體啦...真係估唔到啦...

首先我今日係準時6.00到就出咗去花園街join家姐,但係fanny未收得工,raymond去咗接女友放工,小炳去咗珠海做嘢...阿忠例牌冇得早架,所以未預佢未必出到嚟囉。

但係8.00到,人人都可以來電啦... 人人都可以出嚟呀...所以我哋都決定咗去唱k呀?good呀...好內都冇唱過k啦...仲要係冇嘢食架...可惜嘢食唔得呢...

今晚我哋都玩得幾早呀...11.00就散啦...因為第二日大家都仲要返工呢...所以都冇得玩到咁夜呀?今晚我冇影相呀...因為冇心機呀...

Saturday 28th July 2007 11:17:39 PM
變形金剛[ 0 messages] 
Car

嘩,好開心呀...今晚去咗睇變形金剛啦...全場都好緊張呀...我哋一行7個人一齊去呀...超開心呀...唔知你有冇去睇呢...如果你想睇既話我都可以陪你睇多次架...因為呢套戲都ok呀...以我咁坐唔定既人都可以令我坐得定,都己經好勁架啦....

今日放咗工之後就己經返咗屋企啦...但係我都係屋企食埋飯先出去join家姐哋一齊睇戲,因為佢哋上咗芙蓉山食飯啦..而我又麻麻地有興趣啫...所以唔緊要啦...自己又遲放工呢,費時要人哋等我啦...我不嬲依賴性都重架...既然人哋都未必就到我,不如自己返屋企囉。

如果可以既話,希望有人再叫我去睇多一次變形金剛添呀...因為超勁呀...我鍾意...連我唔識機械人既人都覺得呢套戲好睇喎,可想言之,有幾勁囉...

Tuesday 24th July 2007 10:11:02 PM
你哈利波特特...未[ 0 messages] 
Car

今晚同咗fanny & 忠一齊睇咗哈利波特呀...好開心呀...我哋三個人仲去咗新世紀食咗個韓國嘢添呀..>good呀

今晚呢一餐真係幾貴喎...但係啲嘢食都ok呀..唔係好差喎...如果有機會真係要同屋企人一齊去食吓先得啦...好嘢當然要同朋友/屋企人分享吓啦...

比啲嘢大家睇吓先..就係我既傑作啦...

<-冷麵

<-精美呀

不過,我哋3個人仲要叫埋酒飲添...但係支嘢好似消毒藥水味呀...救命呀...

<-三杯洒,呢個唔係地方

不過,大都當係relax吓啦...唔知睇睇吓戲會否瞓咗呢...好彩我哋都冇瞓啫...不過,有部份位都幾悶架...但係睇完戲都好累啦...跟住大家都各自歸家啦...

好似好內都未試過同佢哋兩個人去街啦...或者我工作大忙啦...阿忠都係忙架...唔知點解呢﹖

Wednesday 04th July 2007 11:32:04 PM
小炳生日快樂[ 0 messages] 
Car

今日係小炳生日呀...祝佢生日快樂先。

今晚我哋六個人+埋之桐7個人去咗california pizza kitchen食飯呀...其實好食又唔太係囉...不過,都係至在一齊食個飯架啫...

今晚我哋當然都冇送禮物啦..食完呢個california之後,我係飽到想嘔架,但係之後仲要去食糖水喎..嘩,真係飽到嘔囉...

我哋最後都有影個合照先走...因為我發覺我哋好內都冇影過相啦...

<-估下邊份係禮物

好正呀...但係今晚返到屋企都己經12.00啦...仲要接到阿俊個電話囉...佢今年10月唔擺酒啦...因為又同老婆鬧交呀...都係為咗啲無理取鬧啦...所以我都叫佢同佢老婆離婚啦...唔好再煩....

Saturday 30th June 2007 11:15:33 PM
唱k唱k唔會死[ 0 messages] 
Car

好開心呀...過埋今日就開始三日假期啦...但係今日我都係公司4.00先走呀...實在有好多嘢都未做晒呀...救命..如果唔係ivy話啲gazal合同未攪我都唔洗咁遲先走呀...

不過,係我自己衰啫,要同佢鬧氣啫...咁我自己都冇錯呀...我冇得早走你都唔好諗住自己有得早走囉...我會同你摟住一齊死架...

今日走個時佢哋都己經排緊隊位啦...good job呀,我去到佢哋都己經開始咗...好彩raymond都幫我叫咗個烏冬啫,因為一放工我己經係一隻餓鬼咁啦...

其實我唔開心架...因為積得太多嘢係個心度啦...所以唱k係一個發洩既工具啦...每次一唱天之驕女都覺得好痛呀...但係今次終於忍唔住要喊呀...因為覺得自己好似好可憐咁...好多嘢都冇講出口呀...

連平日我工作痛苦都不夠說起...最痛苦都係忍受隔離位個炸彈呀...真係好難捉摸呀...一齊working唔係要去捉摸你架...又唔係你出糧比我喎...佢都傻架...

所以我而家心情好就當佢存在,心情唔好就當佢透明,佢話得我正確咪聽囉...唔正確咪當佢唱歌囉...你當聽唔到我都可以架...呢個道行我比你更高呀...

最後唱k成員 (raymond、connie、tiffany、小炳、fanny)真係唱完k就散啦...我、raymond、connie三個人去咗深水埗搵之桐呀...佢哋攪nds,我就諗住幫表弟買r4架,但係佢自己都買咗又唔出聲喎,好彩我未買啫...最後大家去咗黃金附近既舖頭食咖喱呀...果然真係正喎,仲要係食到你飽到嘔呢...每人30蚊都唔洗囉。good呀...

Friday 15th June 2007 11:34:08 PM
派手信比家姐哋啦...[ 0 messages] 
Car

今晚準時地7.00就放工...咁就約咗家姐哋呢個葵芳食晚飯同埋比埋手信佢啦...因為日日都唔得閒呀...

今晚我、fanny、tiffany一齊都係同一間舖頭買咗對鞋呀...好勁呀...不過,對鞋都幾高架...但係我要得閒攞佢出嚟著吓啦...如果等到個日先著就大鑊啦...

其實係因為portin結婚,所以先要買返一對好睇啲既鞋囉...但係呢對鞋都唔係貴呀...$200啫...都ok呀...

今晚我哋去咗呢個湘川滬食呀...不過,好似都係新世紀個間好食啲嘢,唔知係咪因為太夜呢,所以個廚司都趕住要收工掛...

今晚食飯仲爭raymond呀...佢今日己經去咗呢個泰國啦...好嘢,佢返嚟又有呢個手信啦..唔知係咩呢﹖佢返嚟我哋都會再出嚟多一次架..但係幾時就未知架...

Thursday 24th May 2007 10:33:39 PM
睇魔盜王終極之戰[ 0 messages] 
Car

嘩,今日一早9.00己經起身啦...因為今日我哋要去睇戲呀﹖﹖但係真係平好多喎,我哋今日睇戲3個鐘都係$45啫...仲係要去又一城睇喎,越扺啦...

今日睇呢套戲都係麻麻啫...不過,我今日9.45己經到咗又一城,但係raymond比我更早到喎,佢都己經食埋早餐啦..我到咗之後都去咗搵佢陪我食個早餐,但係冇時間食呀...只係買入去食啫,仲要買埋早餐比fanny同忠添呀!

今日食早餐係raymond請我架,其他人個啲錢我唔知呀!咁佢哋自己再慢慢計啦...今日睇完戲之後我就去咗carmen屋企啦...因為我哋兩個人要傾去旅行啲嘢...同埋佢哋啲活動我都係麻麻有興趣啫...

所以就睇完戲去carmen屋企囉...我哋係屋企傾完之後就去咗旺角即刻報埋名啦...yeah,名都報埋啦...good呀...可以安心去旅行啦....唔知會否冇機位呢﹖希望旅行社快啲打比我啦...

Friday 04th May 2007 11:30:54 PM
忠生日快樂[ 0 messages] 
Car

忠:

祝你生日快樂...

記住,工作緊要...身邊既人仲緊要呀...

Tuesday 01st May 2007 10:58:43 PM
睇蛛蜘俠3@葵芳[ 0 messages] 
Car

今日我完全係唔想起身呀...因為如果唔係家姐叫我起身既話我諗我真係可以不醒人事添呀...今日叫咗家姐11.15叫我起身呀..但係家姐都己經好好啦...佢都差不多11.30先叫我起身啦...但係我起身都仲要沖涼洗頭先至可以出得門口呢﹖因為琴晚實在太累了,所以係冇沖涼就瞓覺啦..實在太眼瞓啦...真係有咩都第二朝先至再算啦...

今日我差不多12.30就到葵芳啦...其實好老實呀...我完全唔覺得好餓,但係唔食嘢又驚會死喎...所以我都有去食嘢呀...我仲去咗紅樹林据扒囉,跟住raymond、fanny同忠就一齊都到埋join我食嘢啦...

我哋差不多食完嘢michael都到啦..跟住就去join埋家姐同小炳啦...嘩,我哋六個人好內都未試過一齊睇戲啦...對上一次睇既都唔記得係咩戲啦...睇完戲跟住我哋陪阿忠去咗club車飛,因為佢要走先呀...raymond又話要返屋企大大喎...得返我哋五個人我哋就去咗維園食個tea啦...食完個tea再行咗一陣跟住大家都諗唔到可以去邊啦...

但係我返到屋企先知道原來係冇飯開架...只好一個人自閉於家中啦...但係我都好早己經瞓啦...如果再唔早啲瞓我估好快會死啦...好啦有咩事明天放工再講呀!.

Sunday 29th April 2007 10:15:45 PM
補祝我、家姐&忠生日快樂[ 0 messages] 
Car

嘩,今晚好開心呀...因為今晚我哋攪生日會呀...好開心呀...各位大家都好內冇見啦...自從上次新年見完後我哋都冇再見面啦...各有各忙啦...我就啲朋友食生日飯啦...家姐哋就去咗旅行但又腳痛,FANNY就日日都見面啦...RAYMOND唔洗講啦...更加少見,差啲要報警添呀!

今晚佢哋比埋手信我哋啦...但係好似得我同RAYMOND係未攞手信啫,或者佢哋四個有FUNCTION都冇叫我啦...

但係今晚無端端叫埋ERIC同MICHAEL一齊上咗嚟玩喎,其實都好鬼攪笑啫...佢哋一齊上嚟慶祝咁囉...但係原來MICHAEL都係呢個月生日架...所以都一齊慶祝埋啦...好啦...比啲相大家睇吓..

<手信之一<細菌小子裡面

新開既麵包超人館呀...好想去呀...

<-生日禮物之一

<-生日禮物之二

好開心呀..今年生日都有咿唷收呀...好開心呀...佢其實真係好似你架...係咪大家都知道我仲掛住佢呢﹖所以大家都照買比我呢,你哋真係了解我架,GOOD呀,果然係GOOD FIREND呀....

Thursday 12th April 2007 11:56:54 PM
祝Tiffany生日快樂[ 0 messages] 
Car

家姐﹕

生日快樂...

去日本玩得開心啲呀...仲有呀..記得買手信同生日禮物比我喎...哈哈...

Sunday 18th March 2007 11:43:49 PM
六神又合體[ 0 messages] 
Car

今日我、fanny、忠、小炳、家姐五個人約咗出嚟打羽毛球喎,不過,呢個打球時間係3.00,大家都係瞓醒再算啦...

我差唔多2.00就到荃灣join佢哋啦...我哋打咗一個鐘頭波啫,跟住就去咗食嘢,食完嘢之後就上咗忠家等夜晚食飯囉...

其實本來都可以早啲食飯架,但係因為raymond冇咁早放工呀...所以我哋只好等到差不多9.00先至食飯呀...其實我覺得很累啦...或者日日都去玩啦...well,不過,我哋六個人今年好少時間大家出嚟見面,有可能見忠又唔見raymond,見到raymond又唔忠喎,都唔知佢兩個係咪鬧交喎﹖﹖

今晚我哋餐飯其中有一個餸係好扺囉...睇吓張相你哋就知架啦...

<-唔知咩咩火鍋

食完飯之後我哋當然係影一餐相先啦...跟住我哋就去咗食甜品啦...唔...今晚個甜品都ok呀...下次再有機會可以再試其他生果呀...不過個外表好得呀...實際都唔係差架...

<-晚餐後的甜品

Monday 26th February 2007 11:33:02 PM
好朋友~恭喜發財[ 0 messages] 
Car

各位好友,恭喜發財...

今日返工完全係想死呀...因為實在太累了,琴晚完全係好夜瞓,實在太辛苦啦...如果今日可以放一日假幾好呢﹖但係我係唔會架...咪傻啦...

今日放工之後我同家姐哋一齊出嚟食飯,因為我哋仁日都未出嚟食飯喎,就係因為大家沒有講定,所以我當然係決定去澳門啦...或者大家都鍾意即興啦...所以我迎合唔到佢哋啦....

我哋今晚去咗西子湖食晚飯,阿忠又係出現唔到架...又係得我哋五個人啫...我哋今晚食完呢個西子湖之後去咗呢個食糖水喎,實在令人開心啦...呢幾日我都食咗唔少嘢呀,又要開始減吓肥啦...

食完呢個糖水之後我哋就各自回家啦...下次再見啦。

Sunday 04th February 2007 10:58:49 PM
六神合體[ 0 messages] 
Car

嘩,今朝我起身己經係11.00啦...我起身之後就打咗比fanny哋啦...因為我哋今日有function架,但係琴晚佢哋話今朝起身先至再傾點樣喎...所以我起身先至打比佢哋再planning啦....

今日我哋meeting己經係差不多1.00啦...我哋各人係荃灣集合食早餐+午餐啦...跟住我哋全部上咗去阿忠屋企打麻雀囉,之後我哋夜晚去咗大埔小白鷺食晚飯呀...

其實呢間餐廳我都聽得多啦...但係今次真係第一次嚟食嘢,原來睇真啲佢啲嘢食都真係好貴囉。不過,你話佢啲嘢食係咪唔飽呀﹖又唔可以咁講架,唔...今晚呢餐飯係每人都食咗$150到啦...其實我哋幾個識咗咁內以嚟除咗食自助餐之外,呢餐都算係貴得嚟唔飽架啦....

其實去呢度我好想有你份一齊去添,但係我知道諗就可以囉,實際我知係冇可能架...因為你實在太忙啦...就算有時間係香港都冇時間同機會亦都冇諗過陪我,好可憐呀﹖原來我係你心目中真係冇地位啦.....

Saturday 20th January 2007 11:49:58 PM
打羽毛球[ 0 messages] 
Car

平日少做運動,同埋好內好內我都未試過再打羽毛球啦....今日放咗工之後我哋五個人去咗打羽毛球呀...今次個個都好認真咁仲話要兩個星期打一次波添喎﹖我真係覺得大家勁,但係係咪真係有時間到時先知啦...

今日打咗都冇兩個鐘頭呀﹖全身都己經散咗啦...未打夠一個鐘我己經覺得好辛苦啦...同埋唔夠瞓仲要做運動真係隨時會死架...今晚我哋大家打完波最後決定去阿忠度煮嘢食...第二日仲話要去環球嘉年華喎,不過,我都係諗住你哋起到身再講...

今晚大家係阿忠屋企食完飯睇埋戲就己經11.00點啦...跟住大家一齊落去荃灣搭車各自歸家囉...最後我返到屋企我都係決定唔去環球嘉年華,因為一對對咁去係會開心好多,我唔鍾意人哋比啲關心我,你哋由得我一個自閉好過啦...因為我個人覺得同你哋有咗啲隔膜,唔知點解有呢種感覺,係因為我好想有安全感,發現你哋好似冇咗以前個種安全感比到我呀﹖

我真係需要啲時間去適應呀﹖比少少時間我呀...

Tuesday 02nd January 2007 09:11:10 PM
Fanny生日快樂[ 0 messages] 
Car

生日快樂呀...壽星女

今日係fanny生日呀,唔知今晚佢哋會去邊度慶祝呢﹖我今日同埋啲同事同咗佢一齊去福全食飯呀!其實呢間公司啲人真係好奇怪架..有人生日點解會冇人提議比錢買任何可以去慶祝生日既嘢架﹖

或者呢間公司啲人真係好有階級觀念啦...但係我覺得做人唔洗咁樣架,如果係咁樣對人人都會好有'介被心'囉...可能佢哋過咗咁內都己經慣咗啦...

到咗fanny生日好快就到我生日添啦...唔知今年我既生日又會點呢﹖突然諗好想有個人陪我一齊過呀﹖咁陪得我過既呢一個人都好重要啦...但係唔知呢個人今年會否出現得到呢﹖算....我知我冇人陪我總會有人陪我架,我啲朋友仔唔會比我一個人孤獨咁過架....

Monday 01st January 2007 11:58:31 PM
大棠一天遊[ 0 messages] 
Car

踏入07年第一日我係好早己經起咗身啦...其實我係4.00幾己經醒咗,可惜我個人醒咗冇用呢...啲酒未散喎,仲要唔係自己屋企過呢﹖我哋去咗芙蓉山過今年既除夕,其實唔知下一年會點樣過呢.....

