« March 2024 »
MoTuWeThFrSaSu
 123
45678910
11121314151617
18192021222324
25262728293031
Friday 16th March 2007 01:41:48 PM
Day 五[ 0 messages] 
Travel

最後一日,下午三點要到機場,上午去左皇宮好大風冬到死!睇兩眼好快咁就出左去銀座,女性們要作用最後努力喇!我冇行公司自已走左去銀座啲後街到搵定午飯食乜,都冇咩睇食野既地方多有啲和服店咁啦,搵到間定食既唔係太貴千二至千八日圓到 ok 啦。
去到機場搞左個幾鐘頭先將啲野寄到倉慢!番香港囉!

後記.....
今次本身自已病左冇諗住會好玩 ka,可能係個導遊好掂!安排得好好又食得好!佢連啲手信都幫我地入好箱寄埋倉冇煩惱!再一次多謝佢!

( 佢就係"東X遊"既 Sylvia 喇 )

Thursday 15th March 2007 11:55:40 PM
Day 四[ 0 messages] 
Travel

落雨!落雨!落雨!
討厭!今日仲係去迪迪尼 tim!諗住可以玩得好開心啲!上次得我同老婆黎都好好玩今次仲帶多個十幾歲既人仔黎,掃興!重要呢個迪迪尼啲去水系統其差!一入場以經踩到幾個水氹成腳濕晒!好多遊戲都冇開巡遊、煙花都取消.........,玩左幾個遊戲呀 VAN 都冇跟住我地,跟左個姐姐去同卡通人物影相,估唔到機付比佢地影晒咁滯!
三點零鐘以經離開去搭列車行商場,去到商場比我發現到個花園有櫻花開左!問過商場啲人話係櫻花其中一個品種 ( 不過聽唔明係邊種^^" ) 仲話我地好好彩!今年早開比我地見到!我當然唔放過!影相啦梗係!影完相行左陣買左我黎日本第一樣既野!就係三對襪!好唔舒服呀濕到隻腳頂唔住!

夜晚番到酒店去導遊到攞長腳蟹,係前晚幫我地訂係北海道宅急便過黎,不得不服日本人啲包裝,細心體貼!打開個盒以經有齊你需要既工具,原來公仔麵+長腳蟹係超正!咁就係酒店房享受我地豐富影晚餐!

夜左啲天色轉晴,好美麗既東京市夜色,不其然又攞左部相機出黎直至零晨............

Friday 09th March 2007 08:11:40 PM
Day 衫[ 0 messages] 
Travel

依然好天間房見到富士山,又係睇住日出好美妙!今日滑雪同 d 團友玩得好開心!我負責幫佢地影下相,臨走上到車落雪(正確講應該係落冰粒,好似粗鹽咁大粒)!成班小朋友係到呱呱嘈好鬼開心!


午飯係前晚訂左食魚生,我只係可以食烏冬咋.......慘慘!兩個女人仔食到個龍蝦頭都唔放過!食完個飯以經鳥天黑地嘜變得咁快!

跟住去左個花場........咁都比佢兩個發現有野買!就係我未食個咁甜既士多啤利!


接住出去歌舞伎町附近行下街買下野,晚飯又係食好野!燒和牛!都忍唔住食左幾o舊!


今晚去迪士尼入面d酒店住兩晚,間房好大呀!我間隔個海對正東京市中心!好靚呀!

Tuesday 06th March 2007 08:12:14 PM
Day 吐[ 0 messages] 
Travel

第二日好早起左身係酒店房到睇日出可能前日訓得太多 ^^",今日冇落雨有煙霞同有雲慢慢睇住個太陽升起,好舒服係香港真係好難咁優閒,雲同煙霞漸漸散開天色開始明朗!見到天氣好轉左即刻準備好相機去食早餐囉!

日式早餐o岩晒我病後食!好耐未試過食飯做早餐,特然想起呀太太婆!我小學時佢朝朝都煲飯比我地幾兄弟食感覺好溫暖!
隨後去到蘆之湖坐賊船。

嘩!不得了去到個天靚到丫!又冇風波平如鏡!即捉住呀 VAN 同老婆狂影啦!影到俾佢地話我煩 >.<!車!唔比我影我咪影風景囉!跟住例牌平和公園再到富士急,好驚呀係富士急完全冇玩怕怕。

夜晚到間溫泉酒店晚飯,估佢唔到餐晚飯好得!又係日式跟住重有節目打太鼓,哈哈!原來呀 VAN 真係冇咩音樂細胞 d 節奏感勁差!唔怪知得音樂會攞 C .............cccc 好快又過左愉快的一日!

Sunday 04th March 2007 05:43:08 PM
第一日[ 0 messages] 
Travel

係飛機上面迷迷糊糊記得食左個包跟住食完藥又訓過.................落機精神小小行左陣上車去第一個景點,到彩虹橋以經天黑又落雨係咁意影幾張相入左商場行不過唔見左呀 VAN 同老婆,佢地以經飛身去左 Shopping!
其實十幾年前都黎過東京感覺分別唔係好大 d 商場好似差唔多樣咁,個身暖番 d 又行出海邊吹下風舒服好多!室內 d 暖氣好難頂!成十幾度都唔知做嘜開暖氣Side電!食完晚飯隨後番酒店,估唔到三個人有兩間房!起身唔洗爭洗手間用正!咁就一日囉。

Monday 26th February 2007 05:57:42 PM
過年[ 0 messages] 
Travel

初三跟團去東京玩五日,但係初一晚開始肚痛!慘!初二零晨三點幾自已爬左去養和睇醫生吉左一針!好左個零鐘又痛過d藥完全冇效!冇停過痛去下午七點幾沖完個涼出黎痛到標冷汗!諗住去唔到以經問定保險點搞,等老婆同呀 VAN 自已兩個去,老婆見到我咁身苦捉我再去睇又吉多枝針>.

0.030739068985
General(38)
Art, Photography(9)
Computer(2)
Love, Friendship(2)
Travel(6)

Day 鈭Day 銵Day 蝚砌