« April 2024 »
MoTuWeThFrSaSu
1234567
891011121314
15161718192021
22232425262728
2930 
Friday 22nd September 2006 11:55:55 PM
原來眼仔好好玩!![ 0 messages] 
Love, Friendship

兩日都好忙呀真係好忙!! 忙咩嘻嘻唔話你知!

 : 有咩好忙呀咪又係忙於tum我老豆開心

 :

無辦法啦!距離同呀衰佬見面嘅日子仲有咁長….

: 有幾長呀今日都星期五啦!老豆咪話星期六同你去街街囉

: 衰仔係唔係唔想大?仲唔去瞓喎!

…傻佬今日特然講話覺得自己好幸福唔知點解聽到佢咁講自己個心都突然覺得幸福埋!雖然傻佬無話佢覺得幸福係同我有關不過,聽到自己嘅愛人講有好幸福感覺”…自己都會頓時心甜起上嚟嘻嘻又傻咗添!

不過真係唔知點解只要係你面前,我所做嘅一齊都會變得更有意思!唔知你會唔會記住每一次我係眼仔前好傻好傻嘅真人表演呢?

*PS: 衰佬如果你再無端端同我講埋咩好吉呀唔長又唔短呀...咁挑逗對白我會愛死你架!!嘻嘻 

 

Wednesday 20th September 2006 11:55:55 PM
最靚嘅相[ 0 messages] 
Love, Friendship

今日我收到一張好靚相!除咗係因為傻佬送比我之外我好開心係因為當你放假嘅時候就算我唔係你身邊你都會想起我!淨係哩份情對我嚟講已經係無價寶啦

所以今日無論我係公司受幾多氣工作有幾辛苦因為有你對我嘅思念,已經足夠令我什麼不愉快都忘記了!

今日就用哩張咁珍貴嘅相做主題啦!雖然你話哩張相無咩特別不過對我嚟講就係一張最靚嘅相!

多謝你呀...傻佬老公!

 

 

Tuesday 19th September 2006 11:55:55 PM
係唔係想煮九大鬼?[ 0 messages] 
Love, Friendship

今日老闆﹝公司果個呀!﹞出咗trip…以為可以輕鬆啲啦!點知果然真係天有不測之風雲,人有霎時之頭痕!唔好講飲水就連想去個廁所偷懶…sendSMS比我個Honey都無時間!點解?我都唔知總知我個Title越嚟越長….請我嘅時候明明係人事及行政部助理攪攪下變左人事、行政及私人助理試用期都未過因為人事變動我個Title又有變動人事、行政、私人及市場部總務助理近來又有新嘢所以應該改為人事、行政、私人、市場部總務、倉務及資源掉配助理~ 攪攪下好似咩部門任何事都關我事咁?

我上司話算吧啦唔好咁長啦簡單啲 總務助理唔係太長好難記!!

果然係一位百年難得一見嘅好上司!一個字 !!

不過萬事起頭難哩個道理我都明白嘅!我哩個部門經過之前pat所謂人事部主管有方嘅領導之下未散開晒都真係還得神落!﹝headcount report都做唔好嘅人點解都可以做到officer真係一個迷﹞之不過咁唔係佢我又點會有個咁好嘅發展機會呢?我以家嘅感覺就好似返咗去教育學院果時咁所有嘢都好亂每日都好忙好多嘢做不過一班同事好同心合力所以每一日都過得好開心!而且每改善set-up一個task都會好有成功感!

當時嘅我,得一個人;以家嘅我,有棟哩仔仔係我身邊!所以每一日就算幾忙只要有你兩個我就咩都唔怕!每當我做到涉氣嘅時候只要收到獅子爸爸嘅一個來電或者一個SMS,所有辛苦、怨氣都會消失晒因為只要有你,我做嘅都變得更有意思(哩句係咪好似曾相識呢老公)

旦係你個衰佬!明知我最鍾意就係架麻你今日竟然話我知以家唔長又唔短仲要加多句岩岩好叫人點忍喎!嬲死你呀!信唔信我下次工都唔返,即刻捉你上姐姐到煮餐九大鬼呀啦!又盤、又加多個甜品,再一個餐後特飲睇你死未!呵呵…(不過睇完你哩個SMS之後我又的確精神為之一陣嘅!因為知道你掛住我囉)

獅子爸爸聽日放假!雖然知你病病地不過你都習慣架啦…係咪?嘻嘻...所以唔好因為咁而影響到你影靚相嘅水準呀!唔係家法侍候你呀啦!

 媽媽咩係家法呀?

要你爸爸煮餐

啊!都係媽咪煮啦仔仔唔想肚仔痛呀!

是日甜蜜蜜精選:

~時SWEET ~時SWEET MSN 對話方塊!!