今日我哋起身去咗元朗大棠玩呀!其實今日係出嚟預祝fanny生日架,所以我哋選擇去咗效區啦...我哋六個識咗咁內都好似未試過去效區玩架...今次好似係第一次囉...

今晚其實都玩得好開心呀...完全係玩到想死呀,因為實在太累了,好驚聽日會起唔到身返工添呀。

仲有新既一年我覺得個人咩都從新開始過,但係除咗某啲嘢係唔洗之外啦...我要突破自己呀...最好就係可以再次見到你啦...同埋日日都多啲朋友陪我去玩啦...最好就係拍咗好內拖既朋友仔快啲結婚啦...派利是比我呀!千祈唔好忘記我呀...

其實今晚大家都會好早就瞓覺啦...因為今晚大家都累了,好嘢,我哋要再快啲約埋下次既外遊啦...

Monday 01st January 2007 11:40:02 PM
除夕快樂[ 0 messages] 
Car

31-Dec-06

今日下就我哋五個人又去咗楊屋道街市買餸,但係其實都好煩架,我係度諗如果大家仲有咁多嘢要買既話,不如遲啲我自己再過嚟啦..我實在忍唔到大家仲未攪掂啲嘢架...同埋唔知心情好差囉...咩都唔想講呀...

今晚我哋既晚餐好豐富呀...全海鮮宴咁喎,唔...啲湯一定好好味啫...今晚我哋食完個打邊鑪跟住就開始我哋既成人遊戲啦...打麻雀,但係可否唔打麻雀呀...不如大家都早啲瞓覺呀...好眼瞓,明天又要早起身喎...所以好驚聽日大家會唔知醒起身去唔成呀﹖

打完麻雀都唔緊要呀,仲要玩溝酒飲呀...天呀,飲埋啲酒真係聽日更加唔洗起身啦....初時飲呢個芝華士+diamond black,嘩,以後都唔會再將呢兩隻酒咁樣溝埋佢哋一齊去飲呀...完全係難飲到死人呀...跟住就飲啤酒,其實飲啤酒好好多,正呀。可惜溝酒關係,根本我都唔記得自己飲咗幾多酒啦...只係想快啲飲晒啲酒佢就可以瞓覺啦...好啦...三點幾啦...可以去瞓啦...臨瞓之前要同各位講番啲嘢先...

...+_+

Friday 29th December 2006 11:22:14 PM
銅鑼灣買禮物[ 0 messages] 
Car

今朝都諗住今晚我可以準時收工架,但係好可惜囉...係諗錯晒啦...完全冇呢個可以早收工既機會,但係我都堅決最遲6.30走人,因為旺角過銅鑼灣其實我覺得好內囉...

反而我今晚都有得著架,家姐同小炳等我個時去咗世易夾公仔,仲幫我夾咗隻大根公仔添,good呀....我哋買完禮物就去咗食上海嘢,再過咗對面7仔買嘢飲,仲比我哋兩個一齊見到有部扭蛋機係我想儲齊一套既公仔連家姐都覺得佢得意喎,我哋每人都扭咗一隻架...暫時到目前為止我都仲未有一隻係double架...但係最好唔好有啦....

食完嘢就行咗一陣銅鑼灣地帶,跟住大家都各自回家啦...連sogo都冇去行過呀..原來真係九龍人就只會係九龍區活動多囉,銅鑼灣真係冇以前咁常行囉...放工都己經死咗一半,再行埋街既話完全第二朝要請日假係屋企休息啦!

我哋買個份生日禮物,希望fanny你會鍾意啦...~_~

Thursday 21st December 2006 11:17:54 PM
好朋友聖誕快樂[ 0 messages] 
Car

今年我哋六個人係提早咗過聖誕節架....因為人人都唔想正日先慶祝食飯喎...同埋因為raymond己經拍拖了,所以佢有時間都需要去陪女啦...仲邊度有時間陪我哋喎﹖所以只好提早囉。

今晚我哋去咗阿忠個朋友既唔知咩人個cafe過咗一晚呀..我哋大家都有玩啦...食嘢、傾計咁囉....但係最緊要係大家都過得開心啫,因為朋友好難個個都就到架...而我哋各位啲關係都算仲係好好,遲啲真係唔知啦!

今晚都抽咗好多禮物返屋企呀!但係raymond送個份真係好鬼死重囉...今晚唔知係咪人人都鍾意我份禮物呢﹖因為我真係諗到頭都爆都諗唔到買咗比各位好,同埋我都冇咩時間去揀...所以啲禮物就比較皮毛少少啦。

早啲祝各位先!

Thursday 30th November 2006 11:35:47 PM
終於有一天去行街啦.[ 0 messages] 
Car

今晚放工我終於都唔係返屋企咁無聊啦...我今晚放工同酇anny去鬫瘚顜r...因為佢要買鞋,所以我就陪佢出去啦...

我]差不多係公司7.00鐘到走啦...跟住就去鬫碻p合..行完聯合就去鱆廑橉\廳据扒,我]食到9.00點到就再向旺角中心出發啦....

yeah,林小姐終於都買到對鞋啦...仲有一件外套,而我就買髐@條裙添...唔...其實今日都覺得好滿足啦....過埋今晚就己經12月啦...好快就到聖誕節添...又係到每年好頭痛買禮物既日子啦...今年都唔知買曮圻n啦....

唔知今年又會收到幾多份禮物呢﹖又會否好似上年咁樣呢﹖有好多好多份呢﹖...不過,有時唔係著重份禮物架,只係著重個心意....有時間我真係需要去睇定啦。

Sunday 19th November 2006 07:04:13 PM
Raymond生日的下集[ 0 messages] 
Car

18-Nov-06

今日雖然都仲要返工,但係呢一個生日會真係令人過得好眼唭r...

今日都好彩我返工都係返半日隉A放工當然係返鱈峊孎歁鴷啦...明知今晚仲要玩架我當然係要返屋企休息一黻捸I

雖然話放工返屋企係想堐情A但係最後我都係冇堐惇[,因為太累了,所以最後我都係冇堐惇[,我係係電腦前面寫凗籵銗L玹暙o...今晚首先要出席轢lise同louise飯局先,其實係佢]約鬻琣b先架,可惜呀,今晚去既地方都幾遠架,係o漁涌呀...但係都唔緊要啦,因為話晒都係應該要就生日既朋友仔嗎。

我]食完飯去鷛f'叮叮'落中環呀,其實夜晚搭叮叮既感覺都好唔同架喎,只係因為香港既夜景真係靚啦...同埋又臨近聖誕呢﹖好似度度都準備佈置...好多聖誕樹呀...今年既聖誕唔知會係點呢﹖

食完飯去鱈C衣join raymond,得我同佢兩個人搭的士上去阿忠屋企,不過,我都真係好飽呀,當然啦...食鬫n多洇r!但係我真係好眼唭r...所以我都係同轢ric地一齊搭的士返屋企呀...呢一日個星期六咁就過鱁...不過,明天去邊,明天埥籉A算啦...

Saturday 18th November 2006 04:10:51 PM
Raymond生日快樂[ 0 messages] 
Car

17-Nov-06

今晚既活動完全係超級正呀!首先我今晚放工係去鷝p石山接埋家姐一齊過去媽媽屋企架,因為我]實在有太多洐n城...所以就叫埋wing一齊係鑽石山等,橫掂都係搭的士過去,幾多人都係比咁多錢架啦。

其實今晚真係玩得好癲架...因為全晚都係係咁係度食洁A好似完全唔洗抖咁樣喎,仲要係唔洗去消化架,真係正呀,如果唔係有人生日都唔會玩到咁啦,平時我]點會咁樣架。

其實除鱄僚o好飽之外啦,仲飲鱁s呀!我有紅酒溝芝華士呀,唔...好正呀咁樣溝酒法個感覺真係好正喎,或者我好似好內都試過飲酒啦,所以覺得對酒有少少生疏呀....但係人人都玩得好開心囉。聽晚大家又會再見面啦...唔知聽晚仲會玩曮妝O﹖

唔...聽晚約鱆B友仔食飯,其實都開心架,因為我]大家都好似好內有見面啦...聽晚佢]話要著靚鱦{,都唔知攪咩鬼狣o。

Sunday 05th November 2006 12:06:37 PM
手信回來了*_*[ 0 messages] 
Car

4-Nov-06

嘩,今日諗起放工個人心情真係特別輕鬆呀!因為今日約鰹a姐出蟑僎熄...同埋我要去咫漇H呀..好期待我齯漇H係咩洇r﹖好緊張呀...

今晚同埋fanny一齊走,我]去鰶媽屋企樓下既荼餐廳食飯等齊人先上去開^喎,嘩,我]打麻雀又係老規矩呀,輸鱄茖潃茩n飲水囉。我係咪真係咁旺呢﹖大家打鰹t不多10圈牌,我都食魖潀號儮嚚k,一次混一色喎....哈哈哈...

我]今晚打麻雀打到差不多八點,跟住去鷛O雲山中心椰林閣食晚飯,但係其實今日係kelvin生日架,佢都同髐k友食飯,所以我]大家都冇理佢啦...跟住食完飯我就再返媽媽度睇戲囉...不過,kelvin]跟住返褶穔M係比人隊佢飲酒啦!我呢禶穔M係唔會出手相救,你話見死不救就算啦...因為如果我出手幫佢我驚我唔會有得走啦...我都成點先走,但係都冇完完整整睇晒呢個回魂夜呀,等我搵日專心去睇晒佢先。不過,kelvin都祝你

生日快樂,同女友開開心心啦!

Sunday 22nd October 2006 01:00:16 PM
半夜三更出動日[ 0 messages] 
Car

21-Oct-06

我今日雖然係好夜先至返到屋企煮嘢食,但係我係屋企食完嘢之後又要出發去阿忠屋企打麻雀啦!其實有時都好想去發洩一吓架,唔知點解心情好差喎﹖

其實今晚太家打麻雀都打到四點幾呀!本來我都諗住係阿忠屋企過夜架啦...但係可惜己經冇床瞓啦,所以只好叫阿忠半夜車我去荃灣搭小巴自己返屋企啦,係咪我大硬頸呢﹖其實我都可以瞓梳化架,但係感覺好不安,所以我都係寧願返自己屋企瞓好過啦!

我返到屋企都差不多五點啦,當然係即刻去沖涼瞓覺啦...其實不知幾鬼眼瞓呀,完全係眼瞓到想死囉。不過,明天起身又有開心既發現呢﹖

Saturday 14th October 2006 11:21:48 PM
冇得燒嘢食,改食日本嘢[ 0 messages] 
Car

放工時候忠話今晚芙蓉山冇人可以大家一齊上去玩喎,我咁爛玩當然幾累都要去玩啦...本來諗住係燒嘢食,但係唔記得邊個人話夜啦,所以就取消咗喎,個刻心情好失落呀,我真係好唔開心架,我真係好想燒嘢食呀...好想呀...

放咗工之後我就返屋企放低啲辦先,fanny就去eric屋企樓下攞key再返自己屋企,阿忠就渣車再去沙田接埋家姐,但係都係半途我先知唔燒嘢食啫,我個刻有個心諗既然都唔可以完成我心願,不如返屋企食飯好過啦...但係大個女啦..唔好小姐脾氣,最後都唔太情願咁去咗食日本嘢囉。

最後大家都係去咗荃灣食日本嘢,人人都知道我唔鍾意食生嘢架,大家都好驚我唔夠飽架,但係我真係唔想食呀,話雖如此我今日lunch都冇食過,其實我係完全冇咗呢個肚餓既感覺喎﹖或者太忙既關係我就係咁樣架啦...大家唔洗擔心我,我餓就會出聲架啦...我大個女啦!

食完呢個日本嘢大家各自回家啦,因為家姐要執屋喎,所以都係返屋企啦....但係今晚既日本嘢都ok啦,我唔太好食生嘢都有食一舊好大舊既三文魚喎,講真,食完個舊嘢都真係己經飽啦,仲洗食其他嘢呀﹖

Sunday 08th October 2006 11:45:24 PM
唱咗K[ 0 messages] 
Car

嘩,我哋六個人好內都未試過一齊去街啦..雖然唔係什麼行街之類,我哋只係去咗唱K啫,但係其實都好似好內冇試過咁樣一齊玩啦...

或者真係大家好內冇見既關係啦...比我既感覺好似有少少生疏咁樣,定還是係因為有eric係度既關係呢﹖我都唔知呀!今晚終於見識到容祖兒新歌'華麗邂逅',但係好遺憾見唔到'愛情復興'囉...因為個時neway己經cut咗我哋啲歌啦。

不過,總算都叫做去唱個k發洩吓心中的不滿,但係我唔知自己有咩不滿,只係好希望去發洩咁啫,其實今晚唱k都算貴啦...我哋冇飲酒每人都要$140呀!不過出嚟玩其實都預咗架啦....

唔知我哋幾時六個人再可以真真正正再出嚟再唱k呢﹖呢個日期真係好似要好內咁喎,或者可能要等raymond生日啦,就係下一個月啫。

Sunday 03rd September 2006 02:56:45 PM
阿忠屋企打麻雀[ 0 messages] 
Car

2-SEPT-2006

今日放工之後約咗家姐地去樂富夾公仔,跟住阿忠就電話到啦...其實我有時真係好希望可以好多嘢都從新嚟過架....

中途我有諗過我究竟去唔去好架,因為好累了,但係都幾想去玩架,因為冇時間去諗起你呀!所以都係決定去啦...我哋去到荃灣join埋林小姐就去買餸,原來今晚爸爸地係食海鮮架,但係今晚真係超級之好餸呀!我哋有九個人,亦都有九餸一湯,但係我哋今晚好早就走啦...因為人人都好累啦...所以早啲走都好架。

例如我冇離開過佳膳啦...我真係好想冇呀...所有人都從來冇識架呀!尤其是係我想同佢既一齊既你呀!每日都係度諗究竟你同我講咁多嘢有幾多嘢係事實呀﹖我真係好驚呀,原來我一直鍾意既人都係一個大話精呀,我真係接受唔到呢個咁樣既答案....愛一個人係唔應該懷疑佢,但係我驚你唔只係愛我一個人,而係兩個人你同時去愛呀!

Thursday 31st August 2006 11:34:19 PM
食個晚飯心情好[ 0 messages] 
Car

今晚約咗家姐、小炳哋一齊食飯呀,我哋去咗雅蘭食飯,其實啲嘢食都算ok架...但係每人落樓都要一百蚊多啲呀....

但係真係食到超飽囉!間嘢係雅蘭六樓,叫做品味人生....但係好唔開心囉,等位等咗好內,而佢話有得坐卡位架,但係最終係冇囉...真係嬲嬲地呀....但係實際嚟講啲嘢都算唔差架啦....

不過,我放咗工之後去咗還pccw部電話,之後就己經即刻join家姐哋啦....今日我實際都冇咩點樣行過街呀!唔知下次要等到幾時呢﹖今晚都好早返到屋企啦...但係其實都好累啦...好彩琴晚瞓覺沒有再發夢啦...如果唔係真係死架啦...

我明天開始要再整公仔啦...因為成個星期己經冇整啦...

Wednesday 23rd August 2006 10:51:09 PM
同家姐去食飯[ 0 messages] 
Car

其實我有時都係度諗呢...究竟係家姐知道我無聊就會出嚟陪我呢﹖不過,我知道家姐同小炳佢兩個明白我個心點諗架....雖然我係好硬頸,但係有時我都唔係大家所想的咁樣架....有時我真係好希望有人問起你,如果問起你我會要大家幫我諗辦法去忘記你架...

但係我好明顯比以前係己經有進步架啦...但係都仲係有時會諗起你啦.....可能我份人冇咩寄託啦...其實工作忙碌真係可以令我忘記你架....

".""."人你都好內沒有回覆我email啦...你最近沒有什麼事呀﹖唔知道點解呢﹖我個心好感激你,你真係我最唔開個段時間每日陪我傾計呀!但係你的工作很忙呀...所以近排都很少出現了,希望你要小心身體啦...而我都會想辦法忘記他(唔知下一位會幾時出現呢﹖)。

Friday 04th August 2006 11:13:01 PM
睇魔盜王[ 0 messages] 
Car

今晚我哋有function呀!

人物﹕Tiffany、小炳、Raymond、我

不過係四個人去睇戲喎,其實好似大家識咗咁內都係第一次四個人去睇戲啫...但係套戲都好睇喎,呢套戲上咗第二日我哋就即刻去睇啦...仲要買到飛都好叻架啦...但唔知道點解硬係有啲好奇怪既感覺呀!

可能外人睇到我哋好似一對對咁啦...咁就會覺得我哋係拍緊拖既人...但係實際唔係架...人人都覺得佢唔適合我架,車,我從來都冇話過鍾意佢,就算係都係有好感多啫...唔洗攪到好似好愛佢咁啦...我對佢啲感覺真係拍馬都追到你架...根本我都冇個種真係非要一齊不可既感覺,如果我同佢係有feel既話一齊啫啦...

你估經過你呢個傷害我仲唔識死呀!有人對我好啲我都只係會當佢當我係妹妹咁看待算啦...受傷我真係唔想再發生係我身上啦...

我同佢無可能有機會發生任何情侶既關係架,因為佢唔係我鍾意個類型,連我自己鍾意啲咩類型其實我都唔知呀!我份人好講感覺架,好似啲藝術家咁樣喎...但係對你個種固執既愛希望可以快啲消失,有時諗起冇咗你陪我真係好悶架...就當係竉壞咗我,之前每日都陪住我,攪到我而家每晚都想去街呀!但係去街個時冇咗你我就覺得冇咗去街個種意義咁樣喎。

所以希望再有機會有返你既日子呀!

Tuesday 25th July 2006 10:40:54 PM
西子湖食晚飯[ 0 messages] 
Car

雖然今晚我係食完飯好早就返屋企,但係今晚呢一個晚餐飯局都係唔齊人架,又係阿忠出唔到嚟同我哋一齊食飯呀!只係得我哋五個人食飯架啫....

不過,今晚我哋好早就己經走啦...我可以未夠十一點鐘就返到屋企啦...因為今晚人人都好累啦...其實話要走既raymond係第一個話要走先架...但係如果要等埋阿忠既話都真係唔知幾多點囉....

我哋本來今晚係諗住去咗個叫做xxx總之就係係舊新之城個度啦...唔記得佢叫做咩名啦...不過,我哋最終都係揀咗去生日飯堂食飯囉...其實有時我都覺得好好笑架,我哋差不多個個生日都會去呢度食飯咁樣囉....

今晚好早就走啦...我未夠十點己經返到屋企啦..因為人人都好累了,而我就更加唔洗講啦....係超級之累囉...

不過,今晚家姐幫我買咗兩本有關整細菌小子既公仔書,我今晚見到佢根本都開心到瞓唔著啦..其實有時諗起都好攪笑,識到細菌子係上咗你架車,跟住自己就鍾意埋喎,或者呢啲就真係緣份啦....

Saturday 22nd July 2006 10:01:38 PM
同家姐兩個人行葵芳[ 0 messages] 
Car

雖然今日係星期六呀!但係今日都好忙呀....返工忙就當然唔洗講啦...放咗工之後我就同咗家姐去咗行葵芳啦...點解得我同家姐呢﹖小炳係去咗開ot架....

所以只有我哋兩個人啫,我今日係差不多係公司成兩點先至走呀!因為要趕住要搵好明天啲辦寄去法國呀!所以我先至搵到咁晏先走啫...仲要今朝係冇食早餐呀!所以我係超級之肚餓呀....

我明知自己要咁遲先走我都叫家姐食咗少少嘢先出嚟呀!費事餓死佢...我哋今日都係去咗飯堂食下餐架,就係紅樹林啦...唔知點解呢...次次去親葵芳食嘢都想去呢度食架,或者全個商場覺得最好係呢一度啦....

今日完全係冇心去買嘢,因為唔知有啲咩我可以去買啦...但係有時淨係睇都覺得好開心啦....我同家姐行到六點幾佢就等小炳過嘢join埋佢一齊去食飯,而我就回家食飯啦...

我仲好叻添,自己一個人行去葵興地鐵站搭38號巴士返屋企架,其實我真係好鍾意搭巴士架...呢個真係冇得解架....可以話有得瞓覺又有位坐啦...

Friday 21st July 2006 10:02:07 PM
一起食晚飯[ 0 messages] 
Car

今晚除咗阿忠同raymond之外,我哋四個人都有照去食飯,其實今晚食飯既原因係因為今個月係小炳生日,但係我哋六個人就冇試過一齊出嚟食個一餐飯咁啦...但係阿忠最後都係唔得閒出嚟應約囉....而raymond就要食公司的annual dinner喎...

其實得我哋四人去食飯啫,我哋食完飯都沒有行街呀,跟住大家都各自歸家啦...其實每次我都唔知唔係好想係旺角食飯架...因為我每次都要搭小巴返屋企架,我每次經過呢一個位我都好唔開心架,尤其係好快接近你既生日啦....

每次總想個辦法去忘記你,我就更加之越去掛住你...雖然忘記係殘忍,但係我每日都有試著把你忘記架,或者你真係一個好難令人忘記既人啦...我希望你唔好再為咗我仲有冇鍾意你而去避開我啦...好唔值得架....我唔想再咁樣啦...

Sunday 09th July 2006 10:30:48 PM
揼骨團[ 0 messages] 
Car

嘩,今日只係爭Raymond沒有出現啫,我哋今日好勁呀!就係一行五人返大陸揼骨啦...不過,揼骨都好辛苦架,因為好似比人打咁樣囉....

不過,雖然今次係要返大陸啫,但係全程都ok啦...如果唔係都唔洗諗我會join埋一齊出去呀!因為我真係唔係咁鍾意大陸架啫,但係如果要去搵你就一定係例外啦...^_^

其實你都知道我唔鍾意大陸架啦...我都堅決可以去搵你架...唔洗講大家都明白啦...

我哋揼完骨之後就返香港先至食飯呀!因為驚多人過關呀!所以我哋都係返香港先食飯啦...我哋去咗荃灣'莎美樂据扒'呀,我好勁呀,我一個人可以食得晒一個什扒餐...跟住食完飯就返屋企啦...因為好眼瞓呀!今日好早就己經要起身啦....

不過,今日返大陸既原因係因為小炳生日月啫,如果唔係都唔洗諗我會出現係大陸呀!

Tuesday 04th July 2006 11:32:36 PM
4號的一天[ 0 messages] 
Car

小炳,生日快樂.....

雖然你今日係正日生日,但係我都係冇打電話同你講生日快樂架...因為有人通風報信話咗比我知你心情唔好呀!不過,我都覺得你都好可憐架啦...明明生日都仲要咁夜先收工喎...可憐囉!

但係我覺得自己生日都好好架啦...有好多人陪住我喎!或者有時諗起兩個人過總好過咁多人一齊過,好可惜,我想的兩個人過己經冇...因為你都己經冇理我啦...其實我唔係介意今年我生日你冇陪我,只係突然有少少感觸啫,點解人人都可以咁開心同自己鍾意既人過生日,而我就唔可以喎﹖

或者有時人就係咁架啦,到失去咗啲嘢先至會去珍惜,但係我從來都冇唔珍惜你呀!起初由我唔夠去珍惜到漸漸想去珍惜你都己經太遲...或者我自己咁樣做都係想保護自己,唔想為大家去做成更多的傷害,不過,最後都係有很多傷害和遺憾係度,仲有最多既係我既淚水...

Monday 03rd July 2006 11:54:42 PM
小炳生日前食飯[ 0 messages] 
Car

雖然今日唔係小炳正日生日,其實明天就己經係啦...但係我哋都預早同佢食咗個生日飯先....

今晚食飯少咗阿忠呀!因為佢要做嘢喎,不過,我估唔到佢真係嚟唔到呀﹖仲以為佢有人生日都可以抽時間出嚟食個飯啦﹖但係最後佢都係冇出現囉,但係我有啲擔心佢星期日個function都未必會出現囉。

今晚我哋食完飯之後就去咗仙跡岩飲嘢呀!差不多十點鐘就返屋企啦...不過,得我哋四個人去啫,因為雷生約咗同事去打波喎,不過,其實佢有叫過我去架,但係我覺得感覺奇怪所以就推咗佢...始終都係唔太想令人有誤會啦...就當係我自己曾經想得太多啦...愛你己經辛苦架啦...如果要係你之前再有一個人令我去為佢辛苦我覺得有少少唔值得啦...始終我都係放唔低你呀!

Saturday 06th May 2006 11:25:43 PM
放工去了深水埗...[ 0 messages] 
Car

今日放工之後冇嘢做,就同咗家姐哋去了深水埗行街啦...

其實今日都好開心呀!可以見到好多細菌小子呀...不過,今日好熱呀...但係小炳同我哋行街個時佢突然之間話接到e call呀!所以行行吓只有我同家姐兩個人街啫...

不過,我今日咩都買唔到呀...所有嘢都係得個睇字啫,因為啲嘢都唔平呀..所以都唔想去買呀...同埋買咗啲嘢屋企都己經冇位可以放啦...全屋企都係我啲嘢呀...

今晚我哋係各有各返屋企食飯架,但係有時星期六返屋企食飯都係好架,因為可以瞓醒就食飯呀!

不過,比起以前我係日日都去街,每日放工都係等你收工,跟住就同你食飯啦...或者去睇戲,而我就會係等你個時自己去行街啦...不過,有時自己一個人都好開心架,我唔同你一齊行街係驚你會好累,同埋你每日都係企係做嘢會怕你好辛苦,所以我先至唔想你陪我行街啫...

其實有邊個女仔唔想同自己鍾意既人去行街﹖只係我想你唔好為咗我咁辛苦我先至唔洗你陪我啫,或者只要見到你都己經足夠啦...

我會自己獨立架啦...但係總想有你係我身邊架,我知你明白我點樣架﹖

Friday 05th May 2006 10:11:04 PM
放假日...[ 0 messages] 
Car

嘩,今日又放假呀,真係好開心呀!不過,今日係繼續同阿忠去慶祝架...

其實我好想去行吓街先架,但係大家都遲先過到去呀!所以街係冇行過架,只係成日都覺得好想有你係我身邊囉...不過,每日都係咁諗架啦...反而我真係好想了解你,你啲感覺係好藏不路呀,我從來都估唔到你想點架﹖或者你咁樣會對我好啲,最起碼唔會比我感覺得到你唔會有唔捨得我的感覺啦...但係我知你有架....

今日我起身的時候係己經點幾啦...跟住就上網睇吓邊度有位睇戲呀!我哋今日係要睇呢個'職業特工隊III',我哋今日係呢個淘大睇戲,跟住就去咗戲院隔離的一間餐廳食晚飯呀...

其實去選擇食呢間餐廳係因為我貪佢生日個位有呢個香蕉船食呀!但係今晚真係好開心呀...我真係覺得好開心呀...因為我可以有得食返好內都冇食過既香蕉船呀....yeah....

不過,今晚食完飯大家好早就走啦...因為唔知點解好似好累咁樣呀...但係雖然係早返屋企,但係都好夜先瞓得呀...

Friday 05th May 2006 03:06:46 PM
阿忠,生日快樂[ 0 messages] 
Car

4-May-06

今日得我同oscar係公司生活啫,因為fanny請咗假呀,其實有時真係覺得好好笑,生日請假其實係咪真係大晒架呢﹖但係點解我又冇呢個念頭生日去請假﹖係都第二日先至請假啦...正日一定係玩到死架啦...

但係今日我放咗工之後就join家姐、小炳去了snoopy cafe食飯呀!我哋真係好勁呀,係嗰度係坐咗三個鐘呀,因為大家都攞住好多嘢,其實我食完飯都幾想行街架,不過,大家都攞住好多禮物呀!

我哋今晚去咗創興的green box唱k呀,我係叫雯雯幫我訂房架,唔通真係有人係度做係好啲架,唱啲時間都唱內啲啦,但係今晚好似得我哋四人去玩咁囉,佢兩個人係好眼瞓﹖不過,我都冇理佢哋呀,佢哋要瞓覺的話真係好想叫佢哋走先呀,但係又冇理啦...自己玩好過啦...

今日係唱k去到凌晨四點架幾,但係瞓落床都己經五點啦,不過,個時係唔眼瞓架,始終都唔明白點解呢三日返工咁累架﹖唔通玩夠咗同慣咗遲起身呀﹖不過明天的活動又好快會開始呢!

Saturday 22nd April 2006 11:08:35 PM
探BB + 去家姐屋企打麻雀[ 0 messages] 
Car

今日放工之後同同事一齊去了探RACHEL的BB女呀...其實有時覺得BB係好得意,但係到佢一扭計都唔鍾意啦...好鬼死煩呀....

我哋去到青衣城食咗肯德基跟住就去BB禮物啦...不過,小朋友係一個吃錢怪呀...買罐奶粉同一包屎片都貴過人架....

我哋今日係RACHEL度都成五點先走呀!因為好遲先上到去呀...走後就去了家人屋企啦...我哋打咗一陣麻雀之後就開飯食啦,跟住飯後活動就係呢個睇電視啦...唔知點解今日冇心機打麻雀喎...或者真係實在太累了,晚晚都超級之夜先瞓....

今晚係比之前好早就返屋企啦...我係十一點鐘到就返到屋企沖涼,不過,今日係唔會咁早瞓架,因為本來明天係要去拜山的,但係需要改下星期先至可以拜山呀,爸爸返了大陸趕唔切返香港,所以先至要改期啦....

咁又一個星期啦...你又生活得如何呢﹖我每日都好想知道你有否再去影相呀...其實我唔係唔準你去呀,我亦都冇呢個資格去阻止你去做任何事,只係想見到你就係咁簡單,最好就係可以同埋你一齊啦...不嬲我都係咁講架,只係你唔夠去為咗我分心呀...真係好唔開心呀...

Thursday 13th April 2006 11:56:01 PM
四人晚餐[ 0 messages] 
Car

人物﹕Tiffany、小炳、Raymond、我

今晚係同家姐補祝食晚飯架,今晚我哋去咗呢個尖沙咀的Fat Angelo's食晚飯呀!

不過,只係得我哋四個人啫,而其餘的兩個人就因為第二日要去澳門所以就唔想咁夜先瞓就唔出現啦....

初初只有我同Raymond兩個人出咗嚟先啫,因為家姐返工係返埋今日,所以就要交代埋手尾先至可以走呀!但係我哋四個人都好強呀,食咗一個四人餐,但係個餐的份量係可以六個人都夠架!

我哋四個係個度坐到好似十點就己經走啦,其實Raymond話會上去兒童樂園打麻雀架,初時我都有諗過架,但係到最後佢再問我個時我都係話唔去啦,因為唔想行嚟行去啦....點知原來到最後佢都係唔上去喎,所以大家都係跟住回家瞓覺啦!

Monday 10th April 2006 09:08:24 PM
生日會的下集...唱K日[ 0 messages] 
Car

9-Apr-2006

今日我係瞓到三點幾先起身架,因為呢兩晚實在比人同自己都玩得太累啦...所以要瞓多啲去補返架...

今日一起身係打比大家下午時分有什麼活動的﹖可惜各位都沒有了,而我起身了又唔想再瞓覺,只好玩電腦啦,但係不知不覺係電腦前面玩咗三個鐘就己經需要出門口啦...時間真係過得好快呀!

今晚我哋的活動係唱K呀!仲有新朋友加入呀,佢叫'Sharon',不過,我一早都同佢見過面架啦,但係佢同我哋一齊玩真係好似好格格不入咁樣,可能仲係新相識唔熟啦....唔怕啦...

今晚都玩到好夜先走呀!今晚係差唔多成一點先埋單走人呀!但係好開心呀!今晚係佢哋請我同家姐呀,跟住唱完K之後,大家都各自歸家啦!我落車回家途中我見到我最驚的'米奇老鼠'呀,所以我第一時間係打比Raymond話比佢知,但係唔知點解要話比佢知,總之就係驚啦...

跟住就要返屋企沖涼瞓覺啦!因為明天仲要返工呀...呢三日有份陪我一齊過的朋友,多謝你哋令我今年有個難忘的生日,辛苦你哋啦....早抖....

Sunday 09th April 2006 03:15:09 PM
今日生日好癲呀![ 0 messages] 
Car

8-Apr-2006

祝我生日快樂,祝我生日快樂,祝我生日快樂呀.....

今年沒有你的第一個自己過的生日快樂呀!你問我今年過得真的很快樂嗎﹖其實都快樂,就係因為有幾個好朋友陪我一齊過呢個生日呀!

或者沒有佢哋我今年的生日真係一個人係屋企自己咁過啦!但係就算沒有佢哋都仲有人會陪我一齊過架!不過,我知道一定唔會有你份陪我一齊過呀!

今朝起身竟然覺得好精神呀!因為琴晚可能實在太夜先瞓啦,同埋或者生日係唔同啲架!我今日返到公司買咗個美味早餐食完就開始我的工作,但係我今年好期待你會送花比我呀!可惜,一個失望了....

今日一瞓醒冇諗過你會係我屋企樓下等我,但係我有諗過你夜晚會搵我架!可惜,都係令我多一個失望,雖然今日放工同fanny & raymond一齊去了家姐屋企玩呀,但係raymond夠膽約咗我都可以唔知醒喎,嘩,我仲send咗個message比佢,問佢係咪想長眠呀!

但係唔知點解什麼心情都沒有呀,真係沒有呀﹖唔通真係冇咗你就真係會咩都冇晒咩﹖我唔想係咁樣呀﹖就算連生日切蛋糕許願都唔知許個咩願好呀﹖因為怕有願望就會有失望呀........

係我一個人係家姐間房聽歌個時我聽到好多首慘情歌,每首歌都夠我喊一次架啦!但係我好聽你話呀!我冇喊啦...因為生日當然係唔可以喊啦...費事有排衰啦..其實到大家都要走個時我都係仲未眼瞓架,可能係用玩的時間去忘記你的存在咁樣會我自己今日會過得好些....

今日要多謝有份陪我一齊過生日的朋友仔,最辛苦係家姐、最奴隸係小炳、最眼瞓係Fanny、最煩忙係阿忠、仲有最痴線係Raymond...如果冇咗你哋今年的生日會好難捱,亦好多謝你哋送比我的禮物呀!辛苦晒各位啦...