Monday 18th September 2006 11:55:55 PM
~不~可~思~意~星期一~~~[ 0 messages] 
Love, Friendship

今日我會定名為--”不可思意星期一 

點解?睇下以下事件你就知:

不可思意事件一:

今朝一早唔係係一清早先岩!竟然收到Belee個電話!無錯!Belee!!一大清早以佢哩種生物除非無瞓如果唔係真係無幾河可以咁早起身!我係唔係應該去買六合彩呢可能真係會中都唔奇哈哈!不過真係唔好意思我當左個電話響係鬧鐘整息左無聽到唔好意思呀Belee…希望你去到黃山玩得開心啲!我Honey棟哩噙晚已經教左你用國語嗌--~~~~MIN~~~~希望你用得著啦一路順風啦!

不可思意事件二:

我上司無返!嚇得我呀因為我約左個新人返工架麻點知遲左起身!(仔仔羅腩到人地咁舒服叫人邊捨得起身返工喎~.~….加埋臨瞓時衰佬甜言蜜語…YOO!安眠藥無食好耐啦!就嚟要問醫生有無啲藥食左會令人無咁好瞓就真!)講返正題先新人返工如果我遲到實比人鬧架麻點知今朝一返到去無人?等多陣上司打返…”我隻狗狗有病呀我唔返得呀今日!”…隻狗病咁當唔當係病假好呢?等佢聽日返嚟同佢開個會研究下先!

不可思意事件三:

天呀?邊個話失業率高企?邊個話難搵工?邊個話中年人士無人請?家陣我地哩啲專請人嘅人事部專材話過你知根本唔係哩回事!我地日日簡直受盡折磨受盡白眼受盡….總知咩氣都有得受啦都請唔到人!要求唔係高呀叫佢sendResume入嚟先咋麻…cut線事少(係我地比人cut)比人用粗口鬧喎咩世界?你大可以唔做我又無迫你係唔係?唔該各位下次搵工時都禮貌少少呀都係受人二分四架咋

不可思意事件四:

有個一直都出左名難請部門嘈左好耐都話請唔到岩嘅人!唔知係我腳頭好定係果個部門好彩數我接左手之後一嚟同佢地約左10個人,點知8個放飛機(我喺度嚴重咀咒放飛機唔出聲嘅candidate呀!討厭!!)得兩個人上嚟見又咁好彩哩兩個都好岩洗又咁好彩部門果邊又好鍾意佢兩個喎就咁果個部門哩兩個位就咁比我KOYEAH真係講都無人信!!

不可思意事件五:

其實都無咩不可思意架啦只係覺得四件事唔係咁好聽係都要加多件咁解架啫!至於第五件不可思意事件係咩呢?吾比個謎語你哋估下啦!係咩情況下我同傻佬會互動同步呢?嘻嘻

 ...仔仔又唔知得架啦...

 ...等仔仔你大過啲就會明架啦...

 

Sunday 17th September 2006 11:55:55 PM
輕鬆星期天[ 0 messages] 
Love, Friendship

Sorry傻佬今朝我哩隻死傻婆掛住睇電視無發覺你一早就sendSMS比我….一定令你好失望呢無下次!! 無下次!! ^^

今日我做左個超白痴舉動!將衣櫃裡面所有衫抄晒出嚟唔係換季!做咩?犀利啦!我將我啲衫分開晒SIZE真係唔會有人可以估到!竟然連加大都可以係我個衣櫃裡面搵得到!點解我之前可以容許我自己一直咁沉淪落去架?話晒我都不失為一個靚女呀...Honey呵?! (幸好未有加加大碼嘅衫出現…=.=)

之但係突然多左咁多衫著...都係一件好事嚟嘅^^ (最重要係著得返中細碼啲衫呀麻!嘻嘻)不過有一樣嘢真係點都著唔返!係咩?HONEY…幾時又去過泰國入貨呀得啦得啦唔好初見柱光沾沾自喜呀麻因為距離你100分女友哩個目標仲有好好大段距離呀麻係唔係?! OK 收到晒!p*0*q 我會繼續努力向住95努力架!(其實係向住你請我去日本哩個目標努力就真呵呵 ) -- 你食住MONICA等我啦!

不過你笑人!>.< 我同你講當我整哩本相簿時候先發現原來我成日都幫仔仔影相仲影左好多添!你咩都無答我淨係喺度笑!其實你係笑我真係咁傻定係你都覺得好開心呢?因為原來哩個世界真係有個咁傻嘅女仔架喎...仲要已經係你身邊添!真係可喜可賀!

今晚臨我地仲做左個好攪笑動作攪咩呀?點解我會係度點有幾多存貨你估我地可唔可以打破記錄係一個月裡面用晒所有存貨呀啦?好!哩個就定為係我地九月大計啦!哈哈!開心死!(仍然好懷念你為我收剪0既後花園!簡直係一個壯舉呀!)

  : 爸爸今日好辛苦咁背住好重好重0既架餐去左影相呀!...不過佢嘅辛苦一啲都無白費嘅^^因為真係好靚架!比啲你哋睇下啦!