Saturday 08th April 2006 09:11:04 AM
晚飯於西子湖[ 0 messages] 
Car

預祝生日快樂....

人物﹕Tiffany、小炳、Fanny、Raymond、我

今晚我哋得五個人食飯啫,阿忠今晚要返屋企食飯呀!所以就冇出嚟啦....今晚我哋又係去咗呢個西子湖食晚飯呀!好開心呀,都係食套餐呀!yeah......

食完飯仲要上之桐屋企打麻雀呀!我的玩樂夢要開始實現啦....本來fanny要返完屋企再阿忠屋企架,但係最終都自己跟咗我哋落車呀,我哋上到去見到的人有阿榮、candy、男主人和女主人啦!

人人都有同我講生日快樂呀!但係我最希望的人為何不會出現呢﹖我哋個晚打到好夜呀!成兩點幾先返到屋企沖涼瞓覺呀!但係打麻雀途中家姐都有打個電話比我呀....yeah....

祝我生日快樂...

Friday 24th March 2006 11:30:55 PM
今晚去食韓國燒烤....[ 0 messages] 
Car

今晚好齊全呀...因為今晚係特登約出嚟食飯架,同埋因為要攞埋啲相比返佢哋呀....亦同埋大家都好內冇試過齊全咁樣一齊食個晚飯啦....

今晚去咗琼華個度間漢和苑食韓國燒烤呀!雖然其實唔覺得好正呀!但係好似好內都冇試過咁齊食個晚飯啦....

其實今晚大家都好早就走啦,食完飯都唔夠十點鐘就己經可以散隊啦...不過,早啲返屋企都好架,因為好鬼眼瞓呀...

我回家就當然係第一時間睇你有冇留言比我啦...但係可惜係冇架,只有我每晚不斷留言比你,不過,你冇留言比我都唔緊要,最重要係......哈哈...唔好話比其他人知,只有我同你知就得架啦....^_^

Saturday 18th March 2006 10:27:07 PM
放工係Fanny屋企打麻雀[ 0 messages] 
Car

人物﹕Fanny、Tiffany、小炳、我

今日臨放工之前家姐打比fanny呀!就係問今日放工有什麼活動攪作啦...

最終我哋係決定打麻雀呀!不過,今日只可以打到六點幾啫,因為家姐要去飲呀,所以大家都係浪費吓啲時間咁啦....

打完麻雀大家就去咗小食館食嘢,食完嘢之後就各自回家啦,因為好似好內冇返過屋企食晚飯咁樣啦...

冇啦 ,而家係十點幾,我己經好眼瞓啦,所以我需要上床瞓啦,早抖啦...你、妳、您....

Friday 17th March 2006 08:48:56 PM
放工去Fanny屋企打麻雀呀...[ 0 messages] 
Car

今日雖然係冇準時放工呀!仲有街去呀!

人物﹕Fanny、TIffany、小炳、我

放咗工之後就去咗fanny屋企打麻雀啦,因為家姐今晚要去飲呀,所以大家打咗四圈就走啦,我哋打完麻雀仲有少少時間可以去食埋下午茶呀!

食完嘢就同家姐一齊搭小巴落返黃大仙中心呀!今晚我係返屋企食晚飯架,fanny講過話今晚會上兒童樂園架,但係我返咗屋企係唔會再想出街啦....

今日的生活就係咁樣過啦,其實我而家都覺得眼瞓啦,所以我要去瞓覺啦...早抖啦...各位讀者。

Saturday 04th March 2006 06:14:03 PM
去西子湖食飯[ 0 messages] 
Car

3-Mar-2006

人物﹕Tiffany、Fanny、忠、我

今晚點解會冇小炳同Raymond呢,因為今晚係阿光的大婚之喜呀!阿光冇請我哋四個人呀,可能佢都唔想我哋洗錢啦!同埋佢今次擺酒好似每位都要比突呀!

我哋四個人自己去街,我同家姐行潮流特區同兆萬時真係好似小朋友咁樣呀,但係fanny就覺得我哋係失控咁樣啦!

不過,我今晚見到有好多你個樣的公仔呀,我所有都沒有買呀!因為我又想儲錢買350d呀!不過,唔知今次可以堅持幾內呢﹖

食完飯阿忠要買波鞋,但係今晚家姐冇咗小炳送佢返屋企呀,所以行咗一陣就叫家姐返屋企啦,而我哋就再行多一陣就返屋企啦!最終佢係買唔到波鞋架。

我同fanny明天係要放工去買鞋呀!

Saturday 18th February 2006 10:13:32 AM
今晚同家姐地唱K[ 0 messages] 
Car

17-Feb-2006

嘩,我o地好內都未試過一齊出o黎唱K啦!大家都好開心呀,但係唯獨我一個人唔開心呀!

今晚放工首先我join了Raymond先,因為佢今日係放假架,我o地去了潮流物區睇玩具,因為raymond要禁錢,我o地就係附近禁完錢再食小食等其他人的出現。

跟住再到達的係小炳,佢又係我o地食o野的地方食o野,再跟住就係家姐同阿忠,我o地再食o野就係去了公廁對面的茶餐廳食啦,但係個時我已經飽飽地啦,所以我沒有食o野呀,佢o地四個人食啦,到我o地食完o野Fanny先差唔多到,咁阿忠就陪佢第二度食,我o地四個就去開房唱住先,最後原來neway有自助餐食咁就叫佢o地上o黎先食啦!

其實我知道大家今晚好驚,尤其係Fanny啦,但係你o地唔理由我自已一個人自閉,或者由得我死啦!因為我覺得無人可以幫到我架,而我仲知道Raymond今晚見到o的唔應該見到的o野,不過,你都唔係第一次見架啦!

Saturday 11th February 2006 10:50:56 PM
去了Cafe食飯[ 0 messages] 
Car

10-Feb-2006

人物﹕小炳、Fanny、忠、我

其實家姐今晚公司要食飯,raymond就因為好內冇係屋企食過飯,所以就得我哋四個人去cafe等佢哋啦!

嘩,但係我哋未食飯之前我同阿忠要等佢兩個喎,我哋去咗兆萬呀,我好叻呀,我扭到一個winnie the pooh貼紙,仲幫小炳扭咗一個史廸仔貼紙比家姐呀!

但係到最後我哋都沒有去唱k呀,因為raymond阿媽變臉呀,所以我哋的唱k計劃係取消咗啦,所以大家最後都係各自各回家啦!

Friday 10th February 2006 10:59:02 PM
去了旺角食車仔面[ 0 messages] 
Car

9-Feb-2006

人物﹕Tiffany、小炳、Fanny、我

今日好夜先至放工呀,係公司都成差唔多七點先至走呀,點知原來係屋企係冇飯食呀,所以就約了家姐佢哋一齊食飯啦!

我放工去了尖沙咀同家姐哋一齊先至出旺角呀,因為家姐同sharon今晚要買晒所有明晚公司食飯的禮物呀,但係最後我哋都係要去旺角的泰林再買埋其餘的兩份呀!

所以最後都有join埋fanny同我哋一齊去食飯,我放工打過比佢,而佢又剛剛收工,所以先至join埋一齊食飯啫,我哋食完飯買埋嘢都係九點幾啫,大家都各自回家啦!

而我同fanny就當然冇咁早返屋企啦,係去了兒童樂園打麻雀呀,打到十二點三到就要走啦,因為明天還要返工呀,今日就係咁樣過啦!

Thursday 09th February 2006 12:38:12 AM
去阿忠屋企拜年![ 0 messages] 
Car

8-Feb-2006

其實今日都幾趕時間放工架,因為今日要去阿忠元朗的屋企拜年呀!

但係一個搭車有時真係幾悶架,好彩有mp3陪我啫,如果唔係就悶死我都似,之前唔聽mp3就話有你陪我傾傾傾啫,但係而家.....算啦,我知道你唔會就咁就唔理我架啦...係咪呀﹖你唔捨得我架﹖﹖

但係我係咁遠搭巴士去到元朗佢哋兩個都可以仲未到架,我仲係元朗廣場行咗一陣添啦.....行咗兩層佢哋先到呀,我哋食完飯之後就各自回家啦,因為好眼瞓呀!

但係好彩我見你唔到呀,我有時係度自己諗,如果我見到你的話,我驚我會唔捨得比你走呀,因為....秘密(你想知呀,去睇你的相薄)呀。

但係今日好累呀,因為去咗東方188兩次呀,為咗要幫阿忠的同事攞龍珠機呀,鬼叫我同你朋友咩,如果你唔係朋友,你都唔洗亂諗我會幫你去咁多次呀!

Saturday 04th February 2006 07:12:35 PM
人日'生日快樂'.....[ 0 messages] 
Car

3-Feb-2006

人物﹕Tiffany、小炳、Fanny、忠、Raymond、我

我哋今晚除咗係食生日飯之後,仲要係去PCCW攞3G電話呀!yeah呀,話咁快就有得攞啦!

我哋今晚係荃灣客家好棧食飯,跟住食完飯就去了初三食魚旦粉個面飲嘢呀,飲到十一點幾到阿忠話要走啦,所以我哋大家都一齊走啦...

我、小炳就一齊送家姐返屋企,之後我哋就搭38返屋企呀,佢就上車瞓覺啦,因為佢病了,而我就聽歌呀,我其實都好想瞓架,但係如果我都瞓埋,唔知醒落車咁點算呀﹖﹖

今晚就係咁樣過了,返到屋企都己經係十二點三啦,仲玩電腦去到點半先至瞓呀,好彩明天係星期六啫,如果唔係都真係好難捱呀!

Thursday 02nd February 2006 09:37:44 PM
行街及睇霍元甲[ 0 messages] 
Car

1-Feb-2006

人物﹕Fanny、忠、我、忠的朋友

嘩,雖然琴晚好夜先返屋企瞓覺,但係今日我都瞓到差唔多兩點半呀,其實我起身都係比Fanny的電話嘈醒咗。

所以跟住我就起身沖涼出門口啦,我同Fanny去咗雅蘭的和民食我們大家的第一餐呀,講講吓原來今晚Fanny去阿忠屋企拜年呀,所以我就當然係一齊去逗利是啦!

我哋食完飯之後就去咗行旺角中心呀,我就買咗一件褸、一件冷衫、一條裙、一件薄衫,跟住我哋己經係要搭車過去啦,當時己經係差唔多六點啦!

但係搭地鐡途中打比阿忠,佢竟然話佢阿媽舉家去了深圳一天遊呀,所以我哋今日冇得逗利是啦!我同Fanny係葵涌廣場等阿忠渣車過嚟車我哋入去天水圍睇戲呀!我仲有時間去見到阿Roy。

我哋今晚去了天水圍百老匯睇戲呀,睇戲前去咗溫莎餐廳食飯呀,嘩,呢套戲都幾暴力架,跟住睇完戲都走啦,本來諗住返屋企架,點知Fanny話上兒童樂園喎,而我條煙又可以攞啦,咁就不如順手攞埋啦!

好早就返咗屋企啦,因為明天要返工啦!但係我走個時Fanny係未走架,不過,佢都冇所謂啦,佢都仲未要返工住。今晚要早啲瞓啦,因為明天要返工呀....

Wednesday 01st February 2006 01:52:17 PM
年初三 - 赤口日[ 0 messages] 
Car

31-Jan-2006

人物:Tiffany、小炳、Fanny、忠、我、Eric、Sandy、Michael

話咁快個新年好快就會過去啦!

今日已經係年初三啦,仲有兩日我就要返工啦,但係我o地今日的活動就係去芙蓉山玩啦。大家都約了兩點鐘係荃灣等呀。

而我就同Sandy一齊係黃大仙搭小巴入去,Fanny、忠、小炳就係慈雲山搭小巴,家姐同Michael就各自入去,其實大家都係入到去先食o野呀!而我見到佢o地個時都已經係食第三餐啦!因為今日十一點幾就已經起o左身啦!

我o地去到荃灣食完o野就係需要準備定夜晚的晚餐啦,我o地今晚係打邊鑪架,而發現係全丸宴呀!

我o地去到抖o左一陣之後就開始賭坊啦,而我o地個個都可以逗到MIMI封利是呀!YEAH.....

今日玩的東西係同係兒童樂園玩的一樣啦!今晚我o地仲有飲紅酒呀!仲有玩埋煙花呀!!!正!正!正!

玩到十點幾家姐同小炳話走啦,因為佢o地明天要返工啦,而見到咁樣我就覺得不如一齊走啦,橫掂幾多點都係要走架啦,我o地走了之後係去了兒童樂園打麻雀呀,不過,我就同Fanny一齊返屋企整食物比貓貓先,跟住先至再落去兒童樂園呀!

我o地係打到兩點幾到啦,跟住大家就傾計啦,傾到差不多四點幾先至走,跟住我返到屋企都唔係即刻訓覺呀,仲要上完網先至訓覺呀,訓個時都已經係六點幾啦,放假的生活就係外國人時間了。

其實今日都玩得好開心呀!不過,有埋你係我身邊我會覺得更加開心囉!

Tuesday 31st January 2006 03:34:07 AM
魔幻王國 - 獅子.女巫.魔衣櫥[ 0 messages] 
Car

30-Jan-2006

人物﹕Tiffany、小炳、Fanny、忠、Raymond、我、Eric、Sandy、Michael

雖然今日大家睇戲係要睇十一點二十五分架,但係我同小炳約了係樂富等啦。

之前講好出到旺角係一齊去攞飛架,但係最後係得我同小炳去攞飛先囉,真係有少少唔開心呀!

不過,其實套戲都ok呀,有少少部份係悶啲啲啦,其實如果唔食嘢真係會好易瞓著架。

不過,我唔明白點解我同佢係可以大家一句說話都沒有講過架﹖同其他人都有好多嘢講囉!我有時覺得佢都好似係度避緊我咁樣囉﹖

但係你唔係身有屎仲咩要避開我呀﹖難道.....好啦,唔好再亂諗啦,我成日都覺得如果你係鍾意我的話,難道講一句真係會咁難咩﹖

我寧願你係話比我知我同你的身份只可以係好似兄妹關係就算啦,因為最基本唔洗我會自己去亂諗嘢啦,你對我的好只係哥哥的關懷會好過好多,唔洗令我自己越諗越多呀!

係咪每個男人都鍾意係感情方面逃避呢﹖一個係咁,兩個都係咁,點解每次我鍾意嗰啲都係咁樣架﹖

Sunday 29th January 2006 09:22:02 PM
年廿九,玩餐飽![ 0 messages] 
Car

28-Jan-2006

唔....時間真係過得好快呀!話咁快又到一個新年啦!係屋企一家人食完團年飯之後就幫媽媽封利是啦、執好過全盒啦!仲有當然係要沖個涼先去出街啦...

今年的新年好唔同呀,我竟然會有去街呀!

人物﹕Tiffany、小炳、Fanny、Raymond、我、Billy、Billy老婆、Kelvin、Michael、Eric、Sandy、Wing

嘩,今晚就真係多人囉,大家係係媽媽屋企賭賭賭呀!總之就賭個痛快,但係我哋個個都唔係賭得好大架啫,每次都係賭幾蚊就算,只係大家聚埋一齊玩啫,唔係賭身家呀麻。

其實都真係好開心呀,初時Tiffany、小炳、Fanny、我就係屋企打住麻雀等佢哋個個返嚟,跟住Raymond就放工上嚟,其餘啲人就去睇完戲就返嚟屋企啦!跟住我哋就當然係賭錢啦!

又玩雀九、大細、魚蝦蟹、廿一點、十三張......總之可以賭的方法都會去玩啦...嘩,今晚真係有少少覺得自己獲益良多呀!正呀!

六點幾個時人人都要走啦,因為Billy要返工呀,所以其他人都跟住一齊散啦,而我又要去區太度拜年,所以就叫埋Fanny、Eric、Sandy一齊打麻雀打到八點到我就返屋企沖個涼再出去啦!

Tuesday 24th January 2006 12:27:34 PM
行葵涌廣場買衫[ 0 messages] 
Car

23-Jan-2006 人物:Tiffany、小炳、我 雖然琴晚訓得好多,但係都唔知點解仲係會覺得好眼訓呀???死啦...... 今日放工我就約了家姐去呢個葵涌廣場行街街,但係原來小炳都一齊出來呀!仲好啦,如果買o左o野咪都可以有人拎o下呀! 我同家姐等小炳期間就買了燒賣、魚旦食呀!食完小食之後就行o左一齊啦,我好叻呀,我可以買到一件衫呀,但係家姐咩都買唔到呀! 行到八點幾就去o左食車仔面呀,跟住食完就再行多一陣,小炳好叻呀,佢幫我挾到個"血腥熊"匙扣呀,不過就用o左差不多廿蚊呀!就同小炳一齊送家姐返屋企呀! 跟住我o地今次就搭新路線係37號再轉小巴返屋企呀!今日的時間就咁過了啦! 今晚要早o的訓啦,因為明天要好早起身啦,明天公司有人來呀!

Sunday 22nd January 2006 05:48:01 PM
夜晚兒童樂園打麻雀[ 0 messages] 
Car

21-Jan-2006

人物﹕Tiffany、小炳、Sandy、Eric、Raymond、我

今次冇了Fanny同阿忠呀,因為Fanny要陪婆婆去行街買衫呀,而阿忠就唔知佢要去那裡,所以都唔知啦....

今日約了家姐哋五點幾先上去呀,因為我今日去了周生生換咗條米奇手鏈呀,超級開心呀!yeah!

我哋今晚都係食pizzabox呀,但係今次就真係正好多呀,唔知係咪因為今次肚餓呢,所以就覺得好好食呀,每一款都好好食呀,同埋天氣都真係好凍呀!

家姐哋打麻雀打到十點半就走啦,因為小炳明天要返工呀,所以唔可以太夜瞓呀,而我同Raymond都攪到成十一點二先走啦,因為我要燒IQ博士係屋企睇呀,佢又要幫朋友燒xp重裝碟呀!

Friday 20th January 2006 11:51:06 PM
今晚食團年飯呀!~_~[ 0 messages] 
Car

嘩,今晚雖然係食團年飯呀!但係今日冇做一樣嘢呀....

就係唔記得影相呀....

不過今餐的飯都好好呀,都算係平靚正呀!

係荃灣食日本嘢呀,本來去家姐講的那一間,但係最後係咗另一間架,食完飯我、小炳就同家姐一齊返屋企呀....

跟住我仲見埋爸爸媽媽呀,講了一陣就我哋都要走啦,我就同小炳一齊搭巴士各自回家啦....

Sunday 15th January 2006 06:10:13 PM
行街街,芙蓉山BBQ[ 0 messages] 
Car

14-Jan-2006 人物:Tiffany、小炳、Fanny、忠、我、忠老細的一家三口 Raymond要返工所以就無佢份啦!不過,今次我o地的活動出發都好突然呀,沒有預先安排好架。 因為今日放工之後本來就只係約了Tiffany去行葵涌廣場,原因係我想傾計啦,二來小炳都要開OT呀,所以我同家姐最後都係選擇了係葵涌行街和食lunch呀。 差不多放工Fanny先打比我問我今日有無什麼活動呀?其實我有諗過唔同佢講架,因為太多人知就多一個意見,不過,算啦,最後都有話比佢知叫埋佢一齊去食飯呀! 我o地都係去紅樹林食飯呀,食完飯跟住傾o左一陣計,但係我唔覺得大家真的有幫到我囉,我有諗過話比佢o地知係邊個架?但係又驚驚地呀!所以沒有人講囉。不如當係我自已一時沖動就算啦! 最後行街我就買到細菌小子的物品,Fanny就買到衫,家姐就沒有買o野呀!我o地最後係決定去芙蓉山BBQ呀!不過,BBQ完就當然係走唔甩呢個開台打麻雀啦!打到差唔多三點先至走呀,雖然係阿忠車我o地返屋企o者,但係都好眼訓呀! 送完家姐返屋企之後,仲諗住阿忠會走我o地去荃灣搭小巴架,但係我o地不斷傾計,到我見到係荔景個時已經先知原來係返黃大仙呀!真係有o的擔心呀,驚佢回程個時會一個人訓覺呀!不過,訓落床都已經四點架啦....

Saturday 14th January 2006 10:27:04 AM
返舖頭食飯呀,因為要Fairwell啦![ 0 messages] 
Car

13-Jan-2006

人物﹕Tiffany、小炳、Fanny、忠、Raymond、我、Eric、Sandy、Candy

雖然今日係係舖頭飯晚飯,但係今日各位就係分開上去兒童樂園先架。最主要的原因係可以打麻雀呀,我同Candy好叻呀,我哋嬴晒Raymond & Sandy啲錢呀,不過,好眼瞓呀.....

Raymond今日唔洗返工,星期四放工己經係兒童樂園啦!我就放工搭小巴上去啦,上去原因係唔洗洗錢呀,同埋都唔知可以去邊度行街好!小炳同家姐就行完鑽石山先上去,本來諗住唔上去架,但係因為舖頭見到婆婆所以就上屋企先啦!Fanny同阿忠就唔知去咗邊度呀!不過,佢哋都好快上到嚟啦!

今晚我哋好內先食飯呀,都成十點鐘先食飯呀,食完飯都十一點呀,不過,今晚都好累啦!

Friday 13th January 2006 02:02:51 PM
行街街買細菌小子[ 0 messages] 
Car

12-Jan-2006 人物:Tiffany、小炳、Fanny、我 今日好夜先放工呀,一來今日又遲o左返工啦,二來今日係星期四呢!所以遲放工都唔係大件事呀! 今日下就突然心血來潮好想行潮流特區呀,所以就約齊以上的人們一齊去行行街啦! 我o地係女人街一間餐廳叫做洋蔥屋食晚餐呀,跟住好快咁食完就行兆萬呀,行完就當然要我去我最想行的潮流特區啦,嘩,我超級開心呀,我今日買o左三樣o野都係細菌小子架。 返到屋企就當然係同佢o地影相相啦,越睇就越覺得佢好鍾意呀!竟然我又再鍾意返佢呀!點解????

Wednesday 11th January 2006 04:49:39 PM
舖頭有好多人食飯呀![ 0 messages] 
Car

10-Jan-2006 第一台人物:Portin、男朋友、家姐、媽媽 第二台人物:李文基&女友、鄧錦斯&女友、Fanny 第三台人物:Sandy、Sandy同事、Eric、Raymond、Candy、我 其實今日舖頭都真係好多人一齊去食飯呀!本來我係坐第二台,我見到李生的女友就唔係太鍾意啦,佢個樣太衰啦,所以我費事食得唔安落呀,我講o左話同Sandy佢o地一齊食架嗎! 但係我都諗住Raymond係會唔過o黎架,但係又竟然會見到佢o咼??不過,下就打比佢個時我真係好嬲呀,真係直頭想戥佢幾把呀!都唔知佢想講咩?講埋o的外星話,溝通唔到呀!如果Fanny唔話比佢知我打過比佢佢都唔會知道佢自已今日同我傾過電話呀! 所以最終我係同媽媽地一齊食晚飯架,咁講真其實食飯都唔係仲有好多日啦架,因為舖頭都唔做啦! 其實今晚都好早就走啦,十一點已經離開舖頭啦,本來可以更準時架,因為點幾個時小炳就o黎o左舖頭呀,所以Raymond話再坐多一陣囉!

Monday 09th January 2006 04:30:40 PM
兒童樂園見啦![ 0 messages] 
Car

8-Jan-2006 人物:Fanny、忠、Tiffany、小炳、我 無Raymond的原因係佢要返工之餘,仲有琴晚有同事生日,所以今日要訓、要返工都唔要去街呀! 今日好早都起身啦,我o地琴晚都有講過會今日不如去打麻雀,但係最可憐係有地方、有麻雀但係無版,其實最好就係去兒童樂園玩,但係太早Eric又未起身,所以只好等待遲o的先上去呀! 我今日起身食完飯就打比佢o地睇o下今日的行程係點樣啦!各位都已經好早起身啦,只不過係無人打電話囉!呢個任務就等我去做啦!我o地決定了四點至五點到去到兒童樂園,而我就要上去慈雲山林小姐的家拎返我琴日係聯合買的衫。跟住就一齊落去呀! 大家都差不多五點幾去到啦,咁就當然係要開台打麻雀啦,屋企係有:Sandy、Wing、Kelvin,我o地夜晚個餐最終係叫Pizza Hut食的,但係係我o地叫好o野食個時,Candy先至講話上來,但係o的o野食係多兩個人都可以架,最終所有人都沒有去舖頭食飯。 打到十一點幾要走啦,因為好夜同埋天氣好凍呀!最終我返到屋企係差唔多兩點先訓架,因為同CL msn呀!好內無同佢傾計啦,所以要傾返夠本呀!

Sunday 08th January 2006 02:17:07 PM
買買買,全日買o野團!!!^_^[ 0 messages] 
Car

7-Jan-2006 人物:Fanny、忠、我 今日一放工就同佢o一齊行街啦,本來只有我同林小姐的,因為阿忠今日放假要去飲呀,所以就請了假啦!我o地今日放工去了別府食lunch呀,跟住就開始我o地買o野團啦! 首先第一站出發去了太子的始創先,因為我要去換返阿忠送比我個條聖誕禮物鏈啦!但係個條女好串架!不過,最終佢都又換比我啦。 跟住就去了聯合啦,我就係個度買o左件褸呀,但係行完之後都已經五點幾啦!跟住我o地就去了Fanny屋企放低所有o野就再去元朗呀!本來我o地無諗住去元朗架,但係阿忠話唔去飲呀,所以就是但啦,同埋又可以去佢堂家姐度睇睇有無三眼仔呀! 嘩,係個個商場我同Fanny又買到褸呀!今次真係超扺呀!我用了$160買了一件背心褸同埋一件褸啦!跟住就去了join阿忠的阿叔和細佬妹一齊打邊爐呀!食完飯之後又再行了一陣,我買了一條龍貓巴士電話繩呀!真係超扺呀,只係$15呀!正呀.... 跟住買完就搭車返屋企啦,因為好累了,同埋今日天氣真係好鬼凍呀! 今日真係大豐收的半天呀! 其實每係元朗行一個街角我都有些少驚會見到你和女朋友一齊呀!好彩今日見你唔到呀,如果唔係都唔知可以點樣面對你呀!

Sunday 08th January 2006 01:44:11 PM
今晚去唱K呀![ 0 messages] 
Car

6-Jan-2006 人物:Tiffany、小炳、Fanny、忠、Raymond、我 我今日下就去了呢個炮台山收票呀,嘩,o的時間真係過得好快呀,話咁快出完去無幾內就收工啦! Yeah!我o地今晚又一齊出去玩啦,其實都唔係有心出去玩架,係因為要派相比大家o者! 其實今晚好夜先食飯呀,因為家姐同小炳要去換身份證呀,要等埋佢o地先食飯啦!所以我、Fanny、忠三個人就行住街等呀,但係Raymond佢應承o左我七點半會出到o黎旺角,結果都係放飛機同遲到呀!所以我決定以後都唔會再信佢o的時間表啦! 我o地好想去打邊爐,但係我又病如果真係打邊爐就會一鍋熟架啦,我要傳染目標係雷生呀,而唔係其他人一齊呀!但係個個地方都好多人呀,最終我o地都係決定去呢個Neway City唱K。 唱到十二點半就走啦,但係好眼訓呀,可能係晚晚都太夜先訓啦,同埋天氣好凍呀!!

Tuesday 03rd January 2006 04:57:41 PM
Fanny生日快樂-下集 (海洋公園一天遊)[ 0 messages] 
Car

2-Jan-2006

壽星女,今日玩得開心嗎?

人物:Fanny、忠、Eric、Tiffany、小炳、Raymond、我

今日我、Eric、小炳、Raymond四個人就約o左八點九係黃大仙地鐵站等,咁早的原因係要食早餐呀!

我o地四個到齊佢o地都未到呀,因為家姐係屋企食埋先上門口,Fanny同忠不嬲都係會遲開,所以都預o左架啦!我o地食完早餐都已經十點鐘,跟住就搭的士入去啦。

入到去都十點半啦,咁我o地去到就當然係即刻走去玩啦,但係我o地就十一點幾開始玩...玩...玩...到差唔多兩點先去食o野呀,其實除o左越礦飛車係要排隊之後,其他機動遊戲都唔洗排隊呀!但係今次無玩飛船呀,因為好鬼死多人排隊呀...

我同Fanny仲係Ocean Peak每人買o左一件衫呀,因為今日天氣好熱啦,所以要著短袖衫呀!大家玩到四點幾都想走啦,因為好累啦!同埋之桐都要返去看舖啦!我o地最終係返晒兒童樂園的。

五個人可以做咩呀,咪又係打麻雀囉,阿忠要返大陸一陣,但係今次真係好大就返o黎香港啦,不過今次打麻雀Yeno左個個人就係可以唔同陪佢o地食呀,輸o左個兩個都要同Fanny、忠、Eric、Raymond一齊食。

我就當然係Yen個個啦!所以家姐同小炳都係要食架,我就講食咩,而Fanny就講份量。

六款食物如下:

1. 羊腩煲

2. 黑加侖子糖

3. M&M朱古力

4. 杯面撈面,但係因為小炳唔食辣,所以轉o左食雪菜肉絲撈米

5. 豆付花

6. 什果涼粉

其實我見佢o地食到真係好可憐呀,因為係超飽呀,最飽就一定係o的米粉呀,因為會頂胃呀!所以我真係驚佢o地會食食o下係度噴返出o黎呀!

不過,我見佢o地食得咁辛苦我曾經都有出手相救過,嘩,仲有唔係幾個月就到我生日啦,唔留條後路比自已行呀,唔通真係想死咩?但係都好開心呀!!

Tuesday 03rd January 2006 03:52:59 PM
舖頭同Fanny慶祝生日(上集)[ 0 messages] 
Car

1-Jan-2006

人物:Fanny、忠、小炳、Tiffany、Raymond、我、高家倫、光、Sam、Sam的女友、Sandy、Eric、Billy

原來Sam同Fanny都係同一日生日架,大家都係1月2號呀!所以今晚就預早慶祝o左先!但係今日的環境比我的感覺好混亂呀!

但係今日係好好玩呀,我o地個個一切完蛋糕就當然係到呢個送禮物環節啦,每一份禮物都係Fanny最鍾意的叮噹,而每份都好靚架,而我自已最鍾意的就當然係個本書啦,因為本書可以整出來砌架,所以係特別靚架....

我o地等佢拆完禮物、影晒相之後就要走啦,因為第二日仲要去海洋公園玩呀,所以大家都差不多成兩點先返屋企呀。

而我就唔知係咪因為畫個張紙同埋玩得太癲啦,所以係唔眼訓,而最重要我係返到屋企沖涼洗頭呀,所以就更加之唔洗訓呀,我有諗過第二日起身先攪架,但係我寧願訓多陣好過要更加之早起身呀!最後尾我係差唔多六點先訓架,所以我都好驚我會起唔到身,但係我知有得玩就一定可以起身架啦!

Tuesday 03rd January 2006 03:24:52 PM
今晚舖頭同Fanny慶祝生日[ 0 messages] 
Car

1-Jan-2006

人物:小炳、Tiffany、我

我o地三個今日三點幾已經決定出去九龍灣行完先至上舖頭呀,因為唔想太早上去呀,如果太早上去都唔知做什麼好?

我o地係淘大行o左一陣,就見到有一間舖頭有小炳想要的巴魯坦星呀,我堅決要一人抽一隻,如果我抽到巴魯坦就會$20買返比小炳,我自已都仲有賺$10呀,所以我o地大家就每人抽一隻,點知小炳幾好彩佢一抽就中啦,所以我同家姐就要佢請我o地食o野啦!

我o地去o左健康工房食下午茶,食完之後就再繼續漫無目的咁樣行啦,跟住再行返去德福一期,我o地就去了呢個麥當勞cafe再坐啦,但係間cafe好得囉,完全係starbrucks的翻版,但係我覺得杯o野都幾好飲呀,因為同starbrucks差唔多呀!

飲完o野我o地就再行呢個德福二期呀,點知真係比我o地行到八點幾先過去呀,我o地係搭巴士過去,但係去到舖頭竟然見到Fanny同忠係度食飯,食完飯就上o左去兒童樂園打麻雀呀,打到十一點半就再返落去啦,慶祝生日的時間就會開始啦!

Saturday 31st December 2005 12:26:25 PM
陪阿忠買禮物,返舖頭食飯[ 0 messages] 
Car

30-Dec-2005

今日活動人物首先有:Raymond、忠、我

因為今日放工之後要陪忠睇禮物呀,如果上次去睇完之後買埋咪好囉!但係我就首先joino左Raymond先,因為佢今日又係唔洗返工呀!真係好羨慕佢呀!!

我同佢太約六點半到就meeto左啦,我o地為了要等阿忠去o左呢個商務睇書啦,又去埋呢個尖沙咀SOGO呀,因為要睇o下有無呢個叮噹香檳呀!但係什麼都沒有呀,初時約佢都係七點鐘,而阿忠就好內都未到,但係去到Tiffany的時已經收舖啦,最終我o地三個人又返去呢個海港城睇貓貓手鏈、又睇過好多款袋啦!最終係什麼都沒有買呀!不過,Raymond今晚無同我o地食飯架。

最後都知道無時間啦,因為約o左Fanny係新港中心等,所以我o地就要行過去搵佢啦!跟住我地又要陪Fanny買禮物,因為佢第二日要去阿姐屋企玩,要抽獎呀!

買完禮物就諗去邊度食晚飯啦!佢o地就諗住去亞士里道食家姐介紹的日本食物,但係我o地見到個價錢好貴呀,本來我o地都去o左一間茶餐廳食飯架,但係我覺得o的o野好貴呀,雖然係尖沙咀o者,但係都唔洗貴得咁恐怖呀?所以我o地決定返舖頭食飯啦,食完飯之後就各自回家啦!

Thursday 29th December 2005 04:20:35 PM
今日終於都可以睇King Kong啦!`_~[ 0 messages] 
Car

28-Dec-2005

嘩,今日終於都放完假啦,係要返工的日子啦,我係又唔知醒返工呀,真係放假放得太多啦,個人根本都仲未想返工呀!