 係唔係好型呢!! ..... 我老豆! 嘻嘻 ^^

Saturday 16th September 2006 11:55:53 AM
[ 0 messages] 
Love, Friendship

延續住昨天的幸福與滿足...今日做0既, 睇0既, 聽0既...就連吸一口氣, 飲一啖水...都係既香且甜!...連星期六要一早起身返工...都變成一件樂事!

由下星期起...我個傻佬0既例假會由星期五變做星期三lu...敝!咁佢下星期點做泰國團友果個Job呢?? 最攪笑..當我打去比泰國團友...我都未開口...佢竟然先同我講要改期,仲係要改係傻佬放假果日!! 世上竟然真係有咁巧合0既事...令我覺得哩個世上...真係有天意哩回事!好多0野都係上天早有安排...我好慶幸, 上天安排左一個咁好0既傻佬係我身邊! 我一定會好好咁珍惜!! 仲有呀...好多謝傻佬你每一日都為我送上珍貴的禮物!! 

呀係..有樣好重要0既0野一定要記低!!(唔記得...呀衰佬話下次就唔比家用我woo!!T.T) -- 傻佬話下次要去烏溪沙影相...仲有要試多D唔同0既角度影同一樣0既0野...仲有仲有...下次要留意ISO0既調較呀!!^^

TO 我最愛0既傻佬--棟哩

好開心...今日見返我果個越戰越勇0既傻佬!! 我同仔仔都會因為有你哩個咁有鬥志同信心0既老公同爸爸而自豪!! ^_^

PS: 你今日比左D相我睇...話你一直都好想影到果一類0既相片...其實有D...你一早就已經影到啦!! 係真架! 你未發覺..只係因為你以家仲好似一壺新酒一樣...隨住時間...我好有信心你一定會變成一壺又香又純0既美酒!

Friday 15th September 2006 11:55:05 PM
這就是幸福了...[ 0 messages] 
Love, Friendship

今日好開心唔係係超開心先岩!因為好耐無試過咁開心又甜蜜而且好滿足好滿足!嘻嘻因為有個人為左要tum我哩個傻婆開心,專登收輯左佢私家後花園!係呀就係為左我一個人效果係點?唔洗講就更係一個字--GOOD呀!令我不得不影相留念!而且令我開心到唔記得左好多之前話過要做事!(唔得!下次煮飯要做返晒先得嘻嘻!)

**PS…傻佬係煮滾左4唔係3次呀!

傻佬多謝你!多謝你為我所花心思、所做!我相信唔會再有其他東西比你擁抱住我時刻更加美好、更加溫暖!雖然我哋喺埋一齊都已有一段日子,不過每次你主動拖我,又或者當你抱住我肥腰保護我(又或者係鹹濕我),定係你臨別輕輕吻向我的額頭小小嘅動作,都仍可以為我帶嚟心跳嘅感覺(傻佬睇到哩度,一定會講一句…”傻妹)

~有呢...我發現你近來主動拖我比起岩岩開始一齊時還要多呢好開心!

話你知呀傻佬!今日臨走嘅時候其實我一D都唔係遲鈍我扮傻、扮聽唔到,都只係想你再一次肯定你自己對我無用錯稱呼咋!其實當你第一次講嘅時候,我早就已經個心到笑左出嚟啦係你唔發覺咋麻傻豬!-- 更何況你個衰佬呀!我仔都同你生埋啦你仲想走?不過咁我唯一估唔到係,一向對感情事含蓄你,會果個時間對我講哩番話!仲記唔記得當你再一次好肯定咁稱呼你自己係我老公然後笑住咁責備我真係好遲鈍嘅時候我立刻跳到你身後好大力咁抱住你,用你身體重重咁壓住我自己?因為只有咁做,我先可以將我本來要流出嘅眼淚壓回下去!再加上你輕輕的一句傻妹”…係果一刻,所有嘅事我都不再在乎了!

回到家後你對我講…”我沖涼果時有種感覺其實你都幾鍚我呀傻瓜!如果我連自己老公都唔錫仲會錫邊個呀豬頭!但最不幸我就係偏偏愛上了你哩個豬頭大傻瓜

今晚我真係帶住笑容,感受住你留係我身上嘅餘溫抱住我哋嘅甜甜地入睡了!

我要幸福只不過如是….

傻佬!

我愛你!

永遠都會只做你一個人嘅傻婆!

  

甜蜜蜜消夜

要補充返D蛋白質先!

家陣我要左你好多蛋白質咩!

 點解無我份架?!

Thursday 14th September 2006 11:55:05 PM
終於有我地個家啦![ 0 messages] 
Love, Friendship

究竟哩個獅子家族有咩成員呢?

當然係有...

...才華揚溢0既爸爸

可愛貼心0既媽媽...

...當然仲有我哩個精靈活潑0既仔仔啦!!

想知多D我地哩個家庭發生0既事!咁你就要多D0黎我地哩個家參觀下啦!!

*PS: 傻媽咪今日唔知係唔係痴左?! 同完老豆去街返0黎...就一直笑到以家!...死啦....媽咪會唔會醫唔好架>.<

0.0751488208771
General(1)
Love, Friendship(8)

嘅