但係今晚都有個好重要的約會,我就係約了King Kong呀!

人物有:Tiffany、小炳、Fanny、忠、我

本來有Raymond架,但係佢自已都去睇o左啦,同埋佢都未放工,所以都唔會見到佢架啦!嘩,其實今日o的時間都好趕呀,因為要睇7:20呀,雖然係尖沙咀我都好近,但係我有個預感阿忠係會趕唔切過來的,我o地四個係新港食少少o野先入場啦,本來得三個人,後來Fannyo黎到見到我o地食佢都話食,所以就兩碟o野四個人分啦,點知阿忠真係係我預計之內囉。但係佢都唔係遲好多先入場呀!

睇完戲之後我o地就入o左荃灣一間叫做彬記食魚蛋粉地方食o野,食完之後就話走架啦,但係最後我、家姐、小炳係搭車自已走啦,因為阿忠想Fanny同佢一齊返芙蓉山呀,但係又唔講出口,所以我o地都費事同佢o地等啦,自已話走先,我同小炳送完家姐就搭38返屋企啦,但係個司機睇唔到我地揮手呀,就自已走o左去啦,所以我o地行去地鐵站搭車返屋企啦,嘩,返到屋企都好唔眼訓呀,我仲睇完刑事先訓呀。

但係king Kong係最後都真係好感人呀!

Tuesday 27th December 2005 12:44:07 AM
祝你/妳聖誕快樂(下集)[ 0 messages] 
Car

25-Dec-2005

終於都到了聖誕正日啦...我哋亦把所有禮物交換晒啦,我發現我係有九份禮物咁多架,但係真係好開心呀....

份份禮物都係我鍾意的咿唷呀,我真係好鍾意呀,我真係超級鍾意小炳買比我的咿唷音樂盒呀...

但係我都好多謝各位送禮物給我的人呀!多謝晒呀....

到拆完禮物玩完叮噹跟住又打埋麻雀之後,我同阿忠就真係去了等睇日出呀...真係好開心呀,但係另一方面我覺得唔開心就係你都話過會同我去做呢樣嘢!當時我個心真係有啲痛痛地架,但係無謂令大家都唔開心呀!

我哋都等到六點半先見到日出呀,我哋好勁呀,行咗成兩個山先見到日出呀,但係途中都係傾計啦,不過,同呢班朋友傾計好過同其他人傾計架,因為佢哋都係傻架。哈哈哈哈...

好啦,我哋等到七點幾太陽伯伯都唔出來,我就同阿忠講不如我哋返去啦,因為好累啦...好攪笑呀,阿忠一路行返去一路係度瞓覺呀,我哋返到佢之後就見到Raymond同家姐係醒啦,而最後我同家姐係攪醒埋小炳呀,嘩,我都好叻呀,我都成九點先瞓呀,但係瞓到十點半就比家姐熱醒咗啦,因為小炳又將我家姐迫埋一齊呀,個度又係可以瞓多一個人呀....

好啦,大家要起身食早餐啦,食完早餐就去食埋串燒就要交屋返屋企啦,我哋就搭了十二點四十五分的船返ifc呀,我哋諗住係ifc飲吓嘢傾計架,但係因為度度都好多人呀,所以最後家姐同小炳都係返屋企,而raymond要等時間返工,所以就同咗我哋返黃大仙龍翔中心的藍天使一齊食嘢,跟住我就同佢搭車先返屋企瞓覺啦!

呢兩日的行程真係好累呀,但係我又唔係好眼瞓咁樣呀!但係真係好開心呀...

Tuesday 27th December 2005 12:25:31 AM
祝你/妳聖誕快樂呀!^_^[ 0 messages] 
Car

24-Dec-2005

吳........"聖誕快樂&新年進步呀!"

話咁快就到了我們去camp的日子啦!真係好開心呀,最重要我係今日都唔洗返工呀,可以叉足電呢兩日去玩呀...

今朝一早本來有人會過嚟黃大仙幫我攞嘢,但係最後係人影都冇埋﹖仲要係家姐打比我話比我知佢打唔到比佢我知至起身打電話比佢啫,個時己經係十點四十五分啦,我睇到個時間都預咗要自己攞嘢入南丫島架啦!

咁我就同家姐講,不如我同你一齊打比佢啦,我打手提你打屋企,點解家姐同佢講唔夠幾句我的電話就到啦,我真係覺得自己好勁呀﹖完全係好冷靜呀!所以家姐同Raymond你都好驚囉﹖﹖

其實我都唔知呀﹖因為前一晚知你去唱k我係預咗你會過唔到嚟架,講真,你又唔係我邊個,我為咩要發脾氣先﹖我現在真的沒有那個心啦,就算發脾氣都沒有氣力了,因為這樣令自己更唔開心,又再想起他。

最後我是比家姐講到要去呢個荔景等佢兩個,我仲要去買大富翁和層層疊呀,我係屋企樓下買大富翁,跟住仲要去大眾買層層疊呀,最後我沒有買層層疊呀,我買了一份叮噹九款棋玩呀,咁樣係抵好多架。

好啦要搭車啦,我覺得自己好似大力水手咁樣,要攞好多嘢搭車呀,不過啲禮物真係好重呀,我覺得好想死呀...

我沿途搭地鐵都好勁呀,全程都有位坐,因為我攞得太多嘢啦,好累呀...

去到荔景都仲要等Raymond呀,佢真係唔識寫個死字架,過唔到嚟黃大仙我去荔景都仲要我等佢,佢真係想死呀...

但係我都好叻呀,當冇事發生過呀。我哋去到ifc之後就要食嘢啦,因為我真係好肚餓呀,如果raymond過嚟黃大仙我諗住同佢一齊食早餐先架,但係什麼都沒有得食就要走啦...

但係去到ifc就去了一間叫做canteen的餐廳食早餐加午餐啦,嘩,個度啲嘢真係好貴呀。不過,見到啲嘢都唔係咁想食呀。又開始厭食症啦!

好啦,我哋始終都係趕唔切搭兩點半的船呀,但係最後各位都係準時到齊呀,不過,都沒有位呀,我哋唯有搭三點半的一班船啦,但係落船的時候竟然比我見到Sang呀,他還有和女朋友一齊呀,不過,我全程都沒有和他女友傾計,我完全係當他女友係透明呀。

始終都入到南丫島啦,我哋一攞屋就放低啲行理先啦!人哋去camp我哋去camp真係都唔明白點解要咁辛苦架,真係攞到個人都癲呀!

我哋放低所有嘢就去了食串燒啦,跟住就去了食豆腐花再去沙灘玩呀...真係好開心呀,我最鍾意就係去沙灘玩呀...好嘢,玩到天黑啦,我哋就要走啦,因為要返去等食晚餐啦...我們去了一間餐廳食聖誕大餐呀,雖然啲嘢食都ok啦,但係沒有心想的那麼好呀!

我們食完晩餐就返上去玩啦,跟住到了十二點就當然係交換禮物和開果汁香檳啦!

Thursday 22nd December 2005 03:10:45 PM
今晚係銅鑼行街街[ 0 messages] 
Car

21-Dec-2005

人物:我、忠、Fanny

今晚放要等佢o地收工呀!因為阿忠要去東方188買龍珠機呀,但係我已經講o左要佢o地一放工就要即刻過o黎搵我架啦,如果唔係我就走架啦!因為唔想等呀!

但係到最後阿忠都係沒有買龍珠機的,因為我覺得得單打仲要$450呀,所以我覺得唔值囉,但係錢又唔係我比,所以我只係咁樣講o者,但係到時買與否都唔係我度啦個權??

我o地今晚去了Time Square的大家樂食打邊鑪呀,好開心呀,我都好似係第一次係大家樂打邊鑪呀,但係感覺好好玩呀!跟住再行了去世貿睇Everlast呀,不過,只有Fanny買到對鞋,而我就什麼都買唔到呀....~_~ 跟住我就搭小巴去舖頭拎煙,拎完就返屋企啦!

Thursday 15th December 2005 02:10:33 PM
冬至食自助餐[ 0 messages] 
Car

14-Dec-2005

嘩,冬至快樂呀?今晚我o地一齊去食自助餐呀!好開心呀!

我今日好早就已經可以離開公司啦,因為我要去尖沙咀落分類廣告呀,所以我就一早約了Raymond係尖沙咀等我啦,初初我係諗住叫Raymond同我一齊過去落分類架,因為我唔識路呀,但係最終都唔洗啦,原來佢都係唔識路呀,所以我只好係靠自已啦!不過,都好順利呀,我好快都搵到啦跟住約了Raymond係屈臣氏等我啦!

但係我今日的裝束好強勁呀,由銅鑼灣地鐵去到呢個尖沙咀東方再由個度行去呢個海港城真係可以叫我想死囉!隻腳係超痛呀,本來今日係有人來我公司,但係因為世貿原因,全公司都放早所以就唔洗上來。早講呀,玩咩???

嘩,見到Raymond之後我第一個要求係要坐底呀,因為超級腳痛呀!所以就去了新港機舖打機等家姐放工啦!打o左一陣就打比家姐啦,點知家姐已經係走得啦,連小炳佢都已經join埋啦!所以我o地就去pageone等埋一齊再行一陣先去開餐。但係Raymond帶我行錯路囉,行行o下我係要扯實Raymond架,因為我怕跌死,總之就好痛苦啦!

但係呢問酒店o的o野都OK啦,但係係無呢個生蠔就比較失色少少囉。不過,唔緊要啦!我o地大家真係坐到十點幾就走啦,因為大家都好似好累咁樣,不如大家早o的返屋企休息啦!我、Fanny、忠就去碼頭搭巴士返屋企;Raymond、Tiffany、小炳地就應該係搭地鐵返屋企啦!

去到海港城我見到有好多燈色睇呀,我就當然係映相啦,不過,行到去麥記個時我見到一班人係識得架,我當時係度諗都唔知係好彩定係唔好彩呀?點解會咁都比我見到呢?佢o地就係你影相的朋友仔呀!當時我就即刻打比Harris啦,佢話係呀,佢o地影未夠呀,所以再過尖沙咀再影喎,但係為何沒有你呢?佢話你話唔得閒喎!

其實我都係同Harris星期一通電話時聽到佢同Kenny講話今晚你o地會去影相,所以我都唔想係你o地出現的地方出現啦,但係點知道你o地今日又會去尖沙咀呀?真係咁有緣份呀!?

不過,算啦,我始終都見你唔到呀,如果見到你的話,我都唔知可以有什麼反應啦,叫你定係唔叫你好呢?真係好煩惱呀!但係見唔到咪仲好,因為我覺得你都唔想見到啦,如果唔係都唔會選擇避開我啦!!!`_` >. <

Wednesday 14th December 2005 01:41:33 PM
今日幫Raymond&忠買禮物![ 0 messages] 
Car

13-Dec-2005

今日放工都好忙呀,要幫阿忠同Raymond去買禮物呀!所以我就約埋Fanny一齊出去買啦!

我同佢初時係諗住行呢個聯合廣場架,但係我搭地鐵好快就到o左太子啦!所以我就自已去行行先,點知我就行o左去呢個創興喎,仲比我發現到有好多禮物可以買比大家架,咁就當然係係個度一次過啦,費事一陣間搵唔返咪死!

大多數的禮物已經買好啦,仲爭好少的未買,咁我同Fanny都肚餓啦,所以就係創興的仙跡林食埋晚餐啦,呢間同旺角的相比呢間真係好好呀!GOOD呀?^_^

差不多食完的時候,就打了比Raymond不如叫佢自已出o黎扲返自已o的禮物返屋企,如果唔係24號咪扲死我,即係我一個人要扲兩個人的禮物,雖然唔係太重,但係我個人好懶囉!

最後佢都有出來扲,但係個樣就好可憐咁囉,雖然未買完禮物但係都叫佢返屋企先啦!所以最後係佢仲有o的禮物係我屋企要我扲去camp架。算啦,唔係大份又唔係重就幫你一次啦!!

Monday 12th December 2005 01:14:04 PM
同家姐去買禮物,再返舖頭食飯。[ 0 messages] 
Car

11-Dec-2005

雖然琴晚好夜先訓覺,但係今日約了家姐陪我去買衫同埋要買禮物呀,所以就算幾眼訓都要起身啦!

我約了家姐一點鐘打比我叫我起身,因為我覺得都差不多架啦,去得葵涌廣場都最快兩點啦,點知所有的事都係係我預計之內呀!YEAH!!!!

去到葵涌廣場家姐都未到呀,因為我遲了打比家姐呀,但係唔緊要啦,我就去了紅樹林餐廳叫o野食等家姐囉,我o地食到三點半就開始今日的活動啦,首先係睇禮物多於買衫架,因為如果再唔買的話,我都唔知幾時先至有機會同時間去睇啦!

所以我同家姐一買完禮物就即刻開始我要買衫呢個重要環節啦,我今日係買了一件褸、一條褲、一條裙呀!嘩,雖然係買得唔係好多o野,但係o的o野都已經覺得好重啦,跟住我o地都要搭車去兒童樂園啦,因為小炳地好早已經返到屋企啦!

係舖頭食飯都人都幾多架:

Tiffany、小炳、我、Eric、Sandy、高家倫、光、高家倫的兩位朋友、Candy、Candy的朋友

食完飯我o地都走啦,因為小炳要送完家姐返屋企先至有得訓覺呀,而小炳今日太早起身去釣魚啦,所以更加之累啦,不過,我都好累啦,今日行o左差唔多三個鐘頭街啦!

Friday 09th December 2005 12:30:51 PM
舖頭食晚飯﹖﹖[ 0 messages] 
Car

人物﹕Tiffany、小炳、Fanny、忠、Raymond、我、Eric、Sandy、Candy

其實今晚好唔開心架。

可能大家都覺得係一件好少好少的事啦,但係為何每次發脾氣都係我呢﹖

e.g. sogo、運動家唔係我話需要去的,就算係去我都係陪家姐同埋阿忠去的,因為是他們兩個有需要才去,但係被人誤會了係我要去囉,最終他們又太遲先可以過嚟銅鑼灣,我都唔知可以去邊度等佢哋喎,所以我就決定不如唔好去啦...

我唔想係條街等啦,等人好辛苦架,最煩就係驚自己行完的地方一陣又再陪佢哋一齊行多一次喎。

最終大家食完飯就即刻走啦,因為唔知呢,其實開心與否都好啦,現在大家都無事了。

Monday 05th December 2005 03:00:43 PM
下午去唱K,夜晚舖頭食飯。[ 0 messages] 
Car

4-Dec-2005

人物:Tiffany、小炳、Fanny、忠、Raymond、我

今日約了三點鐘去唱K,本來想今日去海洋公園架,但係因為小炳夜晚要去飲表妹結婚的喜酒呀,所以大家都沒有去呀,因為想等埋一齊先至去呀!

咁我o地今日的活動就係改了去唱K啦!我叫了家姐兩點鐘叫我起身,但係差唔多兩點我自已都醒o左啦!跟住起身就即刻打比佢o地啦,睇o下大家咩環境,起晒身未啦!初時打唔到比Fanny地架,原來Fanny戈o左沖涼,阿忠就食完o野再訓過,咁我知阿忠沖涼都幾內,所以我同Raymond就無等佢o地自已出去join o左家姐地先啦,因為佢o地都等o左我o地四個好內啦!

我同Raymond就搭地鐵出去,阿忠佢話搭小巴所以就無一齊出啦!我同Raymond食完面阿忠地都仲未到呀,所以我覺得大家無等埋一齊出去係好理智架。大家唱到七點就要走啦,咁我o地五個就送小炳去搭車啦,跟住大家就漫無目的咁行,大家係諗唔到有咩地方去就最終都返舖頭食晚飯,不過,阿忠就陪契爺食飯,Fanny本來約了朋友食飯,最後都係同埋我o地一齊返舖頭食晚飯。

我同家姐係舖頭係無食醉雞鍋,因為只係Fanny想食的,而我同家姐係前兩日先食完,所以就只係叫其他送食飯算數啦!坐到十點半都需要返屋企啦,我就陪家姐等到有車就自已返屋企啦,今日的活動就係咁樣順利進行啦!!^_^

Monday 05th December 2005 01:52:08 PM
舖頭食晚飯[ 0 messages] 
Car

2-Dec-2005

人物:Tiffany、小炳、光、神秘、Sandy、Eric、我

今晚我o地係食"醉雞鍋"呀,不過,都真係幾好食架,我o地三個都好夜先去度舖頭呀,因為家姐就做Faical,小炳就去剪頭髮,我就當然係要上師父度啦!我o地食完飯都成十一就要走啦,因為大家都好眼訓啦。

Monday 28th November 2005 12:19:22 AM
阿忠屋企打邊鑪^_^[ 0 messages] 
Car

26-Nov-2005

人物﹕Tifany、小炳、Fanny、忠、Raymond、我、高家倫

今日本來可以去家姐屋企打麻雀架,但係因為我唔得呀要去師父度呀,所以就冇得去家姐屋企打麻雀啦...

原因係爸爸媽媽去了深圳玩囉...

最終我完師父度係約埋raymond係地鐡站等呀,不過,今次係到我遲到呀?~_~

我搭搭吓車,raymond就話不如打比高家倫問佢去唔去阿忠家打邊鑪啦,我有咩所謂呀,但係最終大家都沒有問題呀,所以我哋三個就一齊上去阿忠屋企啦!

大家今次打完邊鑪就打麻雀啦,不過,今次好勁呀,大家打到三點幾到就可以走啦,但係今次阿忠又係打到西圈又發神經啦!

我哋大家一齊就走啦,不過今晚都好開心呀...唔知明天又可以瞓到幾多點呢﹖

好可惜啦,今次沒有影相呀,因為哥哥攞走了相機呀...下次補回啦。

Thursday 24th November 2005 01:24:08 PM
首次六人合體[ 0 messages] 
Car

23-Nov-2005

今晚係我o地六個人的真真正正六人合體呀?從來都沒有試過可以六個人一齊出去食飯架,而出去食飯的都係係舖頭,總會有其他人在場,所以唔可以叫做 "六人合體"呀!

人物:Tiffany、小炳、Fanny、忠、Raymond、我

地點:旺角銀城廣場大熊本

今日放工之後大家係各有各人去行街的,我就去了搵Dicky剪頭髮,而順便就係等埋Raymond放工架,但係佢約我今次又係遲到呀。o的人都唔準時放工架,成日都要我等,真係想死呀??

跟住我o地就搭巴士出去旺角join佢o地啦!食飯期間我o地仲傾了幾項大project呀!所有project都可以依照原定時間和計劃施工呀?好開心呀....

係個度坐到十點半到就走啦,因為我好眼訓呀?所以最後我o地各人都係各自歸家了。但係今日都幾好玩呀。

Thursday 24th November 2005 01:04:57 PM
係舖頭食飯[ 0 messages] 
Car

22-Nov-2005

嘩,今日爭阿忠我o地就可以六人合體啦!今晚係舖頭同Sunny食飯呀,因為佢要返澳洲啦!

人物:Tiffany、小炳、Eric、Sandy、Sunny、Raymond、高家倫、我、Fanny(後期加入)

今日我本來無諗住係舖頭食飯的,係諗住係師父度食完飯先至上去架,但係家姐話佢 o地都會上去舖頭食飯,所以我都是但啦,無所謂啦!因為我知今日Raymond地係同Sunny Fair World架,我又唔係太想啦。但係最終都係有去到呀?

食完飯的時候,我最想係上兒童樂園用電腦呀,因為屋企的電腦壞o左呀,所以我真係覺得係一個世界未日呀....我同Fanny係兒童樂園攪到十一點半就走啦,因為要返屋企訓覺啦!

Monday 21st November 2005 04:59:00 PM
在阿忠家的生涯[ 0 messages] 
Car

20-Nov-2005

到了等到阿忠回來的時候都忘記了幾多點啦,但係個時我o地係煮o左公仔面食呀,因為諗住太凍啦,食o的熱o野暖暖肚。點解差唔多食完佢就返到啦!

嘩,佢返到o黎就當然係即刻開台啦!

但係最想開台的人其實只有阿忠一個人架,因為我o地四個人都好累啦?四個係要有三個人落場打麻雀架,我o地係唯有用搓o黎解決呢件事呀,我好可憐呀,我係第一個要坐啦,第二個係Raymond,第三個係小炳呀。咁Fanny唔洗落場當然就係訓覺啦!

打完一圈就叫佢起身啦,但係佢叫極都唔起身呀,我o地就只好繼續打麻雀啦?但係其實雖然係打了四圈牌呀,但係都好好玩,係每一舖都笑到要死囉。

我o地都打到差唔多五點鐘先係佢屋企再搭車返自已屋企呀,大家一齊行去荃灣搭小巴,而Raymond就比我扯住佢一齊行去荃灣先至可以搭的士返屋企呀,其實我有o的同情佢,但係唔可以比佢走先架。^_^

嘩,返到黃大仙大家係再去荼餐廳食完個早餐先返屋企訓覺呀,我返到屋企都已經係六點啦!咁就真真正正先訓覺呀。

Monday 21st November 2005 02:16:19 PM
放工係我屋企打麻雀,夜晚去阿忠度再打[ 0 messages] 
Car

19-Nov-2005

上半場人物:Tiffany、小炳、Fanny、我

首先放工我o地放工就係黃大仙地鐵站等埋一齊先去食飯啦!我o地最終係去了黃大仙中心的大家樂食飯架。食完飯就當然係回家開台啦!

因為今晚我要去阿公家食晚飯呀,他生日呀!所以大家只可以打麻雀時間去到六點鐘就要離開我屋企啦,他們三個人好迷惘呀,要等埋我同Raymond先至可以去阿忠屋企呀,而我又落了聖旨Raymond放工之後要等埋我一齊搭地鐵去荃灣呀,如果唔係我就唔去阿忠屋企呀!

當大家要離開我屋企的時候,他們就為了消磨時間就陪我過去樂富呀,但係我就唔可以陪他們啦,鬼叫我阿公生日咩?

我係阿公度都成七點半先開飯呀,不過,我就約了Raymond係太子向荃灣的車頭等啦!

下半場人物:Fanny、我、小炳、Raymond、忠

佢遲到呀.....大膽呀,要我等你五分鐘呀?

係太子等Raymond期間,我打比小炳佢o地睇o下佢o地係邊度啦,點知原來佢o地仲係樂富呀,好攪笑呀!咁我就當然係叫佢o地搭車係荃灣等啦,因為佢o地趕唔切o黎太子join我o地。我同Raymond去到荃灣的時候,佢就話要去買波呀,我就陪佢去啦!

但係今次我好叻呀,佢o的波飛係我畫架,如果中o左我就有餐飯食啦!嘩,咁我當然係要佢中好過唔中啦,有飯食o咼?我好叻女呀,學識o左畫波飛呀!!!

買完波之後就去了一個我唔識的地方陪Raymond食晚餐啦,因為仲要等小炳地過o黎呀!佢o地來到之後,我o地就搭的士去阿忠家等佢回來打麻雀呀!嘩,佢屋企係好凍呀,真係有o的想走呀,因為好眼訓呀。係佢屋企我o地四個係睇幽靈刺客佢都仲未返o黎呀!個時都已經係十二點幾啦!

待續........

Tuesday 15th November 2005 01:40:52 PM
今晚係舖頭食飯兼打麻雀。[ 0 messages] 
Car

14-Nov-2005

雖然今日係Raymond正日生日,但係因為好唔好彩佢今日係返夜呀,所以我o地同唔到佢慶祝。但係我都有打電話同佢講生日快樂架。

但係我o地都照又係舖頭食飯呀,仲可以打埋麻雀呀。

人物:Tiffany、小炳、Fanny、我 缺席人物:Raymond(返工呀)、忠(要返大陸)

不過,其實唔知點解大家真係越o黎越唔鍾意Sandy啦!可能性格問題呀,如果唔係點解我o地幾個都好似對佢有少少不滿呀,最多不滿的是Fanny同Tiffany囉。可能佢唔會串我啦,同埋佢可能知我唔串得掛,串親就反面啦!

不過,我唔理佢啦,見到就打招呼,講完一句咪收工囉,唔通仲要同佢談心呀?

Monday 14th November 2005 01:01:02 PM
Raymond生日快樂^_^[ 0 messages] 
Car

12-Nov-2005

嘩,今日雖然未係你正日生日呀,但係我o地今晚就預早同你慶祝o左先啦!

今晚我o地去了Green Box唱K...

人物:Raymond、Kelvin、Tiffany、小炳、Eric、Sandy、光、Sunny、Fanny、忠、我

今晚真係好恐怖呀,大家係真係有開芝華士飲呀?雖然係預o左會飲,但係估唔到係我o地走的時候都已經飲o左兩支啦!不過,我知我今晚做o左衰人架啦!之前我仲要係電話同Raymond講話我會估佢,但係到最後我係攪事個個人,算啦,我知你唔會嬲我架,生日喎咁開心的日子,當然係要盡慶啦! ~_~

我係不停隊Raymond飲呀,明知佢差唔多都仲要攪佢,我估我明年的生日都唔會有好日子過架啦!

但係我都唔止係隊Raymond飲架,我都有隊Kelvin飲架,因為佢生日我o地都沒有和他食飯,所以今次連埋一齊攪啦?我o地幾個玩到三點幾就返屋企啦!因為好眼訓啦....

Thursday 10th November 2005 11:52:43 AM
今日去買禮物[ 0 messages] 
Car

7-Nov-2005

人物:Tiffany、小炳、Fanny、我

今日放工之後去了尖沙咀買禮物,但係我o地行完成個海港城都搵唔到一份禮物囉。

想買的個樣禮物就超出我o地的金額,但係最後我o地都係諗住食完飯先再行,我o地去o左澳門冰室食晚飯呀,不過,大家掛住玩,到家姐發現我o地未買禮物的時候都已經十點啦,所以我o地就最後決定買一樣一定適合壽星人用的,所以最後大家都決定了的話,不如就回家了。

但係我覺得收到呢份生日禮物都真係幾開心呀,因為我o地大家都有用心思去整架

 哈哈

Wednesday 02nd November 2005 01:49:42 PM
去扒王之王食晚飯[ 0 messages] 
Car

1-Nov-2005

本來今晚可以去睇 '怪誕屍新娘',不過,阿忠要幫朋友仔整電腦呀,所以我o地就無去睇啦!

食飯人物有:Tiffany、小炳、Fanny、忠、Raymond、我

初時大家係銀行中心等的,但係個個到齊的時候,林小姐都仲未到呀,咁我o地四個就去o左呢個大快活飲o野等佢啦?

到佢到o左之後我o地就去油麻地 In Point商場裡面個間扒王之王食飯呀?但係我o地今次食飯係好快就可以走啦!因為大家都好累了,而仲要係我九點三就已經叫不如走啦! 跟住大家就各自各回家啦!

Monday 31st October 2005 02:41:30 PM
下午去唱K,夜晚睇戲`_`[ 0 messages] 
Car

30-Oct-2005

哈哈,今日起身就去了舖頭等Fanny一齊再出旺角唱k啦!

今日去玩的人物當然都仲係o個o的人啦:

人物:Tiffany、小炳、Fanny、忠、Raymond、我

我兩點鐘出到去旺角,就去女人街內面的一間叫做興隆車仔面啦!食完面之後就去了Neway City唱K啦!唱到六點半就要走啦!

跟住就去了荃灣廣場睇戲,本來可以係旺角睇的,因為阿忠要去深水步整電腦,又想張架車泊返去芙蓉山,所以先諗住去荃灣就佢唔洗行咁遠路。

但係我o地搭車去荃灣佢都仲未到呀,所以我o地最後都沒有同家姐佢o地睇 '怪誕屍新娘'呀。因為家姐同小炳唔鍾意劉德華所以佢o地就無同我o地一齊睇呀。

我o地四個最終係睇o左"再說一次我愛你",但係我覺得好慘呀,個個女主角都係要死呀!不過都幾鍾意睇呀....睇完戲就跟住搭車回家啦!

Saturday 29th October 2005 04:37:27 PM
陪Fanny看舖#_#[ 0 messages] 
Car

28-Oct-2005

今日我哋約好咗要同林小姐去看舖呀。

但係我哋四個(Tiffany、小炳、Raymond、我)放工的時候,大家都陪了我去Time Square買MP3機呀,好開心呀,最後我都係買了iriverH320呀....

初時我係想買Sang的那部,但係最後見到呢部我又幾鍾意喎,所以我就選擇了呢部啦...

但係因為小炳一早己經講了今晚要OT呀,所以最後決定他和Tiffany係冇去舖頭。最重要係時間問題啦....

而陪看舖的人物如下﹕

人物﹕Raymond、Fanny、忠、我

我哋看舖去到十點半就上了Sandy屋企呀。本來諗住Raymond幫我整MP3的,但係因為未叉電,所以我只好回家等阿哥回來幫我整呀。

Sunday 23rd October 2005 11:24:32 PM
行葵涌廣場...[ 0 messages] 
Car

人物:Tiffany、Raymond、Fanny、忠、我

今日我十二點半就起身,係咪好早起身呢?我仲可以叫埋Fanny&忠起身呀。

我今日起身等了他們兩個去沖涼呀先出門口,我就上了慈雲山同佢哋一齊搭車去葵涌。因為我唔識路呀!

我哋去了鄧媽媽食面,跟住就行了一陣葵涌廣場,但係大家都好想買嘢,不過大家都好像提不起勁咁樣....

而我哋就去了新都會坐底傾計,傾到差不多五點半就出了旺角行街,而我都要出去食晚飯。

出到旺角之後,陪Fanny攞完錶之後我哋就再去新天地阿忠想夾公仔,但係個商場就消失了,但係我己經要走了,因為我要食七點呀,所以就同佢哋分手了。

Sunday 23rd October 2005 11:06:02 PM
今個LUNCH真係可憐呀...[ 0 messages] 
Car

22-Oct-2005

今日放工之後我要陪Fanny去大圍搵阿Wing個男朋友整電話呀...

嘩,我今日就真係餓死啦!仲要係一個人係新城市自己行街,仲要係連西田都行埋啦,佢哋都仲未嚟到呀?我等到佢哋三點先有得食飯呀...

食完飯個電話都己經有得攞啦!我哋就一齊再返大圍攞呀。跟住就去師父度啦!

Wednesday 19th October 2005 01:25:02 PM
係舖頭食飯....[ 0 messages] 
Car

18-Oct-2005

今晚唔洗去睇醫生呀,因為今晚醫生唔得閒呀,所以今晚又可以去玩啦!

但係今晚我o地又係去o左舖頭食晚飯呀!人物:Eric、Fanny、忠、Tiffany、小炳、Michael、我 放工我們各人都去了Eric等食飯,但係因為Fanny未放得工,所以我、Tiffany、小炳就上去佢家等Fanny,但係等還等,千祈唔好同Sandy打麻雀,因為費事麻煩呀!

但係我同TiffanyBido野的時候,我無意中買了一隻EEYORE呀,好開心呀!仲要十蚊都唔洗就買到啦!好開心!好開心呀!!!

Sandy就約了朋友打麻雀,Raymond就要返工所以無黎一齊食飯。我o地未食飯之前就每人食了一枝雪條呀,因為落到舖頭話食得飯時,竟然去度係好多人,所以Eric就要比錢買雪條比我o地食啦!

我o地食完飯之後,我o地又做了一樣我o地經常做的東西呀?又係打麻雀呀!我仲以為今晚可以唔洗做呢個動作,點知Fanny突然話不如要麻雀呀,所以我o地就個個都上去Eric屋企打啦!我話要打到十一點就要走,因為我好累呀!

最終大家都打到未夠十一點就已經走啦,只是打了一個東圈,不過,我o地都係消磨時間o者。

Monday 17th October 2005 01:11:01 PM
去葵涌廣場行街`_`[ 0 messages] 
Car

16-Oct-2005

今日我o地一早就去了葵涌廣場行街呀人物:Tiffany、小炳、Fanny、忠、Raymond、

 我o地今日約了兩點鐘係葵涌廣場等,我就約了小炳點半鐘係我屋企附近的荃灣小巴站等啦,因為我對新界地方唔係太熟,所以最好搵個人一齊去啦!

我o地去到未到葵涌廣場佢o地好似已經知道我o地就到咁樣呀,已經打比我o地話比我o地知佢o地三個係邊度食lunch啦!可惜呀,小炳今次帶住我都仲係會迷路呀!但係算啦,佢都慣架啦!初時我都好驚架,因為佢帶我差唔多行晒成個葵涌廣場呀!好彩最後我o地都搵得返佢o地。

食完o野之後,有人提議去看呢個"高空三萬尺",大家都沒有意見,男人去買飛,女人就去行街啦!但係好唔開心囉,因為今晚Fanny本來係要去飲Potin家姐結婚酒,但係因為得佢一個人所以決定唔去,但係會心人請囉,咁我同Tiffany就陪佢一齊去買個套衫啦!

我o地行過一間舖頭,有條褲就係Fanny睇中,有對Boot就係我睇中,但係原來對鞋都好貴呀,差唔多八百呀!不過,佢都買o左。

到我o地睇完戲之後,我o地就再商討去那裡行,但係各位人兄都係要散啦!因為Raymond同忠都要回家食飯,而Tiffany同小炳可以唔返,但係Tiffany又唔想同我o地一齊出尖沙咀行街,所以最後都係得我o地兩個人係尖沙咀行街,小炳地就荃灣行完街再返屋企啦!我同Fanny比完人請Potin家姐之後就去了赫德道食潮州o野,我o地都坐到十點先搭巴士回家呀,但係我覺得有些少唔開心呀,今日買唔到鞋囉。因為我想買的Boot就比Fanny同Tiffany都買了,但係最後Tiffany都沒有買,因為唔想比個Sale賺太多呀。

Monday 17th October 2005 12:54:10 PM
好悶呀,又係打麻雀呀...*_*[ 0 messages] 
Car

15-Oct-2005

人物:Tiffany、小炳、Fanny、忠、我

今日放工之後的活動真係好多呀?首先放工之後我係去了Dicky度剪頭髮呀。不過,剪頭髮都剪o左好內呀,初時都話係點半去度,但係我唔洗點半就已經去到啦!但係我去度都唔係即刻有得整,最終都係差不多三點先走呀。

我整完頭髮之後就係去了荃灣join阿忠,不過,其實我都等了阿忠一陣架,之後我和忠要去深井接返佢同事去荃灣,我好叻呀,我咁大個女係第一次去深井呀,不過,我發現深井都好鄉村feel,我仲要可以等到見到佢先至食lunch呀!不過,我和他食lunch的時候已經係差不多四點啦!!

但係我呢段沒有食飯的時間都唔係飽架,所以我真係有些少驚架。我o地食緊o野的時候就等埋小炳、Tiffany一齊先去買o野作為晚餐。

我o地去了荃灣街市買食物,跟住就再去超級廣場買肉呀,其他食物啦!再跟住就去了接Fanny放工,我o地全程都係係架車,接完佢之後,我o地就一齊返芙蓉山開台打麻雀啦!

我o地都係打到差不多八點就要開餐打邊鑪啦!因為要同埋阿忠的公司大家姐一起打艐鑪呀,當晚我都唔係食了很多o野,可能太累了。

我們初時都諗住係阿忠家訓覺架,但係因為我突然覺得自已星期六好似好內沒有返屋企訓覺,所以最終我o地都係各自各回家訓覺啦!

我同小炳一齊送完Tiffany回家後,都仲可以搭38號巴士回家,所以我o地都好早就走了。

Thursday 13th October 2005 11:48:39 AM
食盆菜^_^[ 2 messages] 
Car

12-Oct-2005

今日放工之後去了師父度見到o的好朋友呀,仲要拿藥飲啦,所以先上去師父度o者。

去完師父度之後,我o地就去了舖頭食盆菜,因為阿忠係元朗拿了盆出來食。

人物:Fanny、忠、Sandy、Tiffany、小炳、Eric、Michael、高家倫、我

我o地人人都好準時放工啦,除了Fanny之外,我就叫阿忠不如我o地橫掂都有時候,不如渣車去公司接佢放工啦,跟住我o地四個人又去接佢放工,不知幾開心呀,仲要係架車度玩到傻呀!

不過,其實食到個盆菜的時候,係好騙人囉,一打開就好似被人食完夾夾埋埋再整多一盆出來咁樣囉。好彩係唔洗錢o者,如果要比錢的話,我o地會覺得阿忠一定係比人騙呀!

Tuesday 11th October 2005 10:13:24 PM
超級強勁....[ 0 messages] 
Car

10-Oct-2005

嘩,今晚放工之後,我就返屋企食完飯等Tiffany打比我再出來。

因為我哋今晚諗住出去唱k呀。

人物﹕Tifanny、Fanny、Raymond、Sandy、Eric、小炳、我、忠、李輝

我哋初時都諗住早啲去唱k架,但係因為人人都想返屋企食飯,有啲人就未放工,所以就決定等埋eric一齊先去啦!

我哋係eric屋企都打了一陣麻雀先出門口呀!嘩,我不知幾叻呀,我食咗小炳兩舖五十番呀,一舖係力咕力咕呀,另外一舖係清一色咁啦。小炳而家不知幾嬲我呀....`_`

咁raymond就自己嚟。我哋唱k都唱到人哋收舖呀,因為我哋係九龍城廣埸啫,近我哋呀、同埋可以唱內啲架,唔會比佢趕我哋走呀...

所以我哋今朝六點幾先唱完k呀,跟住就走搵嘢食,最終我哋都係去了飲荼。飲到七點鐘就回家瞓覺啦....

Monday 10th October 2005 12:51:13 PM
又係打麻雀...`_`[ 0 messages] 
Car

8-Oct-2005

今日我放工之後去了陪Tiffany整頭髮。佢整到兩點半先走得呀,初時Tiffany話可以好快走得,但係我去睇原來唔係囉,我係超級之肚餓。

跟住整完頭髮之後,我o地(Raymond、Michael、Tiffany、小炳、我)去了旺角,因為Raymond要買電話,所以大家寧願去旺角迫都唔想上Eric陪Sandy打麻雀呀?

但係除了Raymond買電話外,Michael都買了一部數碼相機,我o地仲叫鐳射比了好多贈品我o地呀,我仲得到了隻Tiget Pooh呀,好開心呀。

我o地買完電話之後,我o地仲要陪Michael去金魚街買魚糧比佢o的魚食呀,我o地買完魚糧之後,跟住我就去Eric家啦!

我o地去到他的家時,有見到o的學生妹係佢屋企呀,咁其中有一個妹妹仔叫我o地陪佢打台灣排,其實我都唔係太鍾意架,但係是但啦,因為要等夜晚去唱k呀,但係個妹妹仔話自已唔識打都好強囉,係舖舖都自摸,我見到呢個情境我都沒有出聲,只係黑面就算罷啦!

到我o地係舖頭食完飯之後,我o地最後都沒有去唱k,因為小炳明天要返工呀,Tiffany又唔去,所以大家最後都係沒有去唱k反而又係去了Eric家再打麻雀呀,因為Fanny同忠都沒有打過呀,我o地今次又係打到差不多四點先返屋企訓覺呀。

如果個個星期都係打麻雀唔知會否死呢?

Monday 03rd October 2005 11:58:28 PM
舗頭食晚飯...~_~[ 0 messages] 
Car

今日好早就放工啦,因為要去東方落分類呀...

跟住就去咗Fanny舗頭食晚飯,我同Eric等咗佢好內佢先放工,不過,我哋等有枱的時候,小炳又突然之間打比Eric話佢又過嚟食飯呀。

不過,我哋坐到十點半就返屋企啦,但係我真係好想見到你呀﹖可惜呀,你亦都係沒有搵我...

Sunday 02nd October 2005 10:16:14 PM
2-Oct-2005極度疲勞呀....^_^[ 0 messages] 
Car

到了大家都覺得好累的時候,我終於都忍唔住講了一句不如大家返屋企瞓算吧啦!

因為瞓得唔拖唔水就仲辛苦,咁不如等到返屋企先瞓啦!

我哋決定咗返屋企先瞓之前,就係阿忠屋企煮了烏冬食埋先,因為我超級鍾意食架,食完之後我哋就行返落地鐡站搭地鐡各自回家啦!

我就返到屋企之後第一件事做的就係沖涼即刻瞓啦,因為好累啦,但係其實唔係眼瞓,只係對眼好累囉,用了幾個鐘頭去諗麻雀呀,有咩辦法唔累呀?

其實講真,雖然係辛苦,但係都好開心架,如果唔係點樣度過呀﹖

Sunday 02nd October 2005 10:11:01 PM
1-Oct-2005極度疲勞呀....^_^[ 0 messages] 
Car

1-Oct-2005

雖然今日係日慶回歸紀念日。

我今日的活動安排就係去阿忠家啦 !

人物﹕Fanny、阿忠、Tiffany、小炳、Raymond同我

今日我哋一早起身就大家一齊係黃大仙中心食個早餐先。跟住就再去了我屋企等咗一陣,然後再去我屋企樓下的街市買食物,等阿忠收工先至可以過來接我哋去佢屋企,但係阿忠最後都沒有過來黃大仙接我哋呀!

因為他有工作在身,唔可以行開呀,唯有只好我哋四個人自己搭小巴入荃灣等佢啦!但係我哋係去度荃灣先去百佳買嘢食嗰啲呀...嘩,我哋買完嘢等咗一陣跟住阿忠就只可以車咗我哋四個上去佢屋企先,因為他都仲有好多嘢未做完,而小炳最後都係跟佢車去接Tiffany車過來。

間屋得我哋三個人,我同Fanny就唯有去整今晚燒嘢食的食物,如果唔係都唔知可以做什麼好,因為又唔夠腳呀,如果唔係我哋可以開枱都得呀﹖不過,今晚都玩得好累呀,我哋燒完嘢食之後就應該大約係差不多十一點到,就一直打麻雀,直至今朝的六點幾,全程係六個人都沒有瞓覺,而四點我仲為大家煮了一個我第一整的蕃薯糖水呀,不過,我就覺得好似有些少淡,因為我第一次整真係唔識架。

待續....

Friday 30th September 2005 11:51:10 PM
今晚去咗睇星夢奇緣[ 0 messages] 
Car

嘩,今晚係尖沙咀食飯。

人物﹕Tiffany、Fanny、小炳同我。

我哋今晚首先去了unionqlo睇衫啦,不過,後來我哋都係沒有上去睇,因為我哋見到有好多人排隊所以就決定取消呢個念頭囉。

我哋去諾士佛臺附近的一間仙跡岩食晚飯等Fanny一齊過嚟join我哋啦!跟住就了尖沙咀Sogo度行啦,點知原來係好細的,所以就再去新世界中心行街,但係我哋行度過去個面既時候,個supermarket己經收咗啦!

最後我哋都係行咗去天星碼頭等阿忠車我哋返屋企,而我哋車完Tiffany返屋企之後,我哋再車小炳去舖頭,我哋三個就去了睇戲,其實呢套戲都好感人架,都值得一看。

睇完戲之後,我哋三個就去了食宵夜,跟住就返屋企啦!但係我臨瞓之前好失敗呀,我又喊呀,因為我諗起套戲就係叫人要珍惜眼前的事,但係我第一時間就係諗起你啦!

Tuesday 27th September 2005 11:48:49 PM
行街街...[ 0 messages] 
Car

今晚放工去街街...*_*

人物:Fanny、Tiffany、小炳、我

放工就同Tiffany係灣仔搭小巴入荃灣呀。佢今日下就係灣仔上電腦堂,所以我就可以join度佢一齊搭小巴入去囉。

因為我o地諗住今日行o左星期六就可以會去第二度再行過。我o地今晚係緣楊新村的Double Star Cafe食晚餐,o的o野食都幾好食呀。跟住都行o左一陣,我o地諗住搭車走o個時阿忠就過來join我o地,我o地就去了麥當勞飲住o野等佢,而佢都仲要食晚餐呢?

我都唔係太鍾意搭小巴,因為好內先會返到我屋企,下次都係搭地鐵應該會快好多。我係小巴途中我突然間好想坐係我隔離位個人係你呀。

因為雖然你屋企去荃灣係好近,但係我知你唔會渣車,因為你有機會陪我返屋企,所以你係更加唔會渣車出來的。但係好可惜囉,坐係我隔離係一個陌生的男人而唔係你呀!

Sunday 25th September 2005 11:36:49 PM
今日又係打麻雀呀...~_`[ 0 messages] 
Car

其實本來今日都唔會再打麻雀架啦!因為琴晚車完Tiffany返屋企嗰時阿忠話好想再玩,咁大家今日又沒有什麼突別事要做,所以今次我哋就轉移地方,去了阿忠公司的屋企就係荃灣芙蓉山啦....

人物﹕我、小炳、Tiffany、Fanny、忠

但係今日都算ok架,最起碼大家都唔洗睇Sandy面色啦!不過,都係玩到七點半到,因為阿忠約了契爺食飯,所以我哋好快就要離開佢屋企啦!

我哋同阿忠分手之後,我哋四個人去了荃灣城市中心內的一間叫做客家好棧食晚飯呀,嗰度啲嘢好好食架,我突然之間係度諗,我會否有機會再同你一齊去食晚飯呀﹖

我哋叫了的餸有﹕

1. 什菌炒翠瓜

2. 客家醉雞煲

3. 花膠冬菇鵝掌煲

4. 帶子西蘭花

5. 客家炒飯

嘩,其實呢五個餸都好正呀,其實我今餐都食咗好多嘢,不過,其實我唔係細食架,係因為我食嘢係唔可以太急架,如果唔係我就好快就唔想食架啦!

嗰時我同你一齊唔係我細食,只係我唔開心就真係唔想食,二來我又唔知點解好似好急咁樣,所以可能比你個感覺我係好似好細食咁樣囉!不過,現在應該唔會啦,因為我唔敢再唔食嘢啦,費事死咗都冇人知呀﹖

跟住我哋食完飯阿忠又可以返嚟車我哋返屋企,其實我覺得都ok架,因為可能唔洗煩,要自己搭車啦,不過,每次打完麻雀我哋四個都有喉嚨痛呀,梗係啦,我哋呢兩日打麻雀的時間係好長囉,根本我哋幾個除咗瞓覺見唔到之後,就全日都對住啦....

Sunday 25th September 2005 11:23:17 PM
今個星期六又係打麻雀呀...[ 0 messages] 
Car

24-Sept-2005

死啦!!我真係有些驚啦!!而家每一個星期六放工都係即刻去Eric家打麻雀呀﹖

人物﹕我、小炳、Tiffany、Fanny、忠(後來加入)

不過,今日都發生了很多小插曲囉!

1. Sandy買嘢食之後返屋企發脾氣,原因係為咗啲腸粉有芝麻,但係陪審團(我、小炳、Fanny、Tiffany)認為唔係,係因為我哋去佢哋屋企打麻雀。

2. Eric話自己肚痛,點知佢阿媽好有殺氣地衝咗去佢屋企,迫佢去睇醫生,但係陪審團都認為佢係唔想看舖,所以扮病。

3. Tiffany係我哋食完糖水之後再返去打麻雀時食詐糊。

我哋本來諗住唔係舖頭食飯,我哋就叫了PIZZA食呀,我估打到十二點到啦,阿忠就叫我哋去食糖水,但係我哋都諗住食完糖水就大家都回家睡覺,因為渣車入去西貢嗰時點知阿忠想打咪陪佢再返去玩囉。我哋都打到四點鐘先回家呀...

Monday 19th September 2005 05:28:12 PM
中秋節唔快樂...*_`[ 0 messages] 
Car

18-Aug-2005

其實初時都好開心架,今朝一早起身就食嘢啦!跟住Tiffany就打比我呀,問我今晚會點樣﹖

我哋初時係會去eric家打住麻雀等佢收工跟住就一齊去燒嘢食,但係最終燒嘢食都被取消了,只好等夜少少個天會否再落雨先決定繼續打麻雀定係玩蠟燭啦!

但係到食飯的時候,我哋都決定唔燒嘢食啦!因為如果燒燒吓嘢食突然落雨都唔知可以去邊度避雨好﹖但係我哋係舖頭食完飯之後,我、Tiffany、Eric、Raymond、小炳五個人一齊去了九龍城一齊攞車,跟住就再去eric家攞多一架車。之後除了eric我哋就一齊返屋企再繼續打台灣排燒磨時間等去玩蠟燭啦!

但係到夠鐘去到舖頭的時候,點知數人數時,發現多了一個人出來﹖當然係唔可以博啦!怕有差人查車架,最後上去觀音山就要有人搭的士去囉。

但係玩完之後返落去的時候,就要我哋六個人(我、Tiffany、Fanny、Raymond、高嘉倫&他的friend)迫係一架車囉﹖不過,最後面個四個係坐得好辛苦的,因為要迫埋一齊呀,又驚有差人查車,雖然路程唔係好遠,但係要查車都冇辦法架!所以其實都好驚架﹖

點知以為走的時候,前面架車啲人話要去睇夜景,如果架車坐的人係剛剛好就話啫,但係唔係呀麻,前面架車啲人(Eric、小炳、光、Billy&Billy老婆)全部加埋都幾百歲啦﹖都唔識諗嘢架﹖

總之係唔快樂啦!

其實最重要都唔係呢樣嘢架!我突然之間玩玩吓我有啲掛住你架,明明上年可以同你一齊過中秋,但係到了今年就得我一個人過﹖

而你今年又點樣過呀﹖是否又好像上年的一樣和女朋友的家人一起過呀﹖

我現在只好認命罷了,我始終都要相信她才你的最愛,我只是你的一個過客罷了。

我唔敢要你為我再去做什麼或者唔夠要求你做什麼了。因為我發現我現在真的是被你"取消資格"了。

Saturday 03rd September 2005 11:58:18 PM
打麻雀的一天.....^_^[ 0 messages] 
Car

嘩,今日放工之後就去了Fanny的哥哥家打麻雀,好開心....

人物關係有﹕Sandy、Raymond、Tiffany、Fanny、小炳、我啦...後尾加入的有Michael

我哋放工食完飯之後都就即刻上去開枱啦,今日打的並非是一些普通的廣東排,而係台灣排呀...

嘩,咁大個女都係第一次打啫,第一次打的時候係嬴架,因為我同Fanny打到差不多五點的時候就要去師父度醫腳啦,去完醫腳就即刻返去啦,好緊張呀...

到我哋再返去的時候,我哋係己經要去舖頭食飯啦,食完飯我哋就即刻返上去再開枱啦,因為Tiffany要趕住十二點走,如果唔係就冇車走架啦...^_^

不過,我哋食完飯返上去的時候我再打麻雀就己經係輸咗啦,不過,好彩我哋唔係打錢啦,只係輸咗個啲要飲水呀...如果你可以同埋我一齊就更加好啦,因為如果我輸咗我知你幫我飲架,係咪呀?^_^

0.782292127609
General(277)
Car(114)
Current events(58)
Entertainment(2)
Food(10)
Love, Friendship(52)
Music(40)
Health(468)
Investment(198)
Religious(17)
School life(10)
Technologies(45)
Travel(8)

原來你係咁樣架!